ព័ត៌មានក្នុងខេត្ត

ខេត្តពោធិ៍សាត់៖ លោក ឡេង ចិន្តាមុនី ប្រធានការិយាល័យនីតិកម្មកសិកម្ម នៃមន្ទីរកសិកម្ម រុក្ខាប្រមាញ់ និងនេសាទខេត្តពោធិ៍សាត់ ព្រមទាំងមន្ត្រីថ្នាក់ការិយាល័យ បានចុះអនុវត្តការងារអធិការកិច្ចពិនិត្យដេប៉ូដកសិផល ថ្នាំកសិកម្ម និងជីកសិកម្ម ចំនួន ៣ដេប៉ូ ស្ថិតក្នុងភូមិសាស្ត្រក្រុងពោធិ៍សាត់ នៅថ្ងៃទី២៦ ខែមិថុនា ឆ្នាំ២០២៦។ នៅក្នុងសកម្មភាពចុះពិនិត្យនោះ ក្រុមការងារជំនាញបានធ្វើការណែនាំដល់អាជីវករម្ចាស់ដេប៉ូចំនួន ១កន្លែង ឱ្យបង្កើនការយកចិត្តទុកដាក់ពិនិត្យមើលសញ្ញាប័ណ្ណ និងលេខបញ្ជីការ (ចុះបញ្ជីផ្លូវការ) លើផលិតផលថ្នាំ និងជីកសិកម្មឱ្យបានត្រឹមត្រូវ និងច្បាស់លាស់បំផុត មុននឹងទទួលយកមកដាក់លក់បន្ត។ ការចុះអធិការកិច្ចនេះ ធ្វើឡើងក្នុងគោលបំណងគ្រប់គ្រងគុណភាព សុវត្ថិភាព ផលិតផលកសិកម្មនៅលើទីផ្សារ និងដើម្បីការពារផលប្រយោជន៍ ក៏ដូចជាសុខវត្ថិភាពរបស់ប្រជាកសិករក្នុងការប្រើប្រាស់ផងដែរ៕

ខេត្តពោធិ៍សាត់៖ លោក មាស សេត ប្រធានការិយាល័យក្សេត្រសាស្ត្រ និងផលិតភាពកសិកម្ម រួមជាមួយមន្ត្រីជំនាញ បានសហការជាមួយអង្គការមិត្តជនបទ (RFCD) បើកវគ្គបណ្ដុះបណ្ដាលស្ដីពី «ផលិតកម្មដំណាំបន្លែសុវត្ថិភាព» រយៈពេល ២ថ្ងៃពេញ ចាប់ពីថ្ងៃទី២៥ ដល់ថ្ងៃទី២៦ ខែមិថុនា ឆ្នាំ២០២៦។ វគ្គបណ្តុះបណ្តាលនេះ មានការចូលរួមពីបងប្អូនប្រជាកសិករសរុបចំនួន ៣២នាក់ (ក្នុងនោះមានស្រ្តីរហូតដល់ ៣១នាក់) ក្នុងគោលបំណងលើកកម្ពស់ការយល់ដឹង និងពង្រឹងបច្ចេកទេសដាំដុះតាមគោលការណ៍កសិកម្មល្អ ធានាបាននូវបន្លែដែលមានសុវត្ថិភាពខ្ពស់សម្រាប់ផ្គត់ផ្គង់ទីផ្សារ បង្កើនប្រាក់ចំណូលក្នុងគ្រួសារ និងលើកកម្ពស់សុខុមាលភាពសង្គម៕

