ព័ត៌មានក្នុងខេត្ត

ពោធិ៍សាត់៖ ស្របតាមការណែនាំរបស់ ឯកឧត្តម កែវ រតនៈ, ឯកឧត្តមបណ្ឌិត ប្រាំង ជលសា ប្រធានក្រុមការងារចុះជួយស្រុកក្រគរ និងស្រុកកណ្តៀង បានឧបត្ថម្ភ និងនាំយកកូនឈើហូបផ្លែចំនួន ២,៧៨៧ដើម ចែកជូនប្រជាពលរដ្ឋក្នុងឃុំកញ្ជរ យកទៅដាំដុះតាមខ្នងផ្ទះ។ សូមបញ្ជាក់ថា នេះជាលើកទី៣ហើយ ដែលក្រុមការងារបានចុះចែកកូនឈើជូនពលរដ្ឋ ដោយសរុបទាំង៣លើក មានចំនួនជិត ៨,០០០ដើម ក្នុងគោលបំណងរួមចំណែកបង្កើតគម្របបៃតង សម្រស់បរិស្ថាន និងជួយជម្រុញសេដ្ឋកិច្ចគ្រួសាររបស់ប្រជាពលរដ្ឋក្នុងមូលដ្ឋាន៕

ពោធិ៍សាត់៖ កិច្ចប្រជុំពិភាក្សាអំពីនីតិវិធី និងគោលការណ៍ ក្នុងការជ្រើសរើសបេក្ខភាពឈរឈ្មោះបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧ នាថ្ងៃសៅរ៍ ទី១៨ ខែកក្កដា ឆ្នាំ២០២៦ នេះ នៅទីស្នាក់ការគណបក្សស្រុកភ្នំក្រវាញ។ កិច្ចប្រជុំនេះ ដឹកនាំដោយ ឯកឧត្តម យឹម វិសិដ្ឋ ប្រធានក្រុមការងារគណបក្សចុះមូលដ្ឋានស្រុកភ្នំក្រវាញ ដោយមានការអញ្ជើញចូលរួមពី ឯកឧត្តមអនុប្រធានក្រុមការងារគណបក្សទទួលបន្ទុកតាមឃុំនីមួយៗ លោកប្រធានគណបក្សស្រុក ព្រមទាំងសហការីជាច្រើនរូប។ ការរៀបចំកិច្ចប្រជុំនេះ ធ្វើឡើងក្នុងគោលបំណងធានាឱ្យដំណើរការជ្រើសរើសបេក្ខភាពក្រុមប្រឹក្សាឃុំ សង្កាត់ ខាងមុខនេះ ប្រព្រឹត្តទៅស្របតាមនីតិវិធី គោលការណ៍ណែនាំរបស់គណបក្ស និងមានតម្លាភាព សំដៅជ្រើសរើសបានបេក្ខជនដែលមានសមត្ថភាព និងប្រជាប្រិយភាព ក្នុងការបន្តបម្រើប្រជាពលរដ្ឋនៅតាមមូលដ្ឋាន៕

ពោធិ៍សាត់៖ នារសៀលថ្ងៃទី១៨ ខែកក្កដា ឆ្នាំ២០២៦ គ្រួសារបក្សមូលដ្ឋានអនុវិទ្យាល័យពោធិ៍សាត់ ចុះជួយសង្កាត់ព្រៃញី បានរៀបចំបើកកិច្ចប្រជុំប្រចាំខែ ដើម្បីបូកសរុបលទ្ធផលការងារដែលសម្រេចបាន និងលើកទិសដៅការងារសម្រាប់អនុវត្តបន្ត។ កិច្ចប្រជុំនេះ ធ្វើឡើងក្នុងគោលបំណងពិនិត្យ វាយតម្លៃលើសកម្មភាពការងារកន្លងមក សំដៅពង្រឹងសាមគ្គីភាពផ្ទៃក្នុង និងដាក់ចេញនូវផែនការសកម្មភាពថ្មីៗ ឱ្យកាន់តែមានប្រសិទ្ធភាព ក្នុងការចូលរួមចំណែកអភិវឌ្ឍន៍មូលដ្ឋាន និងបម្រើប្រជាពលរដ្ឋនៅក្នុងសង្កាត់ព្រៃញី ឱ្យកាន់តែប្រសើរឡើង៕

