ព័ត៌មានក្នុងខេត្ត

ខេត្តសៀមរាប៖ នៅថ្ងៃពុធ ទី៨ ខែកក្កដា ឆ្នាំ២០២៦ លោក បេង ឆវីរៈ អនុប្រធានមន្ទីរអប់រំ យុវជន និងកីឡាខេត្ត បានអញ្ជើញចូលរួមក្នុងសិក្ខាសាលាថ្នាក់ជាតិ ស្តីពីការអនុវត្តកម្មវិធីផ្តល់អាហារតាមសាលារៀន ដោយប្រើប្រាស់កសិផលក្នុងសហគមន៍ ឆ្នាំ២០២៦។ សិក្ខាសាលាថ្នាក់ជាតិនេះ មានរយៈពេល ២ថ្ងៃ (ចាប់ពីថ្ងៃទី០៨ ខែកក្កដា) ដោយប្រារព្ធឡើងនៅសណ្ឋាគារសុខាល័យអង្គរ ខេត្តសៀមរាប។ កម្មវិធីនេះរៀបចំឡើងក្នុងគោលបំណងឆ្លុះបញ្ចាំងពីលទ្ធផលការងារ ផ្លាស់ប្តូរបទពិសោធន៍ និងពង្រឹងយន្តការអនុវត្តកម្មវិធីផ្តល់អាហារដល់សិស្សានុសិស្សនៅតាមសាលារៀនគោលដៅ ដោយផ្អែកលើការបញ្ជាទិញកសិផលផ្ទាល់ពីប្រជាកសិករក្នុងសហគមន៍ ដើម្បីរួមចំណែកលើកកម្ពស់អាហារូបត្ថម្ភ កាត់បន្ថយការបោះបង់ការសិក្សា និងជួយជំរុញសេដ្ឋកិច្ចមូលដ្ឋានឱ្យកាន់តែរីកចម្រើន៕

ខេត្តពោធិ៍សាត់៖ លោក លឹម វុទ្ធី ប្រធានមន្ទីរអប់រំ យុវជន និងកីឡាខេត្តពោធិ៍សាត់ រួមដំណើរដោយលោក ម៉ក់ ពេញ ប្រធានការិយាល័យប្រឡង បានអញ្ជើញចុះពិនិត្យ និងសង្កេតការណ៍ដោយផ្ទាល់ នៅមណ្ឌលប្រឡងអនុវិទ្យាល័យពោធិ៍សាត់ នាព្រឹកថ្ងៃទី០៧ ខែកក្កដា ឆ្នាំ២០២៦។ នៅក្នុងមណ្ឌលប្រឡងអនុវិទ្យាល័យពោធិ៍សាត់នេះ មានបេក្ខជនចូលរួមប្រឡងសរុបចំនួន ៥០៤ នាក់ (ក្នុងនោះមានសិស្សស្រីចំនួន ២៧៧ នាក់)។ ការចុះពិនិត្យនេះ គឺដើម្បីធានាឱ្យដំណើរការនៃការប្រឡងប្រព្រឹត្តទៅដោយរលូន មានតម្លាភាព និងស្របតាមបទប្បញ្ញត្តិរបស់ក្រសួងអប់រំ យុវជន និងកីឡា៕

ពោធិ៍សាត់៖ លោក លឹម វុទ្ធី ប្រធានមន្ទីរអប់រំ យុវជន និងកីឡាខេត្ត បានអញ្ជើញចូលរួមកិច្ចប្រជុំពិភាក្សាលើ បទបង្ហាញស្តីពី ការចែករំលែកបទពិសោធនៃការចូលរួមរបស់រដ្ឋបាលខេត្ត ក្នុងការកសាងអង្គភាពផ្តល់សេវាសាធារណៈគំរូ ក្នុងវិស័យអប់រំ នៅព្រឹកថ្ងៃទី៤ ខែកក្កដា ឆ្នាំ២០២៦។ កិច្ចប្រជុំនេះត្រូវបានរៀបចំឡើងនៅសាលប្រជុំមន្ទីរអប់រំ យុវជន និងកីឡាខេត្ត ក្នុងគោលបំណងពិនិត្យ ពិភាក្សា កែសម្រួល និងបំពេញបន្ថែមនូវចំណុចខ្វះខាតទាំងឡាយ ដើម្បីឱ្យបទបង្ហាញនេះកាន់តែមានភាពគ្រប់ជ្រុងជ្រោយ ត្រឹមត្រូវ និងមានប្រសិទ្ធភាពខ្ពស់៕

