ព័ត៌មានក្នុងខេត្ត

ពោធិ៍សាត់៖ ក្រុមការងារគម្រោងពិពិធកម្មកសិកម្មកម្ពុជា (CASDP) ថ្នាក់ខេត្តពោធិ៍សាត់ បានចូលរួមកិច្ចប្រជុំយ៉ាងសំខាន់មួយ ដើម្បីពិនិត្យ និងផ្ទៀងផ្ទាត់ទិន្នន័យអ្នកទទួលផល នៃ «គម្រោងការឆ្លើយតបនឹងការសង្គ្រោះបន្ទាន់ចំពោះស្ថានភាពអាសន្នលើកទី២ (CERC2)» សម្រាប់ផ្តល់ជូនប្រជាជនភៀសសឹក កាលពីថ្ងៃទី៨ ខែកញ្ញា ឆ្នាំ២០២៦ ។ កិច្ចប្រជុំនេះបានប្រព្រឹត្តទៅក្រោមអធិបតីភាពរបស់ លោក ណុប សុភឿន ប្រធានគ្រប់គ្រងគម្រោងពិពិធកម្មកសិកម្មកម្ពុជាថ្នាក់ជាតិ ដោយមានសមាសភាពចូលរួមសរុបចំនួន ៨នាក់ (ក្នុងនោះមានស្ត្រីចំនួន ៣នាក់)។ ការចុះពិនិត្យ និងផ្ទៀងផ្ទាត់ទិន្នន័យនាឱកាសនេះ ធ្វើឡើងក្នុងគោលបំណងធានាឱ្យបាននូវតម្លាភាព សុក្រឹតភាព និងច្បាស់លាស់ ក្នុងការកំណត់អត្តសញ្ញាណប្រជាជនភៀសសឹកដែលរងផលប៉ះពាល់ពិតប្រាកដ សំដៅឆ្លើយតប និងផ្តល់ជំនួយសង្គ្រោះបន្ទាន់តាមរយៈគម្រោង CERC2 ឱ្យបានចំគោលដៅ និងទាន់ពេលវេលា៕

ពោធិ៍សាត់៖ កម្លាំងសង្កាត់រដ្ឋបាលជលផលកំពង់លួង បានសហការជាមួយកងរាជអាវុធហត្ថស្រុកក្រគរ ចុះប្រតិបត្តិការត្រួតពិនិត្យ ទប់ស្កាត់ និងបង្ក្រាបបទល្មើសនេសាទ ចាប់ពីចំណុចកំពង់លួង រហូតដល់ចំណុចជ្រោយវែង ស្ថិតក្នុងភូមិកំពង់ឡ ឃុំកំពង់ពោធិ៍ ស្រុកក្រគរ ខេត្ដពោធិ៍សាត់ កាលពីថ្ងៃទី៨ ខែកញ្ញា ឆ្នាំ២០២៦។ ក្នុងប្រតិបត្តិការចុះត្រួតពិនិត្យនេះ សង្កេតឃើញថា ប្រជានេសាទភាគច្រើនបានចូលរួមគោរព និងអនុវត្តច្បាប់ស្តីពីជលផលបានល្អប្រសើរ។ ទោះជាយ៉ាងណាក៏ដោយ នៅតែមានប្រជានេសាទមួយចំនួនតូច បានលួចប្រើប្រាស់ឧបករណ៍នេសាទខុសច្បាប់ ដោយដាក់របាំងស្បៃមុងនៅក្នុងតំបន់ព្រៃលិចទឹក។ ជាលទ្ធផល នៅត្រង់ចំណុចអន្លង់រាំង ស្ថិតក្នុងភូមិកំពង់ឡ ឃុំកំពង់ពោធិ៍ ស្រុកក្រគរ កម្លាំងសមត្ថកិច្ចល្បាតបង្ក្រាបបានចំនួន ១ករណី ដោយបានរឹបអូស និងបំផ្លាញចោលនូវវត្ថុតាងរួមមាន៖ របាំងស្បៃមុង ចំនួន ២ ខ្សែ (ប្រវែងសរុប ៣០០ ម៉ែត្រ), លូស្បៃមុង ចំនួន ២ មាត់ និងបង្គោលចងរបាំង ចំនួន ៥៨ ដើម។ ជាមួយគ្នានោះដែរ កម្លាំងសមត្ថកិច្ចក៏បានរំដោះ និងចាក់លែងកូនត្រីចម្រុះរស់ទម្ងន់ ៥ គីឡូក្រាម ចូលទៅក្នុងដែនទឹកធម្មជាតិវិញផងដែរ៕

កាលពីព្រឹកថ្ងៃទី៨ ខែកញ្ញា ឆ្នាំ២០២៦ វគ្គបណ្តុះបណ្តាលស្តីពី «ផលិតកម្មបន្លែ» ត្រូវបានរៀបចំឡើងជូនដល់សមាជិកសហគមន៍ផ្ទះរុងរុងរឿង ស្ថិតនៅភូមិក្រញ៊ាំ ឃុំផ្ទះរុង ស្រុកតាលោសែនជ័យ។ វគ្គបណ្តុះបណ្តាលនេះសម្រេចទៅបានក្រោមការគាំទ្រពីគម្រោង PCRL ដោយសហការយ៉ាងជិតស្និទ្ធជាមួយមន្ទីរកសិកម្ម រុក្ខាប្រមាញ់ និងនេសាទ។

