ព័ត៌មានក្នុងខេត្ត

ពោធិ៍សាត់៖ លោក ឆាយ គឹមម៉ុង ប្រធានគណៈកម្មាធិការគណបក្សស្រុកបាកាន បានអញ្ជើញជាអធិបតីក្នុងពិធីសំណេះសំណាល និងផ្សព្វផ្សាយសេចក្ដីជូនដំណឹង ស្ដីពីការជ្រើសរើសបេក្ខភាពសមាជិកក្រុមប្រឹក្សាឃុំ អាណត្តិទី៦ ឆ្នាំ២០២៧ នាថ្ងៃទី១៨ ខែកក្កដា ឆ្នាំ២០២៦ ។ ពិធីនេះត្រូវបានរៀបចំឡើងនៅទីស្នាក់ការគណបក្សប្រជាជនកម្ពុជាឃុំមេទឹក និងឃុំខ្នារទទឹង ដោយមានការចូលរួមពីសំណាក់ថ្នាក់ដឹកនាំបក្សមូលដ្ឋាន ក្រុមការងារចុះជួយឃុំ និងសមាជិក-សមាជិកាបក្សជាច្រើនរូប។ ការផ្សព្វផ្សាយនេះ ធ្វើឡើងក្នុងគោលបំណងត្រៀមលក្ខណៈជាមុន និងជ្រើសរើសបេក្ខភាពប្រកបដោយសមត្ថភាព គុណធម៌ ដើម្បីបន្តដឹកនាំ និងបំរើប្រជាពលរដ្ឋនៅតាមមូលដ្ឋាន សម្រាប់អាណត្តិថ្មីខាងមុខឱ្យកាន់តែមានប្រសិទ្ធភាព៕

ពោធិ៍សាត់៖ ៦ ក្រុមការងារចុះជួយឃុំស្វាយលួង បានចុះពិនិត្យទីតាំងជាក់ស្តែង ដើម្បីរៀបចំដំឡើងស្លាកគណបក្សប្រជាជនកម្ពុជា ព្រមទាំងរៀបចំប្រព័ន្ធអំពូលភ្លើងបំភ្លឺផ្លូវ ដើរដោយថាមពលព្រះអាទិត្យ (Solar) នៅត្រង់ចំណុចផ្លូវប្រសព្វសំខាន់ៗក្នុងឃុំ នាព្រឹកថ្ងៃទី១៨ ខែកក្កដា ឆ្នាំ២០២។ សកម្មភាពអភិវឌ្ឍន៍មូលដ្ឋាននេះ ធ្វើឡើងក្នុងគោលបំណងលើកកម្ពស់សោភ័ណភាព និងសណ្តាប់ធ្នាប់ ព្រមទាំងជួយបង្កើនសុវត្ថិភាព កាត់បន្ថយគ្រោះថ្នាក់នានា និងផ្តល់ភាពងាយស្រួលដល់បងប្អូនប្រជាពលរដ្ឋក្នុងការធ្វើដំណើរទៅមកនាពេលរាត្រី៕

ឯកឧត្តម ឧត្តមសេនីយ៍ឯក ទិត សារ៉ាត់ អគ្គនាយករង និងជាប្រធានគណៈប្រតិភូ នៃអគ្គនាយកដ្ឋានសវនកម្មផ្ទៃក្នុង បានអញ្ជើញជាអធិបតីក្នុងពិធីបិទកិច្ចសវនកម្មផ្ទៃក្នុង នៃស្នងការដ្ឋាននគរបាលខេត្តពោធិ៍សាត់ សម្រាប់ការិយបរិច្ឆេទឆ្នាំ២០២៥ និងបណ្តាឆ្នាំពាក់ព័ន្ធ។

