ព័ត៌មានក្នុងខេត្ត

ក្រុមការងារជំនាញដឹកនាំដោយ លោក មួន វុឌ្ឍី អនុប្រធានការិយាល័យផលិតកម្ម និងបសុព្យាបាល រួមជាមួយមន្ត្រីជំនាញ និងអាជ្ញាធរស្រុកវាលវែង បានចុះអន្តរាគមន៍បាញ់ថ្នាំរំងាប់មេរោគភ្លាមៗ នៅសហគមន៍កសិកម្មអភិវឌ្ឍន៍កសិកម្មសុវត្ថិភាពដីក្រហម ស្ថិតក្នុងភូមិដីក្រហម ឃុំអន្លង់រាប ស្រុកវាលវែង ខេត្តពោធិ៍សាត់ ក្រោយទទួលព័ត៌មានពីករណីមាន់ឈឺ និងងាប់ជាបន្តបន្ទាប់។

រសៀលថ្ងៃទី៣១ ខែកក្កដា ឆ្នាំ២០២៦ នៅសាលប្រជុំកោះសំពៅមាសសាលាខេត្តពោធិ៍សាត់ មានរៀបចំកិច្ចប្រជុំត្រួតពិនិត្យលើកិច្ចសន្យាជួលដីរបស់ក្រុមហ៊ុនសូណាវិទ្យ និងក្រុមហ៊ុន ខេភីអេស អេនើជី ក្រោមអធិបតីភាព លោក ហៀម ឃួន អភិបាលរង នៃគណៈអភិបាលខេត្តពោធិ៍សាត់

នៅថ្ងៃទី៣១ ខែកក្កដា ឆ្នាំ២០២៦ រដ្ឋបាលខេត្តពោធិ៍សាត់ បានប្រជុំពិនិត្យកិច្ចសន្យាជួលដីរយៈពេល ៤៩ឆ្នាំ នៅស្រុកវាលវែង ជូនក្រុមហ៊ុន ខេភីអេស អេនើជី (៥,០០០ ហិកតា ផលិតថាមពលអគ្គិសនី) និងក្រុមហ៊ុន សូណាវិទ្យ (១,០០០ ហិកតា ចិញ្ចឹមគោ)។

មហាសន្និបាតកំណើតដំបូងរបស់សហគមន៍ផលិតករ និងអាជីវរក្រូចពោធិ៍សាត់ ត្រូវបានរៀបចំឡើងនៅស្រុកភ្នំក្រវាញ ខេត្តពោធិ៍សាត់ ក្រោមអធិបតីភាព ឯកឧត្តម កឹម សុខុន និងលោក ញឹក បានខេង ដើម្បីអនុម័តលក្ខន្តិកៈសហគមន៍ បទបញ្ជាគ្រប់គ្រងការប្រើប្រាស់ម៉ាកសមូហភាព «ក្រូចពោធិ៍សាត់» និងបោះឆ្នោតជ្រើសរើសប្រធានសហគមន៍។

ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានដឹកនាំមន្ត្រីជំនាញ និងអន្តរាគមន៍សហការជាមួយស្ថាប័នពាក់ព័ន្ធ ចុះពិនិត្យស្ថានភាពស្រូវរងផលប៉ះពាល់ផ្ទាល់។ ការចុះនេះគឺដើម្បីជំរុញ និងពន្លឿនវិធានការសង្គ្រោះ ក៏ដូចជាស្តារការបង្កបង្កើនផលជូនប្រជាកសិករឱ្យបានទាន់ពេលវេលា។

ក្នុងឱកាសនោះដែរ ក្រុមការងារជំនាញផលិតកម្មសត្វ និងបសុព្យាបាល បានចុះពិនិត្យទីតាំងចិញ្ចឹមមាន់មេបារបស់កសិករចំនួន ៣គ្រួសារ ដែលកំពុងជួបបញ្ហាមាន់ងាប់។ តាមការសន្និដ្ឋានរបស់មន្ត្រីជំនាញ ករណីនេះបណ្តាលមកពីមេរោគផ្លូវដង្ហើម ដែលបង្កឡើងដោយសារការប្រើប្រាស់អង្កាមទ្រុងគ្មានគុណភាព និងការដឹកជញ្ជូនមាន់មេបាចង្អៀតណែនពេក ធ្វើឱ្យមាន់ចុះខ្សោយ។

