ព័ត៌មានក្នុងខេត្ត

ពោធិ៍សាត់៖ លោក ណារ៉ា ចំរើន អភិបាល នៃគណៈអភិបាលស្រុកកណ្តៀង បានដឹកនាំកិច្ចប្រជុំផ្សព្វផ្សាយស្តីពីសេចក្តីកំណត់ចំពោះការសាងសង់សំណង់ផ្សេងៗ ជូនដល់អាជ្ញាធរភូមិ ឃុំ និងប្រជាពលរដ្ឋដែលរស់នៅក្នុងភូមិអភិវឌ្ឍន៍បឹងយា ឃុំវាល ស្រុកកណ្ដៀង ដើម្បីពង្រឹងការគ្រប់គ្រងសំណង់ឱ្យមានសណ្តាប់ធ្នាប់ និងត្រឹមត្រូវតាមបច្ចេកទេស នារសៀលថ្ងៃទី២៤ ខែមិថុនា ឆ្នាំ២០២៦។ បន្ទាប់ពីបញ្ចប់កិច្ចប្រជុំ លោកអភិបាលស្រុក បានបន្តដឹកនាំក្រុមការងារចុះពិនិត្យវឌ្ឍនភាពនៃការងារចាក់ដីច្រាំងស្ទឹង ស្ថិតក្នុងឃុំអន្លង់វិល។ សកម្មភាពចុះពិនិត្យផ្ទាល់នេះ គឺដើម្បីធានាឱ្យការដ្ឋានអនុវត្តទៅតាមស្តង់ដារ ក្នុងគោលបំណងការពារការបាក់ស្រុត ការពារទឹកជំនន់ និងរួមចំណែកកែលម្អសោភ័ណភាពដងស្ទឹងឱ្យកាន់តែមានភាពស្រស់ស្អាត និងទាក់ទាញបន្ថែមទៀត៕

ឯកឧត្តមបណ្ឌិត លី ណារុន បានកោតសរសើរចំពោះកិច្ចខិតខំប្រឹងប្រែងរបស់មន្ទីរ និងដៃគូអភិវឌ្ឍន៍ ព្រមទាំងបានពាំនាំនូវប្រសាសន៍ផ្ដាំផ្ញើសួរសុខទុក្ខពីសំណាក់ សម្ដេចតេជោ ហ៊ុន សែន, សម្ដេចធិបតី ហ៊ុន ម៉ាណែត និងឯកឧត្ដមរដ្ឋមន្ត្រី ឆាយ ឫទ្ធិសែន។ ឯកឧត្តមបានរំលឹកពីចក្ខុវិស័យរបស់ក្រសួងក្នុងការកសាងតំបន់ជនបទប្រកបដោយវិបុលភាព បរិយាបន្ន នវានុវត្តន៍ ឌីជីថល និងភាពធន់ តាមរយៈកម្មវិធីអាទិភាពចំនួន៥។

ពោធិ៍សាត់៖ លោក ហេង សុភាណា អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ បានអញ្ជើញជាអធិបតីក្នុងពិធីប្រកាសបិទផ្សាយជាសាធារណៈ នូវឯកសារនៃការវិនិច្ឆ័យសម្រាប់ការចុះបញ្ជីដីធ្លីមានលក្ខណៈជាប្រព័ន្ធ នៅព្រឹកថ្ងៃព្រហស្បតិ៍ ទី២៥ ខែមិថុនា ឆ្នាំ២០២៦នេះ ។ ពិធីនេះត្រូវបានរៀបចំឡើងនៅបរិវេណវត្តថ្លុកដង្កោ ឃុំផ្ទះរុង ដោយមានការចូលរួមពីបងប្អូនប្រជាពលរដ្ឋសរុបចំនួន ៦នាក់។ ការប្រកាសបិទផ្សាយនេះ គឺធ្វើឡើងដើម្បីវិនិច្ឆ័យលើក្បាលដីនៅក្នុងភូមិចំនួន៣ រួមមាន៖ ភូមិជ្រៃក្រឹម ភូមិថ្លុកដង្កោ និងភូមិស្តុកខ្ទុំ ដែលជាជំហានដ៏សំខាន់មួយក្នុងការធានានូវសិទ្ធិស្របច្បាប់លើកម្មសិទ្ធិដីធ្លីជូនប្រជាពលរដ្ឋ និងកាត់បន្ថយទំនាស់ផ្សេងៗនៅក្នុងមូលដ្ឋាន៕

