ព័ត៌មានក្នុងខេត្ត

ពន្ធនាគារខេត្តពោធិ៍សាត់ បើកវគ្គបណ្តុះបណ្តាលជំនាញវិជ្ជាជីវៈ និងបច្ចេកទេស ជូនដល់ទណ្ឌិតចំនួន ១០៥នាក់
សកម្មភាពអាជ្ញាធរ
ពន្ធនាគារខេត្តពោធិ៍សាត់ បើកវគ្គបណ្តុះបណ្តាលជំនាញវិជ្ជាជីវៈ និងបច្ចេកទេស ជូនដល់ទណ្ឌិតចំនួន ១០៥នាក់
ពោធិ៍សាត់៖ ថ្ងៃទី០១ ខែកក្កដា ឆ្នាំ២០២៦ នៅពន្ធនាគារខេត្តពោធិ៍សាត់ លោកវរអគ្គានុរក្សថ្នាក់លេខ២ ស៊ិន សុផាន់ណូ ប្រធានពន្ធនាគារខេត្ត បានសហការជាមួយលោក ង៉ែត តាត នាយកវិទ្យាស្ថានពហុបច្ចេកទេសខេត្តពោធិ៍សាត់ បើកវគ្គបណ្តុះបណ្តាលជំនាញវិជ្ជាជីវៈ និងបច្ចេកទេសជូនដល់ទណ្ឌិតដែលត្រូវត្រៀមធ្វើសមាហរណកម្មចូលរួមរស់ក្នុងសង្គមវិញ។ វគ្គបណ្តុះបណ្តាលនេះមានការចូលរួមពីទណ្ឌិត (ប្រុស) សរុបចំនួន ១០៥នាក់ ដោយផ្តោតលើជំនាញសំខាន់ៗចំនួន ៤ រួមមាន៖ ជំនាញបរិក្ខាម៉ាស៊ីនត្រជាក់ ចំនួន ២៩នាក់, ជំនាញតបណ្តាញអគ្គិសនី ចំនួន ២៧នាក់, ជំនាញដំឡើងបណ្តាញបំពង់ទឹក ចំនួន ២៥នាក់ និងជំនាញចិញ្ចឹមត្រីប្រា ចំនួន ២៤នាក់។ វគ្គសិក្សានេះរៀបចំឡើងក្នុងគោលបំណងបំពាក់បំប៉នចំណេះដឹង និងជំនាញបច្ចេកទេសពិតប្រាកដ ដល់បងប្អូនជនជាប់ឃុំ ដើម្បីជាទុនគន្លឹះក្នុងការយកទៅបង្កើតមុខរបរ ឬស្វែងរកការងារធ្វើស្របច្បាប់ សម្រាប់ចិញ្ចឹមជីវិត និងគ្រួសារនៅពេលទទួលបានសេរីភាពឡើងវិញ៕
មន្ទីរព័ត៌មានខេត្តពោធិ៍សាត់
មន្ទីរព័ត៌មានខេត្តពោធិ៍សាត់
អានបន្ត
វគ្គបណ្តុះបណ្តាលមូលដ្ឋានស្តីពី គោលការណ៍គ្រឹះរបស់ចលនា វិជ្ជាសង្គ្រោះបឋម និងគោលនយោបាយយុវជនកាកបាទក្រហមកម្ពុជា
សកម្មភាពអាជ្ញាធរ
វគ្គបណ្តុះបណ្តាលមូលដ្ឋានស្តីពី គោលការណ៍គ្រឹះរបស់ចលនា វិជ្ជាសង្គ្រោះបឋម និងគោលនយោបាយយុវជនកាកបាទក្រហមកម្ពុជា
