ព័ត៌មានក្នុងខេត្ត

ឯកឧត្តម ខូយ រីដា បានអញ្ជើញជាអធិបតីក្នុងពិធីបិទវគ្គអប់រំនយោបាយរបស់គណបក្ស កម្រិត១ ជំនាន់ទី៣៦ នៅខេត្តពោធិ៍សាត់ ដែលមានសិក្ខាកាមចំនួន៦៥រូប ក្នុងនោះស្រី២០រូប។វគ្គបណ្តុះបណ្តាលមានរយៈពេល៣ថ្ងៃកន្លះ និងមានគោលបំណងពង្រឹងចំណេះដឹងនយោបាយ។

ក្នុងឱកាសនោះ ឯកឧត្តម លៀង ពេជ្រ ក៏បានពាំនាំនូវប្រសាសន៍សួរសុខទុក្ខ និងការយកចិត្តទុកដាក់ខ្ពស់ពីសំណាក់ ឯកឧត្តម ខូយ រីដា ជូនចំពោះបងប្អូនប្រជាពលរដ្ឋទាំងអស់។ ឯកឧត្តមបានបញ្ជាក់ថា ទោះបីជាអំណោយទាំងនេះមានចំនួនមិនច្រើនលើសលប់ ប៉ុន្តែវាជាទឹកចិត្ត និងជាការចែករំលែកដើម្បីជួយសម្រាលទុក្ខលំបាក និងការខ្វះខាតក្នុងជីវភាពរស់នៅរបស់បងប្អូនបានមួយកម្រិត។

ពោធិ៍សាត់៖ ថ្ងៃទី២៤ ខែកញ្ញា ឆ្នាំ២០២៦ នៅស្នាក់ការគណបក្សខេត្តពោធិ៍សាត់ មានរៀបចំពិធីបើកវគ្គអប់រំនយោបាយកម្រិត១ ជំនាន់ទី៣៦ ជូនដល់មន្ត្រីគណបក្ស និងសកម្មជនយុវជននៃគណៈកម្មាធិការគណបក្សមូលដ្ឋានមន្ទីរអប់រំ យុវជន និងកីឡាខេត្ត។ ពិធីនេះបានប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ ឯកឧត្តម ម៉ៅ សាន សមាជិកគណៈកម្មាធិការកណ្តាល និងជាអនុប្រធានគណៈកម្មាធិការគណបក្សខេត្តពោធិ៍សាត់ តំណាងដ៏ខ្ពង់ខ្ពស់ ឯកឧត្តម ខូយ រីដា សមាជិកគណៈកម្មាធិការកណ្តាល និងជាប្រធានគណៈកម្មាធិការគណបក្សខេត្តពោធិ៍សាត់។ នៅក្នុងឱកាសនោះផងដែរ ឯកឧត្តម វង្ស សំអុល សមាជិកគណៈអចិន្ត្រៃយ៍គណបក្សខេត្ត និងជាអនុប្រធានគណៈឃោសនាអប់រំខេត្ត តំណាង លោក ហៀម ឃួន សមាជិកគណៈអចិន្ត្រៃយ៍គណបក្សខេត្ត និងជាប្រធានគណៈឃោសនាអប់រំខេត្ត បានអញ្ជើញចូលរួមអមដំណើរបើកវគ្គសិក្សានេះ ដោយមានការចូលរួមពីសំណាក់ ឯកឧត្តម លោកជំទាវ ជាគណៈអចិន្ត្រៃយ៍គណបក្សខេត្ត តំណាងគណៈជំនាញទាំង៥ គ្រូឧទ្ទេស ព្រមទាំងសិក្ខាកាមសរុបចំនួន ៦៦រូប៕

