ព័ត៌មានក្នុងខេត្ត

ពោធិ៍សាត់៖ លោក ងួន ប៉ោសេង អភិបាលរងខេត្ត តំណាង ឯកឧត្តម ខូយ រីដា អភិបាល នៃគណៈអភិបាលខេត្តពោធិ៍សាត់ បានដឹកនាំក្រុមការងារ រួមមាន លោក-លោកស្រី ប្រធានមន្ទីរពាក់ព័ន្ធ និងអាជ្ញាធរមូលដ្ឋាន ចុះពិនិត្យស្ថានភាពជាក់ស្តែង និងដឹកនាំការងារអន្តរាគមន៍ទឹកជូនប្រជាកសិករ នារសៀលថ្ងៃទី២ ខែសីហា ឆ្នាំ២០២៦។ ប្រតិបត្តិការចុះអន្តរាគមន៍ភ្លាមៗនេះ ធ្វើឡើងដើម្បីជួយសង្គ្រោះផលដំណាំ និងដោះស្រាយបញ្ហាកង្វះខាតទឹកស្រោចស្រពជូនប្រជាកសិករនៅក្នុងឃុំអូរតាប៉ោង ស្រុកបាកាន ខេត្តពោធិ៍សាត់ ដែលកំពុងរងគ្រោះដោយសារបញ្ហាក្តៅរាំងស្ងួត៕

ឯកឧត្តម ខូយ រីដា អភិបាលខេត្តពោធិ៍សាត់ បានដឹកនាំក្រុមការងារចុះពិនិត្យ និងអន្តរាគមន៍បន្ទាន់លើប្រព័ន្ធប្រឡាយទឹកក្នុងស្រុកបាកាន ដើម្បីបែងចែកទឹកស្រោចស្រពសង្គ្រោះស្រូវស្រែប្រជាកសិករដែលកំពុងប្រឈមនឹងការខ្វះខាតទឹក ឱ្យបានទាន់ពេលវេលា និងកាត់បន្ថយការខូចខាតផលដំណាំ។

ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ បានចុះពិនិត្យស្ថានភាពស្រែប្រជាកសិករនៅស្រុកបាកាន និង បញ្ជាឱ្យមន្ទីរធនធានទឹកបញ្ចេញម៉ាស៊ីនបូមទឹកបន្ទាន់ ដើម្បីសង្គ្រោះដំណាំស្រូវដែលកំពុងប្រឈមនឹងការខ្វះខាតទឹក នាថ្ងៃទី០១ ខែសីហា ឆ្នាំ២០២៦។

ឯកឧត្តម ហេង សុខគង់ និងលោក សំ ណារិទ្ធដឹកនាំសហភាពសហព័ន្ធយុវជនកម្ពុជាខេត្តពោធិ៍សាត់ នាំយកទៀនព្រះវស្សា និងទេយ្យទាន ប្រគេនដល់ព្រះសង្ឃវត្តគិរីបរវង្ស និងឧទ្ទិសកុសលជូនវីរយុទ្ធជនការពារជាតិ ។

ឯកឧត្តម ខូយ រីដា អភិបាលខេត្តពោធិ៍សាត់ បានបើកយុទ្ធនាការចលនាមន្ត្រីរាជការ និងកងកម្លាំង ចាក់ប៉េតុងបំពេញគំហុក និងបំបាត់សំបុកមាន់ លើកំណាត់ផ្លូវកៅស៊ូខូចខាតនៅស្រុកតាលោសែនជ័យ ដើម្បីសម្រួលការធ្វើដំណើររបស់ប្រជាពលរដ្ឋ។ ឯកឧត្តមអភិបាលខេត្តបានក្រើនរំលឹកដល់អាជ្ញាធរគ្រប់លំដាប់ថ្នាក់ ឱ្យយកចិត្តទុកដាក់ថែទាំផ្លូវថ្នល់ជាប្រចាំ និងអំពាវនាវដល់ប្រជាពលរដ្ឋចូលរួមថែរក្សាសម្បត្តិសាធារណៈដោយស្មារតីម្ចាស់ការ។