ពោធិ៍សាត់៖ លោក ឆាយ គឹមម៉ុង ប្រធានគណៈកម្មាធិការគណបក្សស្រុកបាកាន បានអញ្ជើញជាអធិបតីក្នុងពិធីសំណេះសំណាល និងផ្សព្វផ្សាយសេចក្ដីជូនដំណឹង ស្ដីពីការជ្រើសរើសបេក្ខភាពសមាជិកក្រុមប្រឹក្សាឃុំ អាណត្តិទី៦ ឆ្នាំ២០២៧ នាថ្ងៃទី១៨ ខែកក្កដា ឆ្នាំ២០២៦ ។ ពិធីនេះត្រូវបានរៀបចំឡើងនៅទីស្នាក់ការគណបក្សប្រជាជនកម្ពុជាឃុំមេទឹក និងឃុំខ្នារទទឹង ដោយមានការចូលរួមពីសំណាក់ថ្នាក់ដឹកនាំបក្សមូលដ្ឋាន ក្រុមការងារចុះជួយឃុំ និងសមាជិក-សមាជិកាបក្សជាច្រើនរូប។ ការផ្សព្វផ្សាយនេះ ធ្វើឡើងក្នុងគោលបំណងត្រៀមលក្ខណៈជាមុន និងជ្រើសរើសបេក្ខភាពប្រកបដោយសមត្ថភាព គុណធម៌ ដើម្បីបន្តដឹកនាំ និងបំរើប្រជាពលរដ្ឋនៅតាមមូលដ្ឋាន សម្រាប់អាណត្តិថ្មីខាងមុខឱ្យកាន់តែមានប្រសិទ្ធភាព៕

ពោធិ៍សាត់៖ ៦ ក្រុមការងារចុះជួយឃុំស្វាយលួង បានចុះពិនិត្យទីតាំងជាក់ស្តែង ដើម្បីរៀបចំដំឡើងស្លាកគណបក្សប្រជាជនកម្ពុជា ព្រមទាំងរៀបចំប្រព័ន្ធអំពូលភ្លើងបំភ្លឺផ្លូវ ដើរដោយថាមពលព្រះអាទិត្យ (Solar) នៅត្រង់ចំណុចផ្លូវប្រសព្វសំខាន់ៗក្នុងឃុំ នាព្រឹកថ្ងៃទី១៨ ខែកក្កដា ឆ្នាំ២០២។ សកម្មភាពអភិវឌ្ឍន៍មូលដ្ឋាននេះ ធ្វើឡើងក្នុងគោលបំណងលើកកម្ពស់សោភ័ណភាព និងសណ្តាប់ធ្នាប់ ព្រមទាំងជួយបង្កើនសុវត្ថិភាព កាត់បន្ថយគ្រោះថ្នាក់នានា និងផ្តល់ភាពងាយស្រួលដល់បងប្អូនប្រជាពលរដ្ឋក្នុងការធ្វើដំណើរទៅមកនាពេលរាត្រី៕