ពោធិ៍សាត់៖ មុនពេលកម្មវិធីផ្លូវការចាប់ផ្តើម ឯកឧត្តម ខូយ រីដា អភិបាល នៃគណៈអភិបាលខេត្តពោធិ៍សាត់ បានឆ្លៀតឱកាសដ៏មមាញឹក ចុះជួបសំណេះសំណាល សាកសួរសុខទុក្ខ និងស្វែងយល់ពីស្ថានភាពរស់នៅជាក់ស្តែងរបស់បងប្អូនប្រជាពលរដ្ឋ ព្រមទាំងអាជីវករ ដែលកំពុងប្រកបរបរលក់ដូរនៅក្នុងផ្សារប្រម៉ោយ ស្ថិតក្នុងឃុំប្រម៉ោយ ស្រុកវាលវែង ខេត្តពោធិ៍សាត់ នៅព្រឹកថ្ងៃទី២៥ ខែមិថុនា ឆ្នាំ២០២៦ ។ សកម្មភាពចុះជួបផ្ទាល់ដល់មូលដ្ឋាននេះ បានបង្ហាញពីការយកចិត្តទុកដាក់ខ្ពស់ និងភាពស្និទ្ធស្នាលរបស់ថ្នាក់ដឹកនាំខេត្ត ក្នុងការក្តាប់ជាប់នូវសុខទុក្ខ តម្រូវការ និងបញ្ហាប្រឈមនានារបស់ប្រជាពលរដ្ឋ ដើម្បីស្វែងរកដំណោះស្រាយសមស្រប និងជំរុញការអភិវឌ្ឍក្នុងតំបន់ឱ្យកាន់តែប្រសើរឡើង៕

ឯកឧត្តម ខូយ រីដា អភិបាលខេត្តពោធិ៍សាត់ បានអញ្ជើញជាអធិបតីក្នុងពិធីប្រកាសចូលកាន់មុខតំណែងអភិបាលរងស្រុកវាលវែងចំនួន ២រូប ដើម្បីពង្រឹងប្រសិទ្ធភាពការងាររដ្ឋបាល និងជំរុញការអភិវឌ្ឍមូលដ្ឋាន។ ពិធីនេះមានការចូលរួមពីថ្នាក់ដឹកនាំខេត្ត តុលាការ មន្ទីរ-អង្គភាព កងកម្លាំងប្រដាប់អាវុធ និងមន្ត្រីរាជការយ៉ាងច្រើនកុះករ នាព្រឹកថ្ងៃទី២៥ ខែមិថុនា ឆ្នាំ២០២៦។

គណៈកម្មាធិការសិទ្ធិមនុស្សកម្ពុជា (គ.ស.ម.ក.) បានរៀបចំ «សិក្ខាសាលាផ្សព្វផ្សាយរបាយការណ៍ជាតិ ស្តីពីការអនុវត្តកតិកាសញ្ញាអន្តរជាតិ ស្តីពីសិទ្ធិពលរដ្ឋ និងនយោបាយ» នៅសាលាខេត្តពោធិ៍សាត់ ក្រោមអធិបតីភាព ឯកឧត្តម កែវ រ៉េមី ទេសរដ្ឋមន្ត្រី និងជាប្រធាន គ.ស.ម.ក. ដោយមានការចូលរួមពី ឯកឧត្តម ខូយ រីដា អភិបាលខេត្តពោធិ៍សាត់ ព្រមទាំងតំណាងមន្ទីរ-អង្គភាពជុំវិញខេត្ត។

លោក លី សុគន្ធី ប្រធានការិយាល័យប្រជាពលរដ្ឋខេត្តពោធិ៍សាត់ បានដឹកនាំក្រុមការងារ ចុះផ្សព្វផ្សាយពីការប្រើប្រាស់កម្មវិធីឌីជីថល «មតិយើង» ដល់គណៈគ្រប់គ្រង សាស្ត្រាចារ្យ គ្រូឧទ្ទេស និងគរុសិស្ស នៃសាលាគរុកោសល្យ និងវិក្រិតការខេត្តពោធិ៍សាត់ ដែលស្ថិតក្នុងសង្កាត់ព្រៃញី ក្រុងពោធិ៍សាត់។

