មន្ទីរទេសចរណ៍ខេត្តពោធិ៍សាត់ បើកវគ្គបណ្ដុះបណ្ដាល «ឆុងកាហ្វេកម្រិតមូលដ្ឋាន» ដើម្បីពង្រឹងជំនាញប្រតិបត្តិករទេសចរណ៍

មន្ទីរទេសចរណ៍ខេត្តពោធិ៍សាត់ បិទវគ្គបណ្តុះបណ្តាល «ហូកា» លើជំនាញ ការិយាល័យជួរមុខ និងប្រគល់វិញ្ញាបនបត្រជូនសិក្ខាកាម ១៧នាក់

ពិធីបិទវគ្គបណ្តុះបណ្តាល «ហូកា» លើជំនាញ ការិយាល័យជួរមុខ និងបានប្រគល់វិញ្ញាបនបត្រជូនសិក្ខាកាមចំនួន ១៧នាក់ (ស្រី ១០នាក់) នៅសាលបណ្ឌិត ថោង ខុន។ វគ្គសិក្សារយៈពេល ៣ថ្ងៃនេះ ទទួលបានការឧបត្ថម្ភពីអង្គការ Swisscontact ក្នុងគោលបំណងពង្រឹងសមត្ថភាព និងគុណភាពសេវាកម្មដល់ប្រតិបត្តិករ និងសេវាករទេសចរណ៍ក្នុងខេត្តពោធិ៍សាត់។

២៩ កញ្ញា ២០២៦, ០៣:០៤

មន្ទីរទេសចរណ៍ខេត្តពោធិ៍សាត់ បើកវគ្គបណ្តុះបណ្តាលហូកាលើជំនាញ «ការិយាល័យជួរមុខ» ដើម្បីពង្រឹងសមត្ថភាពប្រតិបត្តិករទេសចរណ៍

ពោធិ៍សាត់៖ នៅសាលបណ្ឌិត ថោង ខុន នៃមន្ទីរទេសចរណ៍ខេត្តពោធិ៍សាត់ បានរៀបចំពិធីបើកវគ្គបណ្តុះបណ្តាលហូកា (HoKa) លើជំនាញ «ការិយាល័យជួរមុខ» ក្រោមអធិបតីភាព លោកប្រធានមន្ទីរទេសចរណ៍ខេត្តពោធិ៍សាត់ កាលពីថ្ងៃទី២៨ ខែកញ្ញា ឆ្នាំ២០២៦។ ពិធីនេះក៏មានការអញ្ជើញចូលរួមពីសំណាក់មន្ត្រីរាជការនៃមន្ទីរទេសចរណ៍ខេត្ត ព្រមទាំងសិក្ខាកាមជាប្រតិបត្តិករ និងសេវាករទេសចរណ៍ក្នុងខេត្តសរុបចំនួន ១៧នាក់ (ក្នុងនោះមានស្ត្រីចំនួន ១០នាក់)។ វគ្គបណ្តុះបណ្តាលដ៏មានសារៈសំខាន់នេះ រៀបចំឡើងក្រោមការគាំទ្រឧបត្ថម្ភពីអង្គការស្វីសខន់ថាក់ (Swisscontact) ក្នុងគោលបំណងពង្រឹងសមត្ថភាព ជំនាញបច្ចេកទេស និងការផ្តល់សេវាកម្មប្រកបដោយគុណភាព និងវាយ៉ាងរ៉ាប់រងដល់ភ្ញៀវទេសចរជាតិ និងអន្តរជាតិដែលមកកម្សាន្តក្នុងខេត្តពោធិ៍សាត់។ តាមរយៈវគ្គបណ្តុះបណ្តាលជំនាញ «ការិយាល័យជួរមុខ» នេះ សិក្ខាកាមទាំងអស់នឹងទទួលបាននូវចំណេះដឹង បទពិសោធន៍ និងបច្ចេកទេសថ្មីៗក្នុងការទទួលបដិសណ្ឋារកិច្ច ការសម្របសម្រួល និងការដោះស្រាយបញ្ហាផ្សេងៗនៅកន្លែងធ្វើការ ដើម្បីរួមចំណែកលើកកម្ពស់វិស័យទេសចរណ៍ក្នុងខេត្តឱ្យកាន់តែមានភាពទាក់ទាញ និងរីកចម្រើនបន្ថែមទៀត៕