ពោធិ៍សាត់៖ ឯកឧត្តម អេង គន្ធា ប្រធានក្រុមការងារឃុំអន្សាចំបក់ បានដឹកនាំក្រុមការងារ រួមជាមួយមន្ត្រីរដ្ឋបាលស្រុកក្រគរ លោកគ្រូ អ្នកគ្រូ សិស្សានុសិស្ស និងអាជ្ញាធរមូលដ្ឋាន បានរួមគ្នាដាំកូនឈើក្ងោកចំនួន ១០០ដើម នាព្រឹកថ្ងៃសៅរ៍ ទី១៨ ខែកក្កដា ឆ្នាំ២០២៦។ សកម្មភាពដាំកូនឈើនេះ ត្រូវបានធ្វើឡើងតាមបណ្តោយផ្លូវកៅស៊ូចូលទៅកាន់អនុវិទ្យាល័យកោះរំដួល ក្នុងគោលបំណងលើកកម្ពស់សោភ័ណភាព បង្កើតគម្របបៃតង និងបំផុសស្មារតីស្រឡាញ់បរិស្ថានដល់ស្រទាប់យុវវ័យ។ ការរួមគ្នាក្នុងសកម្មភាពនេះ ស្តែងឱ្យឃើញថា ការដាំដើមឈើ គឺជាការវិនិយោគដ៏មានតម្លៃមិនអាចកាត់ថ្លៃបាន សម្រាប់និរន្តរភាពបរិស្ថាន និងការរស់នៅរបស់សហគមន៍ទាំងមូល៕

ពោធិ៍សាត់៖ លោក គឺ គឹមណូ អភិបាលរងស្រុក ក្រគរ តំណាងលោកអភិបាលស្រុក បានដឹកនាំក្រុមការងារបច្ចេកទេស និងអាជ្ញាធរពាក់ព័ន្ធ ចុះស្វែងរក និងពិនិត្យព្រំដីសហគមន៍ព្រៃឈើ «អូរជីកជ័យមហា» ដែលស្ថិតនៅក្នុងភូមិសាស្ត្រ ឃុំក្បាលត្រាច ស្រុកក្រគរ ខេត្តពោធិ៍សាត់ នាព្រឹកថ្ងៃទី១៨ ខែកក្កដា ឆ្នាំ២០២៦។ សកម្មភាពចុះពិនិត្យផ្ទាល់នេះ ធ្វើឡើងក្នុងគោលបំណងកំណត់ព្រំប្រទល់ដីសហគមន៍ឱ្យបានច្បាស់លាស់ សំដៅពង្រឹងប្រសិទ្ធភាពនៃការគ្រប់គ្រង ការពារធនធានព្រៃឈើ និងទប់ស្កាត់ការទន្ទ្រានកាន់កាប់ដីធ្លីខុសច្បាប់ ព្រមទាំងជួយសម្រួលដល់ការអភិវឌ្ឍសហគមន៍ប្រកបដោយចីរភាព៕

លោកវរសេនីយ៍ឯក គឹម កល្យាណ អនុប្រធាននាយកដ្ឋានកិច្ចការប៉ុស្តិ៍នគរបាលរដ្ឋបាល (តំណាងឯកឧត្តមឧត្តមសេនីយ៍ទោ មាស លឹមតុង) រួមជាមួយសហការី និងមានការអមដំណើរដោយ លោកឧត្តមសេនីយ៍ត្រី ហៀង ស៊ីថា ស្នងការរងផែនការងារសេនាធិការ នៃស្នងការដ្ឋាននគរបាលខេត្តពោធិ៍សាត់ បានចុះតាមដាន ត្រួតពិនិត្យ និងគាំទ្រការងារប៉ុស្តិ៍នគរបាលរដ្ឋបាលចំនួន ០៤ប៉ុស្តិ៍ រួមមាន៖ ប៉ុស្តិ៍តាលោ និងប៉ុស្តិ៍ផ្ទះរុង (ស្រុកតាលោសែនជ័យ) ព្រមទាំងប៉ុស្តិ៍សំរោង និងប៉ុស្តិ៍រកាត (ស្រុកភ្នំក្រវាញ)។

