ព័ត៌មានក្នុងខេត្ត

លោក ផាន់ សេរីវុធ អនុប្រធានមន្ទីរព័ត៌មានខេត្តពោធិ៍សាត់ ព្រមទាំងក្រុមការងារ និងអាជ្ញាធរមូលដ្ឋាន បានចុះចែកប័ណ្ណព័ត៌មាន ដល់ផ្ទះប្រជាពលរដ្ឋក្នុងភូមិជំរុំសៀម សង្កាត់លលកស ក្រុងពោធិ៍សាត់ ដើម្បីត្រៀមការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧ នាថ្ងៃទី៦ ខែកញ្ញា ឆ្នាំ២០២៦ ។

ពោធិ៍សាត់៖ ឯកឧត្តម ម៉ក់ រ៉ា អនុប្រធានគណបក្សប្រជាជនកម្ពុជាខេត្តពោធិ៍សាត់ នាព្រឹកថ្ងៃទី៦ ខែកញ្ញា ឆ្នាំ២០២៦ បានអញ្ជើញចូលរួមក្នុងកម្មវិធីបាឋកថាជាស៊េរី ក្រោមប្រធានបទ «កេរដំណែលរស់៖ គុណតម្លៃ ៧ មករា» ដើម្បីរំលឹក និងជ្រួតជ្រាបបន្ថែមអំពីតម្លៃប្រវត្តិសាស្ត្រនៃការរំដោះជាតិ និងការកសាងប្រទេសជាតិ។ ពិធីនេះទទួលបានការអញ្ជើញធ្វើជាវាគ្មិនកិត្តិយសដោយ ឯកឧត្តម ខៀវ កាញារីទ្ធ ឧត្តមប្រឹក្សាផ្ទាល់ព្រះមហាក្សត្រ និងជាអ្នកតំណាងរាស្ត្រមណ្ឌលខេត្តកំពង់ចាម។ នៅក្នុងឱកាសនោះ ឯកឧត្តមវាគ្មិនបានចែករំលែកនូវបទពិសោធន៍ ទស្សនទានប្រវត្តិសាស្ត្រ និងគុណតម្លៃមិនអាចកាត់ថ្លៃបាននៃជ័យជម្នះ ៧ មករា ដែលជាគ្រឹះយ៉ាងរឹងមាំក្នុងការនាំមកនូវសន្តិភាព និងការអភិវឌ្ឍលើគ្រប់វិស័យនាពេលបច្ចុប្បន្ន។ ការអញ្ជើញចូលរួមរបស់ ឯកឧត្តម ម៉ក់ រ៉ា ព្រមទាំងថ្នាក់ដឹកនាំ និងសមាជិក សមាជិកា នាពេលនេះ បានបង្ហាញពីស្មារតីយកចិត្តទុកដាក់ខ្ពស់ក្នុងការក្រេបជញ្ជក់ចំណេះដឹង និងការបន្តវេនថែរក្សាមរតកប្រវត្តិសាស្ត្រដ៏មានតម្លៃ ដើម្បីបម្រើជាតិ និងប្រជាជនឱ្យកាន់តែរីកចម្រើនតទៅមុខ៕

វគ្គផ្សព្វផ្សាយដែលប្រព្រឹត្តទៅពេញមួយថ្ងៃនេះ មានការអញ្ជើញចូលរួមពីសំណាក់គណៈអចិន្ត្រៃយ៍គណបក្សក្រុង គណៈចាត់តាំងគណបក្សក្រុង ប្រធានសាខាបក្សចំណុះក្រុង មន្ត្រីទទួលបន្ទុកការងារចាត់តាំង ប្រធានគណៈកម្មាធិការគណបក្សសង្កាត់ទាំង៧ ព្រមទាំងមន្ត្រីទទួលបន្ទុកការងារចាត់តាំង និងព័ត៌មានវិទ្យា (IT) ថ្នាក់ក្រុង-សង្កាត់ សរុបប្រមាណ ៦២នាក់ (ស្រី ២២នាក់)។

