ព័ត៌មានក្នុងខេត្ត

លេាក ពៅ ពិសិដ្ឋ អភិបាលរងខេត្ត តំណាងឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ បានបេីកកិច្ចប្រជំុ អនុគណៈកម្មការសន្តិសុខ និងអនុគណៈកម្មការបដិសណ្ឋរកិច្ចជូន សម្តេចអគ្គមហាសេនាធិបតី តេជេា ហ៊ុន សែន ប្រមុខរដ្ឋស្តីទី នៃព្រះរាជាណាចក្រកម្ពុជា ក្នុងពិធីសំណេះសំណាលជាមួយក្រុមប្រឹក្សាខេត្ត និងថ្នាក់ដឹកនាំមន្ទីរ អង្គភាពជុំវិញខេត្ត នាថ្ងៃទី៣០ ខែឧសភា ឆ្នាំ២០២៦ខាងមុខនេះ។ កិច្ចប្រជុំក្នុងថ្ងៃនេះមានការចូលរួមពី នាយករងរដ្ឋបាលសាលាខេត្ត ប្រធានមន្ទីរអង្គភាពពាក់ព័ទ្ធ អភិបាលក្រុង និងកងកម្លាំងប្រដាប់អាវុធទាំង៣ នាព្រឹកថ្ងៃទី២៧ ខែឧសភា ឆ្នាំ២០២៦ ស្ថិតនៅសាលាប្រជុំកោះសំពៅមាស ជាន់ទី១សាលាខេត្ត រដ្ឋបាលខេត្តពោធិ៍សាត់៕

លោក លាង ទិតដ្ឋាន ប្រធានមន្ទីរព័ត៌មានខេត្តពោធិ៍សាត់ រួមជាមួយលោក-លោកស្រីអនុប្រធានមន្ទីរ ប្រធានការិយាល័យ និងក្រុមការងារ ព្រមទាំងថ្នាក់ដឹកនាំនៃបណ្តាមន្ទីរព័ត៌មានរាជធានី-ខេត្ត នារសៀលថ្ងៃទី២៧ ខែឧសភា ឆ្នាំ២០២៦ ដោយបានអញ្ជើញចូលរួមកិច្ចប្រជុំ ក្រោមវត្តមាន ឯកឧត្តម ទេព អស្នារិទ្ធ អនុរដ្ឋលេខាធិការ និងជាអ្នកនាំពាក្យក្រសួងព័ត៌មាន តាមរយៈប្រព័ន្ធផ្សាយបន្តផ្ទាល់វីដេអូ (ZOOM) នៅសាលប្រជុំរបស់មន្ទីរព័ត៌មានខេត្ត។ កិច្ចប្រជុំនេះប្រារព្ធធ្វើឡើងក្នុងគោលបំណង ត្រៀមរៀបចំយុទ្ធនាការណ៍ និយាយថាទេចំពោះព័ត៌មានក្លែងក្លាយ ជំហានទី២៕

រដ្ឋបាលខេត្តពោធិ៍សាត់ ដឹកនាំដោយ ឯកឧត្តម ខូយ រីដា និងលោកជំទាវ អាំង សុជាតា ខូយរីដា បានចូលរួមថវិកាក្នុងយុទ្ធនាការ ១ម៉ឺនរៀល ១ម៉ឺននាក់ ជាថវិកាចំនួន ១០១,០០០,០០០រៀល (មួយរយមួយលានរៀល)។

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត៖ ក្នុងនាមជាប្រធានកិត្តិយសនៃសមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) និងជាឥស្សរជនឆ្នើមមួយរូប លោកជំទាវតែងតែដើរតួនាទីយ៉ាងសំខាន់ក្នុងការបំផុសចលនា ផ្សព្វផ្សាយ និងអំពាវនាវយ៉ាងសកម្ម ដើម្បីកៀរគរការចូលរួមពីសប្បុរសជនគ្រប់ទិសទី។