ខេត្តពោធិ៍សាត់៖ នាថ្ងៃសៅរ៍ ទី១៨ ខែកក្កដា ឆ្នាំ២០២៦ ក្រុមការងាររបស់មន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ខេត្តពោធិ៍សាត់ ដែលជាក្រុមការងារចុះជួយមូលដ្ឋានសង្កាត់ព្រៃញី បានចុះអនុវត្តសកម្មភាពការងារយ៉ាងសកម្មក្នុងការធ្វើបច្ចុប្បន្នភាពទិន្នន័យអត្តសញ្ញាណបណ្ណតាមក្រុមបក្ស។ សកម្មភាពចុះមូលដ្ឋាននាពេលនេះ ក៏មានការអញ្ជើញចូលរួមសហការយ៉ាងជិតស្និទ្ធពីសំណាក់សមាជិកក្រុមប្រឹក្សាសង្កាត់ព្រៃញី និងលោកអនុប្រធានមេភូមិ ដើម្បីសម្របសម្រួល និងជំរុញឱ្យការប្រមូលទិន្នន័យ ក៏ដូចជាការផ្ទៀងផ្ទាត់ឯកសារអត្តសញ្ញាណរបស់បងប្អូនសមាជិកតាមក្រុមបក្សនីមួយៗ ប្រព្រឹត្តទៅបានយ៉ាងត្រឹមត្រូវ ច្បាស់លាស់ និងមានប្រសិទ្ធភាពខ្ពស់៕

ខេត្តពោធិ៍សាត់៖ រដ្ឋបាលឃុំត្រពាំងជង បានរៀបចំកិច្ចប្រជុំពិនិត្យ និងវាយតម្លៃជ្រើសរើសប្រជាពលរដ្ឋដែលមានបំណងដាក់ពាក្យស្នើសុំធ្វើ ផ្ទះសំណាញ់ដាំបន្លែ និង ការចិញ្ចឹមមាន់ស្រែ នាថ្ងៃសៅរ៍ ទី១៨ ខែកក្កដា ឆ្នាំ២០២៦។ កិច្ចប្រជុំនេះប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ លោកជំទាវ វ៉ាន់ សែនពិសី អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ព្រមទាំងមានការអញ្ជើញចូលរួមពីក្រុមការងារថ្នាក់ជាតិរបស់ក្រសួង និងតំណាងមន្ទីរកសិកម្ម រុក្ខាប្រមាញ់ និងនេសាទខេត្តពោធិ៍សាត់។ សូមបញ្ជាក់ថា សកម្មភាពនេះស្ថិតក្រោម «គម្រោងលើកកម្ពស់ជីវភាពប្រកបដោយប្រសិទ្ធភាពសេដ្ឋកិច្ច ដើម្បីកាត់បន្ថយភាពងាយរងគ្រោះ និងពង្រឹងភាពធន់ (EMPOWER)» ដែលជាគម្រោងដ៏មានសារៈសំខាន់របស់រាជរដ្ឋាភិបាលកម្ពុជា អនុវត្តដោយក្រសួងកសិកម្ម រុក្ខាប្រមាញ់ និងនេសាទ ក្នុងគោលបំណងជ្រោមជ្រែង ដោះស្រាយបញ្ហាប្រឈម និងជំរុញបច្ចេកទេសកសិកម្មទំនើប ដើម្បីបង្កើនប្រាក់ចំណូល និងភាពធន់ក្នុងជីវភាពរស់នៅរបស់បងប្អូនប្រជាកសិករនៅតាមមូលដ្ឋានឱ្យកាន់តែរឹងមាំ៕

ខេត្តពោធិ៍សាត់៖ នាថ្ងៃទី១៨ ខែកក្កដា ឆ្នាំ២០២៦ សមិទ្ធផលថ្មីស្រឡាងមួយខ្សែកំពុងតែខិតជិតមកដល់ បន្ទាប់ពីការដ្ឋានសាងសង់ផ្លូវកៅស៊ូ ១ខ្សែ មានប្រវែងជាង ២គីឡូម៉ែត្រ បាននិងកំពុងអនុវត្តយ៉ាងសកម្ម ដែលបម្រើឱ្យផលប្រយោជន៍ និងការធ្វើដំណើររបស់បងប្អូន កូនចៅប្រជាពលរដ្ឋនៅក្នុងភូមិព្រះអង្គ្រង ភូមិបឹងស្មុក និងភូមិទួលអណ្តែត ស្ថិតក្នុងឃុំស្វាយស ស្រុកក្រគរ។ មិនយូរទៀតឡើយ ផ្លូវកៅស៊ូដ៏រឹងមាំមួយខ្សែនេះនឹងត្រូវស្ថាបនារួចរាល់ជាស្ថាពរ ដែលនឹងចូលរួមចំណែកយ៉ាងសំខាន់ក្នុងការលុបបំបាត់ការលំបាក (ដីហុយខែប្រាំង លិចភក់ខែវស្សា) សម្រួលដល់ការធ្វើដំណើរ ទៅរៀនសូត្ររបស់ក្មួយៗសិស្សានុសិស្ស និងការដឹកជញ្ជូនកសិផលនានាទៅកាន់ទីផ្សារ ដើម្បីលើកកម្ពស់សេដ្ឋកិច្ច និងជីវភាពរស់នៅរបស់បងប្អូនក្នុងមូលដ្ឋានឱ្យកាន់តែប្រសើរឡើង៕

