ព័ត៌មានក្នុងខេត្ត

រដ្ឋបាលក្រុងបានរៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាក្រុងពោធិ៍សាត់ អាណត្តិទី៤។ ពិធីនេះប្រព្រឹត្តទៅក្រោមអធិបតីភាព លោក សំរិទ្ធិ អេង ប្រធានក្រុមប្រឹក្សាក្រុង និងលោក ផាយ ឡេង អភិបាលក្រុងពោធិ៍សាត់ ដោយមានការចូលរួមពីតំណាងប្រជាពលរដ្ឋមកពីសង្កាត់ចំនួន៤ រួមមាន៖ សង្កាត់ចំរើនផល លលកស រលាប និងសង្កាត់ស្វាយអាត់ សរុបចំនួន ២៩០នាក់ ស្រី ៦០នាក់។

វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាស្រុក អាណត្តិទី៤ សម្រាប់ឆ្នាំ២០២៦ នៅទីតាំងទីទួលសុវត្ថិភាពក្តីឧត្តម ឃុំស្រែស្តុក ស្រុកកណ្តៀង។ ពិធីនេះប្រព្រឹត្តទៅក្រោមអធិបតីភាព លោក សុខ លីមុត ប្រធានក្រុមប្រឹក្សាស្រុក និងលោក ណារ៉ា ចំរើន អភិបាលនៃគណៈអភិបាលស្រុក ដោយមានការចូលរួមពីសមាជិកក្រុមប្រឹក្សា អភិបាលរងស្រុក មន្ទីរជំនាញ ការិយាល័យពាក់ព័ន្ធ ក្រុមប្រឹក្សាឃុំ តំណាងប្រជាពលរដ្ឋ និងចាស់ព្រឹទ្ធាចារ្យ។

ពោធិ៍សាត់៖ លោក ណារ៉ា ចំរើន អភិបាល នៃគណៈអភិបាលស្រុកកណ្តៀង បានដឹកនាំកិច្ចប្រជុំផ្សព្វផ្សាយស្តីពីសេចក្តីកំណត់ចំពោះការសាងសង់សំណង់ផ្សេងៗ ជូនដល់អាជ្ញាធរភូមិ ឃុំ និងប្រជាពលរដ្ឋដែលរស់នៅក្នុងភូមិអភិវឌ្ឍន៍បឹងយា ឃុំវាល ស្រុកកណ្ដៀង ដើម្បីពង្រឹងការគ្រប់គ្រងសំណង់ឱ្យមានសណ្តាប់ធ្នាប់ និងត្រឹមត្រូវតាមបច្ចេកទេស នារសៀលថ្ងៃទី២៤ ខែមិថុនា ឆ្នាំ២០២៦។ បន្ទាប់ពីបញ្ចប់កិច្ចប្រជុំ លោកអភិបាលស្រុក បានបន្តដឹកនាំក្រុមការងារចុះពិនិត្យវឌ្ឍនភាពនៃការងារចាក់ដីច្រាំងស្ទឹង ស្ថិតក្នុងឃុំអន្លង់វិល។ សកម្មភាពចុះពិនិត្យផ្ទាល់នេះ គឺដើម្បីធានាឱ្យការដ្ឋានអនុវត្តទៅតាមស្តង់ដារ ក្នុងគោលបំណងការពារការបាក់ស្រុត ការពារទឹកជំនន់ និងរួមចំណែកកែលម្អសោភ័ណភាពដងស្ទឹងឱ្យកាន់តែមានភាពស្រស់ស្អាត និងទាក់ទាញបន្ថែមទៀត៕

លោក លី សុគន្ធី ប្រធានការិយាល័យប្រជាពលរដ្ឋខេត្តពោធិ៍សាត់ បានដឹកនាំក្រុមការងារ ចុះផ្សព្វផ្សាយពីការប្រើប្រាស់កម្មវិធីឌីជីថល «មតិយើង» ដល់គណៈគ្រប់គ្រង សាស្ត្រាចារ្យ គ្រូឧទ្ទេស និងគរុសិស្ស នៃសាលាគរុកោសល្យ និងវិក្រិតការខេត្តពោធិ៍សាត់ ដែលស្ថិតក្នុងសង្កាត់ព្រៃញី ក្រុងពោធិ៍សាត់។