ខេត្តពោធិ៍សាត់៖ នាថ្ងៃសៅរ៍ ទី១៨ ខែកក្កដា ឆ្នាំ២០២៦ ក្រុមការងាររបស់មន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ខេត្តពោធិ៍សាត់ ដែលជាក្រុមការងារចុះជួយមូលដ្ឋានសង្កាត់ព្រៃញី បានចុះអនុវត្តសកម្មភាពការងារយ៉ាងសកម្មក្នុងការធ្វើបច្ចុប្បន្នភាពទិន្នន័យអត្តសញ្ញាណបណ្ណតាមក្រុមបក្ស។ សកម្មភាពចុះមូលដ្ឋាននាពេលនេះ ក៏មានការអញ្ជើញចូលរួមសហការយ៉ាងជិតស្និទ្ធពីសំណាក់សមាជិកក្រុមប្រឹក្សាសង្កាត់ព្រៃញី និងលោកអនុប្រធានមេភូមិ ដើម្បីសម្របសម្រួល និងជំរុញឱ្យការប្រមូលទិន្នន័យ ក៏ដូចជាការផ្ទៀងផ្ទាត់ឯកសារអត្តសញ្ញាណរបស់បងប្អូនសមាជិកតាមក្រុមបក្សនីមួយៗ ប្រព្រឹត្តទៅបានយ៉ាងត្រឹមត្រូវ ច្បាស់លាស់ និងមានប្រសិទ្ធភាពខ្ពស់៕

ឯកឧត្តម យឹម វិសិដ្ឋ ប្រធានអាជ្ញាធរអគ្គិសនីកម្ពុជា និងជាប្រធានក្រុមការងាររាជរដ្ឋាភិបាលចុះជួយមូលដ្ឋានស្រុកភ្នំក្រវាញ បានអញ្ជើញចុះជួបសំណេះសំណាល សួរសុខទុក្ខ និងនាំយកអំណោយដ៏ថ្លៃថ្លារបស់ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល និងជាប្រធានក្រុមការងាររាជរដ្ឋាភិបាលចុះជួយមូលដ្ឋានខេត្តពោធិ៍សាត់ ជូនដល់វីរកងទ័ពការពារបូរណភាពទឹកដីនៅសមរភូមិជួរមុខ និងគ្រួសារកងទ័ពនៃវរសេនាតូចអន្តរាគមន៍លេខ១៤២ ចំនួន ១៥០គ្រួសារ។ ពិធីនេះក៏មានការចូលរួមពី ឯកឧត្តម ផង់ សារិន ប្រធានក្រុមការងារចុះជួយឃុំព្រងិល និងអាជ្ញាធរមូលដ្ឋានផងដែរ។

ពោធិ៍សាត់៖ លោក ពៅ ពិសិដ្ឋ ប្រធានក្រុមការងារគណបក្សចុះមូលដ្ឋានសង្កាត់ផ្ទះព្រៃ បានដឹកនាំក្រុមការងារ អមដំណើរដោយលោក ប៊ូ ប៊ុនថន នាយកវិទ្យាល័យទាចំរ៉ាត់ លោកគ្រូ-អ្នកគ្រូ ព្រមទាំងប្រធាន អនុប្រធានគណបក្សសង្កាត់ និងសមាជិកសាខាបក្សភូមិសំពៅមាស ចុះសំណេះសំណាល និងសួរសុខទុក្ខសមាជិកគណបក្សដែលមានជំងឺ និងជីវភាពខ្វះខាតក្នុងមូលដ្ឋាន នារសៀលថ្ងៃអង្គារ ទី១៤ ខែកក្កដា ឆ្នាំ២០២៦។ នៅក្នុងឱកាសនោះ ក្រុមការងារបាននាំយកគ្រឿងឧបភោគបរិភោគ និងថវិកាផ្តល់ជូនបងប្អូនសមាជិកបក្ស ដោយក្នុងមួយគ្រួសារទទួលបាន អង្ករ ១០ គីឡូក្រាម និងថវិកា ២ ម៉ឺនរៀល។ ជាមួយគ្នានោះដែរ លោកប្រធានក្រុមការងារ ក៏បានបន្តដំណើរចុះសួរសុខទុក្ខ លោកស្រី ឃឹម ហៀត សមាជិកបក្សរស់នៅភូមិរ៉ា ព្រមទាំងបានឧបត្ថម្ភថវិកាមួយចំនួនបន្ថែមទៀត សម្រាប់ជួយសម្រួលដល់ការព្យាបាលជំងឺរបស់គាត់ផងដែរ។ សកម្មភាពនេះបានស្តែងឱ្យឃើញពីការយកចិត្តទុកដាក់ និងការគិតគូរខ្ពស់ចំពោះសុខទុក្ខ និងជីវភាពរស់នៅរបស់សមាជិកគណបក្សនៅតាមមូលដ្ឋាន ដោយមិនបោះបង់ចោលនរណាម្នាក់ឡើយ៕