ខេត្តពោធិ៍សាត់៖ ឯកឧត្តម ខូយ រីដា បានអញ្ជើញជាអធិបតីក្នុងពិធីជួបសំណេះសំណាលជាមួយមន្រ្តី គណៈកម្មាធិការគណបក្ស សាខាបក្សភូមិ និងសកម្មជន នៃគណបក្សប្រជាជនកម្ពុជាសង្កាត់ផ្ទះព្រៃ នាព្រឹកថ្ងៃសៅរ៍ ទី២៧ ខែមិថុនា ឆ្នាំ២០២៦។ ពិធីសំណេះសំណាលនេះ ត្រូវបានរៀបចំឡើងនៅស្នាក់ការគណបក្សសង្កាត់ផ្ទះព្រៃ ក្រុងពោធិ៍សាត់ ក្នុងគោលបំណងសាកសួរសុខទុក្ខ ពង្រឹងសាមគ្គីភាពផ្ទៃក្នុង និងជំរុញការងារបក្សនៅមូលដ្ឋានឱ្យកាន់តែមានប្រសិទ្ធភាពខ្ពស់។ ក្នុងឱកាសនោះ ឯកឧត្តមបានពាំនាំនូវការសាកសួរសុខទុក្ខពីសំណាក់ថ្នាក់ដឹកនាំជាន់ខ្ពស់ ព្រមទាំងបានថ្លែងអំណរគុណ និងកោតសរសើរចំពោះកិច្ចខិតខំប្រឹងប្រែងរបស់មន្ត្រីបក្ស និងសកម្មជនទាំងអស់ ដែលបានលះបង់កម្លាំងកាយចិត្តក្នុងការបម្រើប្រជាពលរដ្ឋ និងថែរក្សាប្រជាប្រិយភាពរបស់គណបក្សនៅមូលដ្ឋានផ្ទាល់នាពេលកន្លងមក៕

ខេត្តពោធិ៍សាត់៖ ឯកឧត្តម សៅ ដារឿន សមាជិកគណៈកម្មាធិការគណបក្សខេត្ត និងជាអនុប្រធានគណៈឃោសនាអប់រំខេត្តពោធិ៍សាត់ បានអញ្ជើញធ្វើបទឧទេ្ទសនាម ក្រោមប្រធានបទស្តីពី «គណបក្សប្រជាជនកម្ពុជា ប្រវត្តិ សកម្មភាព ស្នាដៃ និងបទពិសោធន៍» កាលពីរសៀលថ្ងៃទី២៦ ខែមិថុនា ឆ្នាំ២០២៦ ។ ពិធីនេះត្រូវបានរៀបចំឡើងនៅស្នាក់ការគណបក្សប្រជាជនកម្ពុជាស្រុកតាលោសែនជ័យ ដោយមានការអញ្ជើញចូលរួមពីសំណាក់ថ្នាក់ដឹកនាំ សមាជិក សមាជិកាគណបក្ស និងយុវជនបក្សនៅក្នុងមូលដ្ឋាន។ ការធ្វើបទឧទ្ទេសនាមនេះ គឺក្នុងគោលបំណងពង្រឹងការយល់ដឹងដល់សមាជិកបក្សគ្រប់រូប ឱ្យកាន់តែជ្រួតជ្រាបអំពីប្រវត្តិដ៏យូរអង្វែង ស្មារតីតស៊ូ ស្នាដៃធំៗ និងបទពិសោធន៍ជាប្រវត្តិសាស្ត្ររបស់គណបក្សប្រជាជនកម្ពុជា ក្នុងការរំដោះជាតិ ការពារ និងកសាងមាតុភូមិ ឆ្ពោះទៅរកការអភិវឌ្ឍប្រកបដោយសន្តិភាព និងស្ថិរភាពសង្គម៕

ក្រុមត្រួតពិនិត្យ និងវាយតម្លៃគុណភាពការងារសាងសង់ ស្តារឡើងវិញ ជួសជុល ថែទាំ និងលើកកម្រិតផ្លូវជនបទ និងសំណង់សិល្បការ្យ (គ.ត.វ) ដែលដឹកនាំដោយលោក អ៊ិន ចាន់រតនៈ អនុប្រធានក្រុម គ.ត.វ ដើម្បីចុះពិនិត្យការងារថែទាំជាប្រចាំលើខ្សែផ្លូវជនបទចំនួន ៧ខ្សែ មានប្រវែងសរុប ៨៤ ០០០ម៉ែត្រ (៨៤គីឡូម៉ែត្រ) ក្នុងភូមិសាស្ត្រខេត្តពោធិ៍សាត់។

