ព័ត៌មានក្នុងខេត្ត

នៅថ្ងៃទី៤ ខែកក្កដា ឆ្នាំ២០២៦ មានភ្លៀងធ្លាក់តាមបណ្តាស្រុក-ក្រុងទាំង៧ ក្នុងខេត្តពោធិ៍សាត់ ដែលមានកម្រិតភ្លៀង ខ្សោយ លាយឡំខ្យល់ ។

ពោធិ៍សាត់៖ ដើម្បីឆ្លើយតបនឹងឥទ្ធិពលនៃបាតុភូតធម្មជាតិ អែល នីញ៉ូ (El Niño) នៅថ្ងៃទី២៩ ខែមិថុនា ឆ្នាំ២០២៦នេះ មន្ទីរធនធានទឹក និងឧតុនិយមខេត្តពោធិ៍សាត់ បាននិងកំពុងសហការយ៉ាងសកម្មជាមួយអាជ្ញាធរពាក់ព័ន្ធ ក្នុងការរៀបចំវិធានការរក្សាទឹកទុក និងត្រៀមលក្ខណៈអន្តរាគមន៍បង្ការគ្រោះរាំងស្ងួតដែលអាចកើតមានឡើងដោយយថាហេតុ។ បច្ចុប្បន្ន មន្ទីរជំនាញបាននិងកំពុងបំពេញទឹកបំពេញអាងស្តុកទឹកទី៣ ឡើងវិញ ក្រោយពីបានអន្តរាគមន៍ជួយសង្គ្រោះកន្លងមក។ ដោយឡែក សម្រាប់អាងទំនប់ទឹកទី៥ វិញ ទឹកបានពេញហៀរលើបង្ហៀរទំនប់រួចរាល់ហើយ ដែលជាប្រភពទឹកដ៏សំខាន់ ត្រៀមស្តុកទុកសម្រាប់ជួយផ្គត់ផ្គង់ដល់បណ្តាក្រុង/ស្រុកទូទាំងខេត្តពោធិ៍សាត់ នៅពេលជួបប្រទះការខ្វះខាតទឹកជាក់ស្តែង៕

(ពោធិ៍សាត់)៖ នារសៀលថ្ងៃទី២៦ ខែមិថុនា ឆ្នាំ២០២៦ នេះ មានភ្លៀងធ្លាក់នៅតាមបណ្តាផ្នែកខ្លះ ក្នុងក្រុង និងស្រុកមួយចំនួន នៃខេត្តពោធិ៍សាត់ ដោយមានស្ថានភាពរាយប៉ាយដូចខាងក្រោម៖ ស្រុកភ្នំក្រវាញ៖ មានភ្លៀងធ្លាក់ក្នុងកម្រិតពីខ្សោយទៅមធ្យម លាយឡំជាមួយខ្យល់បោកបក់។ ស្រុកកណ្តៀង៖ មានភ្លៀងធ្លាក់ក្នុងកម្រិតពីខ្សោយទៅមធ្យម និងមានខ្យល់លាយឡំផងដែរ។ ស្រុកក្រគរ៖ មានភ្លៀងធ្លាក់ក្នុងកម្រិតខ្សោយ ប៉ុន្តែមានលាយឡំដោយខ្យល់ ផ្គរ និងរន្ទះ។ ក្រុងពោធិ៍សាត់៖ មានភ្លៀងធ្លាក់ក្នុងកម្រិតខ្សោយ លាយឡំដោយខ្យល់បក់ និងផ្លេកបន្ទោរ។ ស្រុកតាលោសែនជ័យ៖ មានភ្លៀងធ្លាក់ក្នុងកម្រិតពីខ្សោយទៅមធ្យម។ ទន្ទឹមនឹងស្ថានភាពអាកាសធាតុនេះ សូមបងប្អូនប្រជាពលរដ្ឋទាំងអស់ មេត្តាបង្កើនការប្រុងប្រយ័ត្នខ្ពស់ ចំពោះបាតុភូតធម្មជាតិ ដូចជាខ្យល់កន្ត្រាក់ ផ្គរ រន្ទះ និងផ្លេកបន្ទោរ ដើម្បីជៀសវាងនូវគ្រោះថ្នាក់ផ្សេងៗ ដែលអាចកើតឡើងជាយថាហេតុ៕

