ព័ត៌មានក្នុងខេត្ត
ទាំងអស់សេចក្តីជូនដំណឹងសេចក្តីប្រកាសព័ត៌មានសកម្មភាពថ្នាក់ដឹកនាំសកម្មភាពអាជ្ញាធរនយោបាយកសិកម្មទេសចរណ៍ពាណិជ្ជកម្មបទយកការណ៍សិល្បៈនិងវប្បធម៌សន្តិសុខសង្គមអប់រំ និងកីឡាសុខាភិបាលបរិស្ថានការអភិវឌ្ឍគ្រោះធម្មជាតិធនធានទឹក និងឧតុនិយម
សកម្មភាពថ្នាក់ដឹកនាំ
ឯកឧត្តម ស៊ុយ សែម និងឯកឧត្តម ទី ថានី អ្នកតំណាងរាស្ត្រខេត្តពោធិ៍សាត់ សំណេះសំណាលជាមួយប្រជាពលរដ្ឋ មន្ត្រីរាជការ
ឯកឧត្តម ស៊ុយ សែម និង ឯកឧត្តម ទី ថានី សមាជិករដ្ឋសភា និងជាអ្នកតំណាងរាស្ត្រខេត្តពោធិ៍សាត់ មានអញ្ជើញសំណេះសំណាលជាមួយប្រជាពលរដ្ឋ មន្ត្រីរាជការ អាជ្ញាធរមូលដ្ឋាន នៅឃុំស្រែស្តុក ស្រុកកណ្តៀង ខេត្តពោធិ៍សាត់ នាព្រឹកថ្ងៃទី២៧ ខែឧសភា ឆ្នាំ២០២៦៕
ការអភិវឌ្ឍ
ការចាប់ផ្តើមចាក់ដីបំពេញមាត់ស្ទឹង ដើម្បីបម្រើផលប្រយោជន៍សាធារណៈ
ឯកឧត្តម ខូយ រីដា អភិបាលខេត្តពោធិ៍សាត់ នៅថ្ងៃទី២៨ ខែឧសភា ឆ្នាំ២០២៦នេះ អញ្ជើញចុះពិនិត្យការចាក់ដីបំពេញមាត់ស្ទឹងត្រូវបានចាប់ផ្តើមអនុវត្តហើយ ដើម្បីកែប្រែទីតាំងនេះទៅជាកន្លែងបម្រើផលប្រយោជន៍រួម។ គម្រោងនេះមានគោលបំណងបង្កើតជាទីធ្លាសាធារណៈ សម្រាប់បងប្អូនប្រជាពលរដ្ឋធ្វើលំហាត់ប្រាណ ថែរក្សាសុខភាព ក៏ដូចជាសម្រាប់រៀបចំកម្មវិធី និងពិធីបុណ្យផ្សេងៗនៅក្នុងមូលដ្ឋាន៕
អប់រំ និងកីឡា
រាជរដ្ឋាភិបាល អំពាវនាវដល់អាណាព្យាបាល និងភាគីពាក់ព័ន្ធនានាចូលរួមជំរុញកូន ឬយុវជនឱ្យមកចុះឈ្មោះចូល រៀនក្នុងកម្មវិធី TVET ១,៥លាននាក់
ការអំពាវនាវរបស់សម្តេចធិបតី៖ សម្តេចមហាបវរធិបតី ហ៊ុន ម៉ាណែត បានអំពាវនាវដល់មាតាបិតា អាណាព្យាបាល និងភាគីពាក់ព័ន្ធ ឱ្យចូលរួមជំរុញ និងលើកទឹកចិត្តកូនៗ ឬយុវជនឱ្យមកចុះឈ្មោះរៀនក្នុងកម្មវិធីបណ្តុះបណ្តាលជំនាញបច្ចេកទេស និងវិជ្ជាជីវៈ (TVET) ចំនួន ១,៥លាននាក់ ឱ្យបានចប់សព្វគ្រប់ ស្របតាមអភិក្រម «រៀនឱ្យចប់ ឱ្យចេះ ឱ្យមានការងារ»។
គ្រោះធម្មជាតិ
ផ្គររន្ទះ និងខ្យល់កន្រ្តាក់ខ្លាំង ធ្វើឲ្យរបើកដំបូលស័ង្កសីផ្ទះប្រជាពលរដ្ឋនៅក្រុងពោធិ៍សាត់