ពិធីបើកយុទ្ធនាការ«១ម៉ឺនរៀល ១ម៉ីននាក់» របស់មូលនិធិគន្ធបុប្ផាកម្ពុជាដើម្បីជួយ សង្គ្រោះជីវិតកុមារ​ ក្រោមអធិបតីភាពដ៏ខ្ពង់ខ្ពស់លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ប្រធានកិត្តិយសនៃមូលនិធិគន្ធបុប្ផាកម្ពុជា។ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន សូមអរគុណសប្បុរសទាំងអស់ជាពិសេសអ្នកចូលរួមរត់ដើម្បីកុមារទាំងអស់ព្រមទាំងអ្នកឧបត្ថម្ភគាំទ្រដែលបានចូលរួមជាមួយក្រសួងព័ត៌មានក្នុងយុទ្ធនាការនេះ។ ថវិកា ១០០ លានរៀលបានមកពីកម្មវិធីរត់ដើម្បីកុមារត្រូវបានប្រគល់ជូនមូលនិធិគន្ធបុប្ជាកម្ពុជានៅព្រឹកថ្ងៃទី២៨ ខែឧសភា ឆ្នាំ២០២៦។

ជំរុញឱ្យប្រជាពលរដ្ឋ និងយុវជនធ្វើការក្នុងស្រុកដើម្បីជួបជុំគ្រួសារ និងមានសុវត្ថិភាព, ជៀសវាងការចំណាកស្រុកទៅក្រៅប្រទេស (ជាពិសេសប្រទេសថៃ) ដែលប្រឈមហានិភ័យខ្ពស់, និងណែនាំឱ្យយល់ដឹងពីអត្ថប្រយោជន៍ ប.ស.ស. ព្រមទាំងការរៀនជំនាញវិជ្ជាជីវៈ។

ហេតុការណ៍៖ មានករណីរន្ទះបាញ់ដ៏ខ្លោចផ្សាមួយបានកើតឡើងនៅវេលាម៉ោងប្រហែល ៣:៣០នាទីរសៀល ថ្ងៃទី២៨ ខែឧសភា ឆ្នាំ២០២៦ នៅចំណុចសួង ភូមិចិនតាយ ឃុំមេទឹក ស្រុកបាកាន ខេត្តពោធិ៍សាត់ បណ្តាលឱ្យប្រជាពលរដ្ឋ ៣នាក់ស្លាប់ភ្លាមៗនៅនឹងកន្លែង ខណៈពេលកំពុងព្រួសស្រូវនៅវាលស្រែ ពេលមេឃកំពុងភ្លៀង និងមានផ្គររន្ទះខ្លាំង។

ពិធីបួងសួង និងថ្វាយគ្រឿងសក្ការៈបូជាចំពោះបារមីទេពឧកញ៉ា ឃ្លាំង មឿង ជំទាវ ខាន់ ខៀវ និងព្រះអង្គចៅសែន ដើម្បីសុំសេចក្តីសុខចម្រើនជូនមន្ត្រីរាជការ និងបួងសួងសុំឱ្យកម្មវិធីទទួលថ្នាក់ដឹកនាំនៅថ្ងៃស្អែកប្រព្រឹត្តទៅដោយរលូន។

លោកឧត្តមសេនីយ៍ត្រី ឆាយ សុភ័ក្ត្រ ស្នងការរង ផែនការងារធនធានមនុស្ស តំណាងលោកឧត្តមសេនីយ៍ទោ ស ថេង ស្នងការនគរបាលខេត្តពោធិ៍សាត់ និងសមាជិក បាននាំយកថវិកាសមាគមិត្តនគរបាលជាតិកម្ពុជា បើកផ្ដល់ជូនគ្រួសារសពមន្ត្រីនគរបាលចំនួន ៤គ្រួសារ ថវិកាសរុប ២០.០០០.០០០រៀល។