ខេត្តពោធិ៍សាត់៖ ក្រុមការងារក្រសួងកសិកម្ម រុក្ខាប្រមាញ់ និងនេសាទ ដឹកនាំដោយ ឯកឧត្តម ប៉ែន ផល្លីកា អនុរដ្ឋលេខាធិការ តំណាង ឯកឧត្ដម ឌិត ទីណា រដ្ឋមន្ត្រីក្រសួងកសិកម្ម បានចុះត្រួតពិនិត្យ និងបង្ក្រាបបទល្មើសនេសាទក្នុងភូមិសាស្ត្រពីឃុំកំពង់លួង ដល់ភូមិកំពង់ថ្គោល ឃុំអន្សារចំបក់ ស្រុកក្រគរ ខេត្ដពោធិ៍សាត់ នៅថ្ងៃទី២៤ ខែកក្កដា ឆ្នាំ២០២៦។ ប្រតិបត្តិការនេះ មានការចូលរួមពីអគ្គនាយកដ្ឋានជលផល ខណ្ឌរដ្ឋបាលជលផលពោធិ៍សាត់ និងកំពង់ធំ គណៈបញ្ជាការឯកភាពរដ្ឋបាលស្រុកក្រគរ កងរាជអាវុធហត្ថ និងកងកម្លាំងប្រតិបត្តិការសឹករងពោធិ៍សាត់។ តាមការសង្កេតឃើញថា ប្រជាបរិស័ទ និងប្រជានេសាទប្រមាណ ៩០% បានចូលរួមគោរពច្បាប់បានយ៉ាងល្អ តែបើទោះបីជាយ៉ាងណា អាជ្ញាធរនៅតែបន្តរកឃើញបទល្មើសមួយចំនួន ដូចជាការលួចដាក់របាំងសាច់អួនក្រឡាល្អិត និងដាក់របាំងលើសប្រវែងកំណត់។ ជាក់ស្តែង នៅចំណុចជ្រោយស្តី កម្លាំងសមត្ថកិច្ចបង្ក្រាបបាន ១ករណី ដោយរឹបអូស និងបំផ្លាញចោលនូវ៖ របាំងសាច់អួនក្រឡាល្អិត ៤ ខ្សែ (ប្រវែង ២៧០ ម៉ែត្រ), លូកងសាច់អួន ៤ មាត់, បង្គោល ៥២ ដើម និងផលត្រី ចាក់លែងចូលបឹងធម្មជាតិវិញចំនួន ២៥ គីឡូក្រាម៕

(ពោធិ៍សាត់)៖ នាថ្ងៃពុធ ទី២២ ខែកក្កដា ឆ្នាំ២០២៦ ក្រុមការងារទទួលបន្ទុកកម្មវិធី ASPIRE-AT នៃមន្ទីរកសិកម្ម រុក្ខាប្រមាញ់ និងនេសាទខេត្តពោធិ៍សាត់ បានរៀបចំវគ្គបណ្ដុះបណ្ដាលស្ដីពី «កិច្ចការពារសុវត្ថិភាពបរិស្ថាន សង្គម ភាពធន់នឹងអាកាសធាតុ និងយេនឌ័រ» ជូនដល់សមាជិក និងក្រុមប្រឹក្សាសហគមន៍កសិកម្មអភិវឌ្ឍន៍អូរសោម ស្ថិតនៅភូមិឆាយលូក ឃុំអូរសោម ស្រុកវាលវែង ខេត្តពោធិ៍សាត់។ វគ្គបណ្តុះបណ្តាលនេះមានសមាសភាពចូលរួមសរុបចំនួន ៣០នាក់ (ស្រី ២១នាក់) ដោយបានផ្តោតសំខាន់លើប្រធានបទធំៗចំនួន៤ រួមមាន៖ ភាពធន់នឹងអាកាសធាតុ, កិច្ចការពារសុវត្ថិភាពបរិស្ថាន និងសង្គម, យន្តការដោះស្រាយបណ្ដឹងសារទុក្ខ,សមភាព សមធម៌ និងតួនាទីយេនឌ័រ។ ជាលទ្ធផល បន្ទាប់ពីបញ្ចប់វគ្គបណ្តុះបណ្តាលនេះ សិក្ខាកាមទាំងអស់ទទួលបានចំណេះដឹងយ៉ាងជ្រាលជ្រៅលើវិធានការការពារភាពធន់នឹងអាកាសធាតុសម្រាប់ការដាំដុះ, ការពារសុវត្ថិភាពបរិស្ថាន-សង្គម ដែលប៉ះពាល់ដល់សុខមាលភាព និងសន្តិសុខមនុស្ស, យល់ដឹងពីនីតិវិធីដោះស្រាយបណ្តឹងសារទុក្ខក្នុងសហគមន៍ ព្រមទាំងយល់ច្បាស់ពីសមភាព និងតួនាទីយេនឌ័រ ក្នុងការរួមគ្នាធ្វើ រួមគ្នាសម្រេចចិត្ត និងទទួលផលប្រយោជន៍ស្មើៗគ្នាក្នុងសហគមន៍៕