ករណីដាច់ចរន្តអគ្គិសនី ដោយសារគ្រោះធម្មជាតិ (ផ្គររន្ទះ និងខ្យល់កន្ត្រាក់) បណ្តាលឱ្យរបើកដំបូលស័ង្កសីផ្ទះពលរដ្ឋទៅសង្កត់លើខ្សែបណ្តាញតង់ស្យុងមធ្យម (MV) ២២គីឡូវ៉ុល នារសៀលថ្ងៃទី២៩ ខែឧសភា ឆ្នាំ២០២៦ ភូមិស្វាយអាត់ សង្កាត់ស្វាយអាត់ ក្រុងពោធិ៍សាត់ ខេត្តពោធិ៍សាត់។ ដោយករណីនេះមិនមានគ្រោះថ្នាក់ដល់អាយុជីវិតមនុស្សទេ។
ក្រុមការងារអគ្គិសនីកំពុងធ្វើការជួសជុល ដើម្បីភ្ជាប់ចរន្តឡើងវិញក្នុងពេលឆាប់ៗនេះ។
បរិស្ថាន
អភិបាលខេត្តពោធិ៍សាត់ ដឹកនាំយុទ្ធនាការដាំដើមក្ងោក ៣០០ដើម ដើម្បីលើកកម្ពស់សោភណភាព និងគម្របបៃតងតាមដងផ្លូវទេពឧកញ៉ាឃ្លាំងមឿង
ពោធិ៍សាត់៖ ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ បានដឹកនាំក្រុមការងារ អភិបាលរងខេត្ត ថ្នាក់ដឹកនាំរដ្ឋបាលសាលាខេត្ត មន្ទីរ-អង្គភាពជុំវិញខេត្ត អាជ្ញាធរក្រុង-ស្រុក លោកគ្រូ អ្នកគ្រូ និងអាជ្ញាធរមូលដ្ឋាន ចូលរួមយ៉ាងកុះករក្នុងយុទ្ធនាការដាំដើមក្ងោកចំនួន ៣០០ដើម នៅព្រឹកថ្ងៃទី០១ ខែមិថុនា ឆ្នាំ២០២៦។
សកម្មភាពដាំកូនឈើនេះ ត្រូវបានធ្វើឡើងនៅលើដងផ្លូវទេពឧកញ៉ាឃ្លាំងមឿង ដោយចាប់ផ្ដើមពីចំណុចផ្លូវជាតិលេខ៥ រហូតទៅដល់វត្តហ្លួង ក្នុងគោលបំណងកែលម្អសោភណភាព បង្កើតគម្របបៃតង និងលើកកម្ពស់បរិស្ថានរស់នៅឱ្យកាន់តែមានភាពស្រស់បំព្រង។
នៅក្នុងឱកាសនោះ ឯកឧត្តមអភិបាលខេត្ត បានសង្កត់ធ្ងន់ថា ការដាំដើមក្ងោកនាពេលនេះ មិនត្រឹមតែជួយបង្កើតជាស្រមោលត្រជាក់ និងកាត់បន្ថយកម្តៅប៉ុណ្ណោះទេ ប៉ុន្តែវានឹងក្លាយជាផ្ទាំងទស្សនីយភាពផ្ការីកស្គុះស្គាយយ៉ាងស្រស់ស្អាតនៅថ្ងៃអនាគត ដែលអាចទាក់ទាញភ្ញៀវទេសចរជាតិ និងអន្តរជាតិឱ្យមកកម្សាន្តក្នុងខេត្តពោធិ៍សាត់កាន់តែច្រើនឡើង។ ជាមួយគ្នានោះ ឯកឧត្តមក៏បានអំពាវនាវដល់បងប្អូនប្រជាពលរដ្ឋ និងអាជ្ញាធរគ្រប់លំដាប់ថ្នាក់ ចូលរួមថែរក្សា ការពារកូនឈើទាំងនេះឱ្យលូតលាស់ល្អ ដើម្បីជាប្រយោជន៍រួមរបស់ខេត្តទាំងមូល៕
សកម្មភាពអាជ្ញាធរ