ក្រោមការយកចិត្តទុកដាក់ពី ឯកឧត្តម ខូយ រីដា ប្រធានគណៈកម្មាធិការសាខាកាកបាទក្រហមកម្ពុជា ខេត្តពោធិ៍សាត់ នាថ្ងៃទី១ ខែកក្កដា ឆ្នាំ២០២៦ សាខាកាកបាទក្រហមកម្ពុជា ខេត្តពោធិ៍សាត់ បានបើកវគ្គបណ្តុះបណ្តាលមូលដ្ឋានស្តីពី «គោលការណ៍គ្រឹះរបស់ចលនា វិជ្ជាសង្គ្រោះបឋម និងគោលនយោបាយយុវជនកាកបាទក្រហមកម្ពុជា» ជូនដល់យុវជនកាកបាទក្រហមកម្ពុជា នៃវិទ្យាល័យ ហ៊ុន សែន នាក់ចិញ្ចៀន ចំនួន ៥០នាក់ ស្រី ២៥នាក់។
មន្ទីរព័ត៌មានខេត្តពោធិ៍សាត់
មន្ទីរព័ត៌មានខេត្តពោធិ៍សាត់
អានបន្ត
បើកកិច្ចប្រជុំផ្សព្វផ្សាយច្បាប់ជលផលជូនប្រជានេសាទឃុំរាំងទិល ដើម្បីពង្រឹងការការពារធនធានមច្ឆជាតិ
សកម្មភាពអាជ្ញាធរ
បើកកិច្ចប្រជុំផ្សព្វផ្សាយច្បាប់ជលផលជូនប្រជានេសាទឃុំរាំងទិល ដើម្បីពង្រឹងការការពារធនធានមច្ឆជាតិ
កណ្តៀង៖ លោក អ៊ន សុផល្លា អភិបាលរងស្រុកកណ្តៀង បានដឹកនាំកិច្ចប្រជុំផ្សព្វផ្សាយស្តីពី «ច្បាប់ជលផល» ជូនដល់បងប្អូនប្រជានេសាទនៅក្នុងឃុំរាំងទិល ស្រុកកណ្តៀង ខេត្តពោធិ៍សាត់ នាព្រឹកថ្ងៃទី០១ ខែកក្កដា ឆ្នាំ២០២៦ នេះ នៅបរិវេណវត្តមុន្នីសាគរ (ហៅវត្តរាំងទិល) ។ កិច្ចប្រជុំនេះរៀបចំឡើងក្នុងគោលបំណង និងអត្ថប្រយោជន៍សំខាន់ៗចំនួន ៣ គឺ៖ ជួយឱ្យបងប្អូនប្រជានេសាទយល់ដឹងកាន់តែច្បាស់ពីបទប្បញ្ញត្តិច្បាប់ ជៀសវាងការប្រព្រឹត្តបទល្មើសនេសាទដោយអចេតនា, ជម្រុញការបញ្ឈប់ការប្រើប្រាស់ឧបករណ៍នេសាទខុសច្បាប់គ្រប់ប្រភេទ (ដូចជា ឧបករណ៍ឆក់ ឬមុងក្រឡាញឹក) ដើម្បីរួមគ្នាថែរក្សាពូជត្រី និងប្រព័ន្ធអេកូឡូស៊ីបឹងទន្លេសាបឱ្យបានគង់វង្ស និងផ្ដល់ការយល់ដឹងថា ការចូលរួមការពារធនធានជលផលនៅថ្ងៃនេះ គឺដើម្បីធានាប្រភពចំណូលថេរ និងយូរអង្វែងសម្រាប់គ្រួសារប្រជានេសាទផ្ទាល់នៅថ្ងៃអនាគត៕
មន្ទីរព័ត៌មានខេត្តពោធិ៍សាត់
មន្ទីរព័ត៌មានខេត្តពោធិ៍សាត់
អានបន្ត
ពិធីក្រុងពាលី បើកដំណើរការចាក់ប្លង់សេព្រះវិហារ វត្តគិរីបុទុម្ពិសី (វត្តអន្លង់រាប)
សកម្មភាពអាជ្ញាធរ
ពិធីក្រុងពាលី បើកដំណើរការចាក់ប្លង់សេព្រះវិហារ វត្តគិរីបុទុម្ពិសី (វត្តអន្លង់រាប)
