ព័ត៌មានក្នុងខេត្ត

កងកម្លាំងនគរបាលរដ្ឋបាលគឺជាកម្លាំងនៅជួរមុខ ក្នុងការការពារសន្តិសុខ និងបម្រើប្រជាពលរដ្ឋ។ មន្ត្រីគ្រប់រូបត្រូវប្រកាន់ខ្ជាប់នូវវិន័យ និងក្រមសីលធម៌វិជ្ជាជីវៈ ដើម្បីបន្តពង្រឹងទំនុកចិត្តរបស់ប្រជាពលរដ្ឋចំពោះកងកម្លាំងនគរបាលជាតិ។

យុទ្ធនាការអប់រំផ្សព្វផ្សាយច្បាប់ស្ដីពីចរាចរណ៍ផ្លូវគោក ជូនដល់បងប្អូនប្រជាពលរដ្ឋ និងសិស្សានុសិស្ស ដែលជាអ្នកបេីកបរយានយន្តគ្រប់ប្រភេទនៅក្នុងមូលដ្ឋាន។

កម្លាំងជំនាញនៃអធិការដ្ឋាននគរបាលស្រុកតាលោសែនជ័យ បានសហការជាមួយកម្លាំងប៉ុស្តិ៍នគរបាលរដ្ឋបាលតាលោ ចុះបង្ក្រាប និងឃាត់ខ្លួនជនសង្ស័យចំនួន ០៤នាក់ ពាក់ព័ន្ធករណីជួញដូរ និងប្រើប្រាស់គ្រឿងញៀន ស្ថិតនៅភូមិព្រៃតោ ឃុំតាលោ ស្រុកតាលោសែនជ័យ។

ព្រឹកថ្ងៃទី២៦ ខែមិថុនា ឆ្នាំ២០២៦ នេះ កម្លាំងការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលខេត្តពោធិ៍សាត់ បានចុះអប់រំផ្សព្វផ្សាយច្បាប់ស្តីពីចរាចរណ៍ផ្លូវគោក ដល់បងប្អូនប្រជាពលរដ្ឋ និងក្មួយៗសិស្សានុសិស្សដែលជាអ្នកបើកបរយានយន្តគ្រប់ប្រភេទ។ សមត្ថកិច្ចបានសង្កត់ធ្ងន់ និងណែនាំឱ្យអ្នកបើកបរទាំងអស់ ត្រូវពាក់មួកសុវត្ថិភាពឱ្យបានត្រឹមត្រូវ, បើកបរប្រកាន់ស្តាំ និងតាមគន្លងផ្លូវ, មិនត្រូវនិយាយទូរស័ព្ទពេលបើកបរ, ជាពិសេសត្រូវបន្ថយល្បឿននៅពេលដល់ផ្លូវប្រសព្វ និងគោរពផ្លាកសញ្ញាចរាចរណ៍ ដើម្បីសុវត្ថិភាពទាំងអស់គ្នា។

ពោធិ៍សាត់ ៖ នៅរសៀលថ្ងៃសៅរ៍ ទី២០ ខែមិថុនា ឆ្នាំ២០២៦ ឯកឧត្តម ឧត្តមសេនីយ៍ឯក ជា ពៅ អគ្គស្នងការរង និងជាប្រធានក្រុមព័ត៌មានទាន់ហេតុការណ៍ជាមួយជនបរទេស ប្រចាំព្រះរាជាណាចក្រកម្ពុជា តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ បានចុះត្រួតពិនិត្យការងារបច្ចេកទេសជំនាញ របស់ក្រុមព័ត៌មានទាន់ហេតុការណ៍ជាមួយជនបរទេស ប្រចាំស្នងការដ្ឋាននគរបាលខេត្តពោធិ៍សាត់ ។ ការចុះត្រួតពិនិត្យក្រុមការងារនេះ ធ្វើឡើងក្នុងគោលបំណងសម្របសម្រួលយន្តការបច្ចេកទេសទទួល-ផ្តល់ព័ត៌មាន និងអន្តរាគមន៍ដោះស្រាយបញ្ហានានាពាក់ព័ន្ធនឹងជនបរទេសដែលកំពុងស្នាក់នៅ ឬមកដំណើរកំសាន្តក្នុងមូលដ្ឋាននៃខេត្តពោធិ៍សាត់៕

