ព័ត៌មានក្នុងខេត្ត

ការចុះសិក្សាស្រាវជ្រាវនេះ ធ្វើឡើងក្នុងគោលបំណងវាយតម្លៃស្ថានភាពជាក់ស្តែង ដើម្បីស្វែងរកដំណោះស្រាយសមស្រប ក្នុងការជួយស្តារ រៀបចំរចនាសម្ព័ន្ធឡើងវិញ ឬតម្រង់ទិសដៅសហគមន៍កសិកម្មមួយនេះ ឱ្យមានដំណើរការប្រកបដោយប្រសិទ្ធភាព និងអាចជួយជ្រោមជ្រែងដល់ជីវភាពរបស់បងប្អូនជនពិការនៅក្នុងមូលដ្ឋានឡើងវិញ។

ខេត្តពោធិ៍សាត់៖ លោក ឡេង ចិន្តាមុនី ប្រធានការិយាល័យនីតិកម្មកសិកម្ម នៃមន្ទីរកសិកម្ម រុក្ខាប្រមាញ់ និងនេសាទខេត្តពោធិ៍សាត់ ព្រមទាំងមន្ត្រីថ្នាក់ការិយាល័យ បានចុះអនុវត្តការងារអធិការកិច្ចពិនិត្យដេប៉ូដកសិផល ថ្នាំកសិកម្ម និងជីកសិកម្ម ចំនួន ៣ដេប៉ូ ស្ថិតក្នុងភូមិសាស្ត្រក្រុងពោធិ៍សាត់ នៅថ្ងៃទី២៦ ខែមិថុនា ឆ្នាំ២០២៦។ នៅក្នុងសកម្មភាពចុះពិនិត្យនោះ ក្រុមការងារជំនាញបានធ្វើការណែនាំដល់អាជីវករម្ចាស់ដេប៉ូចំនួន ១កន្លែង ឱ្យបង្កើនការយកចិត្តទុកដាក់ពិនិត្យមើលសញ្ញាប័ណ្ណ និងលេខបញ្ជីការ (ចុះបញ្ជីផ្លូវការ) លើផលិតផលថ្នាំ និងជីកសិកម្មឱ្យបានត្រឹមត្រូវ និងច្បាស់លាស់បំផុត មុននឹងទទួលយកមកដាក់លក់បន្ត។ ការចុះអធិការកិច្ចនេះ ធ្វើឡើងក្នុងគោលបំណងគ្រប់គ្រងគុណភាព សុវត្ថិភាព ផលិតផលកសិកម្មនៅលើទីផ្សារ និងដើម្បីការពារផលប្រយោជន៍ ក៏ដូចជាសុខវត្ថិភាពរបស់ប្រជាកសិករក្នុងការប្រើប្រាស់ផងដែរ៕

ខេត្តពោធិ៍សាត់៖ លោក មាស សេត ប្រធានការិយាល័យក្សេត្រសាស្ត្រ និងផលិតភាពកសិកម្ម រួមជាមួយមន្ត្រីជំនាញ បានសហការជាមួយអង្គការមិត្តជនបទ (RFCD) បើកវគ្គបណ្ដុះបណ្ដាលស្ដីពី «ផលិតកម្មដំណាំបន្លែសុវត្ថិភាព» រយៈពេល ២ថ្ងៃពេញ ចាប់ពីថ្ងៃទី២៥ ដល់ថ្ងៃទី២៦ ខែមិថុនា ឆ្នាំ២០២៦។ វគ្គបណ្តុះបណ្តាលនេះ មានការចូលរួមពីបងប្អូនប្រជាកសិករសរុបចំនួន ៣២នាក់ (ក្នុងនោះមានស្រ្តីរហូតដល់ ៣១នាក់) ក្នុងគោលបំណងលើកកម្ពស់ការយល់ដឹង និងពង្រឹងបច្ចេកទេសដាំដុះតាមគោលការណ៍កសិកម្មល្អ ធានាបាននូវបន្លែដែលមានសុវត្ថិភាពខ្ពស់សម្រាប់ផ្គត់ផ្គង់ទីផ្សារ បង្កើនប្រាក់ចំណូលក្នុងគ្រួសារ និងលើកកម្ពស់សុខុមាលភាពសង្គម៕

ឃុំអូរសោម នៃស្រុកវាលវែង ដែលជាតំបន់ខ្ពង់រាបមានអំណោយផលខ្លាំងលើកត្តាអាកាសធាតុត្រជាក់ និងដីមានជីវជាតិ កំពុងតែបង្ហាញសក្តានុពលយ៉ាងខ្លាំងលើការដាំដុះបន្លែ និងផ្លែឈើ រួមមានដំណាំការ៉ុត និងឪឡឹក ដែលជាស្នាដៃផ្ទាល់របស់បងប្អូនកសិករនៅក្នុងមូលដ្ឋាន។

សកម្មភាពនេះធ្វើឡើងក្នុងគោលបំណងឆ្លើយតបទៅនឹងតម្រូវការជាក់ស្តែងរបស់មូលដ្ឋាន ក្នុងការគ្រប់គ្រង និងខ្វះខាតទឹកស្រោចស្រព ក៏ដូចជាការរំដោះទឹកចេញពីផ្ទៃដីបង្កបង្កើនផល។

សមិទ្ធផលប្រព័ន្ធលូដោះទឹកស្រោចស្រពថ្មីនេះ នឹងផ្តល់ផលប្រយោជន៍យ៉ាងធំធេង និងឆ្លើយតបចំគោលដៅ ជូនដល់បងប្អូនប្រជាពលរដ្ឋ និងប្រជាកសិករដែលកំពុងរស់នៅក្នុងភូមិចំនួនពីរ រួមមាន៖ ១. ភូមិក្ដីឈួល ២. ភូមិកោះអណ្ដែត

ឆ្លើយតបភ្លាមៗតាមអនុសាសន៍ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានផ្តល់អនុសាសន៍ដល់ លោកជំទាវ អាំង សុជាតា ខូយរីដា ប្រធានកិត្តិយស សាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ខេត្ត បានដឹកនាំក្រុមការងារ ចុះយុទ្ធនាការផ្ទាល់ ដោះស្រាយ និងប្រមូលទិញស្វាយកែវរមៀត ព្រមទាំងផលដំណាំចម្រុះជាច្រើនមុខ ដែលរួមមាន៖ ឪឡឹក, ខ្នុរ, ដំឡូង, ម្ទេស, ចេក និងដំណាំផ្សេងៗទៀត ពីគ្រួសារអតីតយុទ្ធជន និងនិវត្តជនកម្ពុជា ខេត្តពោធិ៍សាត់ នាថ្ងៃទី២២ ខែឧសភា ឆ្នាំ២០២៦នេះ ដែលកំពុងរស់នៅផ្ទាល់ ក្នុងភូមិប៊ុនរ៉ានីសែនជ័យដំណាក់ទ្រយឹង ឃុំព្រងិល ស្រុកភ្នំក្រវាញ ខេត្តពោធិ៍សាត់ ដើម្បីនាំយកកសិផលទាំងអស់នេះ ទៅចែកជូនបន្តដល់វីរកងទ័ពជួរមុខ ដែលកំពុងឈរជើងការពារទឹកដី ដែលនេះជាសកម្មភាព «ស្នាមញញឹមពីរជាន់» ជួយទាំងគ្រួសារកងទ័ពនៅជួរក្រោយ និងលើកទឹកចិត្តដល់កងទ័ពនៅជួរមុខ៕