យុវជនដើម្បីបុព្វហេតុជាតិ មាតុភូមិ និងប្រជាជនកម្ពុជា ត្រូវបន្តថែរក្សាកេរ្តិ៍មរតកនៃថ្ងៃជ័យជម្នះ ៧ មករា ដើរតាមគន្លងវីរភាពដ៏អង់អាចរបស់ឥស្សរជនជំនាន់មុន និងខិតខំបង្កើនចំណេះដឹង អភិវឌ្ឍសមត្ថភាព ជាពិសេសក្នុងវិស័យវិទ្យាសាស្ត្រ និងបច្ចេកវិទ្យា។ ទន្ទឹមនឹងនេះ យុវជនត្រូវរួមចំណែកថែរក្សាសន្តិភាព ពង្រឹងស្មារតីសាមគ្គីជាតិ និងសហការគ្នាជាធ្លុងមួយ ដើម្បីចូលរួមកសាងប្រទេសកម្ពុជាឱ្យមានភាពរឹងមាំ រីកចម្រើន ប្រកួតប្រជែងបាន និងលើកកម្ពស់គុណភាពជីវិតប្រជាពលរដ្ឋ ឱ្យកាន់តែប្រសើរឡើងជាបន្តបន្ទាប់ បើធៀបនឹងបណ្តាប្រទេសក្នុងតំបន់៕

ពោធិ៍សាត់៖ លោក ហេង សុភាណា អភិបាលរងខេត្ត និងជាប្រធានក្រុមការងារគណបក្សប្រជាជនកម្ពុជា ចុះជួយមូលដ្ឋានសង្កាត់លលកស រួមជាមួយលោក លាង ទិតដ្ឋាន ប្រធានមន្ទីរព័ត៌មាន និងជាប្រធានក្រុមការងារគណបក្សចុះជួយមូលដ្ឋានភូមិជំរុំសៀម ព្រមទាំងសហការី បានអញ្ជើញចុះសំណេះសំណាល និងសួរសុខទុក្ខបងប្អូនប្រជាពលរដ្ឋនៅក្នុងមូលដ្ឋានផ្ទាល់ នាព្រឹកថ្ងៃទី១២ ខែកក្កដា ឆ្នាំ២០២៦។ ការចុះជួបសំណេះសំណាលនេះ គឺជាការបង្ហាញពីការយកចិត្តទុកដាក់ខ្ពស់របស់ថ្នាក់ដឹកនាំ ចំពោះជីវភាពរស់នៅ និងសុខទុក្ខរបស់ប្រជាពលរដ្ឋនៅតាមមូលដ្ឋាន ដើម្បីស្វែងយល់ពីសុខទុក្ខជាក់ស្តែង និងពង្រឹងភាពជិតស្និទ្ធរវាងអាជ្ញាធរជាមួយប្រជាពលរដ្ឋ។ នៅក្នុងឱកាសដ៏មានអត្ថន័យនោះ ថ្នាក់ដឹកនាំ និងក្រុមការងារក៏បាននាំយកនូវវត្ថុអនុស្សាវរីយ៍បន្តិចបន្តួចជាកាដូកំដរដៃ ចែកជូនដល់បងប្អូនប្រជាពលរដ្ឋយើង ដោយក្នុងមួយគ្រួសារទទួលបាន៖ សារ៉ុង ចំនួន ១ សាប៊ូ ចំនួន ១ កញ្ចប់ (ថង់) និងប្រជាការពារទទួលបានអាយកូមសម្រាប់បំរើការងារក្នុងភូមិផងដែរ៕