ក្រុមមការងារពិសេស បានចុះបង្ក្រាបយានយន្តដឹកជញ្ជូនលើសទម្ងន់ ក្នុងខេត្តពោធិ៍សាត់
ពោធិ៍សាត់៖ នៅវេលាយប់ថ្ងៃទី៣១ដល់ថ្ងៃទី១ ខែមិថុនា ឆ្នាំ២០២៦ ដោយអនុវត្តតាមបទបញ្ជាផ្ទាល់របស់ ឯកឧត្តមរដ្ឋមន្រ្តី និងជាប្រធានគណៈកម្មាធិការដឹកនាំការត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ ក្រុមការងារពិសេស ដឹកនាំដោយ ឯកឧត្តម ឯក រដ្ឋ អនុរដ្ឋលេខាធិការ និងជាប្រធានក្រុម សហការជាមួយមន្រ្តីស្ថានីយឃ្លាំងមឿង បានចុះបង្ក្រាបយានយន្តធុនធ្ងន់ដឹកលើសទម្ងន់កម្រិតកំណត់នៅចំណុច២ទីតាំងផ្សេងគ្នា ដោយទទួលបានលទ្ធផលដូចខាងក្រោម៖
-នៅផ្លូវជាតិលេខ៥៥ គ.មលេខ៣ ស្រុកបាកាន ខេត្តពោធិ៍សាត់ បានត្រួតពិនិត្យយានយន្តចំនួន ២គ្រឿង ប្រភេទសណ្តោងសឺមីរ៉ឺម៉កភ្លៅ៦ ដោយផ្ទុកទម្ងន់សរុប ៨៧តោន និង ៩០តោន គិតជាទម្ងន់លេីសស្មេីនឹង ៤២តោន និង ៤៥តោន។
-នៅផ្លូវជាតិលេខ៥ ចន្លោះគ.មលេខ១៩១ និងគ.មលេខ១៩២ ស្រុកបាកាន ខេត្តពោធិ៍សាត់ បានត្រួតពិនិត្យយានយន្តចំនួន ៤គ្រឿង ប្រភេទរថយន្តភ្លៅ៤ ដោយផ្ទុកទម្ងន់សរុបចន្លោះ៣៨តោន ដល់ ៤៥តោន គិតជាទម្ងន់លេីសស្មេីនឹង៨តោន រហូតដល់ ១៥តោន។
សកម្មភាពអាជ្ញាធរ
ប្រជុំអនុគណៈកម្មការរៀបចំទីកន្លែងប្រារព្ធពិធី និងទទួលបដិសណ្ឋារកិច្ច សម្ដេចអគ្គមហាសេនាបតីតេជោ ហ៊ុន សែន ប្រមុខរដ្ធស្តីទី
លោកស្រី ប៉ុក ណាឌី លោក ងួន ប៉ោសេង លោក ញឹក បានខេង អភិបាលរង នៃគណៈអភិបាលខេត្តពោធិ៍សាត់ បានអញ្ជើញដឹកនាំកិច្ចប្រជុំ អនុគណៈកម្មការរៀបចំទីកន្លែងប្រារព្ធពិធី និងទទួលបដិសណ្ឋារកិច្ច សម្ដេចអគ្គមហាសេនាបតីតេជោ ហ៊ុន សែន ប្រមុខរដ្ធស្តីទី នែព្រះរាជាណាចក្រកម្ពុជា។ កិច្ចប្រជុំនេះធ្វើនៅសាលប្រជុំកោះសំពៅមាស ជាន់ទី១ នារសៀលថ្ងៃទី២៦ ខែឧសភា ឆ្នាំ២០២៦ ដោយមានការចូលរួមពី រដ្ឋបាលសាលាខេត្ត មន្ទីរ អង្គភាពជុំវិញខេត្ត និងមន្ត្រីពាក់ព័ន្ធមួយចំនួនទៀត៕
បរិស្ថាន
ការសម្របសម្រួល និងដោះស្រាយបណ្តឹងចំពោះឧបករណ៍បំពងសំឡេងសត្វត្រចៀកកាំ