ពោធិ៍សាត់៖ លោក ពៅ ពិសិដ្ឋ ប្រធានក្រុមការងារគណបក្សចុះមូលដ្ឋានសង្កាត់ផ្ទះព្រៃ ព្រមទាំងក្រុមការងារ បានអញ្ជើញចុះជួបសំណេះសំណាល និងសួរសុខទុក្ខដោយផ្ទាល់ជាមួយសមាជិក គណបក្សប្រជាជនកម្ពុជា នៅភូមិចំការចេកខាងត្បូង សង្កាត់ផ្ទះព្រៃ ក្រុងពោធិ៍សាត់ ខេត្តពោធិ៍សាត់ កាលពីរសៀលថ្ងៃទី២២ ខែកញ្ញា ឆ្នាំ២០២៦។ ក្នុងឱកាសដ៏មានអត្ថន័យនោះ លោកប្រធានក្រុមការងារ និងប្រតិភូរួមដំណើរ បានពាំនាំនូវការសួរសុខទុក្ខយ៉ាងក្តៅគគុក និងក្តីនឹករលឹកពីថ្នាក់ដឹកនាំគណបក្ស ជូនចំពោះសមាជិក សមាជិកាទាំងអស់នៅក្នុងមូលដ្ឋាន។ ការចុះជួបផ្ទាល់នេះ គឺដើម្បីស្វែងយល់ពីជីវភាពរស់នៅ និងពង្រឹងស្មារតីសាមគ្គីភាពរវាងថ្នាក់ដឹកនាំ និងសមាជិកបក្សនៅមូលដ្ឋានឱ្យកាន់តែជិតស្និទ្ធ។ ជាមួយគ្នានោះដែរ លោក ពៅ ពិសិដ្ឋ និងក្រុមការងារ ក៏បាននាំយកនូវអំណោយបន្តិចបន្តួចជាកាយវិការទឹកចិត្ត រួមមានសម្ភារប្រើប្រាស់ និងថវិកាមួយចំនួន ចែកជូនដល់សមាជិកគណបក្សដែលបានចូលរួម ដើម្បីសម្រាលទុក្ខធុរៈ និងជាការលើកទឹកចិត្តបន្ថែមទៀតផងដែរ៕

ពោធិ៍សាត់៖ លោក ពៅ ពិសិដ្ឋ អនុប្រធានគណៈចលនាមហាជនខេត្ត និងជាប្រធានលេខាធិការដ្ឋាន នៃគណៈចលនាមហាជនខេត្ត បានអញ្ជើញដឹកនាំកិច្ចប្រជុំបូកសរុបលទ្ធផលការងារប្រចាំខែសីហា និងលើកទិសដៅការងារបន្តសម្រាប់ខែកញ្ញា ឆ្នាំ២០២៦ របស់លេខាធិការដ្ឋានគណៈចលនាមហាជនខេត្ត ដែលពិធីនេះបានប្រព្រឹត្តទៅនៅទីស្នាក់ការគណបក្សខេត្តពោធិ៍សាត់ នារសៀលថ្ងៃទី១៨ ខែកញ្ញា ឆ្នាំ២០២៦ ។ កិច្ចប្រជុំនេះធ្វើឡើងដើម្បីពិនិត្យ និងវាយតម្លៃលើសមិទ្ធផលការងារដែលលេខាធិការដ្ឋានសម្រេចបានក្នុងអំឡុងខែសីហាកន្លងមក ព្រមទាំងពិភាក្សាលើបញ្ហាប្រឈមផ្សេងៗ សំដៅដោះស្រាយឱ្យកាន់តែមានប្រសិទ្ធភាព។ ជាមួយគ្នានេះដែរ លោក ពៅ ពិសិដ្ឋ ក៏បានដាក់ចេញនូវផែនការ និងទិសដៅការងារសំខាន់ៗសម្រាប់អនុវត្តក្នុងខែកញ្ញា ដើម្បីតម្រង់ទិសឱ្យការងារចលនាមហាជននៅក្នុងខេត្តពោធិ៍សាត់កាន់តែមានភាពស៊ីជម្រៅ ឆ្លើយតបបានទាន់ពេលវេលាចំពោះសេចក្តីត្រូវការរបស់ប្រជាពលរដ្ឋ និងពង្រឹងសាមគ្គីភាពក្នុងមូលដ្ឋានឱ្យកាន់តែរឹងមាំបន្ថែមទៀត៕