២២ កញ្ញា ២០២៦, ០៩:៥២

មន្ទីរទេសចរណ៍ខេត្តពោធិ៍សាត់ រៀបចំកិច្ចប្រជុំបូកសរុបលទ្ធផលការងារខែកញ្ញា និងលើកទិសដៅអនុវត្តសម្រាប់ខែតុលា ឆ្នាំ២០២៦

មន្ទីរទេសចរណ៍ខេត្តពោធិ៍សាត់ បានរៀបចំកិច្ចប្រជុំបូកសរុបលទ្ធផលការងារប្រចាំខែកញ្ញា និងលើកទិសដៅខែតុលា ឆ្នាំ២០២៦ ក្រោមអធិបតីភាពលោកប្រធានមន្ទីរ ដោយមានការចូលរួមពីថ្នាក់ដឹកនាំ ប្រធាន-អនុប្រធានការិយាល័យ និងមន្ត្រីកិច្ចសន្យា។ កិច្ចប្រជុំនេះធ្វើឡើងដើម្បីពិនិត្យវាយតម្លៃសមិទ្ធផលការងារកន្លងមក ដោះស្រាយបញ្ហាប្រឈម និងកំណត់ផែនការសកម្មភាពថ្មីៗ ដើម្បីលើកកម្ពស់វិស័យទេសចរណ៍ក្នុងខេត្តឱ្យកាន់តែប្រសើរឡើង។

១៩ កញ្ញា ២០២៦, ១១:៣៧

ទិដ្ឋភាពដ៏ស្រស់ត្រកាលនៃទីរួមស្រុកវាលវែង និងរង្វង់មូលដំរីដ៏ល្បីល្បាញ ដែលជាបេះដូងនៃទេសចរណ៍ខេត្តពោធិ៍សាត់

ទិដ្ឋភាពពីខាងលើបង្ហាញឱ្យឃើញនូវការរៀបចំទីក្រុងប្រកបដោយសណ្តាប់ធ្នាប់ ជាមួយនឹងលំនៅដ្ឋាន និងសំណង់អាគារជាច្រើនដែលកំពុងលេចចេញឡើងជាបន្តបន្ទាប់។ រង្វង់មូលដំរីស្ថិតនៅចំកណ្តាលនៃចរាចរណ៍ដែលកំពុងតែមមាញឹក ដោយមានផ្លូវថ្នល់ខ្វាត់ខ្វែងតភ្ជាប់ទៅកាន់តំបន់ផ្សេងៗ។ អ្វីដែលធ្វើឱ្យទិដ្ឋភាពនេះកាន់តែពិសេសគឺការហ៊ុំព័ទ្ធដោយភ្នំធម្មជាតិដ៏ខ្ពស់ត្រដែត និងព្រៃឈើខៀវស្រងាត់ ដែលបង្កើតបានជាទេសភាពដ៏អស្ចារ្យ និងស្រស់ត្រកាល។

តំបន់ធម្មជាតិដំណាក់ត្រយឹង ស្ថិតនៅក្នុង ភូមិប៊ុនរ៉ានីសែនជ័យ ឃុំព្រងិល ស្រុកភ្នំក្រវាញ ខេត្តពោធិ៍សាត់

៣១ សីហា ២០២៦, ១៣:៥៩

តំបន់ធម្មជាតិដំណាក់ត្រយឹង ស្ថិតនៅក្នុង ភូមិប៊ុនរ៉ានីសែនជ័យ ឃុំព្រងិល ស្រុកភ្នំក្រវាញ ខេត្តពោធិ៍សាត់

