មន្ទីរកសិកម្មខេត្តពោធិ៍សាត់ ចុះផ្សព្វផ្សាយថវិកាជំនួយឥតសំណង FAO និងការបណ្តុះបណ្តាលផលិតកម្មស្រូវ RSP ដល់សហគមន៍កសិកម្មចំការខ្លុយសាមគ្គី

មន្ទីរកសិកម្មខេត្តពោធិ៍សាត់ បើកកិច្ចប្រជុំពង្រឹងការងារប្រមូលទិន្នន័យស្ថិតិកសិកម្ម ជូនដល់មន្ត្រីជំនាញ និងមន្ត្រីកសិកម្មឃុំទូទាំង ៦ក្រុង-ស្រុក

ពោធិ៍សាត់៖ នៅមន្ទីរកសិកម្ម រុក្ខាប្រមាញ់ និងនេសាទខេត្តពោធិ៍សាត់ បានរៀបចំកិច្ចប្រជុំពិភាក្សាស្តីពី «ការចាត់តាំង និងពង្រឹងលើការងារប្រមូលទិន្នន័យស្ថិតិកសិកម្ម» ក្រោមកាដឹកនាំដោយ លោក ហ៊ន់ សុវណ្ណ អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្ត និងលោក អ៊ុក សុធា ប្រធានការិយាល័យផែនការ-គណនេយ្យ នៅថ្ងៃទី២៨ ខែកញ្ញា ឆ្នាំ២០២៦ នេះ។ កិច្ចប្រជុំនេះ មានការអញ្ជើញចូលរួមពីមន្ត្រីការិយាល័យធនធានធម្មជាតិ និងបរិស្ថាន ព្រមទាំងមន្ត្រីកសិកម្មឃុំ មកពីក្រុង-ស្រុកទាំង៦ នៃខេត្តពោធិ៍សាត់ សរុបចំនួន ៥០នាក់។ កិច្ចប្រជុំនេះ រៀបចំឡើងក្នុងគោលបំណងពង្រឹងសមត្ថភាព និងប្រសិទ្ធភាពការងារដល់មន្ត្រីកសិកម្មនៅថ្នាក់មូលដ្ឋាន ក្នុងការប្រមូលទិន្នន័យស្ថិតិកសិកម្មឱ្យបានគ្រប់ជ្រុងជ្រោយ ត្រឹមត្រូវ និងទាន់ពេលវេលា។ ការប្រមូលទិន្នន័យស្ថិតិកសិកម្មដែលច្បាស់លាស់ គឺជាមូលដ្ឋានគ្រឹះយ៉ាងសំខាន់សម្រាប់រៀបចំផែនការអភិវឌ្ឍន៍វិស័យកសិកម្ម ការព្យាករណ៍ផលដំណាំ និងការដាក់ចេញនូវវិធានការអន្តរាគមន៍ផ្សេងៗ ដើម្បីជួយគាំទ្រដល់បងប្អូនប្រជាកសិករក្នុងខេត្តពោធិ៍សាត់ ឱ្យកាន់តែមានប្រសិទ្ធភាពខ្ពស់៕

ខណ្ឌរដ្ឋបាលជលផលខេត្តពោធិ៍សាត់ សហការលែងត្រីកម្រ និងជិតផុតពូជចំនួន ៣ក្បាល ចូលទៅក្នុងដែនអភិរក្សជលផលជ្រោយស្តី

២៦ កញ្ញា ២០២៦, ១២:២៤

ខណ្ឌរដ្ឋបាលជលផលខេត្តពោធិ៍សាត់ សហការលែងត្រីកម្រ និងជិតផុតពូជចំនួន ៣ក្បាល ចូលទៅក្នុងដែនអភិរក្សជលផលជ្រោយស្តី

យោងតាមការបញ្ជាក់ពីខណ្ឌរដ្ឋបាលជលផលខេត្តពោធិ៍សាត់ បានឱ្យដឹងថា គិតត្រឹមដើមឆ្នាំ២០២៦ នេះ អាជ្ញាធរមានសមត្ថកិច្ច និងមន្ត្រីជំនាញ បានប្រមូល និងលែងប្រភេទត្រីកម្រចូលទៅក្នុងដែនអភិរក្សបានចំនួន ៦លើក សរុប ១០ក្បាល រួចមកហើយ ក្នុងនោះរួមមាន៖ ត្រីគល់រាំងចំនួន ៤ក្បាល និងត្រីរាជចំនួន ៦ក្បាល ដើម្បីចូលរួមថែរក្សា និងអភិរក្សពូជមច្ឆជាតិកម្រៗឱ្យនៅគង់វង្សតទៅមុខទៀត។