ពោធិ៍សាត់៖ ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តពោធិ៍សាត់ បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីជួបសំណេះសំណាលជាមួយបងប្អូនប្រជាពលរដ្ឋមកពីឃុំឈើតុំ និងឃុំស្វាយស ស្ថិតនៅក្នុងស្រុកក្រគរ ខេត្តពោធិ៍សាត់ នាព្រឹកថ្ងៃទី១៩ ខែកញ្ញា ឆ្នាំ២០២៦ ។ ក្នុងឱកាសនោះ ឯកឧត្តម កែវ រតនៈ បានពាំនាំនូវប្រសាសន៍សួរសុខទុក្ខយ៉ាងកក់ក្តៅ និងសេចក្តីនឹករលឹកពីសំណាក់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ជូនចំពោះបងប្អូនប្រជាពលរដ្ឋទាំងអស់។ ពិធីសំណេះសំណាលនេះ ធ្វើឡើងដើម្បីស្តាប់នូវសំណូមពរ បញ្ហាប្រឈម និងក្តីកង្វល់ផ្សេងៗរបស់ប្រជាពលរដ្ឋនៅមូលដ្ឋានផ្ទាល់ សំដៅរួមចំណែកដោះស្រាយឱ្យបានទាន់ពេលវេលា និងលើកកម្ពស់ជីវភាពរស់នៅរបស់ប្រជាពលរដ្ឋឱ្យកាន់តែប្រសើរឡើង។ បងប្អូនប្រជាពលរដ្ឋឃុំឈើតុំ និងឃុំស្វាយស បានសម្តែងនូវក្តីរំភើបរីករាយ និងថ្លែងអំណរគុណយ៉ាងជ្រាលជ្រៅចំពោះ ឯកឧត្តម កែវ រតនៈ ដែលតែងតែយកចិត្តទុកដាក់ ចុះជួបសួរសុខទុក្ខ និងជួយដោះស្រាយរាល់ការលំបាកជូនប្រជាពលរដ្ឋក្នុងស្រុកក្រគរដោយផ្ទាល់នាពេលកន្លងមក៕

ពោធិ៍សាត់៖ លោក ហៀម ឃួន អភិបាលរង នៃគណៈអភិបាលខេត្តពោធិ៍សាត់ បានតំណាងឱ្យអាជ្ញាធរដែនដី និងប្រជាពលរដ្ឋ សម្ដែងនូវការថ្លែងអំណរគុណយ៉ាងជ្រាលជ្រៅចំពោះ លោកស្រី ឡៅ ម៉េងជី និង លោកស្រី ពិន ថង ដែលកំពុងរស់នៅសហរដ្ឋអាមេរិក នៃទឹកចិត្តមនុស្សធម៌ដ៏ប្រពៃ ក្នុងការឧបត្ថម្ភអង្ករ និងថវិកា ជូនដល់ប្រជាពលរដ្ឋជួបការលំបាកចំនួន ៤៩គ្រួសារ មកពីភូមិចំនួន៥ ក្នុងសង្កាត់រលាប ក្រុងពោធិ៍សាត់ នៅថ្ងៃទី១៩ ខែកញ្ញា ឆ្នាំ២០២៦ ។ ក្នុងឱកាសនោះ លោក ហៀម ឃួន បានមានប្រសាសន៍ថា ទោះបីជាលោកស្រីទាំងពីររស់នៅឆ្ងាយរហូតដល់សហរដ្ឋអាមេរិកយ៉ាងណាក៏ដោយ ក៏នៅតែមានទឹកចិត្តស្រឡាញ់ នឹកនា និងគិតគូរដល់សុខទុក្ខរបស់បងប្អូនប្រជាពលរដ្ឋនៅក្នុងស្រុកកំណើត ដែលកំពុងជួបប្រទះការខ្វះខាត។ អំណោយជាអង្ករ និងថវិកានាពេលនេះ គឺពិតជាមានតម្លៃ និងឆ្លើយតបបានទាន់ពេលវេលា ក្នុងការសម្រាលទុក្ខធុរៈ និងការហូបចុកប្រចាំថ្ងៃរបស់បងប្អូនប្រជាពលរដ្ឋ។ តំណាងប្រជាពលរដ្ឋទាំង ៤៩គ្រួសារ ក៏បានសម្តែងនូវក្តីរំភើបរីករាយ និងជូនពរជ័យសិរីសួស្តីដល់ លោកស្រី ឡៅ ម៉េងជី និង លោកស្រី ពិន ថង ព្រមទាំងក្រុមគ្រួសារ ឱ្យជួបតែសេចក្តីសុខ ចម្រើន និងជោគជ័យគ្រប់ភារកិច្ចនៅសហរដ្ឋអាមេរិកផងដែរ៕