ខេត្តពោធិ៍សាត់៖ ក្រុមការងារអនុគណៈកម្មការទី២ ទទួលបន្ទុកឃុំក្រពើពីរ បានចុះបេសកកម្មប្រមូលទិន្នន័យ និងកំណត់អត្តសញ្ញាណដីធ្លីជាក់ស្តែង តាមការអះអាងរបស់ប្រជាពលរដ្ឋ ស្ថិតនៅក្នុងភូមិឧបសម្ព័ន្ធអូរតាទិន ឃុំក្រពើពីរ ស្រុកវាលវែង ខេត្តពោធិ៍សាត់ កាលពីថ្ងៃទី២១ ខែកក្កដា ឆ្នាំ២០២៦។ សកម្មភាពនេះ ធ្វើឡើងដើម្បីអនុវត្តតាមស្មារតីនៃលិខិតលេខ ២២៦ សជណ ឧ.រ ចុះថ្ងៃទី១១ ខែកុម្ភៈ ឆ្នាំ២០២៥ របស់ទីស្ដីការគណៈរដ្ឋមន្ត្រី។ ជាលទ្ធផលនៃការចុះបេសកកម្មនេះ ក្រុមការងារសម្រេចបាន៖ ចុះពិនិត្យ និងវាស់វែងទីតាំងដីជាក់ស្តែងបានចំនួន ៤ ទីតាំង, ទំហំផ្ទៃដីសរុបមានចំនួន ២៤០,៣៧៧ ម៉ែត្រការ៉េ (ស្មើនឹងប្រមាណ ២៤.០៣ ហិកតា) និងប្រមូលបានសាលាកបត្រព័ត៌មានសរុបចំនួន ៥ ច្បាប់ ដើម្បីបន្តនីតិវិធី៕

ពោធិ៍សាត់៖ ឯកឧត្តម ប៉ែន ផល្លីកា អនុរដ្ឋលេខាធិការ និងជាតំណាងដ៏ខ្ពង់ខ្ពស់ឯកឧត្ដម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានអញ្ជើញដឹកនាំក្រុមការងារចម្រុះ រួមមានមន្ត្រីអគ្គនាយកដ្ឋានជលផល ខណ្ឌរដ្ឋបាលជលផលពោធិ៍សាត់ កំពង់ឆ្នាំង និងកងរាជអាវុធហត្ថស្រុកក្រគរ ចុះត្រួតពិនិត្យ ទប់ស្កាត់ និងបង្ក្រាបបទល្មើសនេសាទ នៅចំណុចប្រឡាយតាពេជ្រ ព្រែកស្តេចក្មេង និងកោះទន្លាក្រាស់ ដែលជាតំបន់ព្រំប្រទល់ខេត្តពោធិ៍សាត់ កំពង់ឆ្នាំង និងកំពង់ធំ។

