ព័ត៌មានក្នុងខេត្ត

ពោធិ៍សាត់៖ ថ្នាក់ដឹកនាំរដ្ឋបាលខេត្តពោធិ៍សាត់ សហការជាមួយអាជ្ញាធរស្រុកវាលវែង បានអញ្ជើញចុះពិនិត្យទីតាំងជាក់ស្តែង ដើម្បីត្រៀមរៀបចំយុទ្ធនាការដាំដើមឈើឡើងវិញ និងកែច្នៃទីតាំងនោះឱ្យក្លាយជាតំបន់ទេសចរណ៍សម្រាកកម្សាន្តនាពេលខាងមុខ។ សកម្មភាពនេះស្តែងឱ្យឃើញពីការយកចិត្តទុកដាក់ខ្ពស់លើការស្តារ និងអភិរក្សធនធានធម្មជាតិ ព្រមទាំងលើកកម្ពស់វិស័យទេសចរណ៍ក្នុងមូលដ្ឋាន។ ជាមួយគ្នានេះដែរ អាជ្ញាធរក៏បានអំពាវនាវដល់បងប្អូនប្រជាពលរដ្ឋទាំងអស់ ចូលរួមការពារ ថែរក្សា និងដាំដើមឈើឡើងវិញឱ្យបានច្រើន ពីព្រោះ «ការដាំដើមឈើនៅថ្ងៃនេះ គឺជាការថែរក្សាធម្មជាតិសម្រាប់កូនចៅយើងនាពេលអនាគត»៕

ពោធិ៍សាត់៖ ឯកឧត្តម ខូយ រីដា អភិបាល​នៃ​គណៈ​អភិបាលខេត្ត​ពោធិ៍សាត់ បាន​អញ្ជើញ​ជា​អធិបតី​ក្នុង​ពិធី​ប្រគល់​ថវិកា​ឧបត្ថម្ភ​ជូន​ដល់​គ្រួសារ​សព​សមាជិក​សកម្ម និង​សមាជិក​សកម្ម​ដែលមាន​សហព័ទ្ធ (ស្វាមី ឬ​ភរិយា) ទទួល​មរណភាព ដែលបានរៀបចំឡើង នា​រសៀល​ថ្ងៃ​ទី​២៨ ខែសីហា ឆ្នាំ​២០២៦ ​សាល​ប្រជុំ​កោះ​សំពៅ​មាស។ កម្មវិធី​នេះ​រៀបចំ​ឡើង​ដោយ​គណៈកម្មាធិការ​មូលដ្ឋាន​សមាគម​មន្ត្រីរាជការ​ស៊ីវិល​ក្រសួងមហាផ្ទៃ ប្រចាំ​សាលាខេត្ត​ពោធិ៍សាត់ ក្នុង​គោលបំណង​ចូលរួម​រំលែក​ទុក្ខ​ដ៏​ក្រៀមក្រំ និង​ផ្តល់​ការ​គាំទ្រ​ផ្នែក​ស្មារតី ក៏ដូចជា​ថវិកា​ដល់​គ្រួសារ​មន្ត្រីរាជការ​ដែល​កំពុង​ជួប​ការ​បាត់បង់​សមាជិក​គ្រួសារ៕

ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ បានអញ្ជើញចុះពិនិត្យទីតាំងជាក់ស្តែង និងសម្របសម្រួលដោះស្រាយផលប៉ះពាល់ដីចំណីស្ទឹង និងចំណីផ្លូវ ពាក់ព័ន្ធនឹងសំណើការសាងសង់ផ្ទះរបស់ប្រជាពលរដ្ឋ ដែលស្ថិតនៅភូមិស្វាយដូនកែវទី១ ឃុំស្វាយដូនកែវ ស្រុកបាកាន ខេត្តពោធិ៍សាត់ នាថ្ងៃទី២៨ ខែសីហា ឆ្នាំ២០២៦។

នាអធ្រាត្រថ្ងៃទី២៧ ខែសីហា ឆ្នាំ២០២៦ ឯកឧត្តម ខូយ រីដា អភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្តពោធិ៍សាត់ បានដឹកនាំកម្លាំងសមត្ថកិច្ច ចុះពិនិត្យ និងស្រាវជ្រាវផ្ទាល់តាមបណ្តោយផ្លូវជាតិលេខ៥ ក្នុងភូមិសាស្ត្រក្រុងពោធិ៍សាត់ ស្រុកក្រគរ និងស្រុកបាកាន ដើម្បីស្វែងរកការពិត ក្រោយមានការចោទប្រកាន់លើបណ្តាញសង្គមថា មានករណីលួចបូមប្រេងពីរថយន្តដឹកទំនិញ (ឡានខ្សែ) ដែលឈប់សម្រាកក្នុងខេត្ត។