ពោធិ៍សាត់៖ កិច្ចប្រជុំអាណត្តិប្រចាំខែ ក្រោមអធិបតីភាពដ៏ខ្ពង់ខ្ពស់របស់ លោក ទឹម សារិន ប្រធានគណបក្សស្រុកក្រគរ នាព្រឹកថ្ងៃសុក្រ ទី៤ ខែកញ្ញា ឆ្នាំ២០២៦ គណៈកម្មាធិការគណបក្សស្រុកក្រគរ ខេត្តពោធិ៍សាត់។ កិច្ចប្រជុំនេះមានការអញ្ជើញចូលរួមពីសំណាក់ លោក លោកស្រី ជាសមាជិក សមាជិកាគណៈកម្មាធិការបក្សស្រុក ក្រុមការងារផ្នែកព័ត៌មានវិទ្យា (IT) ព្រមទាំងសមាសភាពពាក់ព័ន្ធជាច្រើនរូបទៀត។ អង្គប្រជុំបានផ្តោតលើការពិនិត្យ សរុបបូកសរុបលទ្ធផលការងារដែលសម្រេចបាននាពេលកន្លងមក និងការដាក់ចេញនូវទិសដៅការងារសំខាន់ៗសម្រាប់អនុវត្តបន្ត។ ជាមួយគ្នានេះ វត្តមានរបស់ផ្នែក IT និងសមាសភាពពាក់ព័ន្ធ ក្នុងកិច្ចប្រជុំនេះ ក៏បានឆ្លុះបញ្ចាំងពីការយកចិត្តទុកដាក់លើការកសាង និងពង្រឹងសមត្ថភាពការងារបច្ចេកវិទ្យាព័ត៌មាន ដើម្បីឆ្លើយតបទៅនឹងការវិវត្តនៃសង្គមឌីជីថល និងបង្កើនប្រសិទ្ធភាពក្នុងការផ្សព្វផ្សាយព័ត៌មានបក្សឱ្យកាន់តែទូលំទូលាយ និងទាន់ហេតុការណ៍៕

គណៈឃោសនាអប់រំ នៃគណៈកម្មាធិការគណបក្សខេត្តពោធិ៍សាត់ បានរៀបចំពិធីបើកវគ្គអប់រំនយោបាយកម្រិត១ ជំនាន់ទី៣៥ ជូនដល់មន្ត្រីគណបក្ស និងសកម្មជនយុវជនគណបក្សមូលដ្ឋាន នៃវិទ្យាស្ថានពហុបច្ចេកទេសខេត្តពោធិ៍សាត់ នៅស្នាក់ការគណបក្សប្រជាជនកម្ពុជាខេត្តពោធិ៍សាត់។

ពោធិ៍សាត់៖ នារសៀលថ្ងៃទី២ ខែកញ្ញា ឆ្នាំ២០២៦ សមាជិក គណបក្សប្រជាជនកម្ពុជា មកពីភូមិទាំង ១៣ ស្ថិតក្នុងសង្កាត់ផ្ទះព្រៃ ក្រុងពោធិ៍សាត់ ខេត្តពោធិ៍សាត់ ត្រូវបានប្រគល់ជូនប័ណ្ណសមាជិកគណបក្សថ្មី តាមរយៈការគ្រប់គ្រង និងទាញយកទិន្នន័យតាមប្រព័ន្ធបច្ចេកវិទ្យា (IT)។ ការផ្តល់ប័ណ្ណសមាជិកបក្សថ្មីតាមប្រព័ន្ធ IT នាពេលនេះ គឺជាជំហានថ្មីមួយទៀតនៃការធ្វើទំនើបកម្មប្រព័ន្ធគ្រប់គ្រងទិន្នន័យសមាជិកគណបក្សឱ្យមានភាពច្បាស់លាស់ លឿនរហ័ស ទាន់សម័យ និងមានប្រសិទ្ធភាពខ្ពស់ ស្របតាមការវិវត្តនៃឌីជីថល។ សកម្មភាពនេះ ក៏បានបង្ហាញពីការយកចិត្តទុកដាក់ និងការរៀបចំរចនាសម្ព័ន្ធគ្រប់គ្រងសមាជិកនៅថ្នាក់មូលដ្ឋានឱ្យកាន់តែរឹងមាំ ដើម្បីធានានូវភាពត្រឹមត្រូវនៃទិន្នន័យ និងសម្រួលដល់ការងារទំនាក់ទំនង ព្រមទាំងការផ្តល់សេវាផ្សេងៗជូនសមាជិកបក្សទាំង ១៣ភូមិ ក្នុងសង្កាត់ផ្ទះព្រៃ ឱ្យកាន់តែមានប្រសិទ្ធភាពបន្ថែមទៀត៕