ខេត្តពោធិ៍សាត់៖ លោកព្រឹទ្ធាចារ្យ អួន យ៉ង់ ប្រធានក្រុមប្រឹក្សាស្រុកវាលវែង និងលោក ធាង ឡេង អភិបាលនៃគណៈអភិបាលស្រុកវាលវែង បានអញ្ជើញចូលរួមជាអធិបតីក្នុងកម្មវិធីក្រុងពាលី ដើម្បីបើកដំណើរការចាក់ប្លង់សេព្រះវិហារ វត្តគិរីបុទុម្ពិសី (ហៅវត្តអន្លង់រាប) ស្ថិតក្នុងភូមិចំការជ្រៃខាងជើង ឃុំអន្លង់រាប ស្រុកវាលវែង នាព្រឹកថ្ងៃទី០១ ខែកក្កដា ឆ្នាំ២០២៦នេះ។ ពិធីនេះក៏មានការអញ្ជើញ និងនិមន្តចូលរួមពីសំណាក់ សមាជិកក្រុមប្រឹក្សាស្រុក លោក-លោកស្រីប្រធាន អនុប្រធានការិយាល័យជុំវិញស្រុក អាជ្ញាធរមូលដ្ឋាន ព្រមទាំងព្រះចៅអធិការវត្ត អាចារ្យ គណៈកម្មការវត្ត និងបងប្អូនពុទ្ធបរិស័ទចំណុះជើងវត្តយ៉ាងកុះករ។ ពិធីក្រុងពាលីនេះប្រព្រឹត្តទៅតាមគន្លងប្រពៃណីព្រះពុទ្ធសាសនា ដើម្បីបួងសួងសុំសេចក្តីសុខចម្រើន និងជានិមិត្តរូបនៃការចាប់ផ្តើមការដ្ឋានសំណង់ព្រះវិហារថ្មីនេះ ឱ្យដំណើរការទៅដោយរលូន សុវត្ថិភាព ដើម្បីទុកជាទីសក្ការបូជារបស់ពុទ្ធបរិស័ទ និងជួយលើកកម្ពស់វិស័យព្រះពុទ្ធសាសនា ដែលជាសាសនារបស់រដ្ឋឱ្យកាន់តែរីកចម្រើនថែមទៀតនៅក្នុងមូលដ្ឋាន៕
មន្ទីរព័ត៌មានខេត្តពោធិ៍សាត់
មន្ទីរព័ត៌មានខេត្តពោធិ៍សាត់
អានបន្ត
ទឹកចិត្តមនុស្សធម៌! សមាគមអតីតយុទ្ធជនស្រុកតាលោសែនជ័យ នាំយកថវិកាបេឡាមរណៈសង្គ្រោះប្រគល់ជូនគ្រួសារ
សកម្មភាពអាជ្ញាធរ
ទឹកចិត្តមនុស្សធម៌! សមាគមអតីតយុទ្ធជនស្រុកតាលោសែនជ័យ នាំយកថវិកាបេឡាមរណៈសង្គ្រោះប្រគល់ជូនគ្រួសារ
ស្រុកតាលោសែនជ័យ៖ លោក អ៊ុក សុខា អភិបាលរងស្រុក តំណាងលោកអភិបាលស្រុក និងជាប្រធានសមាគមអតីតយុទ្ធជន និងនិវត្តជនកម្ពុជាស្រុកតាលោសែនជ័យ បានដឹកនាំក្រុមការងារសមាគម ព្រមទាំងអាជ្ញាធរមូលដ្ឋានឃុំ-ភូមិ ចុះសួរសុខទុក្ខ និងនាំយកថវិកាបេឡាមរណៈសង្គ្រោះ ទៅប្រគល់ជូនគ្រួសារសពអតីតយុទ្ធជនចំនួន ២គ្រួសារ រួមមាន៖ លោកស្រី អ៊ុន គីម រស់នៅភូមិតាសាស់ ឃុំផ្ទះរុង និងលោក ហង្ស ឡាំ រស់នៅភូមិសិរីគន្ធា ឃុំតាលោ។ លោក អ៊ុក សុខា បានពាំនាំនូវការសាកសួរសុខទុក្ខ និងការចូលរួមរំលែកទុក្ខយ៉ាងក្រៀមក្រំពីសំណាក់ថ្នាក់ដឹកនាំ ជូនចំពោះក្រុមគ្រួសារសព។ ទន្ទឹមនឹងនោះ ថវិកាបេឡាមរណៈសង្គ្រោះដែលបានប្រគល់ជូននាពេលនេះ គឺជាការបង្ហាញពីការយកចិត្តទុកដាក់ខ្ពស់ និងការដឹងគុណចំពោះគុណបំណាច់របស់បងប្អូនអតីតយុទ្ធជន ដែលបានលះបង់ដើម្បីបុព្វហេតុជាតិមាតុភូមិកន្លងមក ក៏ដូចជាការជួយសម្រាលបន្ទុកថវិការបស់ក្រុមគ្រួសារក្នុងការរៀបចំពិធីបុណ្យសពទៅតាមគន្លងប្រពៃណីផងដែរ៕
មន្ទីរព័ត៌មានខេត្តពោធិ៍សាត់
មន្ទីរព័ត៌មានខេត្តពោធិ៍សាត់
អានបន្ត
មន្ទីរផែនការខេត្តពោធិ៍សាត់ ចុះប្រមូលទិន្នន័យព័ត៌មានរដ្ឋបាលនៅតាមបណ្តាមន្ទីរ និងអង្គភាពជុំវិញ
សកម្មភាពអាជ្ញាធរ
មន្ទីរផែនការខេត្តពោធិ៍សាត់ ចុះប្រមូលទិន្នន័យព័ត៌មានរដ្ឋបាលនៅតាមបណ្តាមន្ទីរ និងអង្គភាពជុំវិញ
ខេត្តពោធិ៍សាត់៖ ថ្នាក់ដឹកនាំ និងមន្ត្រីរាជការនៃមន្ទីរផែនការខេត្តពោធិ៍សាត់ បានចុះយុទ្ធនាការប្រមូលទិន្នន័យព័ត៌មានរដ្ឋបាលមន្ទីរ អង្គភាព និងរដ្ឋបាលថ្នាក់ក្រោមជាតិ នៅតាមបណ្តាមន្ទីរ-អង្គភាពនានា ជុំវិញខេត្តពោធិ៍សាត់ កាលពីថ្ងៃទី៣០ ខែមិថុនា ឆ្នាំ២០២៦។ សកម្មភាពចុះប្រមូលទិន្នន័យនេះ ធ្វើឡើងក្នុងគោលបំណងចងក្រង និងបច្ចុប្បន្នភាពរាល់ព័ត៌មានរដ្ឋបាល និងស្ថិតិសំខាន់ៗនៅតាមស្ថាប័នថ្នាក់ក្រោមជាតិ។ ទិន្នន័យដែលប្រមូលបានទាំងនេះ នឹងត្រូវយកទៅប្រើប្រាស់ជាមូលដ្ឋានគ្រឹះដ៏មានសារៈសំខាន់ សម្រាប់ការវិភាគ វាយតម្លៃ ក៏ដូចជាបម្រើឱ្យការងាររៀបចំផែនការអភិវឌ្ឍន៍ខេត្តឱ្យចំគោលដៅ និងមានប្រសិទ្ធភាពខ្ពស់ ស្របតាមគោលនយោបាយរបស់រាជរដ្ឋាភិបាល៕
មន្ទីរព័ត៌មានខេត្តពោធិ៍សាត់
មន្ទីរព័ត៌មានខេត្តពោធិ៍សាត់