ខេត្តពោធិ៍សាត់៖ លោក ធាម សុផាត អភិបាលនៃគណៈអភិបាលស្រុកភ្នំក្រវាញ បានអញ្ជើញចុះពិនិត្យស្ថានភាពជាក់ស្តែងនៃការបង្កបង្កើនផលដំណាំស្រូវរបស់បងប្អូនប្រជាកសិករ ដែលកំពុងរងផលប៉ះពាល់ដោយសារគ្រោះរាំងស្ងួតក្នុងកូនរដូវប្រាំង នៅក្នុងឃុំបាក់ចិញ្ចៀន នារសៀលថ្ងៃទី១៧ ខែកក្កដា ឆ្នាំ២០២៦។ ក្នុងឱកាសចុះពិនិត្យនោះ លោកអភិបាលស្រុក ក៏បានចុះពិនិត្យមើលស្ថានភាពប្រព័ន្ធស្រោចស្រព រួមមានប្រឡាយរង និងប្រឡាយជើងក្អែមនៅក្នុងមូលដ្ឋាន ដើម្បីវាយតម្លៃពីប្រភពទឹក និងលទ្ធភាពបច្ចេកទេសក្នុងការនាំទឹកស្រោចស្រពជួយសង្គ្រោះស្រែស្រូវរបស់ប្រជាពលរដ្ឋឱ្យបានទាន់ពេលវេលា សំដៅធានាមិនឱ្យប៉ះពាល់ដល់ទិន្នផល និងជីវភាពរស់នៅរបស់បងប្អូនប្រជាកសិករឡើយ៕

ជាលទ្ធផល កិច្ចប្រជុំបានសម្រេចលើការងារសំខាន់ៗចំនួន៣ រួមមាន៖ ពិនិត្យវឌ្ឍនភាព នៃការផ្តល់ព័ត៌មានទទួលពាក្យស្នើសុំការគាំទ្រពីគម្រោង ព្រមទាំងកំណត់បញ្ហាប្រឈម និងស្វែងរកដំណោះស្រាយ, ពិនិត្យ និងរៀបចំយន្តការវាយតម្លៃជុំទី១ និងពិភាក្សារៀបចំក្រុមការងារចុះវាយតម្លៃជុំទី២។

ក្នុងស្មារតីយកចិត្តទុកដាក់ខ្ពស់ ចំពោះសុខុមាលភាពមាតា និងទារក ក៏ដូចជាសុខភាពសាធារណៈ, លោកជំទាវ អាំង សុជាតា ខូយរីដា អនុប្រធានកិត្តិយស និងជាប្រធានក្រុមការងារឥស្សរជនឆ្នើមថ្នាក់ជាតិ នៃសាខាកាកបាទក្រហមកម្ពុជា ខេត្តពោធិ៍សាត់ បានដឹកនាំក្រុមការងារ ចុះជួបសំណេះសំណាល សួរសុខទុក្ខ និងផ្តល់ការអប់រំសុខភាព ដល់ក្រុមគោលដៅងាយរងគ្រោះក្នុងស្រុកបាកាន រួមមាន៖ ស្ត្រីមានផ្ទៃពោះ ស្ត្រីត្រៀមសម្រាល ស្ត្រីសម្រាលកូនរួច និងអ្នកផ្ទុកមេរោគអេដស៍ សរុបចំនួន១២នាក់។