លោក លី សុគន្ធី ប្រធានការិយាល័យប្រជាពលរដ្ឋខេត្តពោធិ៍សាត់ នៅថ្ងៃទី២៧ ខែឧសភា ឆ្នាំ២០២៦នេះ នៅសាលប្រជុំសាលាក្រុងពោធិ៍សាត់ ដោយមានការចូលរួមពីអាជ្ញាធរក្រុង សង្កាត់ និងមន្ត្រីពាក់ព័ន្ធមួយចំនួនទៀត បានចុះធ្វើការសម្របសម្រួល និងដោះស្រាយបណ្តឹងរបស់ឈ្មោះ ម៉ុង សារី ភេទស្រី ដែលជាតំណាងប្រជាពលរដ្ឋចំនួន៥គ្រួសារ រស់នៅភូមិព្រែកស្តី សង្កាត់លលកស ក្រុងពោធិ៍សាត់។ បណ្តឹងនេះ បានប្តឹងបុគ្គលឈ្មោះ រ៉ា សុវណ្ណបូរី ដែលបានបើកឧបករណ៍បំពងសំឡេងសត្វត្រចៀកកាំ បង្កការរំខានយ៉ាងខ្លាំងដល់ការរស់នៅប្រចាំថ្ងៃរបស់ពួកគាត់៕
សកម្មភាពអាជ្ញាធរ
កិច្ចប្រជំុអនុគណៈកម្មការសន្តិសុខ និងអនុគណៈកម្មការបដិសណ្ឋរកិច្ចជូន សម្តេចអគ្គមហាសេនាធិបតី តេជេា ហ៊ុន សែន ប្រមុខរដ្ឋស្តីទី
លេាក ពៅ ពិសិដ្ឋ អភិបាលរងខេត្ត តំណាងឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ បានបេីកកិច្ចប្រជំុ អនុគណៈកម្មការសន្តិសុខ និងអនុគណៈកម្មការបដិសណ្ឋរកិច្ចជូន សម្តេចអគ្គមហាសេនាធិបតី តេជេា ហ៊ុន សែន ប្រមុខរដ្ឋស្តីទី នៃព្រះរាជាណាចក្រកម្ពុជា ក្នុងពិធីសំណេះសំណាលជាមួយក្រុមប្រឹក្សាខេត្ត និងថ្នាក់ដឹកនាំមន្ទីរ អង្គភាពជុំវិញខេត្ត នាថ្ងៃទី៣០ ខែឧសភា ឆ្នាំ២០២៦ខាងមុខនេះ។ កិច្ចប្រជុំក្នុងថ្ងៃនេះមានការចូលរួមពី នាយករងរដ្ឋបាលសាលាខេត្ត ប្រធានមន្ទីរអង្គភាពពាក់ព័ទ្ធ អភិបាលក្រុង និងកងកម្លាំងប្រដាប់អាវុធទាំង៣ នាព្រឹកថ្ងៃទី២៧ ខែឧសភា ឆ្នាំ២០២៦ ស្ថិតនៅសាលាប្រជុំកោះសំពៅមាស ជាន់ទី១សាលាខេត្ត រដ្ឋបាលខេត្តពោធិ៍សាត់៕
សកម្មភាពថ្នាក់ដឹកនាំ
កិច្ចប្រជុំតាមរយៈប្រព័ន្ធ ZOOM ដើម្បីត្រៀមរៀបចំអនុវត្តយុទ្ធនាការ និយាយថាទេចំពោះព័ត៌មានក្លែងក្លាយជំហានទី២
លោក លាង ទិតដ្ឋាន ប្រធានមន្ទីរព័ត៌មានខេត្តពោធិ៍សាត់ រួមជាមួយលោក-លោកស្រីអនុប្រធានមន្ទីរ ប្រធានការិយាល័យ និងក្រុមការងារ ព្រមទាំងថ្នាក់ដឹកនាំនៃបណ្តាមន្ទីរព័ត៌មានរាជធានី-ខេត្ត នារសៀលថ្ងៃទី២៧ ខែឧសភា ឆ្នាំ២០២៦ ដោយបានអញ្ជើញចូលរួមកិច្ចប្រជុំ ក្រោមវត្តមាន