ពោធិ៍សាត់៖ លោក ពៅ ពិសិដ្ឋ ប្រធានក្រុមការងារគណបក្សចុះមូលដ្ឋានសង្កាត់ផ្ទះព្រៃ រួមជាមួយក្រុមការងារចុះជួយភូមិពាលញែក២ បានអញ្ជើញចុះជួបសំណេះសំណាល និងសាកសួរទុក្ខធុរៈជាមួយសមាជិក សមាជិកា គណបក្សប្រជាជនកម្ពុជា ស្ថិតនៅក្នុងភូមិពាលញែក២ សង្កាត់ផ្ទះព្រៃ ក្រុងពោធិ៍សាត់ នារសៀលថ្ងៃទី១ ខែកញ្ញា ឆ្នាំ២០២៦។ ជំនួបសំណេះសំណាលនេះ រៀបចំឡើងក្នុងគោលបំណងបង្កើនភាពស្និទ្ធស្នាល ពង្រឹងសាមគ្គីភាពផ្ទៃក្នុង និងក្តាប់នូវសុខទុក្ខ ព្រមទាំងសំណូមពរផ្សេងៗរបស់សមាជិកបក្សនៅតាមមូលដ្ឋានផ្ទាល់។ ក្នុងឱកាសនោះ លោកប្រធានក្រុមការងារ ក៏បានពាំនាំនូវការផ្តាំផ្ញើសាកសួរទុក្ខពីសំណាក់ថ្នាក់ដឹកនាំគណបក្ស ព្រមទាំងបានជំរុញឱ្យក្រុមការងារ និងសមាជិកបក្សទាំងអស់ បន្តរួមសាមគ្គីគ្នា ចូលរួមអភិវឌ្ឍន៍មូលដ្ឋាន និងបម្រើប្រជាពលរដ្ឋឱ្យកាន់តែមានប្រសិទ្ធភាពបន្ថែមទៀត៕

ឯកឧត្តម ប្រាំង ជលសា ប្រធានក្រុមការងារគណបក្សប្រជាជនកម្ពុជាចុះជួយស្រុកក្រគរ និងស្រុកកណ្តៀង បានអញ្ជើញជាអធិបតីក្នុងពិធីសំណេះសំណាល និងចែកកូនឈើហូបផ្លែជូនគ្រួសារសមាជិកបក្សមកពី ៧ភូមិ ក្នុងឃុំក្បាលត្រាច ស្រុកក្រគរ ខេត្តពោធិ៍សាត់ នាថ្ងៃទី២៩ ខែសីហា ឆ្នាំ២០២៦។

ពោធិ៍សាត់៖ គម្រោង EMPower បាន និងកំពុងបន្តដើរតួនាទីយ៉ាងសំខាន់ក្នុងការលើកកម្ពស់ និងបង្កើនកម្រិតជីវភាពរស់នៅរបស់ប្រជាពលរដ្ឋ តាមរយៈការចូលរួមកាត់បន្ថយអត្រាភាពក្រីក្រ និងឆ្លើយតបទៅនឹងតម្រូវការអាទិភាពជាក់ស្តែងនៅក្នុងមូលដ្ឋាន។ តាមរយៈការអនុវត្តគម្រោងនេះ ប្រជាពលរដ្ឋសរុបចំនួន ៨៣៩ គ្រួសារ ដែលអញ្ជើញមកពីឃុំចំនួន ៣ រួមមាន ឃុំត្រពាំងជង ឃុំស្នាមព្រះ និងឃុំខ្នារទទឹង នៃស្រុកបាកាន ខេត្តពោធិ៍សាត់ ទទួលបានការគាំទ្រដោយផ្ទាល់ ដើម្បីដោះស្រាយបញ្ហាប្រឈមបានទាន់ពេលវេលា និងជំរុញឱ្យជីវភាពគ្រួសារកាន់តែប្រសើរឡើងជាលំដាប់៕

