ព័ត៌មានក្នុងខេត្ត

វិទ្យាស្ថានពហុបច្ចេកទេសខេត្តពោធិ៍សាត់ ប្រារព្ធទិវាជាតិ TVET លើកទី៩ ក្រោមប្រធានបទ «ផ្តល់ជំនាញ ការងារ និងប្រាក់ចំណូល» យុវជនពោធិ៍សាត់កុំខកខាន! ជំនាញ TVET គឺជាសោរទ្វារបើកផ្លូវទៅកាន់ការងារ និងប្រាក់ចំណូលសមរម្យ។

ឯកឧត្តម ខូយ រីដា អភិបាលខេត្តពោធិ៍សាត់ អញ្ជើញចូលរួមជាវាគ្មិនក្នុង"សិក្ខាសាលាចែករំលែកបទពិសោធន៍នៃការចូលរួមរបស់អាជ្ញាធរមូលដ្ឋាន ក្នុងការកសាងអង្គភាពផ្ដល់សេវាសាធារណៈគំរូក្នុងវិស័យអប់រំ និងវិស័យសុខាភិបាល" ស្ថិតក្រោមអធិបតីភាព ឯកឧត្តម យក់ ប៊ុនណា រដ្ឋលេខាធិការប្រចាំការក្រសួងមុខងារសាធារណៈ តាមរយៈប្រព័ន្ធអនឡាញ នៅសាលប្រជុំថ្មកែវ សាលាខេត្តពោធិ៍សាត់ ព្រឹកថ្ងៃទី១៥ ខែមិថុនា ឆ្នាំ២០២៦។

លោក ហេង សុភាណា និងលោក ញឹក បានខេង អភិបាលរងនៃគណៈអភិបាលខេត្តពោធិ៍សាត់ នាព្រឹកថ្ងៃចន្ទ ១កើត ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៥ ខែមិថុនា ឆ្នាំ២០២៦ បានអញ្ជើញដឹកនាំមន្ត្រីរាជការ មន្ត្រីជាប់កិច្ចសន្យា និងបុគ្គលិកហាត់ការ គោរពទង់ជាតិ នៃព្រះរាជាណាចក្រកម្ពុជា នៅបរិវេណសាលាខេត្ត។

ឯកឧត្តម ស៊ុយ សែម រួមជាមួយឯកឧត្តម ទី ថានី និងឯកឧត្តម កែវ វីរៈ បានជួបសំណេះសំណាលជាមួយមន្ត្រីរាជការ តំណាងប្រជាពលរដ្ឋ និងអាជ្ញាធរមូលដ្ឋានជាង ៣០០ នាក់ នៅឃុំប្រមោយ ស្រុកវាលវែង ខេត្តពោធិ៍សាត់ ដើម្បីសាកសួរសុខទុក្ខ ស្តាប់បញ្ហាប្រឈម សំណូមពរ និងតម្រូវការរបស់ប្រជាពលរដ្ឋ។

ក្នុងជំនួបនេះ ឯកឧត្តម ស៊ុយ សែម បានលើកឡើងថា ការជួបប្រជាពលរដ្ឋគឺដើម្បីស្តាប់មតិយោបល់ បញ្ហាប្រឈម និងសំណូមពរនានានៅមូលដ្ឋាន ដើម្បីរាយការណ៍ និងស្វែងរកដំណោះស្រាយជូនប្រជាពលរដ្ឋ។ ឯកឧត្តមក៏បានជំរុញឱ្យអាជ្ញាធរមូលដ្ឋាន មណ្ឌលសុខភាព និងសាលារៀន បន្តផ្តល់សេវាសាធារណៈប្រកបដោយល្បឿន ប្រសិទ្ធភាព និងតម្លាភាព។

ឯកឧត្តម ខូយ រីដា (អភិបាលខេត្តពោធិ៍សាត់) និងឯកឧត្តម យឹម វិសិដ្ឋ (ប្រធានអាជ្ញាធរអគ្គិសនីកម្ពុជា) បានដឹកនាំមន្ត្រីរាជការ កងកម្លាំង និងប្រជាពលរដ្ឋ ធ្វើសកម្មភាពសំខាន់ៗចំនួន ៣ ក្នុងខេត្តពោធិ៍សាត់៖ ១. ការងារហេដ្ឋារចនាសម្ព័ន្ធ៖ ដាំដើមឈើក្ងោក និងដាក់បង្គោលភ្លើងសូឡា តាមបណ្តោយផ្លូវលេខ ១៥៥ ចម្ងាយជាង ៣៤ គីឡូម៉ែត្រ ពីក្រុងពោធិ៍សាត់ ទៅស្រុកភ្នំក្រវាញ។ ២. ការងារសង្គមកិច្ច៖ ចុះសំណេះសំណាលជាមួយអាជីវករផ្សារលាច ព្រមទាំងចែកសាច់គោ និងសាច់ជ្រូកជូនប្រជាពលរដ្ឋ និងអ្នករត់ម៉ូតូឌុប។ ៣. វិស័យអប់រំ៖ ចុះពិនិត្យការកែលម្អបរិស្ថានសិក្សានៅ «អនុវិទ្យាល័យសម្តេចឪ សម្តេចម៉ែ» ដើម្បីលើកកម្ពស់គុណភាពអប់រំ។

