ព័ត៌មានក្នុងខេត្ត

ក្រោមការគិតគូរជាប្រចាំពីសំណាក់រាជរដ្ឋាភិបាល ក៏ដូចជាអាជ្ញាធរខេត្តពោធិ៍សាត់ ភូមិប៊ុនរ៉ានីសែនជ័យដំណាក់ទ្រយឹង ត្រូវបានបំពាក់នូវហេដ្ឋារចនាសម្ព័ន្ធចាំបាច់នានា ដូចជា ផ្លូវថ្នល់ខ្វាត់ខ្វែង ប្រព័ន្ធទឹក ភ្លើងសាលារៀន និងមណ្ឌលសុខភាព ដែលបង្កលក្ខណៈងាយស្រួលដល់ការរស់នៅ និងការប្រកបមុខរបរកសិកម្ម ដាំដុះដំណាំរួមផ្សំផ្សេងៗរបស់ប្រជាពលរដ្ឋ។

តាមរយៈទិដ្ឋភាពទូទៅនៃទីរួមខេត្តពោធិ៍សាត់ បានបង្ហាញឱ្យឃើញនូវការរៀបចំសណ្តាប់ធ្នាប់ក្រុងយ៉ាងមានរបៀបរៀបរយ។ ក្នុងនោះ អគារសាលាខេត្តពោធិ៍សាត់ បានឈរជើងយ៉ាងស្កឹមស្កៃ បង្ហាញពីភាពថ្លៃថ្នូរ និងជាមជ្ឈមណ្ឌលរដ្ឋបាលដ៏រឹងមាំក្នុងការបម្រើសេវាជូនប្រជាពលរដ្ឋ។

ការស្ម័គ្រចិត្តប្តូរទីលំនៅរបស់ពុកម៉ែ បងប្អូនប្រជាពលរដ្ឋ ចូលមករស់នៅក្នុងភូមិដ្ឋានថ្មីនេះ គឺជាគំរូមួយដ៏ល្អ ក្នុងការចូលរួមសហការជាមួយអាជ្ញាធរខេត្តពោធិ៍សាត់ ដើម្បីរៀបចំសណ្តាប់ធ្នាប់ទីក្រុង ពិសេសគឺការស្តារ និងកែលម្អសោភ័ណភាពដងស្ទឹងពោធិ៍សាត់ឱ្យមានភាពស្អាត បៃតង និងទាក់ទាញ។

ក្រុមការងារចម្រុះតំណាងសាលាខេត្តពោធិ៍សាត់ អាជ្ញាធរស្រុក-ឃុំ និងកម្លាំងពាក់ព័ន្ធ បានអញ្ជើញចុះពិនិត្យដោយផ្ទាល់នូវវឌ្ឍនភាពនៃគម្រោងសាងសង់ផ្លូវលំក្រាលក្រួសក្រហម និងប្រព័ន្ធលូភ្លោះរំដោះទឹក ស្ថិតនៅក្នុងភូមិកណ្ដឹងមាស និងភូមិស្រែល្វា ស្រុកបាកាន ខេត្តពោធិ៍សាត់។

ឯកឧត្តម ខូយ រីដា អភិបាលខេត្តពោធិ៍សាត់ អញ្ជើញចុះពិនិត្យនិងណែនាំក្នុងការបង្រៀនដាំដើមក្ងោក ដល់ដឹកនាំមន្ត្រីរាជការរដ្ឋបាលក្រុងពោធិ៍សាត់ អាជ្ញាធរមូលដ្ឋាន កម្លាំងប្រជាការពារ ក្រុមយុវជន និងប្រជាពលរដ្ឋ ចុះអនុវត្តយុទ្ធនា ការដាំកូនឈើ (កូនក្ងោក) ក្នុងឆ្នាំ២០២៦ «ចលនាដាំដើមឈើម៉ោង០៦:០០ព្រឹក» នៅតាមបណ្តោយដងស្ទឹង ចាប់ពីចំណុចទំនប់បង្ហៀរក្បាលហុង ត្រើយខាងកើត រហូតដល់ស្ពានថ្មថ្មី ស្ថិតនៅក្រុងពោធិ៍សាត់ ខេត្តពោធិ៍សាត់ នៅព្រឹកថ្ងៃទី០៨ ខែមិថុនា ឆ្នាំ២០២៦៕

ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ដឹកនាំមន្ត្រីរាជការរដ្ឋបាលស្រុកកណ្តៀង កងកម្លាំងប្រដាប់អាវុធ ក្រុមយុវជន អាជ្ញាធរមូលដ្ឋាន កម្លាំងប្រជាការពារ និងប្រជាពលរដ្ឋ ចុះអនុវត្តយុទ្ធនា ការដាំកូនឈើ (កូនក្ងោក) ក្នុងឆ្នាំ២០២៦ «ចលនាដាំដើមឈើម៉ោង០៦:០០ព្រឹក » នៅតាមបណ្តោយដងស្ទឹង ចាប់ពីចំណុចក្បាលហុង ត្រើយខាងលិច រហូតដល់ស្ពានអាកាសផ្លូវវៀងក្រុង ដែលស្ថិតក្នុងភូមិវាល និងភូមិពោធិ៍កំបោរ ឃុំវាល ស្រុកកណ្តៀង ខេត្តពោធិ៍សាត់ ព្រឹកថ្ងៃអាទិត្យ ទី០៧ ខែមិថុនា ឆ្នាំ២០២៦ ការដាំកូនឈើនេះ មិនត្រឹមតែជាការចូលរួមចំណែកថែរក្សាបរិស្ថាន និងបង្កើនគម្របបៃតងនៅក្នុងខេត្តប៉ុណ្ណោះទេ ប៉ុន្តែថែមទាំងមានគោលបំណងចម្បងក្នុងការ «ដាំដុះឱ្យមានជីវិត» ធានាឱ្យបាននូវការលូតលាស់ និងការថែទាំកូនឈើទាំងនោះឱ្យបានគង់វង្ស ដើម្បីបង្កើនសោភ័ណភាពដងផ្លូវ និងសម្រស់ធម្មជាតិក្នុងមូលដ្ឋាន៕

តេជោសន្តិភាពឫស្សីជ្រុំ ជាឈ្មោះស្ពានដែលខ្ពស់ជាងគេនៅកម្ពុជា ដែលប្រសិទ្ធនាមដោយ សម្ដេច ហ៊ុន ម៉ាណែត នាយករដ្ឋមន្រ្តីកម្ពុជា។ នេះបើយោងតាមសេចក្ដីប្រកាសរបស់ ទីស្ដីការគណៈរដ្ឋមន្រ្តី នៅថ្ងៃទី ២៧ ខែឧសភា។

ឯកឧត្តម ខូយ រីដា អភិបាលខេត្តពោធិ៍សាត់ នៅថ្ងៃទី២៨ ខែឧសភា ឆ្នាំ២០២៦នេះ អញ្ជើញចុះពិនិត្យការចាក់ដីបំពេញមាត់ស្ទឹងត្រូវបានចាប់ផ្តើមអនុវត្តហើយ ដើម្បីកែប្រែទីតាំងនេះទៅជាកន្លែងបម្រើផលប្រយោជន៍រួម។ គម្រោងនេះមានគោលបំណងបង្កើតជាទីធ្លាសាធារណៈ សម្រាប់បងប្អូនប្រជាពលរដ្ឋធ្វើលំហាត់ប្រាណ ថែរក្សាសុខភាព ក៏ដូចជាសម្រាប់រៀបចំកម្មវិធី និងពិធីបុណ្យផ្សេងៗនៅក្នុងមូលដ្ឋាន៕

ជំរុញឱ្យប្រជាពលរដ្ឋ និងយុវជនធ្វើការក្នុងស្រុកដើម្បីជួបជុំគ្រួសារ និងមានសុវត្ថិភាព, ជៀសវាងការចំណាកស្រុកទៅក្រៅប្រទេស (ជាពិសេសប្រទេសថៃ) ដែលប្រឈមហានិភ័យខ្ពស់, និងណែនាំឱ្យយល់ដឹងពីអត្ថប្រយោជន៍ ប.ស.ស. ព្រមទាំងការរៀនជំនាញវិជ្ជាជីវៈ។