អានបន្ត
ការិយាល័យជំនាញ រៀបចំកិច្ចប្រជុំណែនាំការប្រមូលទិន្នន័យតាមវិស័យ សម្រាប់គណនា GDP
សកម្មភាពអាជ្ញាធរ
ការិយាល័យជំនាញ រៀបចំកិច្ចប្រជុំណែនាំការប្រមូលទិន្នន័យតាមវិស័យ សម្រាប់គណនា GDP
ពោធិ៍សាត់៖ ការិយាល័យស្ថិតិវិទ្យាសាស្ត្រ បច្ចេកវិទ្យា និងនវានុវត្តន៍ សហការជាមួយការិយាល័យស្ថិតិ បានរៀបចំកិច្ចប្រជុំពិភាក្សា និងណែនាំបង្ហាញស្តីពីការប្រមូលទិន្នន័យតាមវិស័យ ក្នុងគោលបំណងយកទៅគណនាផលិតផលសរុបក្នុងស្រុក (GDP) នាថ្ងៃទី០១ ខែកក្កដា ឆ្នាំ២០២៦ នេះ ។ កិច្ចប្រជុំនេះរៀបចំឡើងដើម្បីពង្រឹងសមត្ថភាព និងតម្រង់ទិសដល់មន្ត្រីជំនាញក្នុងការប្រមូលទិន្នន័យឱ្យបានគ្រប់ជ្រុងជ្រោយ ត្រឹមត្រូវ និងទាន់ពេលវេលាទៅតាមវិស័យនីមួយៗ។ ទិន្នន័យទាំងនេះ គឺជាមូលដ្ឋានគ្រឹះដ៏មានសារៈសំខាន់បំផុត ក្នុងការគណនា និងវាយតម្លៃលើកំណើនសេដ្ឋកិច្ចជាតិ (GDP) ឱ្យមានភាពច្បាស់លាស់ និងស្តង់ដារ សម្រាប់បម្រើឱ្យការរៀបចំគោលនយោបាយ និងការអភិវឌ្ឍប្រទេសជាតិ៕
មន្ទីរព័ត៌មានខេត្តពោធិ៍សាត់
មន្ទីរព័ត៌មានខេត្តពោធិ៍សាត់
អានបន្ត
រដ្ឋបាលស្រុកភ្នំក្រវាញ រៀបចំសណ្ដាប់ធ្នាប់ទីតាំងខ្ចុះ និងចំណតរថយន្តនៅរមណីយដ្ឋានកោះទឹកឱប ត្រៀមទទួលអ្នករត់កម្សាន្តថ្ងៃទី៤ ខាងមុខ
សកម្មភាពអាជ្ញាធរ
រដ្ឋបាលស្រុកភ្នំក្រវាញ រៀបចំសណ្ដាប់ធ្នាប់ទីតាំងខ្ចុះ និងចំណតរថយន្តនៅរមណីយដ្ឋានកោះទឹកឱប ត្រៀមទទួលអ្នករត់កម្សាន្តថ្ងៃទី៤ ខាងមុខ
ស្រុកភ្នំក្រវាញ៖ លោក ធាម សុផាត អភិបាលនៃគណៈអភិបាលស្រុកភ្នំក្រវាញ នាព្រឹកថ្ងៃទី០១ ខែកក្កដា ឆ្នាំ២០២៦ នេះ បានចុះពិនិត្យផ្ទាល់នូវការរៀបចំផ្លាស់ប្តូរទីតាំងខ្ចុះ និងទីតាំងចំណតរថយន្ត នៅរមណីយដ្ឋានកោះទឹកឱប ស្ថិតក្នុងឃុំព្រងិល។ ការចុះពិនិត្យ និងរៀបចំសណ្ដាប់ធ្នាប់ឡើងវិញនេះ គឺដើម្បីធានាបាននូវរបៀបរៀបរយ សោភ័ណភាព និងភាពងាយស្រួល ក្នុងការត្រៀមលក្ខណៈទទួលស្វាគមន៍បងប្អូនប្រជាពលរដ្ឋ ក៏ដូចជាកីឡាករ-កីឡការិនី ដែលនឹងមកចូលរួមក្នុងព្រឹត្តិការណ៍រត់កម្សាន្ត នាថ្ងៃទី០៤ ខែកក្កដា ខាងមុខនេះ ឱ្យប្រព្រឹត្តទៅដោយរលូន និងមានសុវត្ថិភាពខ្ពស់៕