ពោធិ៍សាត់៖ លោក ពៅ ពិសិដ្ឋ ប្រធាន​ក្រុមការងារ​ចុះ​មូលដ្ឋាន​សង្កាត់​ផ្ទះព្រៃ ព្រមទាំង​សមាជិក សមាជិកា​ក្រុមការងារ បាន​អញ្ជើញ​ចុះ​ជួប​សួរសុខទុក្ខ​សមាជិក​បក្ស​ចំនួន ១៥​គ្រួសារ ស្ថិតនៅ​ភូមិ​សំពៅមាស សង្កាត់​ផ្ទះព្រៃ ក្រុងពោធិ៍សាត់ ខេត្តពោធិ៍សាត់ ។ ក្នុង​ឱកាស​ដ៏​ស្និទ្ធស្នាល​នោះ លោក​ប្រធាន​ក្រុមការងារ និង​ក្រុមការងារ ក៏បាន​នាំយក​នូវ​របស់​កំដរ​ដៃ និង​អំណោយ​មួយចំនួន ចែកជូន​ដល់​គ្រួសារ​សមាជិក​បក្ស​ទាំង ១៥​គ្រួសារ ដើម្បី​ចូលរួម​សម្រាល​ជីវភាព និង​បង្ហាញ​ពី​ការយកចិត្តទុកដាក់​យ៉ាង​ជិតស្និទ្ធ​ចំពោះ​បងប្អូន​នៅ​មូលដ្ឋាន៕

ឯកឧត្តម ម៉ក់ រ៉ា អនុប្រធានគណបក្សប្រជាជនកម្ពុជាខេត្តពោធិ៍សាត់ បានដឹកនាំសមាជិក សមាជិកា គណៈចលនាមហាជនខេត្ត ចូលរួមកម្មវិធីបាឋកថា របស់ឯកឧត្តមកិត្តិសេដ្ឋាបណ្ឌិត ចម ប្រសិទ្ធ ឧត្តមប្រឹក្សាផ្ទាល់ព្រះមហាក្សត្រ និងជាសមាជិកគណៈកម្មាធិការកណ្ដាល គណបក្សប្រជាជនកម្ពុជា ដែលរៀបចំឡើងដោយអគ្គលេខាធិការដ្ឋាននៃគណៈចលនាមហាជនថ្នាក់កណ្ដាល នៅសាលសន្និសីទគ៨៥ វិមាន៧មករា រាជធានីភ្នំពេញ នាថ្ងៃទី២៣ ខែសីហា ឆ្នាំ២០២៦ ។

គណៈកម្មាធិការគណបក្សប្រជាជនកម្ពុជាខេត្តពោធិ៍សាត់ បានរៀបចំកិច្ចប្រជុំត្រួតពិនិត្យវឌ្ឍនភាពនៃការអនុវត្តផែនការឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៦ ឆ្នាំ២០២៧ នៅស្នាក់ការគណបក្សខេត្ត។ កិច្ចប្រជុំនេះបានប្រព្រឹត្តទៅក្រោមអធិបតីភាព ឯកឧត្តម ខូយ រីដា សមាជិកគណៈកម្មាធិការកណ្តាលគណបក្សប្រជាជនកម្ពុជា ប្រធានគណៈកម្មាធិការគណបក្សខេត្ត អភិបាលខេត្ត និងជាប្រធានក្រុមការងារគណបក្សចុះមូលដ្ឋានក្រុងពោធិ៍សាត់។