កាលពីរសៀលថ្ងៃទី៣ ខែកក្កដា ឆ្នាំ២០២៦ លោក លឹម វុទ្ធី ប្រធានមន្ទីរអប់រំ យុវជន និងកីឡាខេត្តពោធិ៍សាត់ បានអញ្ជើញបើកកិច្ចប្រជុំគណៈមេប្រយោគប្រឡងសញ្ញាបត្រមធ្យមសិក្សាបឋមភូមិ (ឌីប្លូម)។ កិច្ចប្រជុំនេះរៀបចំឡើងក្នុងគោលបំណងពិភាក្សា និងពង្រឹងការងារត្រៀមលក្ខណៈគ្រប់ជ្រុងជ្រោយ សម្រាប់សម័យប្រឡងដែលនឹងប្រព្រឹត្តទៅនៅថ្ងៃទី០៦ ខែកក្កដា ឆ្នាំ២០២៦ ខាងមុខនេះ ក្នុងគោលដៅធានាឱ្យបាននូវភាពរលូន តម្លាភាព និងភាពត្រឹមត្រូវ ស្របតាមការណែនាំរបស់ក្រសួងអប់រំ យុវជន និងកីឡា៕

ពិធីនេះប្រព្រឹត្តទៅក្រោមអធិបតីភាព ឯកឧត្តម យឹម វិសិដ្ឋ ប្រធានអាជ្ញាធរអគ្គិសនីកម្ពុជា និងជាប្រធានក្រុមការងាររាជរដ្ឋាភិបាលចុះជួយមូលដ្ឋានស្រុកភ្នំក្រវាញ រួមជាមួយលោក ហេង សុភាណា អភិបាលរងខេត្ត, លោក ផង់ សារិន ប្រធានក្រុមការងារចុះជួយឃុំព្រងិល ព្រមទាំងអាជ្ញាធរមូលដ្ឋាន និងអ្នកចូលរួមសរុបចំនួន៣១៤នាក់។

(ពោធិ៍សាត់)៖ នាព្រឹកថ្ងៃទី០៣ ខែកក្កដា ឆ្នាំ២០២៦ នេះ អនុវិទ្យាល័យពោធិ៍សាត់ បានរៀបចំកម្មវិធីប្រគល់រង្វាន់ និងលិខិតសរសើរ ជូនដល់ «ថ្នាក់រៀនស្អាត និងសិស្សច្បងសកម្ម» ប្រចាំឆ្នាំសិក្សា២០២៥-២០២៦ យ៉ាងរំភើប រីករាយ។ កម្មវិធីនេះត្រូវបានរៀបចំឡើងក្នុងគោលបំណងចម្បង ដើម្បីលើកទឹកចិត្ត ក៏ដូចជាបណ្តុះបណ្តាលទម្លាប់ឱ្យសិស្សានុសិស្សទាំងអស់ ចេះរស់នៅក្នុងភាពស្អាត មានអនាម័យល្អ និងពង្រឹងស្មារតីភាពជាអ្នកដឹកនាំនៅក្នុងខ្លួន ទាំងក្នុងពេលបច្ចុប្បន្នកំពុងសិក្សា និងទៅថ្ងៃអនាគត។

លោក លឹម វុទ្ធី ប្រធានមន្ទីរអប់រំ យុវជន និងកីឡាខេត្តពោធិ៍សាត់ បានអញ្ជើញចុះពិនិត្យមើលសកម្មភាពនៃការបង្រៀនបំប៉នបន្ថែមដោយផ្ទាល់ នាព្រឹកថ្ងៃចន្ទ ទី២៩ ខែមិថុនា ឆ្នាំ២០២៦ នៅក្នុងវិទ្យាល័យពោធិ៍សាត់។ លោកប្រធានមន្ទីរ បានប្រាប់ថាការចុះពិនិត្យនេះគឺដើម្បីតាមដាន និងជំរុញការបំប៉នសមត្ថភាពសិស្សានុសិស្សថ្នាក់ទី១២ ក្នុងការត្រៀមលក្ខណៈសម្បត្តិឱ្យបានល្អប្រសើរ សម្រាប់ការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ដែលខិតជិតមកដល់៕