ត្រីដែលត្រូវបានលែងនោះគឺជា «ត្រីរាជ» មានទម្ងន់ ៥៦ គីឡូក្រាម និងប្រវែង ១,៦៨ ម៉ែត្រ។ ត្រីកម្រមួយក្បាលនេះ ត្រូវបានប្រជានេសាទឈ្មោះ ឡុក ឆៃលី នេសាទបាននៅចំណុចផ្លូវជ័យ ស្ថិតក្នុងភូមិឈើទាលខ្ពស់ ឃុំក្បាលត្រាច ស្រុកក្រគរ ខេត្តពោធិ៍សាត់។ ក្រោយទទួលបានព័ត៌មាន អាជ្ញាធរជំនាញបានចុះសម្របសម្រួល និងនាំយកត្រីរាជនេះទៅលែងក្នុង «កន្លែងអភិរក្សជលផលជ្រោយស្ដី» ដើម្បីធានាសុវត្ថិភាព និងការរស់នៅបន្តក្នុងប្រព័ន្ធអេកូឡូស៊ីធម្មជាតិ។

ពិធីនេះបានប្រព្រឹត្តទៅក្រោមការដឹកនាំសម្របសម្រួលដោយ លោកស្រី សាមិត សោភ័ណ អនុប្រធានការិយាល័យផ្សព្វផ្សាយកសិកម្ម និងមានការចូលរួមយ៉ាងកុះករពីសំណាក់ លោកមេភូមិ អនុភូមិ ព្រមទាំងកសិករដាំបន្លែ និងចិញ្ចឹមសត្វក្នុងមូលដ្ឋាន សរុបចំនួន ២៦នាក់ (ក្នុងនោះមានស្រ្តីចំនួន ១៨នាក់)។ វគ្គបណ្តុះបណ្តាលនេះ ទទួលបានការឧបត្ថម្ភថវិកាពីកម្មវិធីឆ្នាំ២០២៦ របស់មន្ទីរកសិកម្ម រុក្ខាប្រមាញ់ និងនេសាទ។

នៅក្នុងវគ្គបណ្តុះបណ្តាលនេះ សិក្ខាកាមទាំងអស់បានរំលឹកឡើងវិញនូវមេរៀនដែលបានសិក្សាកាលពីសប្តាហ៍មុន ព្រមទាំងទទួលបានមតិសំណេះសំណាល និងការតម្រង់ទិសយ៉ាងយកចិត្តទុកដាក់ពីសំណាក់ថ្នាក់ដឹកនាំ។ បន្ថែមពីនេះ ក្រុមការងារជំនាញបានដឹកនាំការពិភាក្សា និងអនុវត្តលើប្រធានបទបច្ចេកទេសសំខាន់ៗមួយចំនួនដូចជា៖ ការប្រើប្រាស់ និងរៀបចំប្រព័ន្ធស្រោចស្រពដំណក់ទឹក (ប្រព័ន្ធទ្រីប), វិធីសាស្ត្ររៀបចំល្បាយដី និងការអនុវត្តបច្ចេកទេសបណ្តុះកូនបន្លែ និងបច្ចេកទេសរៀបចំចង្អូរទឹកសម្រាប់ចម្ការឱ្យមានប្រសិទ្ធភាព។

នៅក្នុងប្រតិបត្តិការចុះត្រួតពិនិត្យនេះ ក្រុមការងារសង្កេតឃើញថា ប្រជានេសាទភាគច្រើនបានចូលរួមគោរព និងអនុវត្តតាមច្បាប់ស្តីពីជលផលបានល្អប្រសើរ។ យ៉ាងណាមិញ នៅចំណុចកំពង់ស្ទឹង ស្ថិតក្នុងភូមិកំពង់ថ្គោល ឃុំអន្សាចំបក់ ស្រុកក្រគរ អាជ្ញាធរបានរកឃើញមានការដាក់របាំងលបណរ៉ាវលើសប្រវែងដែលច្បាប់បានកំណត់ចំនួន ៣ខ្សែ។

ឯកឧត្តម គីម វីរៈ អគ្គលេខាធិការ នៃគណៈកម្មាធិការជាតិគ្រប់គ្រងគ្រោះមហន្តរាយ ព្រមទាំងលោក លឹម សុខតូ អភិបាលរងខេត្តពោធិ៍សាត់ ប្រធានមន្ទីរ និងអាជ្ញាធរមូលដ្ឋាន បានចុះពិនិត្យ និងវាយតម្លៃការខូចខាតដំណាំស្រូវវស្សារបស់ប្រជាកសិករ ដែលរងផលប៉ះពាល់ដោយសារគ្រោះរាំងស្ងួត នៅឃុំតាលោ ស្រុកតាលោសែនជ័យ ខេត្តពោធិ៍សាត់។

