ព័ត៌មានក្នុងខេត្ត

លោក សៀង សេងពុទ្ធា ប្រធានអង្គភាពរដ្ឋករទឹកខេត្ត និងជាប្រធានក្រុមការងារចុះជួយភូមិសាលាគំរូ ព្រមទាំងក្រុមការងារ បានសហការជាមួយលោកស្រីចៅសង្កាត់ព្រៃញី និងលោក-លោកស្រីមេភូមិសាលាគំរូ ចុះសួរសុខទុក្ខបងប្អូនសមាជិកបក្ស និងផ្តល់ជំនួយឧបត្ថម្ភក្នុងមូលដ្ឋានផ្ទាល់ នារសៀលថ្ងៃទី២៦ ខែមិថុនា ឆ្នាំ២០២៦។

ខេត្តពោធិ៍សាត់៖ ឯកឧត្តម ខូយ រីដា បានអញ្ជើញជាអធិបតីក្នុងពិធីជួបសំណេះសំណាលជាមួយមន្រ្តី គណៈកម្មាធិការគណបក្ស សាខាបក្សភូមិ និងសកម្មជន នៃគណបក្សប្រជាជនកម្ពុជាសង្កាត់ផ្ទះព្រៃ នាព្រឹកថ្ងៃសៅរ៍ ទី២៧ ខែមិថុនា ឆ្នាំ២០២៦។ ពិធីសំណេះសំណាលនេះ ត្រូវបានរៀបចំឡើងនៅស្នាក់ការគណបក្សសង្កាត់ផ្ទះព្រៃ ក្រុងពោធិ៍សាត់ ក្នុងគោលបំណងសាកសួរសុខទុក្ខ ពង្រឹងសាមគ្គីភាពផ្ទៃក្នុង និងជំរុញការងារបក្សនៅមូលដ្ឋានឱ្យកាន់តែមានប្រសិទ្ធភាពខ្ពស់។ ក្នុងឱកាសនោះ ឯកឧត្តមបានពាំនាំនូវការសាកសួរសុខទុក្ខពីសំណាក់ថ្នាក់ដឹកនាំជាន់ខ្ពស់ ព្រមទាំងបានថ្លែងអំណរគុណ និងកោតសរសើរចំពោះកិច្ចខិតខំប្រឹងប្រែងរបស់មន្ត្រីបក្ស និងសកម្មជនទាំងអស់ ដែលបានលះបង់កម្លាំងកាយចិត្តក្នុងការបម្រើប្រជាពលរដ្ឋ និងថែរក្សាប្រជាប្រិយភាពរបស់គណបក្សនៅមូលដ្ឋានផ្ទាល់នាពេលកន្លងមក៕

ខេត្តពោធិ៍សាត់៖ ឯកឧត្តម សៅ ដារឿន សមាជិកគណៈកម្មាធិការគណបក្សខេត្ត និងជាអនុប្រធានគណៈឃោសនាអប់រំខេត្តពោធិ៍សាត់ បានអញ្ជើញធ្វើបទឧទេ្ទសនាម ក្រោមប្រធានបទស្តីពី «គណបក្សប្រជាជនកម្ពុជា ប្រវត្តិ សកម្មភាព ស្នាដៃ និងបទពិសោធន៍» កាលពីរសៀលថ្ងៃទី២៦ ខែមិថុនា ឆ្នាំ២០២៦ ។ ពិធីនេះត្រូវបានរៀបចំឡើងនៅស្នាក់ការគណបក្សប្រជាជនកម្ពុជាស្រុកតាលោសែនជ័យ ដោយមានការអញ្ជើញចូលរួមពីសំណាក់ថ្នាក់ដឹកនាំ សមាជិក សមាជិកាគណបក្ស និងយុវជនបក្សនៅក្នុងមូលដ្ឋាន។ ការធ្វើបទឧទ្ទេសនាមនេះ គឺក្នុងគោលបំណងពង្រឹងការយល់ដឹងដល់សមាជិកបក្សគ្រប់រូប ឱ្យកាន់តែជ្រួតជ្រាបអំពីប្រវត្តិដ៏យូរអង្វែង ស្មារតីតស៊ូ ស្នាដៃធំៗ និងបទពិសោធន៍ជាប្រវត្តិសាស្ត្ររបស់គណបក្សប្រជាជនកម្ពុជា ក្នុងការរំដោះជាតិ ការពារ និងកសាងមាតុភូមិ ឆ្ពោះទៅរកការអភិវឌ្ឍប្រកបដោយសន្តិភាព និងស្ថិរភាពសង្គម៕