បាត់ដំបង៖ វគ្គបណ្តុះបណ្តាលស្តីពី ការរៀបចំសំណើសុំអាជីវកម្មសម្រាប់កសិធុរកិច្ច សហគមន៍កសិកម្ម និងកសិករផលិត ត្រូវបានរៀបចំឡើងនៅសណ្ឋាគារក្លាហ្សី ខេត្តបាត់ដំបង ក្រោមអធិបតីភាពលោក ប៉ូ សំអាង ប្រធាននាយកដ្ឋានស្រាវជ្រាវ បណ្តុះបណ្តាល និងសហប្រតិបត្តិការនៃ ន.ប.ធ និងជាប្រធានផ្នែកសហប្រតិបត្តិការនៃគម្រោង ACSEP-PIU1 កាលពីថ្ងៃចន្ទ ទី២០ ខែកក្កដា ឆ្នាំ២០២៦។ វគ្គបណ្តុះបណ្តាលនេះ រៀបចំ និងគាំទ្រដោយគម្រោង ACSEP-PIU1 ដោយមានគោលបំណងសំខាន់ៗដូចជា៖ គាំទ្រការរៀបចំសំណើអាជីវកម្មឱ្យមានលក្ខណៈច្បាស់លាស់ និងមានប្រសិទ្ធភាព, បង្កើនសមត្ថភាពក្នុងការកំណត់ឱកាសអាជីវកម្ម និងការវិភាគទីផ្សារ និងការលើកកម្ពស់ការរៀបចំផែនការវិនិយោគ ដើម្បីងាយស្រួលក្នុងការទទួលបានឥណទានពីគ្រឹះស្ថានហិរញ្ញវត្ថុ។ ពិធីនេះមានការចូលរួមពី ក្រុមការងារគម្រោង ACSEP-PIU1, តំណាងធនាគារ ARDB, តំណាងធនាគារស្ថាបនា, អាជីវករផ្គត់ផ្គង់ធាតុចូលកសិកម្ម, តំណាងមន្ទីរកសិកម្ម រុក្ខាប្រមាញ់ និងនេសាទ, និងតំណាងសហគមន៍កសិកម្មមកពីខេត្តគោលដៅចំនួន៥ (កំពង់ឆ្នាំង, ពោធិ៍សាត់, បាត់ដំបង, បន្ទាយមានជ័យ និងប៉ៃលិន) ដែលមានសមាសភាពចូលរួមសរុបចំនួន ៧២នាក់ ស្រី ២៤នាក់៕

ពោធិ៍សាត់៖ ផ្នែករដ្ឋបាលព្រៃឈើក្រវាញ បានអញ្ជើញចូលរួមកិច្ចប្រជុំក្រុមប្រឹក្សាឃុំ ក្រោមដឹកនាំដោយលោក ជុំ សុផុន ប្រធានក្រុមប្រឹក្សាឃុំសំរោង ដោយមានសមាសភាពចូលរួមសរុបចំនួន ៤៥នាក់ ស្រី ៨នាក់ នាថ្ងៃទី២០ ខែកក្កដា ឆ្នាំ២០២៦។ នៅក្នុងកិច្ចប្រជុំនោះ ផ្នែករដ្ឋបាលព្រៃឈើក្រវាញ បានផ្សព្វផ្សាយនូវណែនាំសំខាន់ៗមួយចំនួន ដើម្បីឱ្យអាជ្ញាធរជំរុញបន្តទៅតាមបណ្តាភូមិនីមួយៗ រួមមាន៖ ហាមឃាត់ដាច់ខាតការកាប់ឆ្ការ រុករានដីព្រៃដើម្បីហ៊ុំព័ទ្ធយកធ្វើជាកម្មសិទ្ធិដោយគ្មានលិខិតអនុញ្ញាត និងហាមកាប់ដើមឈើនៅតាមចំណីផ្លូវ ចំណីអូរ ឬស្ទឹង, ស្នើឱ្យជួយស្រង់ស្ថិតិផ្ទះត្រចៀកកាំក្នុងមូលដ្ឋាន ព្រមទាំងកំណត់ឱ្យមានការចុះពិនិត្យពីអាជ្ញាធរ និងមន្ត្រីជំនាញជាមុន រាល់ពេលមានការរុះរើផ្ទះចាស់ដឹកជញ្ជូនចេញពីតំបន់មួយទៅតំបន់មួយទៀត៕