គោលបំណងសំខាន់នៃវេទិកាផ្សព្វផ្សាយ និងពិគ្រោះយោបល់នេះ ធ្វើឡើងក្នុងគោលបំណង៖ -ឆ្លុះបញ្ចាំងពីលទ្ធផលការងារ៖ ផ្សព្វផ្សាយនូវសមិទ្ធផលនានា និងវឌ្ឍនភាពការងារដែលរដ្ឋបាលស្រុកសម្រេចបានជូនប្រជាពលរដ្ឋបានជ្រាប។ -ស្តាប់កង្វល់ផ្ទាល់ដី៖ បង្កើតឱកាសឱ្យបងប្អូនប្រជាពលរដ្ឋ និងអាជ្ញាធរមូលដ្ឋាន បានលើកឡើងនូវរាល់បញ្ហាប្រឈម សំណើ សំណូមពរ ក៏ដូចជាមតិយោបល់ផ្សេងៗពាក់ព័ន្ធនឹងការអភិវឌ្ឍមូលដ្ឋាន និងការផ្តល់សេវាសាធារណៈ។ -ស្វែងរកដំណោះស្រាយ៖ ពិភាក្សា និងឆ្លើយតបភ្លាមៗចំពោះកង្វល់នានា ក្នុងសមត្ថកិច្ចរបស់រដ្ឋបាលស្រុក និងកត់ត្រានូវរាល់សំណើធំៗដើម្បីដាក់ជូនទៅថ្នាក់លើពិនិត្យ និងដោះស្រាយបន្ត។

សកម្មភាពបច្ចេកទេសនេះ ត្រូវបានធ្វើឡើងដោយប្រើប្រាស់ឧបករណ៍វាស់ស្ទង់ទំនើប MetroCount នៅលើកំណាត់ផ្លូវជាតិលេខ៥ ត្រង់ចន្លោះគីឡូម៉ែត្រលេខ ១៨៤+០០០ ដល់ គ.ម ១៨៥+០០០ ដែលស្ថិតនៅក្នុងភូមិសាស្ត្រក្រុងពោធិ៍សាត់ ខេត្តពោធិ៍សាត់។ យោងតាមក្រុមការងារបច្ចេកទេស បានឱ្យដឹងថា ការជ្រើសរើសយកចំណុចខាងលើមកធ្វើការសិក្សាស្រាវជ្រាវ និងប្រមូលទិន្នន័យយ៉ាងដិតដល់នេះ គឺដោយសារតែទីតាំងនេះជាចំណុចគន្លឹះដែលធ្លាប់មានប្រវត្តិប្រឈម និងកើតមានគ្រោះថ្នាក់ចរាចរណ៍ជាញឹកញាប់កន្លងមក។

មន្ទីរសាធារណការ និងដឹកជញ្ជូនខេត្តពោធិ៍សាត់ និង ក្រុមការងារអគ្គនាយកដ្ឋានបច្ចេកទេស ក្រសួងសាធារណការ និងដឹកជញ្ជូន បានចុះសិក្សាប្រមូលទិន្ន័យលំអិតអំពី ល្បឿន និងចំនួនចរាចរណ៍ ដោយប្រើប្រាស់ឧបករណ៍ MetroCount លើផ្លូវជាតិលេខ៥ ចន្លោះ គ.ម ១៤៩+០០០ ដល់ គ.ម១៥០+០០០ ស្ថិតក្នុងស្រុក ក្រគរ ខេត្តពោធិ៍សាត់ ដែលជាទីតាំងធ្លាប់មានគ្រោះថ្នាក់ចរាចរណ៍កន្លងមក។