១៩ កញ្ញា ២០២៦, ១១:០៧

មន្ត្រីជំនាញចុះណែនាំនីតិវិធីជ្រើសរើសអ្នកផ្គត់ផ្គង់អាហារតាមសាលារៀន ដល់សហគមន៍កសិកម្មវាលវង់មានជ័យ ក្នុងស្រុកក្រគរ

ពោធិ៍សាត់៖ លោកស្រី ហ៊ោន គន្ធី មន្ត្រីការិយាល័យអភិវឌ្ឍន៍សហគមន៍កសិកម្ម បានចុះពិនិត្យ និងតាមដានលើសកម្មភាពប្រជុំណែនាំពី «នីតិវិធីជ្រើសរើសអ្នកផ្គត់ផ្គង់អាហារតាមសាលារៀន» នៅក្នុងសហគមន៍កសិកម្មវាលវង់មានជ័យ ស្ថិតនៅភូមិវាលវង់ ឃុំស្នាអន្សា ស្រុកក្រគរ ខេត្តពោធិ៍សាត់ កាលពីថ្ងៃទី១៨ ខែកញ្ញា ឆ្នាំ២០២៦ ។ កិច្ចប្រជុំនេះ រៀបចំឡើងក្នុងគោលបំណងណែនាំពីនីតិវិធីច្បាស់លាស់ក្នុងការជ្រើសរើសអ្នកផ្គត់ផ្គង់អាហារតាមសាលារៀន ព្រមទាំងបណ្តុះបណ្តាលពីរបៀបបំពេញពាក្យសុំដេញថ្លៃ ជូនដល់ថ្នាក់ដឹកនាំ និងសមាជិកសហគមន៍កសិកម្ម ដើម្បីធានាបាននូវតម្លាភាព និងប្រសិទ្ធភាពក្នុងការអនុវត្តកម្មវិធី។ កិច្ចប្រជុំនេះមានការអញ្ជើញចូលរួមពី មន្ត្រីមន្ទីរកសិកម្ម រុក្ខាប្រមាញ់ និងនេសាទខេត្ត, មន្ត្រីកសិកម្មឃុំ, ព្រមទាំងថ្នាក់ដឹកនាំ និងសមាជិកសហគមន៍កសិកម្មវាលវង់មានជ័យ ដោយមានអ្នកចូលរួមសរុបចំនួន ៥នាក់ (ស្រី ៤នាក់)។ សកម្មភាពនេះ ត្រូវបានគាំទ្រថវិកា និងបច្ចេកទេសដោយ កម្មវិធីស្បៀងអាហារពិភពលោក (WFP)៕

មន្ត្រីជំនាញបសុព្យាបាល ចូលរួមសិក្ខាសាលាស្តីពីការធ្វើអនាម័យ ជីវសុវត្ថិភាព និងបច្ចេកទេសចិញ្ចឹមសត្វ នៅស្រុកបាកាន

១៨ កញ្ញា ២០២៦, ០២:១០

មន្ត្រីជំនាញបសុព្យាបាល ចូលរួមសិក្ខាសាលាស្តីពីការធ្វើអនាម័យ ជីវសុវត្ថិភាព និងបច្ចេកទេសចិញ្ចឹមសត្វ នៅស្រុកបាកាន

លោក សំ ស៊ី លោក ថា វ៉ាន់ថេន និងលោក ស៊ឺន យឿម មន្ត្រីនៃការិយាល័យផលិតកម្ម និងបសុព្យាបាល បានអញ្ជើញចូលរួមក្នុង «សិក្ខាសាលាស្តីពីការធ្វើអនាម័យ ជីវសុវត្ថិភាព និងការពង្រឹងបច្ចេកទេសលើវិស័យចិញ្ចឹមសត្វ» នាថ្ងៃទី១៧ ខែកញ្ញា ឆ្នាំ២០២៦ ។

កម្លាំងជលផលសហការជាមួយយោធានិងនគរបាល បង្ក្រាបបទល្មើសនេសាទ ១ករណី នៅឃុំកញ្ជរ ខេត្តពោធិ៍សាត់

១៧ កញ្ញា ២០២៦, ០៣:២០

កម្លាំងជលផលសហការជាមួយយោធានិងនគរបាល បង្ក្រាបបទល្មើសនេសាទ ១ករណី នៅឃុំកញ្ជរ ខេត្តពោធិ៍សាត់