មន្ទីរព័ត៌មានខេត្តពោធិ៍សាត់
មន្ទីរព័ត៌មានខេត្តពោធិ៍សាត់
អានបន្ត
សកម្មភាពបងប្អូនប្រជាពលរដ្ឋអញ្ជើញមកទទួលសេវា នៅការិយាល័យច្រកចេញចូលតែមួយស្រុកភ្នំក្រវាញ
សកម្មភាពអាជ្ញាធរ
សកម្មភាពបងប្អូនប្រជាពលរដ្ឋអញ្ជើញមកទទួលសេវា នៅការិយាល័យច្រកចេញចូលតែមួយស្រុកភ្នំក្រវាញ
នៅក្នុងសប្តាហ៍នេះ បងប្អូនប្រជាពលរដ្ឋបានអញ្ជើញមកទទួលសេវារដ្ឋបាល និងសេវាសាធារណៈនានា យ៉ាងកុះករ និងប្រកបដោយទឹកមុខរីករាយ នៅការិយាល័យច្រកចេញចូលតែមួយស្រុកភ្នំក្រវាញ ខេត្តពោធិ៍សាត់។ ការិយាល័យច្រកចេញចូលតែមួយស្រុក តែងតែរង់ចាំស្វាគមន៍ និងផ្តល់សេវាជូនបងប្អូនប្រជាពលរដ្ឋយ៉ាងយកចិត្តទុកដាក់ ស្របតាមគោលការណ៍ «ធ្វើឱ្យបានឆាប់រហ័ស ងាយស្រួល មានតម្លាភាព និងប្រកបដោយប្រសិទ្ធភាព» ដើម្បីឆ្លើយតបទៅនឹងតម្រូវការជាក់ស្តែងរបស់ប្រជាពលរដ្ឋក្នុងមូលដ្ឋាន លើការងារដោះស្រាយឯកសារគតិយុត្តផ្សេងៗ៕
មន្ទីរព័ត៌មានខេត្តពោធិ៍សាត់
មន្ទីរព័ត៌មានខេត្តពោធិ៍សាត់
អានបន្ត
អភិបាលស្រុកវាលវែង ចុះពិនិត្យវឌ្ឍនភាពការសាងសង់ស្ពានអូរទឹកភ្លាវ ភ្ជាប់ទំនាក់ទំនងរវាងភូមិនិងភូមិ ក្នុងឃុំក្រពើពីរ
សកម្មភាពអាជ្ញាធរ
អភិបាលស្រុកវាលវែង ចុះពិនិត្យវឌ្ឍនភាពការសាងសង់ស្ពានអូរទឹកភ្លាវ ភ្ជាប់ទំនាក់ទំនងរវាងភូមិនិងភូមិ ក្នុងឃុំក្រពើពីរ
ការចុះពិនិត្យផ្ទាល់ដល់ទីតាំងការដ្ឋាននេះ គឺដើម្បីធានាថាការសាងសង់ស្ពាននេះប្រព្រឹត្តទៅបានត្រឹមត្រូវតាមស្តង់ដារបច្ចេកទេស ធានាបាននូវគុណភាពរឹងមាំ និងបញ្ចប់តាមផែនការដែលបានកំណត់។
មន្ទីរព័ត៌មានខេត្តពោធិ៍សាត់
មន្ទីរព័ត៌មានខេត្តពោធិ៍សាត់
អានបន្ត
