ព័ត៌មានក្នុងខេត្ត

កិច្ចប្រជុំត្រៀមនេះ ធ្វើឡើងក្នុងគោលបំណងធានាឱ្យកម្មវិធីសំណេះសំណាលខាងមុខ ប្រព្រឹត្តទៅដោយរលូន ជោគជ័យ និងមានសណ្តាប់ធ្នាប់ ស្របពេលដែលពិធីផ្លូវការនឹងត្រូវរៀបចំឡើងក្រោមអធិបតីភាពដ៏ខ្ពង់ខ្ពស់របស់ ឯកឧត្តម កែវ រតនៈ ប្រធានក្រុមការងារគណបក្សប្រជាជនកម្ពុជាចុះមូលដ្ឋានខេត្តពោធិ៍សាត់។

ពោធិ៍សាត់៖ នៅព្រឹកថ្ងៃទី២៤ ខែមិថុនា ឆ្នាំ២០២៦ នៅមណ្ឌលសុខភាពប្រម៉ោយ ឃុំប្រម៉ោយ ស្រុកវាលវែង តំណាងលោកវេជ្ជបណ្ឌិត តឹក សុភាព ប្រធានមន្ទីរសុខាភិបាលនៃរដ្ឋបាលខេត្តពោធិ៍សាត់ ព្រមទាំងក្រុមគ្រូពេទ្យ បានជួបប្រជុំពិភាក្សាការងារយ៉ាងសំខាន់ជាមួយ ឯកឧត្តម ឧត្តមសេនីយ៍ទោ ញ៉ែម សុខ័ន្ធី នាយកទីចាត់ការសុខាភិបាលនៃអគ្គបញ្ជាការដ្ឋានកងយោធពលខេមរភូមិន្ទ និងជាសមាជិកគណៈបញ្ជាការឯកភាពសមរភូមិព្រំដែនកម្ពុជា-ថៃ ព្រមទាំងក្រុមការងារ។ កិច្ចប្រជុំនេះបានផ្តោតសំខាន់លើការពិនិត្យ ព្យាបាល និងសង្គ្រោះដល់វីរកងទ័ពការពារព្រំដែន ព្រមទាំងការត្រៀមបម្រុងឱសថ និងបរិក្ខារពេទ្យឱ្យបានគ្រប់គ្រាន់។ ជាមួយគ្នានោះដែរ ភាគីទាំងពីរក៏បានប្តេជ្ញាបន្តពង្រឹងកិច្ចសហប្រតិបត្តិការឱ្យកាន់តែរឹងមាំបន្ថែមទៀត ដើម្បីធានាដល់ការថែទាំ និងលើកកម្ពស់សុខភាពរបស់កងកម្លាំងការពារព្រំដែន នៅក្នុងភូមិសាស្ត្រខេត្តពោធិ៍សាត់ ឱ្យបានកាន់តែល្អប្រសើរឡើង។

វគ្គបណ្តុះបណ្តាលនេះមានសិក្ខាកាមចូលរួមសរុប ១១៣នាក់ ក្នុងនោះមានស្ត្រី ៩នាក់ ដែលភាគច្រើនមកពីមន្ទីរព័ត៌មានរាជធានី-ខេត្ត។ វគ្គនេះរៀបចំឡើងក្នុងគោលបំណងពង្រឹងសមត្ថភាពមន្ត្រីព័ត៌មាន លើការផលិតមាតិកាឌីជីថលប្រកបដោយគុណភាព និងវិជ្ជាជីវៈ ដោយផ្តោតលើការរៀបចំខ្លឹមសារ ការសរសេរចំណងជើង ការផលិតបទយកការណ៍ខ្លី និងការប្រើប្រាស់រូបភាពឱ្យមានភាពទាក់ទាញ ស្របតាមបរិបទប្រព័ន្ធផ្សព្វផ្សាយសម័យថ្មី។

រដ្ឋបាលក្រុងបានរៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាក្រុងពោធិ៍សាត់ អាណត្តិទី៤។ ពិធីនេះប្រព្រឹត្តទៅក្រោមអធិបតីភាព លោក សំរិទ្ធិ អេង ប្រធានក្រុមប្រឹក្សាក្រុង និងលោក ផាយ ឡេង អភិបាលក្រុងពោធិ៍សាត់ ដោយមានការចូលរួមពីតំណាងប្រជាពលរដ្ឋមកពីសង្កាត់ចំនួន៤ រួមមាន៖ សង្កាត់ចំរើនផល លលកស រលាប និងសង្កាត់ស្វាយអាត់ សរុបចំនួន ២៩០នាក់ ស្រី ៦០នាក់។

វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាស្រុក អាណត្តិទី៤ សម្រាប់ឆ្នាំ២០២៦ នៅទីតាំងទីទួលសុវត្ថិភាពក្តីឧត្តម ឃុំស្រែស្តុក ស្រុកកណ្តៀង។ ពិធីនេះប្រព្រឹត្តទៅក្រោមអធិបតីភាព លោក សុខ លីមុត ប្រធានក្រុមប្រឹក្សាស្រុក និងលោក ណារ៉ា ចំរើន អភិបាលនៃគណៈអភិបាលស្រុក ដោយមានការចូលរួមពីសមាជិកក្រុមប្រឹក្សា អភិបាលរងស្រុក មន្ទីរជំនាញ ការិយាល័យពាក់ព័ន្ធ ក្រុមប្រឹក្សាឃុំ តំណាងប្រជាពលរដ្ឋ និងចាស់ព្រឹទ្ធាចារ្យ។

ពោធិ៍សាត់៖ លោក ណារ៉ា ចំរើន អភិបាល នៃគណៈអភិបាលស្រុកកណ្តៀង បានដឹកនាំកិច្ចប្រជុំផ្សព្វផ្សាយស្តីពីសេចក្តីកំណត់ចំពោះការសាងសង់សំណង់ផ្សេងៗ ជូនដល់អាជ្ញាធរភូមិ ឃុំ និងប្រជាពលរដ្ឋដែលរស់នៅក្នុងភូមិអភិវឌ្ឍន៍បឹងយា ឃុំវាល ស្រុកកណ្ដៀង ដើម្បីពង្រឹងការគ្រប់គ្រងសំណង់ឱ្យមានសណ្តាប់ធ្នាប់ និងត្រឹមត្រូវតាមបច្ចេកទេស នារសៀលថ្ងៃទី២៤ ខែមិថុនា ឆ្នាំ២០២៦។ បន្ទាប់ពីបញ្ចប់កិច្ចប្រជុំ លោកអភិបាលស្រុក បានបន្តដឹកនាំក្រុមការងារចុះពិនិត្យវឌ្ឍនភាពនៃការងារចាក់ដីច្រាំងស្ទឹង ស្ថិតក្នុងឃុំអន្លង់វិល។ សកម្មភាពចុះពិនិត្យផ្ទាល់នេះ គឺដើម្បីធានាឱ្យការដ្ឋានអនុវត្តទៅតាមស្តង់ដារ ក្នុងគោលបំណងការពារការបាក់ស្រុត ការពារទឹកជំនន់ និងរួមចំណែកកែលម្អសោភ័ណភាពដងស្ទឹងឱ្យកាន់តែមានភាពស្រស់ស្អាត និងទាក់ទាញបន្ថែមទៀត៕

ឯកឧត្តមបណ្ឌិត លី ណារុន បានកោតសរសើរចំពោះកិច្ចខិតខំប្រឹងប្រែងរបស់មន្ទីរ និងដៃគូអភិវឌ្ឍន៍ ព្រមទាំងបានពាំនាំនូវប្រសាសន៍ផ្ដាំផ្ញើសួរសុខទុក្ខពីសំណាក់ សម្ដេចតេជោ ហ៊ុន សែន, សម្ដេចធិបតី ហ៊ុន ម៉ាណែត និងឯកឧត្ដមរដ្ឋមន្ត្រី ឆាយ ឫទ្ធិសែន។ ឯកឧត្តមបានរំលឹកពីចក្ខុវិស័យរបស់ក្រសួងក្នុងការកសាងតំបន់ជនបទប្រកបដោយវិបុលភាព បរិយាបន្ន នវានុវត្តន៍ ឌីជីថល និងភាពធន់ តាមរយៈកម្មវិធីអាទិភាពចំនួន៥។

ពោធិ៍សាត់៖ លោក ហេង សុភាណា អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ បានអញ្ជើញជាអធិបតីក្នុងពិធីប្រកាសបិទផ្សាយជាសាធារណៈ នូវឯកសារនៃការវិនិច្ឆ័យសម្រាប់ការចុះបញ្ជីដីធ្លីមានលក្ខណៈជាប្រព័ន្ធ នៅព្រឹកថ្ងៃព្រហស្បតិ៍ ទី២៥ ខែមិថុនា ឆ្នាំ២០២៦នេះ ។ ពិធីនេះត្រូវបានរៀបចំឡើងនៅបរិវេណវត្តថ្លុកដង្កោ ឃុំផ្ទះរុង ដោយមានការចូលរួមពីបងប្អូនប្រជាពលរដ្ឋសរុបចំនួន ៦នាក់។ ការប្រកាសបិទផ្សាយនេះ គឺធ្វើឡើងដើម្បីវិនិច្ឆ័យលើក្បាលដីនៅក្នុងភូមិចំនួន៣ រួមមាន៖ ភូមិជ្រៃក្រឹម ភូមិថ្លុកដង្កោ និងភូមិស្តុកខ្ទុំ ដែលជាជំហានដ៏សំខាន់មួយក្នុងការធានានូវសិទ្ធិស្របច្បាប់លើកម្មសិទ្ធិដីធ្លីជូនប្រជាពលរដ្ឋ និងកាត់បន្ថយទំនាស់ផ្សេងៗនៅក្នុងមូលដ្ឋាន៕