ខេត្តពោធិ៍សាត់៖ ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ បានដឹកនាំមន្ត្រីរាជការរដ្ឋបាលស្រុកតាលោសែនជ័យ ព្រមទាំងអាជ្ញាធរមូលដ្ឋាន កម្លាំងប្រជាការពារ ក្រុមយុវជន និងបងប្អូនប្រជាពលរដ្ឋ ចុះអនុវត្តយុទ្ធនាការដាំកូនឈើក្ងោក ក្នុងឆ្នាំ២០២៦ នាល្ងាចថ្ងៃទី២៦ ខែមិថុនា។ យុទ្ធនាការដាំកូនឈើនេះ ត្រូវបានរៀបចំឡើងនៅចំណុចអូរដំណាក់កន្សែង ស្ថិតក្នុងឃុំផ្ទះរុង ស្រុកតាលោសែនជ័យ ខេត្តពោធិ៍សាត់ ក្នុងគោលបំណងលើកកម្ពស់សោភ័ណភាព បង្កើតគម្របបៃតង និងបំផុសស្មារតីស្រឡាញ់ ថែរក្សាការពារបរិស្ថានធម្មជាតិ នៅក្នុងមូលដ្ឋាន ក៏ដូចជាទូទាំងខេត្តពោធិ៍សាត់ទាំងមូលផងដែរ៕

ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ បានផ្តល់បទសម្ភាសន៍ផ្ទាល់ក្នុងកម្មវិធី «ការអភិវឌ្ឍន៍ និងសុវត្ថិភាពសង្គម» របស់ស្ថានីយ៍វិទ្យុ និងទូរទស្សន៍មហាផ្ទៃ (MOI-TV) ដើម្បីផ្សព្វផ្សាយ និងឆ្លុះបញ្ចាំងពីសមិទ្ធផលការងារសំខាន់ៗ ជុំវិញការអភិវឌ្ឍគ្រប់វិស័យ និងការរក្សាសន្តិសុខសណ្តាប់ធ្នាប់សាធារណៈ នៅក្នុងភូមិសាស្ត្រខេត្ត។

នៅក្នុងឱកាសនោះដែរ ក្រុមការងារក៏បានចែកជូននូវខិតប័ណ្ណអប់រំអំពីសុវត្ថិភាពចរាចរណ៍ និងខិតប័ណ្ណស្តីពីផលប៉ះពាល់នៃគ្រឿងញៀនដល់សិស្សានុសិស្សគ្រប់ៗគ្នា។ អ្វីដែលកាន់តែញ៉ាំងឱ្យបរិយាកាសរីករាយ និងទទួលបានចំណេះដឹងកាន់តែច្បាស់លាស់នោះ គឺមានការបង្កើតកម្មវិធីសួរសំណួរ-ឆ្លើយសំណួរ ព្រមទាំងមានការផ្តល់រង្វាន់លើកទឹកចិត្តជាមួកសុវត្ថិភាព និងសៀវភៅ ជូនដល់សិស្សានុសិស្សដែលឆ្លើយត្រូវផងដែរ។

យុទ្ធនាការ និងកិច្ចប្រជុំផ្សព្វផ្សាយនេះ ធ្វើឡើងក្នុងគោលបំណងបំផុសចលនាចូលរួមពីគ្រប់វិស័យ និងគ្រប់ស្ថាប័នពាក់ព័ន្ធ ក្នុងការបង្កើតបរិស្ថានស្អាត គ្មានផ្សែងបារី ដើម្បីលើកកម្ពស់សុខុមាលភាពសាធារណៈ ក៏ដូចជាការទាក់ទាញភ្ញៀវទេសចរជាតិ និងអន្តរជាតិ ឱ្យមកកម្សាន្តនៅក្នុងក្រុងពោធិ៍សាត់កាន់តែច្រើនឡើងបន្ថែមទៀត។