យុទ្ធនាការដាំស្តារកូនឈើជិតផុតពូជចំនួន ១៥,០០០ដើម នៅដែនជម្រកសត្វព្រៃភ្នំសំកុស
សកម្មភាពអាជ្ញាធរ
យុទ្ធនាការដាំស្តារកូនឈើជិតផុតពូជចំនួន ១៥,០០០ដើម នៅដែនជម្រកសត្វព្រៃភ្នំសំកុស
យុទ្ធនាការដ៏មានសារៈសំខាន់នេះ រៀបចំឡើងក្នុងគោលបំណងស្តារគម្របព្រៃឈើដែលរងការខូចខាតឡើងវិញ ចូលរួមការពារជីវៈចម្រុះ និងបង្កើតជាម្លប់បៃតងនៅតាមតំបន់រមណីយដ្ឋានធម្មជាតិ។ ជាមួយគ្នានោះដែរ លោកអភិបាលស្រុកក៏បានអំពាវនាវដល់បងប្អូនប្រជាពលរដ្ឋ និងសិស្សានុសិស្សទាំងអស់ ឱ្យបន្តចូលរួមថែរក្សា ការពារព្រៃឈើ និងសត្វព្រៃ ដែលជាទ្រព្យសម្បត្តិធម្មជាតិមិនអាចខ្វះបានសម្រាប់មនុស្សជំនាន់ក្រោយ។
មន្ទីរព័ត៌មានខេត្តពោធិ៍សាត់
មន្ទីរព័ត៌មានខេត្តពោធិ៍សាត់
អានបន្ត
លោកអភិបាលស្រុកវាលវែង ដឹកនាំកិច្ចប្រជុំគណៈបញ្ជាការឯកភាពស្រុក និងប្រគល់លិខិតសរសើរជូនភូមិស្អាតចំនួន២
សកម្មភាពអាជ្ញាធរ
លោកអភិបាលស្រុកវាលវែង ដឹកនាំកិច្ចប្រជុំគណៈបញ្ជាការឯកភាពស្រុក និងប្រគល់លិខិតសរសើរជូនភូមិស្អាតចំនួន២
(ពោធិ៍សាត់)៖ លោក ធាង ឡេង អភិបាលនៃគណៈអភិបាលស្រុក និងជាប្រធានគណៈបញ្ជាការឯកភាពស្រុកវាលវែង បានដឹកនាំកិច្ចប្រជុំគណៈបញ្ជាការឯកភាពស្រុកប្រចាំខែមិថុនា នាព្រឹកថ្ងៃអង្គារ ទី៣០ ខែមិថុនា ឆ្នាំ២០២៦ នៅសាលប្រជុំសាលាស្រុកវាលវែង។ កិច្ចប្រជុំនេះមានការអញ្ជើញចូលរួមពី លោកអភិបាលរងស្រុក លោកនាយករដ្ឋបាលស្តីទី លោកនាយករងរដ្ឋបាល លោក-លោកស្រីប្រធានការិយាល័យ លោកមេបញ្ជាការកងកម្លាំងទាំងបីប្រភេទ អាជ្ញាធរភូមិ-ឃុំ នាយប៉ុស្តិ៍នគរបាលរដ្ឋបាលឃុំ តំណាងមណ្ឌលសុខភាពទាំង៥ ព្រមទាំងអ្នកពាក់ព័ន្ធ សរុបចំនួន ១១០នាក់។ កិច្ចប្រជុំនេះធ្វើឡើងដើម្បីត្រួតពិនិត្យ វាយតម្លៃលើលទ្ធផលការងារប្រចាំខែ និងដាក់ចេញទិសដៅពង្រឹងសន្តិសុខ សណ្តាប់ធ្នាប់សាធារណៈ ក្នុងភូមិសាស្ត្រស្រុកឱ្យកាន់តែល្អប្រសើរ។ ជាពិសេសនៅក្នុងឱកាសនោះដែរ លោកអភិបាលស្រុកបានកោតសរសើរ លើកទឹកចិត្ត និងបានប្រគល់លិខិតសរសើរជូនដល់តំណាងភូមិចំនួន ២ គឺភូមិផ្ចឹកជ្រុំ និងភូមិឈើទាលជ្រុំ (សរុបចំនួន ៦នាក់) ដែលបានខិតខំប្រឹងប្រែងយ៉ាងសកម្មក្នុងការងារសម្អាតអនាម័យ និងបរិស្ថានស្អាតនៅក្នុងមូលដ្ឋានភូមិរបស់ខ្លួន ដើម្បីជាគំរូដ៏ល្អដល់បណ្តាភូមិដទៃទៀតក្នុងការលើកកម្ពស់សោភ័ណភាពស្រុកវាលវែង៕
មន្ទីរព័ត៌មានខេត្តពោធិ៍សាត់
មន្ទីរព័ត៌មានខេត្តពោធិ៍សាត់
អានបន្ត
អភិបាលស្រុកបាកាន ប្រកាសផ្តល់រង្វាន់លើកទឹកចិត្ត ២០ម៉ឺនរៀល ដល់អ្នកផ្តល់ព័ត៌មានពីទីតាំងល្បែងស៊ីសងគ្រប់ប្រភេទ ក្នុងមូលដ្ឋាន
សកម្មភាពអាជ្ញាធរ
អភិបាលស្រុកបាកាន ប្រកាសផ្តល់រង្វាន់លើកទឹកចិត្ត ២០ម៉ឺនរៀល ដល់អ្នកផ្តល់ព័ត៌មានពីទីតាំងល្បែងស៊ីសងគ្រប់ប្រភេទ ក្នុងមូលដ្ឋាន
(ពោធិ៍សាត់)៖ ដើម្បីពង្រឹងគោលនយោបាយភូមិ-ឃុំមានសុវត្ថិភាព លោក ឆាយ គឹមម៉ុង អភិបាលស្រុកបាកាន ខេត្តពោធិ៍សាត់ បានប្រកាសដាក់ចេញនូវវិធានការម៉ឺងម៉ាត់ ដោយអំពាវនាវដល់សាធារណជន និងប្រជាពលរដ្ឋ ចូលរួមផ្តល់ព័ត៌មានទាក់ទងនឹងការលួចលាក់លេងល្បែងស៊ីសងគ្រប់ប្រភេទ នៅក្នុងភូមិសាស្ត្រទាំង ៩ឃុំ នៃស្រុកបាកាន។ លោកអភិបាលស្រុកបានបញ្ជាក់ថា រាល់ការរាយការណ៍ដែលផ្តល់ព័ត៌មានច្បាស់លាស់ពីទីតាំង និងពេលវេលាកំពុងលេងជាក់ស្តែង អាជ្ញាធរនឹងធ្វើការជូនថវិកាលើកទឹកចិត្តចំនួន ២០ម៉ឺនរៀល ភ្លាមៗ ព្រមទាំងធានារក្សាការសម្ងាត់ជូនអ្នករាយការណ៍ជាដាច់ខាត។ វិធានការនេះ ធ្វើឡើងក្នុងគោលបំណងលុបបំបាត់ល្បែងស៊ីសងគ្រប់រូបភាពក្នុងមូលដ្ឋាន ជម្រុញការចូលរួមពីប្រជាពលរដ្ឋ និងលើកកម្ពស់សន្តិសុខ សណ្តាប់ធ្នាប់សង្គម ឱ្យកាន់តែល្អប្រសើរឡើង ដើម្បីសេចក្តីសុខក្សេមក្សាន្តរបស់បងប្អូនប្រជាពលរដ្ឋ៕
មន្ទីរព័ត៌មានខេត្តពោធិ៍សាត់
មន្ទីរព័ត៌មានខេត្តពោធិ៍សាត់
អានបន្ត