ពោធិ៍សាត់៖ សង្កាត់រដ្ឋបាលព្រៃឈើព្រងិល បានសហការជាមួយអាជ្ញាធរមូលដ្ឋាន ចុះអនុវត្តសកម្មភាពបោះបង្គោលព្រំប្រទល់ព្រៃសហគមន៍ភូមិព្រងិល បានចំនួន ៨បង្គោល ប្រកបដោយលទ្ធផលល្អប្រសើរ នាថ្ងៃទី៤ ខែកញ្ញា ឆ្នាំ២០២៦ ។ ប្រតិបត្តិការនេះបានដឹកនាំផ្ទាល់ដោយ លោក សន ចាន់ថន អភិបាលរងនៃគណៈអភិបាលស្រុកភ្នំក្រវាញ ដោយមានការចូលរួមពីសំណាក់មន្ត្រីជំនាញសូរិយោដីស្រុក តំណាងក្រុមប្រឹក្សាឃុំព្រងិល មេភូមិព្រងិល មេភូមិអូររំ ព្រមទាំងគណៈកម្មការសហគមន៍ព្រៃឈើភូមិព្រងិល។ សកម្មភាពបោះបង្គោលព្រំប្រទល់នាពេលនេះ ក្នុងគោលបំណងកំណត់ដែនជម្រក និងទំហំព្រៃសហគមន៍ឱ្យបានច្បាស់លាស់ សំដៅបង្កើនប្រសិទ្ធភាពក្នុងការថែរក្សា ការពារ និងទប់ស្កាត់ការរំលោភបំពានដីព្រៃឈើ ខណៈដែលកិច្ចសហការរវាងអាជ្ញាធរដែនដី មន្ត្រីជំនាញ និងសហគមន៍មូលដ្ឋាន បន្តដើរតួនាទីយ៉ាងសំខាន់ក្នុងការគ្រប់គ្រងធនធានធម្មជាតិប្រកបដោយចីរភាព៕

កិច្ចប្រជុំនេះមានការចូលរួមយ៉ាងកុះករពី ក្រុមការងារមន្ទីរកសិកម្មខេត្ត កងកម្លាំងប៉ុស្តិ៍នគរបាលរដ្ឋបាលឃុំអន្លង់រាប អាជ្ញាធរភូមិ ព្រមទាំងថ្នាក់ដឹកនាំ និងសមាជិក-សមាជិកានៃសហគមន៍កសិកម្មទំនើប សរុបចំនួន ៦៨នាក់ (ក្នុងនោះមានស្រ្តីចំនួន ៣៨នាក់) ដើម្បីរួមគ្នាវាយតម្លៃលទ្ធផលការងារ ក៏ដូចជាទិសដៅយុទ្ធសាស្ត្រក្នុងការលើកកម្ពស់ផលិតកម្មកសិកម្មសុវត្ថិភាពក្នុងមូលដ្ឋាន។

នៅក្នុងដំណើរការពិគ្រោះថ្លៃនេះ មានក្រុមហ៊ុនឯកជនចំនួន ៧ បានដាក់សំណើដេញថ្លៃប្រកួតប្រជែង ដើម្បីទទួលបានសិទ្ធិលើការសាងសង់ទីធ្លាចិញ្ចឹមមាន់សាច់ និងមាន់ពងបែបធម្មជាតិ (ដើរលេង)។ ការសាងសង់ទីធ្លាចិញ្ចឹមមាន់នេះ នឹងជួយឱ្យសហគមន៍កសិកម្មទំនើបម្ទេសដំណាក់ទ្រយឹង មានលទ្ធភាពពង្រីកការចិញ្ចឹមសត្វស្លាបប្រកបដោយអនាម័យ សុវត្ថិភាព និងឆ្លើយតបទៅនឹងតម្រូវការទីផ្សារ បង្កើនប្រាក់ចំណូលបន្ថែមជូនដល់សមាជិកសហគមន៍។

ពិធីនេះបានប្រព្រឹត្តទៅនាថ្ងៃទី៣ ខែកញ្ញា ឆ្នាំ២០២៦ នៅសាលប្រជុំមន្ទីរកសិកម្ម ខេត្តពោធិ៍សាត់ ក្រោមអធិបតីភាព លោក ហៃ ធូរ៉ា ប្រធានមន្ទីរកសិកម្ម រុក្ខាប្រមាញ់ និងនេសាទខេត្ត ដោយមានការសម្របសម្រួលពីការិយាល័យអភិវឌ្ឍន៍សហគមន៍កសិកម្ម និងមានការគាំទ្រថវិកាពីអង្គការកម្មវិធីស្បៀងអាហារពិភពលោក (WFP)។ វគ្គសិក្សានេះ មានការចូលរួមពីមន្ត្រីជំនាញថ្នាក់ក្រសួង មន្ទីរ ការិយាល័យអប់រំ និងមន្ត្រីកសិកម្មឃុំចំនួន ៣៥ ក្នុងស្រុក-ក្រុងគោលដៅ សរុបចំនួន ៦០ នាក់ (ស្រី ១៩ នាក់)។