រសៀលថ្ងៃទី៣១ ខែកក្កដា ឆ្នាំ២០២៦ នៅវិទ្យាល័យពោធិ៍សាត់ មន្ទីរអប់រំ និងរដ្ឋបាលខេត្ត បានរៀបចំពិធីផ្សព្វផ្សាយ ព្រះរាជក្រឹត្យស្តីពីលក្ខន្តិកៈនៃអង្គគ្រូបង្រៀន ក្រោមអធិបតីភាពឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ និងមានអ្នកចូលរួមជាង ៥០០នាក់។ ពិធីនេះរៀបចំឡើងដើម្បីឆ្លើយតបនឹងការកែទម្រង់ស៊ីជម្រៅលើវិស័យអប់រំ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់ស្ថាប័នពាក់ព័ន្ធ ។

ថ្នាក់ដឹកនាំ និងគ្រូបង្រៀនជាង ៥០០ នាក់ នៅខេត្តពោធិ៍សាត់ បានចូលរួមពិធីផ្សព្វផ្សាយព្រះរាជក្រឹត្យស្តីពីលក្ខន្តិកៈនៃអង្គគ្រូបង្រៀន ក្រោមអធិបតីភាព ឯកឧត្តម ខូយ រីដា អភិបាលខេត្ត។

ឯកឧត្តម ខូយ រីដា អភិបាលខេត្តពោធិ៍សាត់ បានដឹកនាំយុទ្ធនាការជួសជុល និងថែទាំផ្លូវជនបទ ដោយចាក់បេតុងបំពេញគំហុក និងបំបាត់សំបុកមាន់ លើកំណាត់ផ្លូវពីផ្សារបត់រំដួលទៅបឹងព្រះពន្លាជ័យ ក្នុងស្រុកតាលោសែនជ័យ ដើម្បីសម្រួលការធ្វើដំណើររបស់ប្រជាពលរដ្ឋ។

វិវាទដីធ្លីរវាងគ្រួសារកងទ័ព និងដីរដ្ឋក្នុងក្រុងពោធិ៍សាត់ ដែលប៉ះពាល់ដល់ការអភិវឌ្ឍន៍ក្រុង ត្រូវបានដោះស្រាយបញ្ចប់ដោយជោគជ័យ ក្រោមយន្តការ ឈ្នះ ឈ្នះ តាមរយៈការដោះដូរយ៉ាងសមប្រកប។ កិច្ចសម្របសម្រួលនេះ ដឹកនាំដោយ ឯកឧត្តម ខូយ រីដា អភិបាលខេត្តពោធិ៍សាត់ នារសៀលថ្ងៃទី៣០ ខែកក្កដា ឆ្នាំ២០២៦ នៅសាលប្រជុំសាលាខេត្ត ។

អភិបាលខេត្តពោធិ៍សាត់បានជូនដំណឹងថា មានទឹកគ្រប់គ្រាន់សម្រាប់សង្គ្រោះដំណាំស្រូវរដូវវស្សា។ ចំពោះស្រូវដែលខូចខាតទាំងស្រុង ប្រជាពលរដ្ឋត្រូវសហការជាមួយអាជ្ញាធរ និងមន្ត្រីជំនាញ ដើម្បីវាយតម្លៃការខូចខាត និងស្នើសុំស្រូវពូជពីរាជរដ្ឋាភិបាល សម្រាប់ស្តារការដាំដុះឡើងវិញឱ្យបានទាន់ពេល។

អាជ្ញាធរបានបើកទ្វារទឹកទំនប់ដំណាក់អំពិលទម្លាក់ទៅស្រុកកណ្តៀង និងក្រុងពោធិ៍សាត់ ខណៈ ស្រុកបាកាន ត្រូវទទួលបាអាទិភាពខ្ពស់ក្នុងការបញ្ជូនទឹកទៅកាន់តំបន់ខ្វះខាត ។ មន្ទីរជំនាញក៏បានអំពាវនាវដល់កសិករទាំងអស់ ឱ្យប្រើប្រាស់ទឹកដោយ សន្សំសំចៃ យោគយល់ និងចែករំលេកគ្នាដោយសមធម៌។

ឯកឧត្តមបានបញ្ជាក់ថា រាល់ការខូចខាតទាំងស្រុងសូមសហការជាមួយអាជ្ញាធរដើម្បីស្នើសុំស្រូវពូជពីរាជរដ្ឋាភិបាលដើម្បីបង្កបង្កើនស្តាឡើងវិញ ។