ពោធិ៍សាត់៖ លោក ហៀម ឃួន អភិបាលរង នៃគណៈអភិបាលខេត្តពោធិ៍សាត់ បាននាំយកអំណោយស្បៀង និងសារុង ដែលជាអំណោយដ៏ថ្លៃថ្លារបស់ ឯកឧត្តម ខូយ រីដា ប្រធានគណបក្សខេត្តពោធិ៍សាត់ ចុះប្រគល់ជូនប្រជាពលរដ្ឋរស់នៅក្នុងភូមិឆ្លងកាត់ សង្កាត់រលាប ក្រុងពោធិ៍សាត់ ចំនួន ៣០គ្រួសារ នៅថ្ងៃទី១៩ ខែកញ្ញា ឆ្នាំ២០២៦ ។ ក្នុងឱកាសនោះ លោក ហៀម ឃួន បានពាំនាំនូវការផ្តាំផ្ញើសួរសុខទុក្ខយ៉ាងកក់ក្តៅពីសំណាក់ ឯកឧត្តម ខូយ រីដា ជូនចំពោះបងប្អូនប្រជាពលរដ្ឋទាំងអស់ ដោយបានគូសបញ្ជាក់ថា ថ្នាក់ដឹកនាំខេត្តតែងតែយកចិត្តទុកដាក់ជានិច្ចចំពោះសុខទុក្ខ និងជីវភាពរស់នៅរបស់ប្រជាពលរដ្ឋនៅគ្រប់មូលដ្ឋាន ដោយមិនទុកឱ្យប្រជាពលរដ្ឋណាម្នាក់រស់នៅក្នុងការលំបាកដោយគ្មានការយកចិត្តទុកដាក់នោះឡើយ។ ប្រជាពលរដ្ឋទាំង ៣០គ្រួសារ ដែលទទួលបានអំណោយស្បៀង និងសារុងនាពេលនេះ បានសម្តែងនូវក្តីរំភើបរីករាយ និងថ្លែងអំណរគុណយ៉ាងជ្រាលជ្រៅចំពោះ ឯកឧត្តម ខូយ រីដា ព្រមទាំង លោក ហៀម ឃួន និងក្រុមការងារ ដែលបានចុះយកចិត្តទុកដាក់ និងផ្តល់ជំនួយឧបត្ថម្ភដល់ពួកគាត់បានទាន់ពេលវេលា៕