កម្មវិធីផ្សព្វផ្សាយនេះ ធ្វើឡើងក្នុងគោលបំណងពង្រឹងសមត្ថភាពដល់គណៈកម្មការសហគមន៍ និងប្រជាកសិករ ឱ្យមានការយល់ដឹងកាន់តែច្បាស់លាស់ ក្នុងការគ្រប់គ្រង និងបែងចែកប្រភពទឹកឱ្យចំគោលដៅ ប្រកបដោយតម្លាភាព និងនិរន្តរភាព ដើម្បីបម្រើឱ្យវិស័យកសិកម្មនៅក្នុងមូលដ្ឋានកាន់តែមានប្រសិទ្ធភាពខ្ពស់។

នៅក្នុងសកម្មភាពចុះពិនិត្យផ្ទាល់នាថ្ងៃទី ២២ ខែ មិថុនា ឆ្នាំ២០២៦ នេះ លោក គិត ផល បានសហការយ៉ាងជិតស្និទ្ធជាមួយអាជ្ញាធរស្រុកបាកាន ក្នុងនោះរួមមាន សហគមន៍កសិករប្រើប្រាស់ទឹក (FWUC) ឆ្មាំទឹក និងប្រជាពលរដ្ឋមូលដ្ឋាន ដើម្បីរួមគ្នាពិនិត្យ គ្រប់គ្រង បែងចែក និងដោះស្រាយបញ្ហាទឹកជូនដល់តំបន់ដែលកំពុងខ្វះខាត។ ផ្អែកតាមរបាយការណ៍បច្ចុប្បន្នភាព គិតត្រឹមថ្ងៃទី ១៧ ខែ មិថុនា ឆ្នាំ២០២៦ នេះ សកម្មភាពបង្កបង្កើនផលស្រូវវស្សាឆ្នាំ២០២៦ សម្រាប់ទូទាំងស្រុកបាកាន សម្រេចបានលទ្ធផលដូចខាងក្រោម៖ -ផ្ទៃដីផែនការគ្រោងទុក (ការព្យាករណ៍)៖ មានចំនួនសរុប ៤១,៥៥០ ហិកតា។ -លទ្ធផលភ្ជួររាស់៖ សម្រេចបានចំនួន ៣៩,៨១៨ ហិកតា។ -លទ្ធផលព្រួសស្រូវ៖ សម្រេចបានចំនួន ៣២,២១៣ ហិកតា។

ប្រព័ន្ធធារាសាស្ត្រឈើតោក គឺជាប្រភេទទំនប់បង្ហៀរដែលមានប្រឡាយមេចំនួន ០១ ខ្សែ ប្រវែងរហូតដល់ ១១,៩ គីឡូម៉ែត្រ។ សំណង់វារីសាស្ត្រដ៏ធំធេងនេះ មានសមត្ថភាព និងលទ្ធភាពខ្ពស់ក្នុងការស្រោចស្រពលើផ្ទៃដីកសិកម្មក្នុងរដូវវស្សាបានរហូតដល់ទៅ ៥,០០០ ហិកតា ដែលជាប្រភពទឹកដ៏មានតម្លៃមិនអាចខ្វះបាន សម្រាប់បម្រើប្រយោជន៍ដល់ការបង្កបង្កើនផល និងការប្រើប្រាស់បន្ថែមរបស់ប្រជាពលរដ្ឋនៅក្នុងស្រុកភ្នំក្រវាញ ខេត្តពោធិ៍សាត់។

សម្ពាធទាបដែលកើតនៅលើសមុទ្រចិនខាងត្បូងមានឥទ្ធិពលលើរបបខ្យល់មូសុងនិរតីដែលបក់លើឈូងសមុទ្របេងហ្គាល សមុទ្រអាន់ដាម៉ាន់ អាងទន្លេមេគង្គ សមុទ្រកម្ពុជា និងលើព្រះរាជាណាចក្រកម្ពុជា។ ស្ថានភាពបែបនេះនឹងធ្វើឱ្យ ចាប់ពីថ្ងៃទី១៤ ដល់ថ្ងៃទី១៦ ខែមិថុនា ឆ្នាំ២០២៦

មន្ទីរធនធានទឹក និងឧតុនិយមខេត្តពោធិ៍សាត់ បាននិងកំពុងបើកយុទ្ធនាការយ៉ាងសកម្ម ក្នុងការចុះអន្តរាគមន៍ជួយសង្គ្រោះ និងផ្តល់ទឹកស្រោចស្រពបន្ថែម ជូនដល់ស្រែបង្កបង្កើនផលស្រូវវស្សារបស់បងប្អូនប្រជាកសករ នៅតាមបណ្តាក្រុង និងស្រុកនានាទូទាំងខេត្ត ដែលកំពុងប្រឈមនឹងកង្វះខាតទឹកស្រោចស្រព។