ឯកឧត្តម ខូយ រីដា បានគូសបញ្ជាក់ថា ភូមិគំរូនេះកើតចេញពីគំនិតផ្តួចផ្តើមដ៏ខ្ពង់ខ្ពស់របស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន។ ក្នុងនាមអាជ្ញាធរ លោកបានចាត់ចែងកែសម្រួលក្រុមការងារសម្ព័ន្ធមេត្រីភាព ដើម្បីចុះជាប់ និងដោះស្រាយបញ្ហាប្រឈមជូនប្រជាពលរដ្ឋឱ្យបានទាន់ពេលវេលា។

នៅក្នុងសកម្មភាពចុះមូលដ្ឋាននោះ លោកប្រធានក្រុមការងារបានអញ្ជើញដឹកនាំសមាជិក ចុះពិនិត្យមើលវឌ្ឍនភាពនៃការដ្ឋានស្ថាបនាផ្លូវ ការងារស្តារប្រឡាយទឹក និងការរៀបចំចំណតទូក-រថយន្ត ស្ថិតនៅក្នុងភូមិរាំងទិល ដើម្បីធានាឱ្យការសាងសង់ប្រព្រឹត្តទៅដោយរលូន ស្របតាមបច្ចេកទេស និងអាចបម្រើផលប្រយោជន៍ជូនប្រជាពលរដ្ឋបានឆាប់រហ័ស។

សាលាបឋមសិក្សា និងមត្តេយ្យសិក្សាព្រះធាតុ គឺជាសាលាមួយក្នុងចំណោមសាលាបឋមសិក្សាគោលដៅទាំង ៤ ក្នុងខេត្តពោធិ៍សាត់ ដែលកំពុងទទួលបានការយកចិត្តទុកដាក់ និងគាំទ្រយ៉ាងខ្លាំងពីគណៈកម្មាធិការជាតិជំរុញការអនុវត្តវិធានការគន្លឹះក្នុងវិស័យអប់រំ (គ.វ.អ) របស់រាជរដ្ឋាភិបាល ដើម្បីប្រែក្លាយទៅជាសាលារៀនគំរូ។

មុនឆ្នាំ១៩៧៥ «ទីទួលពោធិជ្រៃ» គឺជាបន្ទាយចាស់របស់កងទ័ពក្នុងសម័យសេនាប្រមុខ លន់ នល់ ដែលជាបន្ទាយដ៏រឹងមាំមួយ ហើយកងទ័ពយោធាខ្មែរក្រហមមិនដែលវាយលុកបំបែកបានឡើយ ក្នុងកំឡុងពេលសង្គ្រាមស៊ីវិល។ ហេតុទើបក្រោយពេលគ្រប់គ្រងអំណាចបាន ពួកខ្មែរក្រហមបានជ្រើសរើសយកទីទួលប្រវត្តិសាស្ត្រមួយនេះ ធ្វើជាទីតាំងសម្លាប់មនុស្សយ៉ាងរង្គាល ដែលត្រូវបានគេចាត់ទុកថា ជាទង្វើនៃការសងសឹកដ៏សាហាវយង់ឃ្នងរបស់ពួកយោធាអាវខ្មៅ។

នាឱកាសនោះ ប្រជាពលរដ្ឋនៅក្នុងភូមិធ្លាអំពិល និងភូមិថ្មី បានសម្តែងនូវក្តីសប្បាយរីករាយឥតឧបមា និងបានថ្លែងអំណរគុណយ៉ាងជ្រាលជ្រៅចំពោះ ឯកឧត្តមអភិបាលខេត្ត និងរាជរដ្ឋាភិបាល ដែលបានយកចិត្តទុកដាក់ខ្ពស់ ក្នុងការតភ្ជាប់ប្រព័ន្ធដឹកជញ្ជូនមកកាន់តំបន់របស់ពួកគាត់។ សមិទ្ធផលផ្លូវ និងស្ពានថ្មីៗទាំងនេះ មិនត្រឹមតែជួយសម្រួលដល់ការធ្វើដំណើររបស់សិស្សានុសិស្ស និងប្រជាជនប៉ុណ្ណោះទេ ប៉ុន្តែវាក៏ជាសរសៃឈាមសេដ្ឋកិច្ចដ៏សំខាន់ក្នុងការកាត់បន្ថយភាពក្រីក្រ និងលើកកម្ពស់កម្រិតជីវភាពរស់នៅរបស់ពលរដ្ឋក្នុងមូលដ្ឋានឱ្យកាន់តែប្រសើរឡើងជាលំដាប់ផងដែរ។