ថ្នាក់ដឹកនាំបានចុះសួរសុខទុក្ខ និងចែកអំណោយមនុស្សធម៌ជូនប្រជាពលរដ្ឋក្រីក្រ ចាស់ជរា ស្ត្រីមេម៉ាយ ជនពិការ និងអ្នកខ្វះខាតស្បៀងចំនួន ៥៩ គ្រួសារ នៅក្រុងពោធិ៍សាត់ ព្រមទាំងបានពាំនាំការសាកសួរសុខទុក្ខពី សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងថ្នាក់ដឹកនាំខេត្ត ដែលជានិច្ចកាលតែងតែយកចិត្តទុកដាក់ចំពោះជីវភាពរបស់ប្រជាពលរដ្ឋ។

​កិច្ចប្រជុំ​ស្តីពី​ការចុះតាមដាន​ និងវាយតម្លៃការងារបញ្ជ្រាបយរនឌ័រ​ របស់មន្ទីអភវឌ្ឍន៍ជនបទខេត្តពោធិ៍សាត់​ ក្រោមអធិបតីភាពដ៏ខ្ពង់ខ្ពស់​ លោកជំទាវ ម៉ាត់ ម៉ារ៉ា រដ្ឋលេខាធិការ និងជាប្រធានក្រុមការងារយេនឌ័រក្រសួងអភិវឌ្ឍន៍ជនបទ​ ដោយមានការអញ្ជើញចូលរួមពី លោកជំទាវ ឡាយ វិរៈបុត្រ អនុរដ្ឋលេខាធិការ លោកអនុប្រធានការិយាល័យ ក្រសួងអភិវឌ្ឍន៍ជនបទ និង ថ្នាក់ដឹកនាំ មន្រ្តីរាជការ នៃមន្ទីរអភិវឌ្ឍន៍ខេត្តពោធិ៍សាត់​ ។ ប្រព្រឹត្តទៅនៅសាលប្រជុំមន្ទីរអភិវឌ្ឍន៍ជនបទខេត្ត នាព្រឹកថ្ងៃព្រហស្បតិ៍​ ១១​ រោច ខែ ជេស្ឋ ឆ្នាំមមី អដ្ឋស័ក ព. ស.២៥៧០ ត្រូវនឹងថ្ងៃទី១១ ខែ មិថុនា ឆ្នាំ​២០២៦​៕

លោក ងួន ប៉ោសេង អភិបាលរងខេត្ត តំណាងឯកឧត្តម ខូយ រីដា អភិបាលខេត្តពោធិ៍សាត់ បានជួបសម្ដែងការគួរសម និងពិភាក្សាការងារគម្រោងអង្គការកុមារកម្ពុជារីករាយនៅក្នុងខេត្ដពោធិ៍សាត់ តាមរយៈ លោក ហាតមុត គិសិកិ និងលោកស្រី អុលឡា គិសិកិ ជាម្ចាស់មូលនិធិគីនចាន់ ដែលជួយគាំទ្រដល់វិស័យអប់រំ ផ្នែកហេដ្ឋារចនាសម្ព័ន្ធ(អគារសិក្សា និងបណ្ណាល័យ)។ កិច្ចប្រជុំនេះដោយមានការចូលរួមពី លោកអភិបាលរងស្រុក លោកប្រធាន-អនុប្រធានមន្ទីរ និងមន្រ្តីពាក់ព័ន្ធមួយចំនួនទៀត នាព្រឹកថ្ងៃទី១១ ខែមិថុនា ឆ្នាំ២០២៦នេះ នៅសាលប្រជុំសាលាខេត្តពោធិ៍សាត់៕