(ពោធិ៍សាត់)៖ វគ្គបណ្តុះបណ្តាលដ៏មានសារៈសំខាន់នេះ ធ្វើឡើងក្រោមការសហការគ្នាយ៉ាងជិតស្និទ្ធរវាង មន្ទីរទេសចរណ៍ខេត្តពោធិ៍សាត់ និងកម្មវិធីអភិវឌ្ឍន៍ជំនាញ (SDP) នៃអង្គការស្វីសខន់ថាក់ (Swisscontact) ក្នុងគោលបំណងលើកកម្ពស់សមត្ថភាព និងពង្រឹងគុណភាពសេវាកម្មម្ហូបអាហារ ក្នុងវិស័យទេសចរណ៍ឱ្យកាន់តែមានស្តង់ដារ និងការទាក់ទាញខ្ពស់ ឆ្លើយតបទៅនឹងតម្រូវការរបស់ភ្ញៀវទេសចរជាតិ និងអន្តរជាតិ។ វគ្គបណ្តុះបណ្តាលជំនាញចុងភៅ ដែលបានប្រព្រឹត្តទៅចាប់ពីថ្ងៃទី២៣ រហូតដល់ថ្ងៃទី២៦ ខែមិថុនា ឆ្នាំ២០២៦ នេះ នៅមន្ទីរទេសចរណ៍ខេត្តពោធិ៍សាត់ ត្រូវបានបញ្ចប់ទៅដោយជោគជ័យ និងទទួលបានលទ្ធផលយ៉ាងត្រចះត្រចង់។ -ទេសចរណ៍ដើម្បីទាំងអស់គ្នា ទាំងអស់គ្នាដើម្បីទេសចរណ៍! -ទេសចរណ៍រីកលូតលាស់ក្នុងសន្តិភាព! -បុគ្គលម្នាក់ៗ ជាអ្នកផ្សព្វផ្សាយទេសចរណ៍កម្ពុជាម្នាក់! -សូមអញ្ជើញទស្សនារដូវកាលបៃតងនៅកម្ពុជា!

ង្គប្រជុំបានដំណើរការទៅយ៉ាងរលូន ស្របតាមរបៀបវារៈដែលបានគ្រោងទុក។ ក្នុងឱកាសនោះ គណៈអធិបតី និងសមាជិកអង្គប្រជុំ បានពិភាក្សា និងផ្លាស់ប្តូរមតិយោបល់យ៉ាងផុសផុល លើលទ្ធផលការងារនានាក្នុងមូលដ្ឋាន។

(ពោធិ៍សាត់)៖ នារសៀលថ្ងៃទី២៦ ខែមិថុនា ឆ្នាំ២០២៦ នេះ មានភ្លៀងធ្លាក់នៅតាមបណ្តាផ្នែកខ្លះ ក្នុងក្រុង និងស្រុកមួយចំនួន នៃខេត្តពោធិ៍សាត់ ដោយមានស្ថានភាពរាយប៉ាយដូចខាងក្រោម៖ ស្រុកភ្នំក្រវាញ៖ មានភ្លៀងធ្លាក់ក្នុងកម្រិតពីខ្សោយទៅមធ្យម លាយឡំជាមួយខ្យល់បោកបក់។ ស្រុកកណ្តៀង៖ មានភ្លៀងធ្លាក់ក្នុងកម្រិតពីខ្សោយទៅមធ្យម និងមានខ្យល់លាយឡំផងដែរ។ ស្រុកក្រគរ៖ មានភ្លៀងធ្លាក់ក្នុងកម្រិតខ្សោយ ប៉ុន្តែមានលាយឡំដោយខ្យល់ ផ្គរ និងរន្ទះ។ ក្រុងពោធិ៍សាត់៖ មានភ្លៀងធ្លាក់ក្នុងកម្រិតខ្សោយ លាយឡំដោយខ្យល់បក់ និងផ្លេកបន្ទោរ។ ស្រុកតាលោសែនជ័យ៖ មានភ្លៀងធ្លាក់ក្នុងកម្រិតពីខ្សោយទៅមធ្យម។ ទន្ទឹមនឹងស្ថានភាពអាកាសធាតុនេះ សូមបងប្អូនប្រជាពលរដ្ឋទាំងអស់ មេត្តាបង្កើនការប្រុងប្រយ័ត្នខ្ពស់ ចំពោះបាតុភូតធម្មជាតិ ដូចជាខ្យល់កន្ត្រាក់ ផ្គរ រន្ទះ និងផ្លេកបន្ទោរ ដើម្បីជៀសវាងនូវគ្រោះថ្នាក់ផ្សេងៗ ដែលអាចកើតឡើងជាយថាហេតុ៕