ឯកឧត្តម ទេព អស្នារិទ្ធ អនុរដ្ឋលេខាធិការ និងជាអ្នកនាំពាក្យក្រសួងព័ត៌មាន តាមរយៈប្រព័ន្ធផ្សាយបន្តផ្ទាល់វីដេអូ (ZOOM) នៅសាលប្រជុំរបស់មន្ទីរព័ត៌មានខេត្ត។ កិច្ចប្រជុំនេះប្រារព្ធធ្វើឡើងក្នុងគោលបំណង ត្រៀមរៀបចំយុទ្ធនាការណ៍ និយាយថាទេចំពោះព័ត៌មានក្លែងក្លាយ ជំហានទី២៕
សុខាភិបាល
មូលនិធិគន្ធបុប្ផាកម្ពុជា យើងរួមគ្នា១មុឺនរៀល ១មុឺននាក់ ដើម្បីកុមារកម្ពុជា
រដ្ឋបាលខេត្តពោធិ៍សាត់ ដឹកនាំដោយ ឯកឧត្តម ខូយ រីដា និងលោកជំទាវ អាំង សុជាតា ខូយរីដា បានចូលរួមថវិកាក្នុងយុទ្ធនាការ ១ម៉ឺនរៀល ១ម៉ឺននាក់ ជាថវិកាចំនួន ១០១,០០០,០០០រៀល (មួយរយមួយលានរៀល)។
សុខាភិបាល
ឯកឧត្តម ខូយ រីដា និងលោកជំទាវ អាំង សុជាតា ខូយរីដា បានចូលរួមថវិកាក្នុងយុទ្ធនាការ ១ម៉ឺនរៀល ១ម៉ឺននាក់
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត៖ ក្នុងនាមជាប្រធានកិត្តិយសនៃសមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) និងជាឥស្សរជនឆ្នើមមួយរូប លោកជំទាវតែងតែដើរតួនាទីយ៉ាងសំខាន់ក្នុងការបំផុសចលនា ផ្សព្វផ្សាយ និងអំពាវនាវយ៉ាងសកម្ម ដើម្បីកៀរគរការចូលរួមពីសប្បុរសជនគ្រប់ទិសទី។
សុខាភិបាល
ពិធីបើកយុទ្ធនាការ«១ម៉ឺនរៀល ១ម៉ីននាក់» របស់មូលនិធិគន្ធបុប្ផាកម្ពុជាដើម្បីជួយ សង្គ្រោះជីវិតកុមារ
ពិធីបើកយុទ្ធនាការ«១ម៉ឺនរៀល ១ម៉ីននាក់» របស់មូលនិធិគន្ធបុប្ផាកម្ពុជាដើម្បីជួយ សង្គ្រោះជីវិតកុមារ ក្រោមអធិបតីភាពដ៏ខ្ពង់ខ្ពស់លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ប្រធានកិត្តិយសនៃមូលនិធិគន្ធបុប្ផាកម្ពុជា។ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន សូមអរគុណសប្បុរសទាំងអស់ជាពិសេសអ្នកចូលរួមរត់ដើម្បីកុមារទាំងអស់ព្រមទាំងអ្នកឧបត្ថម្ភគាំទ្រដែលបានចូលរួមជាមួយក្រសួងព័ត៌មានក្នុងយុទ្ធនាការនេះ។ ថវិកា ១០០ លានរៀលបានមកពីកម្មវិធីរត់ដើម្បីកុមារត្រូវបានប្រគល់ជូនមូលនិធិគន្ធបុប្ជាកម្ពុជានៅព្រឹកថ្ងៃទី២៨ ខែឧសភា ឆ្នាំ២០២៦។