អភិបាលស្រុកក្រគរ ដឹកនាំក្រុមការងារចុះណែនាំការកាត់តម្រឹមដើមត្របែកព្រៃតាមដងផ្លូវ និងសម្អាតបរិស្ថានក្នុងឃុំចំនួន៣
ពោធិ៍សាត់៖ លោក អ៊ន សុផល្លា អភិបាលស្រុកក្រគរ បានដឹកនាំក្រុមការងារចុះផ្ទាល់ដើម្បីបង្ហាត់បង្ហាញ និងណែនាំបច្ចេកទេសកាត់តែងដកពង្រាយដើមត្របែកព្រៃដែលដុះតាមទ្រូងផ្លូវ ក្នុងភូមិសាស្ត្រឃុំស្នាអន្សា ឃុំអូរសណ្តាន់ និងឃុំបឹងកន្ទួត នាព្រឹកថ្ងៃចន្ទ ទី២០ ខែកក្កដា ឆ្នាំ២០២៦។ សកម្មភាពនេះ ធ្វើឡើងក្នុងគោលបំណងកែលម្អសោភ័ណភាព បើករបាំងចក្ខុចរាចរណ៍ដើម្បីសុវត្ថិភាពធ្វើដំណើរ និងរួមចំណែកធ្វើអនាម័យបរិស្ថាននៅតាមដងផ្លូវសាធារណៈឱ្យកាន់តែមានរបៀបរៀបរយល្អប្រសើរឡើង៕