ពោធិ៍សាត់៖ តំបន់នេះត្រូវបានរដ្ឋាភិបាលសម្រេចបង្កើត និងកំណត់ជាផ្លូវការនូវឈ្មោះថា ភូមិប៊ុនរ៉ានីសែនជ័យ ដំណាក់ត្រយឹង ដែលជាតំបន់អភិវឌ្ឍន៍ថ្មីមួយ កើតចេញពីការផ្តួចផ្តើមដ៏ថ្លៃថ្លារបស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ក្នុងគោលបំណងរៀបចំកសាងហេដ្ឋារចនាសម្ព័ន្ធ ផ្តល់ដីឡូតិ៍ លំនៅឋាន និងបង្កើតជាសហគមន៍ថ្មី ជូនដល់គ្រួសារអតីតយុទ្ធជន និងកងកម្លាំងប្រដាប់អាវុធ ដើម្បីលើកកម្ពស់ជីវភាពរស់នៅ និងបង្កើនការអភិវឌ្ឍមូលដ្ឋានក្នុងតំបន់ជួរភ្នំក្រវាញ។ក្រៅពីការរៀបចំជាភូមិអភិវឌ្ឍន៍និងទីលំនៅឋាន តំបន់ធម្មជាតិ ដំណាក់ត្រយឹង ស្ថិតក្នុងភូមិប៊ុនរ៉ានីសែនជ័យ ឃុំព្រងិល ស្រុកភ្នំក្រវាញ ខេត្តពោធិ៍សាត់ ក៏កំពុងមានសក្តានុពលខ្ពស់ក្នុងការអភិវឌ្ឍទៅជា គោលដៅអេកូទេសចរណ៍ធម្មជាតិ (Eco-Tourism) ដ៏ទាក់ទាញមួយផងដែរ ដោយសារកត្តាដូចជា៖ ទេសភាពព្រៃភ្នំ និងខ្យល់អាកាសបរិសុទ្ធ, ការតភ្ជាប់ជាមួយផ្លូវទេសចរណ៍ និងតំបន់ជុំវិញ, ការអភិវឌ្ឍសហគមន៍ទេសចរណ៍មូលដ្ឋាន ៕

២៩ សីហា ២០២៦, ០៣:១១

លោក ធាម សុផាត អភិបាលស្រុកភ្នំក្រវាញ ចុះពិនិត្យវត្តភ្នំព្រះអង្គប្រោសសត្វ ដើម្បីរៀបចំប្រែក្លាយជាតំបន់ទេសចរណ៍ថ្មី

ពោធិ៍សាត់៖ លោក ធាម សុផាត អភិបាលនៃគណៈអភិបាលស្រុកភ្នំក្រវាញ បានអញ្ជើញចុះពិនិត្យទីតាំងផ្ទាល់នៅវត្តភ្នំព្រះអង្គប្រោសសត្វ ដើម្បីសិក្សា និងរៀបចំរៀបចំផែនការប្រែក្លាយទីអារាមមួយនេះ ឱ្យទៅជាតំបន់ទេសចរណ៍បែបសាសនា និងធម្មជាតិថ្មីមួយក្នុងស្រុក។ ការចុះពិនិត្យនេះ ធ្វើឡើងក្នុងគោលបំណងរៀបចំកែលម្អហេដ្ឋារចនាសម្ព័ន្ធ លើកកម្ពស់សោភ័ណភាព និងទាក់ទាញភ្ញៀវទេសចរឱ្យមកកម្សាន្តកាន់តែច្រើន ដែលជាផ្នែកមួយយ៉ាងសំខាន់ក្នុងការជំរុញវិស័យទេសចរណ៍ក្នុងស្រុក និងបង្កើតចំណូលជូនប្រជាសហគមន៍នៅក្នុងមូលដ្ឋាន៕

ព័ត៌មានថ្មីៗ

ឯកឧត្តម ខូយ រីដា អភិបាលខេត្តពោធិ៍សាត់ ផ្តល់បទសម្ភាសន៍អំពីសមិទ្ធិផលនានាក្នុងខេត្តពោធិ៍សាត់

សកម្មភាពថ្នាក់ដឹកនាំ

ឯកឧត្តម ខូយ រីដា អភិបាលខេត្តពោធិ៍សាត់ ផ្តល់បទសម្ភាសន៍អំពីសមិទ្ធិផលនានាក្នុងខេត្តពោធិ៍សាត់

ឯកឧត្តម ខូយ រីដា អភិបាលខេត្តពោធិ៍សាត់ ផ្តល់បទសម្ភាសន៍អំពីសមិទ្ធិផលនានាក្នុងខេត្តពោធិ៍សាត់