នៅក្នុងសកម្មភាពចុះមូលដ្ឋាននោះ លោកប្រធានក្រុមការងារបានអញ្ជើញដឹកនាំសមាជិក ចុះពិនិត្យមើលវឌ្ឍនភាពនៃការដ្ឋានស្ថាបនាផ្លូវ ការងារស្តារប្រឡាយទឹក និងការរៀបចំចំណតទូក-រថយន្ត ស្ថិតនៅក្នុងភូមិរាំងទិល ដើម្បីធានាឱ្យការសាងសង់ប្រព្រឹត្តទៅដោយរលូន ស្របតាមបច្ចេកទេស និងអាចបម្រើផលប្រយោជន៍ជូនប្រជាពលរដ្ឋបានឆាប់រហ័ស។

នៅក្នុងឱកាសដ៏មានអត្ថន័យនោះ ឯកឧត្ដម ខូយ រីដា បានពាំនាំនូវការសាកសួរសុខទុក្ខដ៏ខ្ពង់ខ្ពស់ពីសំណាក់សម្តេចតេជោ ហ៊ុន សែន ប្រធានគណបក្សប្រជាជនកម្ពុជា និងសម្តេចធិបតី ហ៊ុន ម៉ាណែត អនុប្រធានគណបក្ស ជូនដល់អង្គពិធីទាំងមូល។ ឯកឧត្ដមប្រធាន បានសម្តែងនូវការកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់មេក្រុម និងអនុក្រុមបក្សទាំងអស់ ដែលបានលះបង់កម្លាំងកាយចិត្តក្នុងការបំពេញភារកិច្ចបម្រើបក្ស និងប្រជាពលរដ្ឋនៅតាមមូលដ្ឋាននាពេលកន្លងមក។

នៅក្នុងឱកាសនោះ អង្គប្រជុំបានធ្វើការផ្សព្វផ្សាយយ៉ាងក្បោះក្បាយនូវរាល់ខ្លឹមសារ សេចក្តីណែនាំ និងយុទ្ធសាស្ត្រគន្លឹះៗ របស់គណៈកម្មាធិការកណ្តាល ដើម្បីត្រៀមលក្ខណៈកម្លាំង សម្ភារ និងថវិកា ក្នុងការចូលរួមយុទ្ធនាការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ខាងមុខ ឱ្យប្រព្រឹត្តទៅដោយរលូន ស្របតាមច្បាប់ លក្ខន្តិកៈ និងមានប្រសិទ្ធភាពខ្ពស់។

ឯកឧត្តម ខូយ រីដា អភិបាលខេត្តពោធិ៍សាត់ អញ្ជើញជាអធិបតីក្នុងពិធីបិទវគ្គអប់រំនយោបាយ របស់គណបក្សខេត្ត កម្រិត១ ជំនាន់ទី៣៣ សម្រាប់មន្ត្រីគណបក្ស ខ២៦.២ នៅមន្ទីរគណបក្សខេត្ត ស្ថិតនៅសង្កាត់ព្រៃញី ក្រុងពោធិ៍សាត់ ខេត្តពោធិ៍សាត់ រសៀលថ្ងៃទី១៤ ខែមិថុនា ឆ្នាំ២០២៦៕

ឯកឧត្តម ខូយ រីដា បានដឹកនាំកិច្ចប្រជុំផ្សព្វផ្សាយផែនការរួមឆ្ពោះទៅកាន់ ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៦ ឆ្នាំ២០២៧ នៅទីស្នាក់ការគណបក្សប្រជាជនកម្ពុជាខេត្តពោធិ៍សាត់។