ពោធិ៍សាត់៖ លោក ហេង សុភាណា អភិបាលរង នៃគណៈអភិបាលខេត្តពោធិ៍សាត់ និងជាប្រធានក្រុមការងារចុះជួយសង្កាត់លលកស បានអញ្ជើញជាអធិបតីភាពក្នុងកម្មវិធីសំណេះសំណាលជាមួយបងប្អូនប្រជាពលរដ្ឋជាសមាជិក-សមាជិកា គណបក្សប្រជាជនកម្ពុជា ស្ថិតនៅក្នុងភូមិដប់បាត សង្កាត់លលកស ក្រុងពោធិ៍សាត់ នាព្រឹកថ្ងៃទី១៩ ខែកញ្ញា ឆ្នាំ២០២៦ ។ នៅក្នុងពិធីសំណេះសំណាលនោះ លោក ហេង សុភាណា បានពាំនាំនូវប្រសាសន៍ផ្ដាំផ្ញើសួរសុខទុក្ខយ៉ាងកក់ក្ដៅពីសំណាក់ថ្នាក់ដឹកនាំគណបក្សគ្រប់លំដាប់ថ្នាក់ ជូនចំពោះបងប្អូនប្រជាពលរដ្ឋ និងសមាជិក-សមាជិកាគណបក្សទាំងអស់នៅមូលដ្ឋាន។ ជាមួយគ្នានោះដែរ លោកប្រធានក្រុមការងារក៏បានធ្វើការកោតសរសើរ និងវាយតម្លៃខ្ពស់ចំពោះស្មារតីសាមគ្គីភាព និងការចូលរួមយ៉ាងសកម្មរបស់បងប្អូនប្រជាពលរដ្ឋក្នុងការទ្រទ្រង់កិច្ចការងារបក្ស និងការអភិវឌ្ឍមូលដ្ឋាននាពេលកន្លងមក។ កម្មវិធីសំណេះសំណាលនេះ បានប្រព្រឹត្តទៅក្នុងបរិយាកាសរីករាយ ស្និទ្ធស្នាល និងកក់ក្តៅជាពន់ពេក ដែលស្តែងចេញពីការយកចិត្តទុកដាក់ស្អិតរមួតរវាងថ្នាក់ដឹកនាំក្រុមការងារ និងប្រជាពលរដ្ឋនៅមូលដ្ឋានផ្ទាល់៕

ពោធិ៍សាត់៖ លោក ពៅ ពិសិដ្ឋ ប្រធានក្រុមការងារគណបក្សចុះមូលដ្ឋានសង្កាត់ផ្ទះព្រៃ បានដឹកនាំក្រុមការងារគណបក្សចុះមូលដ្ឋានសង្កាត់ផ្ទះព្រៃ ចុះជួយភូមិដង្គារ ព្រមទាំងសមាជិក-សមាជិកា ចុះជួបជុំសំណេះសំណាល និងសួរសុខទុក្ខសមាជិកគណបក្សប្រជាជនកម្ពុជា ស្ថិតនៅក្នុងភូមិដង្គារ សង្កាត់ផ្ទះព្រៃ ក្រុងពោធិ៍សាត់ នៅរសៀលថ្ងៃសៅរ៍ ទី១៩ ខែកញ្ញា ឆ្នាំ២០២៦ ។ នៅក្នុងឱកាសជំនួបស្និទ្ធស្នាលនោះ លោក ពៅ ពិសិដ្ឋ និងក្រុមការងារ បានពាំនាំនូវការផ្តាំផ្ញើសួរសុខទុក្ខពីសំណាក់ថ្នាក់ដឹកនាំគណបក្សគ្រប់លំដាប់ថ្នាក់ ជូនដល់សមាជិកបក្សទាំងអស់នៅមូលដ្ឋាន។ ជាមួយគ្នានោះដែរ ក្រុមការងារបានធ្វើការចែកបណ្ណសមាជិកបក្សគំរូថ្មី ដែលមានភ្ជាប់ទិន្នន័យក្នុងប្រព័ន្ធបច្ចេកវិទ្យាព័ត៌មាន (IT) ជូនដល់សមាជិកបក្ស ដើម្បីងាយស្រួលក្នុងការគ្រប់គ្រងទិន្នន័យ និងកិច្ចការងារបក្សឱ្យកាន់តែមានប្រសិទ្ធភាព និងទំនើបកម្ម។ បន្ថែមពីនេះ ដើម្បីជាការលើកទឹកចិត្ត និងរួមចំណែកសម្រាលជីវភាព ក្រុមការងារក៏បាននាំយកនូវអំណោយកំដរដៃ រួមមាន ថវិកា និងសម្ភារប្រើប្រាស់មួយចំនួន ជូនដល់សមាជិកបក្សដែលបានចូលរួមនាឱកាសនោះផងដែរ ប្រកបដោយបរិយាកាសរីករាយ និងស្និទ្ធស្នាលជាពន់ពេក៕