ពោធិ៍សាត់៖ អភិបាលរងនៃគណៈអភិបាលខេត្តពោធិ៍សាត់ លោក ហេង សុភាណា បានអញ្ជើញជាអធិបតីក្នុង «សិក្ខាសាលាសមាហរណកម្ម ផែនការវិនិយោគបីឆ្នាំរំកិល ស្រុក ឃុំ (២០២៧-២០២៩) ថ្នាក់ស្រុក» ដើម្បីសម្របសម្រួល និងបូកសរុបគម្រោងវិនិយោគអាទិភាពនានា សម្រាប់ឆ្លើយតបទៅនឹងតម្រូវការជាក់ស្តែងរបស់ប្រជាពលរដ្ឋក្នុងមូលដ្ឋាន៕

ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានដឹកនាំប្រតិភូបច្ចេកទេសក្រសួង និងមន្ទីរអភិវឌ្ឍន៍ជនបទខេត្តពោធិ៍សាត់ ចុះពិនិត្យស្ថានភាពជាក់ស្តែងនៃ infrastructure ជនបទសំខាន់ៗក្នុងខេត្ត ដើម្បីសិក្សាលទ្ធភាពជួសជុល និងលើកកម្ពស់គុណភាពឱ្យធន់នឹងការប្រែប្រួលអាកាសធាតុ។

នាព្រឹកថ្ងៃទី២៧ ខែសីហា ឆ្នាំ២០២៦ នៅបរិវេណសាលាខេត្តពោធិ៍សាត់ រដ្ឋបាលខេដ្ឋាន បានរៀបចំពិធីអបអរសាទរ និងប្រារព្ធក្បួនដង្ហែយ៉ាងអធិកអធមជាប្រវត្តិសាស្ត្រ ដើម្បីលើកតម្កើងកិត្តិយសសិស្សពូកែទូទាំងប្រទេសប្រចាំឆ្នាំ២០២៦ ព្រមទាំងអបអរសាទរជ័យលាភីអង្គភាពផ្តល់សេវាសាធារណៈគំរូក្នុងវិស័យអប់រំប្រចាំឆ្នាំ២០២៥។

ប្រតិភូរដ្ឋបាលខេត្តពោធិ៍សាត់ ដឹកនាំដោយ ឯកឧត្តម ខូយ រីដា អភិបាលនៃគណៈអភិបាលខេត្ត ឯកឧត្តម ម៉ក់ រ៉ា ប្រធានក្រុមប្រឹក្សាខេត្តបានអញ្ជើញសំណេះសំណាលសួរសុខទុក្ខ ដោយនាំយកស្បៀងនិងគ្រឿងឧបភោគ បរិភោគប្រគល់ជូនដល់បណ្តាអង្គភាពកងទ័ពជួរមុខរួមមាន កងអនុសេនាធំល្បាតទី៦ កងការពារព្រំដែនគោកលេខ៥០១ ទិសទី៤ យោធភូមិភាគ៥ ប្រចាំការក្នុងឃុំថ្មដា ស្រុកវាលវែង នាថ្ងៃទី២៦ ខែសីហា ឆ្នាំ២០២៦ ។

ពោធិ៍សាត់៖ វគ្គបណ្តុះបណ្តាល និងអប់រំផ្សព្វផ្សាយស្តីពី «តួនាទី ភារកិច្ច របស់គណៈកម្មាធិការជាតិប្រឆាំងទារុណកម្ម និងលិខិតបទដ្ឋានជាតិ អន្តរជាតិ លើការងារបង្ការទប់ស្កាត់ និងប្រឆាំងទារុណកម្ម» ក្រោមអធិបតីភាព ឯកឧត្តម កែវ តារាពង្ស អនុប្រធាន គ.ជ.ប.ទ. និង ឯកឧត្តម ម៉ក់ រ៉ា ប្រធានក្រុមប្រឹក្សាខេត្តពោធិ៍សាត់ នាព្រឹកថ្ងៃទី២៧ ខែសីហា ឆ្នាំ២០២៦ នៅសាលប្រជុំទេពឧកញ៉ា ឃ្លាំង មឿង សាលាខេត្តពោធិ៍សាត់ ។ គោលបំណងសំខាន់ៗនៃវគ្គបណ្តុះបណ្តាល៖ ផ្សព្វផ្សាយចំណេះដឹងផ្នែកច្បាប់ និងបង្កើនការយល់ដឹងដល់មន្ត្រីអនុវត្តច្បាប់ ព្រមទាំងអាជ្ញាធរពាក់ព័ន្ធ, ជំរុញការគ្រប់គ្រងកន្លែងឃុំឃាំងទាំងអស់ឱ្យប្រកាន់ខ្ជាប់នូវបទដ្ឋានគតិយុត្តជាតិ និងអន្តរជាតិ, ធានាការពារជនដែលត្រូវបានដកហូតសេរីភាព ឱ្យរួចផុតពីទារុណកម្ម និងការប្រព្រឹត្តអំពើមិនគប្បីផ្សេងៗ៕