ពោធិ៍សាត់៖ មុនពេលកម្មវិធីផ្លូវការចាប់ផ្តើម ឯកឧត្តម ខូយ រីដា អភិបាល នៃគណៈអភិបាលខេត្តពោធិ៍សាត់ បានឆ្លៀតឱកាសដ៏មមាញឹក ចុះជួបសំណេះសំណាល សាកសួរសុខទុក្ខ និងស្វែងយល់ពីស្ថានភាពរស់នៅជាក់ស្តែងរបស់បងប្អូនប្រជាពលរដ្ឋ ព្រមទាំងអាជីវករ ដែលកំពុងប្រកបរបរលក់ដូរនៅក្នុងផ្សារប្រម៉ោយ ស្ថិតក្នុងឃុំប្រម៉ោយ ស្រុកវាលវែង ខេត្តពោធិ៍សាត់ នៅព្រឹកថ្ងៃទី២៥ ខែមិថុនា ឆ្នាំ២០២៦ ។ សកម្មភាពចុះជួបផ្ទាល់ដល់មូលដ្ឋាននេះ បានបង្ហាញពីការយកចិត្តទុកដាក់ខ្ពស់ និងភាពស្និទ្ធស្នាលរបស់ថ្នាក់ដឹកនាំខេត្ត ក្នុងការក្តាប់ជាប់នូវសុខទុក្ខ តម្រូវការ និងបញ្ហាប្រឈមនានារបស់ប្រជាពលរដ្ឋ ដើម្បីស្វែងរកដំណោះស្រាយសមស្រប និងជំរុញការអភិវឌ្ឍក្នុងតំបន់ឱ្យកាន់តែប្រសើរឡើង៕

ឯកឧត្តម ខូយ រីដា អភិបាលខេត្តពោធិ៍សាត់ បានអញ្ជើញជាអធិបតីក្នុងពិធីប្រកាសចូលកាន់មុខតំណែងអភិបាលរងស្រុកវាលវែងចំនួន ២រូប ដើម្បីពង្រឹងប្រសិទ្ធភាពការងាររដ្ឋបាល និងជំរុញការអភិវឌ្ឍមូលដ្ឋាន។ ពិធីនេះមានការចូលរួមពីថ្នាក់ដឹកនាំខេត្ត តុលាការ មន្ទីរ-អង្គភាព កងកម្លាំងប្រដាប់អាវុធ និងមន្ត្រីរាជការយ៉ាងច្រើនកុះករ នាព្រឹកថ្ងៃទី២៥ ខែមិថុនា ឆ្នាំ២០២៦។

គណៈកម្មាធិការសិទ្ធិមនុស្សកម្ពុជា (គ.ស.ម.ក.) បានរៀបចំ «សិក្ខាសាលាផ្សព្វផ្សាយរបាយការណ៍ជាតិ ស្តីពីការអនុវត្តកតិកាសញ្ញាអន្តរជាតិ ស្តីពីសិទ្ធិពលរដ្ឋ និងនយោបាយ» នៅសាលាខេត្តពោធិ៍សាត់ ក្រោមអធិបតីភាព ឯកឧត្តម កែវ រ៉េមី ទេសរដ្ឋមន្ត្រី និងជាប្រធាន គ.ស.ម.ក. ដោយមានការចូលរួមពី ឯកឧត្តម ខូយ រីដា អភិបាលខេត្តពោធិ៍សាត់ ព្រមទាំងតំណាងមន្ទីរ-អង្គភាពជុំវិញខេត្ត។

លោក លី សុគន្ធី ប្រធានការិយាល័យប្រជាពលរដ្ឋខេត្តពោធិ៍សាត់ បានដឹកនាំក្រុមការងារ ចុះផ្សព្វផ្សាយពីការប្រើប្រាស់កម្មវិធីឌីជីថល «មតិយើង» ដល់គណៈគ្រប់គ្រង សាស្ត្រាចារ្យ គ្រូឧទ្ទេស និងគរុសិស្ស នៃសាលាគរុកោសល្យ និងវិក្រិតការខេត្តពោធិ៍សាត់ ដែលស្ថិតក្នុងសង្កាត់ព្រៃញី ក្រុងពោធិ៍សាត់។