ពោធិ៍សាត់៖ ក្រុមការងារគណបក្សចុះមូលដ្ឋានឃុំព្រងិល បានចុះសួរសុខទុក្ខ និងនាំយកគ្រឿងឧបភោគ-បរិភោគ ព្រមទាំងថវិកាដ៏ថ្លៃថ្លារបស់ ឯកឧត្តម យឹម វិសិដ្ឋ ប្រធានក្រុមការងារគណបក្សចុះមូលដ្ឋានស្រុកភ្នំក្រវាញ ទៅប្រគល់ជូនគ្រួសារសមាជិកបក្សដែលមានជីវភាពខ្វះខាត កម្លាំងប្រជាការពារ និងពិសេសគ្រួសារដែលទើបតែសម្រាលបានកូនភ្លោះហើយកំពុងជួបប្រទះការខ្វះខាត ស្ថិតនៅក្នុងភូមិអូរបាក់ត្រា និងភូមិព្រៃអណ្ដូង ឃុំព្រងិល ស្រុកភ្នំក្រវាញ ខេត្តពោធិ៍សាត់ នៅថ្ងៃទី១៩ ខែកញ្ញា ឆ្នាំ២០២៦។ ការចុះសួរសុខទុក្ខដោយផ្ទាល់ដល់ខ្នងផ្ទះនាពេលនេះ គឺជាការបង្ហាញពីការយកចិត្តទុកដាក់ខ្ពស់ពីសំណាក់ថ្នាក់ដឹកនាំក្រុមការងារគណបក្ស ចំពោះសុខទុក្ខ និងជីវភាពរស់នៅរបស់ប្រជាពលរដ្ឋនៅមូលដ្ឋាន ជាពិសេសគ្រួសារដែលងាយរងគ្រោះ និងកម្លាំងប្រជាការពារដែលបានលះបង់កម្លាំងកាយចិត្តក្នុងការថែរក្សាសន្តិសុខ សុវត្ថិភាពជូនភូមិ-ឃុំ។ ក្នុងឱកាសនោះដែរ តំណាងគ្រួសារដែលទទួលបានអំណោយ និងកម្លាំងប្រជាការពារ បានសម្តែងនូវក្តីរំភើបរីករាយ និងថ្លែងអំណរគុណយ៉ាងជ្រាលជ្រៅជូនចំពោះ ឯកឧត្តម យឹម វិសិដ្ឋ ព្រមទាំងក្រុមការងារទាំងអស់ ដែលតែងតែចុះយកចិត្តទុកដាក់ និងជួយសម្រាលទុក្ខធុរៈរបស់ប្រជាពលរដ្ឋបានទាន់ពេលវេលា៕

រដ្ឋបាលខេត្តពោធិ៍សាត់សហការជាមួយក្រុមការងាររាជរដ្ឋាភិបាល បានរៀបចំយុទ្ធនាការដាំដើមឈើព្រៃលិចទឹក (ដីតំបន់៣) ជាង ១,០០០ដើម នៅស្រុកក្រគរ ក្រោមអធិបតីភាព ឯកឧត្តម ខូយ រីដា និង ឯកឧត្តមបណ្ឌិត ប្រាំង ជលសា ដើម្បីស្តារគម្របព្រៃឈើ ថែរក្សាជម្រកពូជត្រីពងកូន និងទ្រទ្រង់ជីវចម្រុះជុំវិញបឹងទន្លេសាប។