ដោយអនុវត្តតាមបទបញ្ជា លោកឧត្តមសេនីយ៍ទោ ស ថេង ស្នងការនគរបាលខេត្តពោធិ៍សាត់ នៅព្រឹកថ្ងៃទី១១ ខែមិថុនា ឆ្នាំ២០២៦ ដឹកនាំដោយ លោកឧត្តមសេនីយ៍ត្រី នូវ តាល់ ស្នងការរងផែនការងារនគរបាលសណ្ដាប់ធ្នាប់និងចរាចរណ៍ កម្លាំង​ជំនាញ នៃការិយាល័យនគរបាលចរាចរណ៍​ផ្លូវ​គោក​​ សហការ​ជាមួយ​កម្លាំង​ការិយាល័យ​នគរបាល​ប្រឆាំង​គ្រឿងញៀន​ ចុះ​រឹតបន្តឹងអនុវត្តច្បាប់ស្តីពីចរាចរណ៍ផ្លូវគោក​ ត្រួតពិនិត្យលក្ខណៈបច្ចេកទេសរថយន្ត​និង​ធ្វើ​តេស្ដ​​រក​សារធាតុ​គ្រឿងញៀន​ អ្នកបើកបរ​រថយន្ត​ធុនតូចនិងធំ​៕

ឯកឧត្តម ខូយ រីដា អភិបាលខេត្តពោធិ៍សាត់ អញ្ជើញទទួលអំណោយជាសម្ភារៈពី ព្រះគុណចំពោះព្រះតេជគុណព្រះនាម សោម ស៊ីម ព្រះវិន័យធរអនុគណខណ្ឌព្រែកព្នៅ រាជធានីភ្នំពេញ និងជាព្រះចៅអធិការវត្តប្រាសាទ ព្រះអង្គបានបរិច្ចាគអង្ករចំនួន ១តោន, មី ៥កេះ, ទឹកសុទ្ធ ៥កេះ សម្រាប់ឧបត្ថម្ភដល់យុទ្ធជនសមរភូមិមុខ។ នាព្រឹកថ្ងៃទី២៥ ខែឧសភា ឆ្នាំ២០២៦ នៅសាលាខេត្តពោធិ៍សាត់៕

ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ បានអញ្ជើញជាអធិបតីក្នុងពិធីអបអរសាទរ «ទិវាអតីតយុទ្ធជន និងនិវត្តជនកម្ពុជា លើកទី១៩ និងពិធីប្រកាសសមាសភាពគណៈកម្មាធិការ សមាគមអតីតយុទ្ធជន និងនិវត្តជនកម្ពុជា ក្រុង/ស្រុកទាំង៧ នៃខេត្តពោធិ៍សាត់» ព្រឹកថ្ងៃទី២៦ ខែឧសភា ឆ្នាំ២០២៦នេះ នៅសាលប្រជុំទេពឧកញ៉ា ឃ្លាំង មឿង សាលាខេត្តពោធិ៍សាត់។

លោកឧត្តមសេនីយ៍ត្រី ឆាយ សុភ័ក្ត្រ ស្នងការរង ផែនការងារធនធានមនុស្ស តំណាងលោកឧត្តមសេនីយ៍ទោ ស ថេង ស្នងការនគរបាលខេត្តពោធិ៍សាត់ និងសមាជិក បាននាំយកថវិកាសមាគមិត្តនគរបាលជាតិកម្ពុជា បើកផ្ដល់ជូនគ្រួសារសពមន្ត្រីនគរបាលចំនួន ៤គ្រួសារ ថវិកាសរុប ២០.០០០.០០០រៀល។