ដ្ឋបាលស្រុកក្រគរ បើកកិច្ចប្រជុំគណៈអភិបាលស្រុក ដើម្បីពង្រឹងការងារដឹកនាំ និងជ្រើសរើសថ្នាក់ដឹកនាំសាលារៀន

ខេត្តពោធិ៍សាត់៖ លោក អ៊ន សុផល្លា អភិបាល នៃគណៈអភិបាលស្រុកក្រគរ កាលពីរសៀលថ្ងៃទី១៧ ខែកក្កដា ឆ្នាំ២០២៦ នៅសាលប្រជុំរដ្ឋបាលស្រុកក្រគរ បានអញ្ជើញដឹកនាំកិច្ចប្រជុំសំខាន់មួយ ដែលមានរបៀបវារៈចំនួន២ គឺ៖ ពិភាក្សាលើសំណើជ្រើសរើសមន្ត្រីអប់រំផ្នែកបឋមសិក្សាចំនួន ២រូប ដើម្បីរៀបចំតែងតាំងជានាយកសាលាបឋមសិក្សាអូរតាប្រុក និងនាយកសាលាបឋមសិក្សាអន្លង់ត្នោត ក្នុងគោលបំណងពង្រឹងប្រសិទ្ធភាពគ្រប់គ្រង និងលើកកម្ពស់គុណភាពអប់រំនៅតាមគ្រឹះស្ថានសិក្សាមូលដ្ឋាន, បន្តបើកកិច្ចប្រជុំគណៈអភិបាលស្រុកក្រគរ ដើម្បីត្រួតពិនិត្យ តាមដានវាយតម្លៃលើវឌ្ឍនភាពការងារ និងលើកទិសដៅអនុវត្តបន្តសម្រាប់រដ្ឋបាលស្រុក។ កិច្ចប្រជុំនេះបានប្រព្រឹត្តទៅដោយរលូន ក្នុងស្មារតីទទួលខុសត្រូវខ្ពស់ ដើម្បីជំរុញការអភិវឌ្ឍ និងបម្រើសេវាជូនប្រជាពលរដ្ឋក្នុងស្រុកក្រគរឱ្យកាន់តែល្អប្រសើរ៕