នៅព្រឹកថ្ងៃព្រហស្បតិ៍ ទី១១ ខែមិថុនា ឆ្នាំ២០២៦ ក្រុមប្រឹក្សាខេត្តពោធិ៍សាត់ បានរៀបចំកិច្ចប្រជុំសាមញ្ញលើកទី២៥ ឆ្នាំទី២ អាណត្តិទី៤ នៅសាលប្រជុំទេពឧកញ៉ាឃ្លាំងមឿង ក្រោមអធិបតីភាព ឯកឧត្តម ម៉ក់ រ៉ា ប្រធានក្រុមប្រឹក្សាខេត្ត និងឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់។ កិច្ចប្រជុំនេះ មានការអញ្ជើញចូលរួមពីឯកឧត្តម លោកជំទាវ សមាជិក សមាជិកាក្រុមប្រឹក្សាខេត្ត, លោក លោកស្រី អភិបាលរងខេត្ត, លោកនាយក នាយករងរដ្ឋបាលសាលាខេត្ត, តំណាងសាលាដំបូងខេត្ត, អភិបាលស្រុក-ក្រុង, ថ្នាក់ដឹកនាំមន្ទីរអង្គភាពជុំវិញខេត្ត, មេបញ្ជាការកងកម្លាំងប្រដាប់អាវុធទាំង៣ និងមន្ត្រីពាក់ព័ន្ធមួយចំនួនទៀត។ ក្នុងកិច្ចប្រជុំដ៏មានសារៈសំខាន់នេះ បានពិភាក្សា ពិនិត្យ និងអនុម័តលើរបៀបវារៈ ចំនួន៦ចំណុចសំខាន់ៗ រួមមាន៖ ទី១៖ ពិនិត្យ និងអនុម័តសេចក្តីព្រាងកំណត់ហេតុកិច្ចប្រជុំសាមញ្ញលើកទី២៤ ឆ្នាំទី២ អាណត្តិទី៤ របស់ក្រុមប្រឹក្សាខេត្ត។ ទី២៖ ពិនិត្យ និងអនុម័តសេចក្តីព្រាងរបាយការណ៍ ស្តីពីលទ្ធផលការងារប្រចាំខែឧសភា ឆ្នាំ២០២៦ របស់រដ្ឋបាលខេត្ត។ ទី៣៖ ពិនិត្យ និងអនុម័តសេចក្តីព្រាងតារាងបែងចែកប្រាក់រង្វាន់លើកទឹកចិត្ត ជូនថ្នាក់ដឹកនាំ និងមន្ត្រីរាជការសាលាខេត្តពោធិ៍សាត់ សម្រាប់ខែឧសភា ឆ្នាំ២០២៦។ ទី៤៖ ពិនិត្យ និងអនុម័តសេចក្តីព្រាងសេចក្តីសម្រេច ស្តីពីប្រតិទិនកិច្ចប្រជុំសាមញ្ញរបស់ក្រុមប្រឹក្សាខេត្ត សម្រាប់ឆ្នាំទី៣ អាណត្តិទី៤ (ឆ្នាំ២០២៦) រយៈពេល១២ខែ។ ទី៥៖ ការធ្វើរបាយការណ៍របស់គណៈកម្មាធិការនានា របស់ក្រុមប្រឹក្សាខេត្ត។ និងទី៦៖ បញ្ហាផ្សេងៗ៕

ឯកឧត្តមបណ្ឌិត លី ធុជ រួមជាមួយឯកអគ្គរដ្ឋទូតសាធារណរដ្ឋកូរ៉េ និងតំណាង UNDP បានចុះពិនិត្យសកម្មភាពមជ្ឈមណ្ឌលស្តារលទ្ធភាពពលកម្មកាយសម្បទា ក្រោមគម្រោងបោសសម្អាតមីនដំណាក់កាលទី៤ (CfR-IV)។ គណៈប្រតិភូក៏បានចុះសួរសុខទុក្ខ និងស្វែងយល់ពីជីវភាពរស់នៅរបស់ជនរងគ្រោះដោយសារមីន នៅស្រុកតាលោសែនជ័យ ដែលកំពុងទទួលបានការគាំទ្រផ្នែកជីវភាព និងការគាំពារសង្គម។

ឯកឧត្តមទេសរដ្ឋមន្ត្រី ពេជ សោភ័ន បានអញ្ជើញជាអធិបតីក្នុង «កិច្ចប្រជុំឆ្លុះបញ្ចាំង និងចែករំលែកបទពិសោធនៃការឧត្តមានុវត្តន៍» ដល់គណៈគ្រប់គ្រងសាលា និងគ្រូបង្រៀន គ.វ.អ។ កិច្ចប្រជុំនេះមានការចូលរួមពីមន្ត្រីរាជការ អាជ្ញាធរដែនដី លោកគ្រូ-អ្នកគ្រូ អាណាព្យាបាល និងសិស្សានុសិស្ស សរុបប្រមាណ ៤០០ នាក់។