មន្ទីរទេសចរណ៍ខេត្តពោធិ៍សាត់ បិទវគ្គបណ្តុះបណ្តាល «ហូកា» លើជំនាញ ការិយាល័យជួរមុខ និងប្រគល់វិញ្ញាបនបត្រជូនសិក្ខាកាម ១៧នាក់

លោក បេង ឆវីរៈ អនុប្រធានមន្ទីរអប់រំ យុវជន និងកីឡា អញ្ជើញចូលរួមកិច្ចប្រជុំពិគ្រោះយោបល់ និងធ្វើបច្ចុប្បន្នភាពទិន្នន័យសុវត្ថិភាពបរិស្ថាន និងសង្គម ក្រោមគម្រោង SE4HC

អប់រំ និងកីឡា

លោក បេង ឆវីរៈ អនុប្រធានមន្ទីរអប់រំ យុវជន និងកីឡា អញ្ជើញចូលរួមកិច្ចប្រជុំពិគ្រោះយោបល់ និងធ្វើបច្ចុប្បន្នភាពទិន្នន័យសុវត្ថិភាពបរិស្ថាន និងសង្គម ក្រោមគម្រោង SE4HC

លោក បេង ឆវីរៈ អនុប្រធានមន្ទីរអប់រំ យុវជន និងកីឡា បានចូលរួមកិច្ចប្រជុំពិគ្រោះយោបល់ ផ្សព្វផ្សាយ និងធ្វើបច្ចុប្បន្នភាពទិន្នន័យស្តីពី កិច្ចការពារសុវត្ថិភាពបរិស្ថាន និងសង្គម នៅវិទ្យាល័យធនធានហ៊ុន សែន ក្រគរ ខេត្តពោធិ៍សាត់។ កិច្ចប្រជុំនេះធ្វើឡើងក្រោម គម្រោងមធ្យមសិក្សាសម្រាប់ការប្រកួតប្រជែងមូលធនមនុស្ស (SE4HC) ដោយផ្តោតលើសាលាគោលដៅសរុបចំនួន ២៣ ទីតាំង ដើម្បីធានាបាននូវបរិស្ថានសិក្សាមានសុវត្ថិភាព និងមានប្រសិទ្ធភាព។

ឯកឧត្តម ខូយ រីដា អញ្ជើញចូលរួមក្នុងពិធីសម្ពោធបើកឱ្យប្រើប្រាស់ជាផ្លូវការ «ផ្លូវជាតិលេខ១០» ក្រោមអធិបតីភាពដ៏ខ្ពង់ខ្ពស់ សម្តេចធិបតី ហ៊ុន ម៉ាណែត

ការអភិវឌ្ឍ

ឯកឧត្តម ខូយ រីដា អញ្ជើញចូលរួមក្នុងពិធីសម្ពោធបើកឱ្យប្រើប្រាស់ជាផ្លូវការ «ផ្លូវជាតិលេខ១០» ក្រោមអធិបតីភាពដ៏ខ្ពង់ខ្ពស់ សម្តេចធិបតី ហ៊ុន ម៉ាណែត

អភិបាលខេត្តពោធិ៍សាត់ បានចូលរួមក្នុងពិធីសម្ពោធបើកឱ្យប្រើប្រាស់ជាផ្លូវការនូវ «ផ្លូវជាតិលេខ១០» ប្រវែង ១៩៨,៥១៨ គ.ម តភ្ជាប់ពីខេត្តបាត់ដំបង ឆ្លងកាត់ពោធិ៍សាត់ ទៅខេត្តកោះកុង ក្រោមអធិបតីភាពដ៏ខ្ពង់ខ្ពស់របស់ សម្តេចធិបតី ហ៊ុន ម៉ាណែត។ ផ្លូវនេះគឺជាសមិទ្ធផលប្រវត្តិសាស្ត្រដែលបានប្រែក្លាយអតីតសមរភូមិសង្គ្រាម ឱ្យទៅជាសរសៃឈាមសេដ្ឋកិច្ច និងទេសចរណ៍ ជួយសម្រួលការធ្វើដំណើរ ដឹកជញ្ជូនទំនិញ និងជំរុញការអភិវឌ្ឍប្រកបដោយសក្តានុពល។