ប្រតិបត្តិការរួមនេះ កម្លាំងសមត្ថកិច្ច និងមន្ត្រីជំនាញបានធ្វើការត្រួតពិនិត្យតាមតូប និងទីតាំងអាជីវកម្មនានាក្នុងផ្សារ ដើម្បីធានាថា ទំនិញដែលដាក់លក់ជូនប្រជាពលរដ្ឋមានគុណភាព សុវត្ថិភាព និងអនុលោមតាមបទប្បញ្ញត្តិច្បាប់ជាធរមាន។ ជាលទ្ធផល ក្រុមការងារបានរកឃើញទំនិញខូចគុណភាព និងទំនិញហួសសុពលភាពមួយចំនួន ដែលអាចបង្កហានិភ័យដល់សុខភាពអ្នកប្រើប្រាស់។ មន្ត្រីជំនាញបានធ្វើការណែនាំ និងអប់រំដល់អាជីវករឱ្យយកចិត្តទុកដាក់ពិនិត្យកាលបរិច្ឆេទប្រើប្រាស់ ប្រភពផលិតផល និងស្តង់ដារវេចខ្ចប់ឱ្យបានត្រឹមត្រូវ មុននឹងដាក់លក់ជូនអតិថិជន។

ការកសាងអគារប៉ុស្តិ៍នគរបាលរដ្ឋបាលសំរោងថ្មីនេះ គឺជាការឆ្លុះបញ្ចាំងពីការយកចិត្តទុកដាក់ខ្ពស់របស់ថ្នាក់ដឹកនាំ ក្នុងការលើកកម្ពស់សមត្ថភាព និងផ្ដល់កន្លែងធ្វើការងារសមរម្យជូនដល់មន្ត្រីនគរបាលមូលដ្ឋាន ដើម្បីបង្កើនប្រសិទ្ធភាពក្នុងការបម្រើសេវាសាធារណៈ ក៏ដូចជាការការពារសន្តិសុខ សុវត្ថិភាព ជូនដល់បងប្អូនប្រជាពលរដ្ឋនៅក្នុងឃុំសំរោងទាំងមូលឱ្យកាន់តែល្អប្រសើរឡើង៕

សកម្មភាពចុះជួយសង្គម និងសម្អាតបរិស្ថានយ៉ាងសកម្មនាពេលនេះ គឺធ្វើឡើងក្នុងគោលបំណងត្រៀមលក្ខណៈរៀបចំទទួលបដិសណ្ឋារកិច្ច ក្នុងកម្មវិធីសម្ពោធដាក់ឱ្យប្រើប្រាស់ជាផ្លូវការនូវអគារសិក្សា ១ខ្នង មាន ៥បន្ទប់ នៅសាលាបឋមសិក្សារាំងទិល ដែលនឹងប្រព្រឹត្តទៅនៅថ្ងៃទី២៨ ខែមិថុនា ឆ្នាំ២០២៦ ខាងមុខនេះ។

នៅថ្ងៃទី១៧ ខែមិថុនា ឆ្នាំ២០២៦ លោកស្រី ហេង សុធាវី បានដឹកនាំក្រុមការងារក្រុមហ៊ុន Yeo’s ចុះសួរសុខទុក្ខ និងនាំយកអំណោយជាភេសជ្ជៈ និងគ្រឿងឧបភោគបរិភោគទៅឧបត្ថម្ភដល់កងទ័ពដែលកំពុងឈរជើងនៅតំបន់ថ្មដា ស្រុកវាលវែង ខេត្ត ពោធិ៍សាត់។ អំណោយរួមមាន ភេសជ្ជៈ H Two O ចំនួន ២០០ កេស, Yeo’s Coffee ៥ កេសធំ និងផ្លែធុរេន ១៥០ គីឡូក្រាម។ កម្មវិធីនេះមានការចូលរួមពីអាជ្ញាធរមូលដ្ឋាន និងថ្នាក់ដឹកនាំកងទ័ពផងដែរ។

លោក​ ធាង​ ឡេង​ អភិបាល​នៃគណៈ​អភិបាល​ស្រុក​ និង​មន្ត្រី​សាលា​ស្រុក​ នៅព្រឹក​ថ្ងៃទី​១៦​ ខែមិថុនា​ ឆ្នាំ២០២៦​ បាន​ប្រគេន​ ទេយ្យទាន​ និង​កូន​ក្ងោកចំនួន១០ដេីម ដល់​ព្រះ​ចៅអធិកា​រ វត្ត​ពោធិ៍ការាម ហៅវត្ត​ក្រពេីពីរ។