ឯកឧត្តម យឹម វិសិដ្ឋ នាំយកអំណោយដ៏ថ្លៃថ្លារបស់ឯកឧត្តម កែវ រតនៈ ឧបត្ថម្ភដល់វីរកងទ័ពជួរមុខ និងគ្រួសារកងទ័ព ១៥០គ្រួសារ នៅស្រុកភ្នំក្រវាញ
ឯកឧត្តម យឹម វិសិដ្ឋ ប្រធានអាជ្ញាធរអគ្គិសនីកម្ពុជា និងជាប្រធានក្រុមការងាររាជរដ្ឋាភិបាលចុះជួយមូលដ្ឋានស្រុកភ្នំក្រវាញ បានអញ្ជើញចុះជួបសំណេះសំណាល សួរសុខទុក្ខ និងនាំយកអំណោយដ៏ថ្លៃថ្លារបស់ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល និងជាប្រធានក្រុមការងាររាជរដ្ឋាភិបាលចុះជួយមូលដ្ឋានខេត្តពោធិ៍សាត់ ជូនដល់វីរកងទ័ពការពារបូរណភាពទឹកដីនៅសមរភូមិជួរមុខ និងគ្រួសារកងទ័ពនៃវរសេនាតូចអន្តរាគមន៍លេខ១៤២ ចំនួន ១៥០គ្រួសារ។ ពិធីនេះក៏មានការចូលរួមពី ឯកឧត្តម ផង់ សារិន ប្រធានក្រុមការងារចុះជួយឃុំព្រងិល និងអាជ្ញាធរមូលដ្ឋានផងដែរ។