រដ្ឋបាលខេត្តបានបើកកិច្ចប្រជុំ សំណេះសំណាលជាមួយគណៈប្រតិភូនៃគណៈកម្មាធិការជាតិប្រឆាំងទារុណកម្ម ក្រោមវត្តមាន ឯកឧត្តម កែវ តារាពង្ស អនុប្រធានគណៈកម្មាធិការជាតិប្រឆាំងទារុណកម្ម( គ.ជ.ប.ទ )ដោយមានចូលរួមពី គណៈប្រតិភូ លោកនាយករងរដ្ឋបាលសាលាខេត្ត កងម្លាំងប្រដាប់វុធទាំងបី មន្ទីរអង្គភាពពាក់ព័ន្ធមួយចំនួន នាថ្ងៃទី ២៦ ខែសីហា ឆ្នាំ២០២៦។

ពោធិ៍សាត់៖ រដ្ឋបាលស្រុកកណ្តៀង បានរៀបចំសិក្ខាសាលាសមាហរណកម្មកម្មវិធីវិនិយោគបីឆ្នាំរំកិល ២០២៧-២០២៩ របស់រដ្ឋបាលស្រុក និងរដ្ឋបាលឃុំ សម្រាប់ឆ្នាំ២០២៦ នៅសាលប្រជុំកែវវិជ័យ សាលាស្រុកកណ្តៀង ក្រោមអធិបតីភាព លោក អ៊ុយ សុធាវី អភិបាលរងខេត្តពោធិ៍សាត់។ អង្គសិក្ខាសាលានេះ មានការចូលរួមពី លោក សុខ លីមុត ប្រធានក្រុមប្រឹក្សាស្រុក, លោក ណារ៉ា ចំរើន អភិបាលស្រុកកណ្តៀង, តំណាងមន្ទីរ-អង្គភាពជំនាញជុំវិញខេត្ត, មន្ត្រីរាជការស្រុក ព្រមទាំងថ្នាក់ដឹកនាំ និងមន្ត្រីរដ្ឋបាលឃុំទាំង៩ ក្នុងស្រុកកណ្តៀង។ គោលបំណងសំខាន់ៗនៃសិក្ខាសាលារួមមាន៖ ពិនិត្យ និងធ្វើសមាហរណកម្មសំណើគម្រោងអភិវឌ្ឍន៍ រៀបចំតាមលំដាប់អាទិភាពដើម្បីឆ្លើយតបនឹងតម្រូវការ និងបញ្ហាប្រឈមជាក់ស្តែងរបស់ប្រជាពលរដ្ឋ, ចៀសវាងការស្ទួនគម្រោង ធានាការប្រើប្រាស់ធនធានមានប្រសិទ្ធភាព និងពិនិត្យលទ្ធភាពអនុវត្តជាក់ស្តែង និងបង្កើនកិច្ចសម្របសម្រួលរវាងរដ្ឋបាលស្រុក ឃុំ និងមន្ទីរ-អង្គភាពជំនាញ ធានាឱ្យផែនការស៊ីសង្វាក់គ្នា ដើមី្បលើកកម្ពស់ការផ្តល់សេវាសាធារណៈឱ្យកាន់តែប្រសើរ៕

លោក ផាយ ឡេង អភិបាលក្រុងពោធិ៍សាត់ រួមជាមួយថ្នាក់ដឹកនាំពាក់ព័ន្ធ បានអញ្ជើញជាអធិបតីក្នុងពិធីចែកលិខិតសរសើរជូនសិស្សានុសិស្សឆ្នើម ចំណាត់ថ្នាក់លេខ១ ដល់លេខ៥ ប្រចាំឆ្នាំសិក្សា ២០២៥-២០២៦ នៅសាលាបឋមសិក្សាពោធិ៍សាត់ នាថ្ងៃទី២៦ ខែសីហា ឆ្នាំ២០២៦។