ពោធិ៍សាត់៖ ឯកឧត្តមបណ្ឌិត ជ្រុន ថេរ៉ាវ៉ាត តំណាងដ៏ខ្ពង់ខ្ពស់សម្តេចបវរធិបតី ហ៊ុន ម៉ាណែត បានអញ្ជើញជាអធិបតីក្នុងពិធីជួបសំណេះសំណាល និងបើកវេទិកាពិភាក្សាជាមួយសមាជិក សមាជិកាយុវជនគណបក្សខេត្តពោធិ៍សាត់ ប្រមាណ ១,៣០០នាក់ នាថ្ងៃទី១១ ខែកក្កដា ឆ្នាំ២០២៦ នៅទីស្នាក់ការគណបក្សប្រជាជនកម្ពុជាខេត្តពោធិ៍សាត់។ ពិធីនេះក៏មានការចូលរួមពី ឯកឧត្តម ខូយ រីដា ប្រធានគណៈកម្មាធិការគណបក្សខេត្ត ព្រមទាំងថ្នាក់ដឹកនាំយុវជនគណបក្សថ្នាក់កណ្តាល និងគ្រប់ជាន់ថ្នាក់ទូទាំងខេត្តពោធិ៍សាត់។ គួរបញ្ជាក់ថា នេះជាលើកទី៣ ហើយដែលវេទិកាសំណេះសំណាល និងពិភាក្សានេះត្រូវបានរៀបចំឡើង ដោយបន្តបទពិសោធន៍តាំងពីសម័យកាលដែលសម្តេចបវរធិបតី ហ៊ុន ម៉ាណែត មិនទាន់ជានាយករដ្ឋមន្ត្រី ដែលនេះស្តែងឱ្យឃើញពីការយកចិត្តទុកដាក់ខ្ពស់ និងជាប់ជាប្រចាំរបស់សម្តេចចំពោះការងារយុវជន៕

ពោធិ៍សាត់៖ នាពេលថ្មីៗនេះ ក្រុមការងារឃុំស្វាយលួង បានចុះបំពេញបេសកកម្មយ៉ាងសកម្មនៅក្នុងមូលដ្ឋាន ដើម្បីជំរុញការអភិវឌ្ឍជុំវិញវិស័យសំខាន់ៗចំនួន ៣ រួមមាន៖ ក្រុមការងារបានចុះចែកកូនឈើហូបផ្លែផ្ទាល់តាមខ្នងផ្ទះជូនប្រជាពលរដ្ឋយកទៅដាំដុះ ដើម្បីជួយបង្កើនប្រភពចំណូល បរិភោគក្នុងគ្រួសារ និងរួមគ្នាលើកកម្ពស់ស្មារតីបង្កើត សហគមន៍បៃតង, ក្រុមការងារបានចុះសួរសុខទុក្ខគ្រួសារដែលមានជីវភាពខ្វះខាត ព្រមទាំងបាននាំយកអំណោយជាអង្ករ ចែកជូនដល់ប្រជាពលរដ្ឋដែលកំពុងជួបការលំបាក ដើម្បីជួយសម្រាលបន្ទុកជីវភាពបានមួយកម្រិត និង ក្រុមការងារក៏បានចុះពិនិត្យដោយផ្ទាល់លើវឌ្ឍនភាពនៃការងារស្ថាបនាផ្លូវកៅស៊ូនៅក្នុងឃុំ ដើម្បីធានាឱ្យបាននូវគុណភាពស្របតាមស្តង់ដារ សម្រាប់បម្រើដល់ការធ្វើដំណើរ និងការដឹកជញ្ជូនរបស់ប្រជាពលរដ្ឋ។ សកម្មភាពប្រកបដោយមនសិការការងារខ្ពស់នេះ ទទួលបានការត្រេកអរ និងគាំទ្រយ៉ាងខ្លាំងពីសំណាក់ប្រជាពលរដ្ឋក្នុងឃុំស្វាយលួងទាំងមូល៕