ថ្វាយទាន ធូប កម្រងផ្កា និងគ្រឿងរណ្តាប់សក្ការៈបូជា គោរពជូនចំពោះបារមី ទេពឧកញ៉ា ឃ្លាំង មឿង និងជំទាវ ខាន់ ខៀវ ព្រមទាំងព្រះអង្គចៅសែន ដើម្បីបួងសួងសុំសេចក្តីសុខ សិរីសួស្តី និងពរជ័យជូនដល់មន្ត្រីរាជការទាំងអស់ ដែលខិតខំបម្រើជាតិ និងប្រជាជន ព្រមទាំងបួងសួងសុំឱ្យកម្មវិធីទទួលថ្នាក់ដឹកនាំនៅថ្ងៃស្អែក ដំណើរការទៅដោយរលូន។

រដ្ឋបាលខេត្តពោធិ៍សាត់ បានបើកកិច្ចប្រជុំត្រួតពិនិត្យវឌ្ឍនភាពការងារ រៀបចំទទួលបដិសណ្ឋារកិច្ច សម្ដេចអគ្គមហាសេនាធិបតី តេជោ ហ៊ុន សែន ប្រមុខរដ្ឋស្ដីទីនៃព្រះរាជាណាចក្រកម្ពុជា អញ្ញើញជួបសំណេះសំណាលជាមួយក្រុមប្រឹក្សាខេត្ត ស្រុក ក្រុង ឃុំ សង្កាត់ និងមន្ទីរ អង្គភាពជុំវិញខេត្ត ស្ថិតនៅសាលប្រជុំកោះសំពៅមាសជាន់ទីមួយ សាលាខេត្ត នារសៀលថ្ងៃទី២៩ ខែឧសភា ឆ្នាំ២០២៦។ ក្រោមអធិបតីភាព ឯកឧត្តមនាយឧត្តមសេនីយ៍ សន្តិបណ្ឌិត យូ ស៊ុនឡុង រដ្ឋមន្ត្រីប្រតិភូអមនាយករដ្ឋមន្ត្រី ដោយមានការចូលរួមពីឯកឧត្តម ម៉ក់ រ៉ា ប្រធានក្រុមប្រឹក្សាខេត្ត ឯកឧត្តម ខូយ រីដា អភិបាលនៃគណៈអភិបាលខេត្ត អភិបាលរងខេត្ត នាយក នាយករងរដ្ឋបាលសាលាខេត្ត មន្ទីរអង្គភាពជុំវិញខេត្ត កងកម្លាំប្រដាប់អាវុធទាំងបី អភិបាលក្រុង ស្រុក ឃុំ សង្កាត់ ជាច្រើនរូបទៀត។

លោក ហេង សុភាណា អភិបាលរងនៃគណៈអភិបាលខេត្ត តំណាងដ៏ខ្ពង់ខ្ពស់ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ លោកកឺ គឹមណូ អភិបាលស្រុកស្តីទី លោកឱន សទ្ធា ប្រធានមន្ទីរដ.ន.ស.ស. តំណាងមន្ទីរធនធានទឹក អភិវឌ្ឃន៍ជនបទ សាធារណការនិងដឹកជញ្ជូន មន្ទីរកសិកម្ម ពន្ធដារខេត្ត កងកម្លាំងទាំងបី ក្រុមប្រឹក្សាឃុំ មេភូមិ ក្រុមការងារវាស់វែងទី៦ និងប្រជាពលរដ្ឋប្រមាណជាង១៥០នាក់។ នាថ្ងៃទី២៩ ខែឧសភា ឆ្នាំ២០២៦នេះ នៅបរិវេណវត្តសុវណ្ណមូលី (ហៅវត្តយាកាបក្រោម) និងបានអញ្ជើញជួបសំណេះសំណាល ជាមួយបងប្អូនពុកម៉ែប្រជាពលរដ្ឋ និងប្រកាសបិទផ្សាយជាសាធារណៈ នូវឯកសារនៃការវិនិច្ឆ័យទិន្នន័យក្បាលដី ទាំង៥ភូមិ រួមមានភូមិត្រពាំងកន្ទួត ភូមិជជក ភូមិត្រពាំងឃ្លៃ ភូមិធ្លាម្អម និងភូមិតាកែវក្រោម ឃុំបឹងកន្ទួត ស្រុកក្រគរ ខេត្តពោធិ៍សាត់។