ដំណើរបំពេញទស្សនកិច្ចសិក្សានេះ គឺផ្តោតសំខាន់ទៅលើការស្វែងយល់ពី «ស្តង់ដាសាលារៀនគំរូ» ដែលរួមមាន៖ បទពិសោធន៍នៃការដឹកនាំ និងការគ្រប់គ្រងសាលារៀន, វិធីសាស្ត្រនៃការរៀន និងបង្រៀន (តាមរយៈការធ្វើថ្នាក់និទស្សន៍ផ្ទាល់), ព្រមទាំងការអប់រំសីលធម៌ និងឥរិយាបថរបស់គ្រូនិងសិស្ស។ បទពិសោធន៍ល្អៗទាំងនេះ នឹងក្លាយជាទុនដ៏មានតម្លៃសម្រាប់យកទៅអភិវឌ្ឍ និងលើកកម្ពស់គុណភាពអប់រំនៅក្នុងសាលារៀនរបស់ខ្លួន ឱ្យកាន់តែប្រសើរឡើងស្របតាមគោលនយោបាយកំណែទម្រង់អប់រំរបស់រាជរដ្ឋាភិបាល។

នៅក្នុងឱកាសនោះដែរ ក្រុមការងារក៏បានចែកជូននូវខិតប័ណ្ណអប់រំអំពីសុវត្ថិភាពចរាចរណ៍ និងខិតប័ណ្ណស្តីពីផលប៉ះពាល់នៃគ្រឿងញៀនដល់សិស្សានុសិស្សគ្រប់ៗគ្នា។ អ្វីដែលកាន់តែញ៉ាំងឱ្យបរិយាកាសរីករាយ និងទទួលបានចំណេះដឹងកាន់តែច្បាស់លាស់នោះ គឺមានការបង្កើតកម្មវិធីសួរសំណួរ-ឆ្លើយសំណួរ ព្រមទាំងមានការផ្តល់រង្វាន់លើកទឹកចិត្តជាមួកសុវត្ថិភាព និងសៀវភៅ ជូនដល់សិស្សានុសិស្សដែលឆ្លើយត្រូវផងដែរ។

កិច្ចប្រជុំនេះមានការអញ្ជើញចូលរួមពី លោក បេង ឆវីរៈ អនុប្រធានមន្ទីរ, តំណាងសាលាគរុកោសល្យ និងវិក្រឹតការខេត្ត, លោក-លោកស្រីប្រធាន-អនុប្រធានការិយាល័យជំនាញ, ព្រមទាំងប្រធាន-អនុប្រធានការិយាល័យអប់រំក្រុង-ស្រុក និងមន្ត្រីទទួលបន្ទុកតាមផ្នែកនានា។

សកម្មភាពសប្បុរសធម៌ដ៏ធំធេងនេះ ធ្វើឡើងក្នុងគោលបំណងបើកឱកាសឱ្យសិស្សានុសិស្សនៅតាមគ្រឹះស្ថានសិក្សារដ្ឋ អាចមានលទ្ធភាពទទួលបានការសិក្សាស្រាវជ្រាវ និងអនុវត្តផ្ទាល់លើប្រព័ន្ធបច្ចេកវិទ្យាឌីជីថល ដែលជាតម្រូវការចាំបាច់មិនអាចខ្វះបានសម្រាប់ការសិក្សាក្នុងសម័យកាលទំនើបនេះ។

ការអំពាវនាវរបស់សម្តេចធិបតី៖ សម្តេចមហាបវរធិបតី ហ៊ុន ម៉ាណែត បានអំពាវនាវដល់មាតាបិតា អាណាព្យាបាល និងភាគីពាក់ព័ន្ធ ឱ្យចូលរួមជំរុញ និងលើកទឹកចិត្តកូនៗ ឬយុវជនឱ្យមកចុះឈ្មោះរៀនក្នុងកម្មវិធីបណ្តុះបណ្តាលជំនាញបច្ចេកទេស និងវិជ្ជាជីវៈ (TVET) ចំនួន ១,៥លាននាក់ ឱ្យបានចប់សព្វគ្រប់ ស្របតាមអភិក្រម «រៀនឱ្យចប់ ឱ្យចេះ ឱ្យមានការងារ»។