ពោធិ៍សាត់៖ កម្លាំងចម្រុះរួមមាន សង្កាត់រដ្ឋបាលជលផលកណ្ដៀង កម្លាំងយោធាប្រចាំការនៅកន្លែងអភិរក្សជលផលលេខ០៦ (យោធភូមិភាគ៥) និងនគរបាលប្រឆាំងបទល្មើសសេដ្ឋកិច្ចខេត្ត បានចុះប្រតិបត្តិការរួមគ្នា ត្រួតពិនិត្យ និងបង្ក្រាបបទល្មើសនេសាទ នៅចំណុចផ្លូវឆ្លង ស្ថិតក្នុងភូមិតាម៉ៅ ឃុំកញ្ជរ ស្រុកកណ្ដៀង ខេត្តពោធិ៍សាត់ កាលពីថ្ងៃទី១៦ ខែកញ្ញា ឆ្នាំ២០២៦។ ក្នុងប្រតិបត្តិការចុះល្បាតនេះ កម្លាំងសមត្ថកិច្ចសរុបចំនួន ១១នាក់ ដោយប្រើប្រាស់មធ្យោបាយធ្វើដំណើរតាមកាណូតចំនួន ៣គ្រឿង បានបំបែក និងបង្ក្រាបបានបទល្មើសនេសាទខុសច្បាប់ចំនួន ១ករណី។ ជាលទ្ធផល កម្លាំងចម្រុះបានកាប់បំផ្លាញ និងដុតចោលឧបករណ៍ខុសច្បាប់នៅនឹងកន្លែង រួមមាន៖ របាំងស្បៃមុង ចំនួន ១៥ខ្សែ ប្រវែងសរុប ១.៥៧០ម៉ែត្រ, លូកងស្បៃមុង ចំនួន ២០មាត់ និងបង្គោលឈើ ចំនួន ៧៥០ដើម។ ជាមួយគ្នានោះដែរ សមត្ថកិច្ចក៏បានរំដោះ និងចាក់លែងកូនត្រីចម្រុះទម្ងន់ ៣៥គីឡូក្រាម ដែលជាប់នៅក្នុងលូស្បៃមុង ចូលទៅក្នុងបឹងធម្មជាតិវិញផងដែរ។ អាជ្ញាធរបានបញ្ជាក់ថា នឹងបន្តចុះត្រួតពិនិត្យ និងទប់ស្កាត់សកម្មភាពនេសាទខុសច្បាប់ទាំងនេះយ៉ាងម៉ឺងម៉ាត់ ដើម្បីការពារធនធានជលផលឱ្យបានគង់វង្ស៕

១៧ កញ្ញា ២០២៦, ០២:៥៤

មន្ទីរកសិកម្មខេត្តពោធិ៍សាត់ បណ្តុះបណ្តាលកសិករ ៤២នាក់ ពីបច្ចេកទេសកសិកម្មលើកកម្ពស់សន្តិសុខស្បៀង និងអាហាររូបត្ថម្ភ

មន្ទីរកសិកម្ម រុក្ខាប្រមាញ់ និងនេសាទ ខេត្តពោធិ៍សាត់ បានរៀបចំវគ្គបណ្តុះបណ្តាលស្តីពី «ការធ្វើកសិកម្មលើកកម្ពស់សន្តិសុខស្បៀង និងអាហាររូបត្ថម្ភ» ជូនដល់កសិករ និងអាជ្ញាធរមូលដ្ឋានសរុបចំនួន ៤២នាក់ (ស្រី ៣០នាក់) កាលពីថ្ងៃទី១៦ ខែកញ្ញា ឆ្នាំ២០២៦ ស្ថិតនៅភូមិស្ពាន ឃុំកោះជុំ ស្រុកកណ្តៀង ខេត្តពោធិ៍សាត់។

ព័ត៌មានថ្មីៗ

ការរៀបចំបំពាក់អំពូល LED ត្រង់ចំណុចប្រសព្វត្រីកោណ បានបញ្ចប់រួចរាល់ ដើម្បីលើកកម្ពស់សោភ័ណភាព និងសុវត្ថិភាព

២ តុលា ២០២៦

សន្តិសុខសង្គម

ការរៀបចំបំពាក់អំពូល LED ត្រង់ចំណុចប្រសព្វត្រីកោណ បានបញ្ចប់រួចរាល់ ដើម្បីលើកកម្ពស់សោភ័ណភាព និងសុវត្ថិភាព

អាជ្ញាធរស្រុកកណ្ដៀង ក្រោមការណែនាំរបស់ ឯកឧត្តម ខូយ រីដា អភិបាលខេត្តពោធិ៍សាត់ និងក្រោមការដឹកនាំផ្ទាល់របស់ លោក ណារ៉ា ចំរើន អភិបាលស្រុក បានបំពាក់អំពូល LED ត្រង់ចំណុចប្រសព្វត្រីកោណរួចរាល់ជាស្ថាពរ ដើម្បីលើកកម្ពស់សោភ័ណភាពទីប្រជុំជន ធ្វើជាចំណងដៃស្វាគមន៍ពលរដ្ឋក្នុងឱកាសបុណ្យភ្ជុំបិណ្ឌ និងជួយកាត់បន្ថយគ្រោះថ្នាក់ចរាចរណ៍នាពេលរាត្រី។ ជាមួយគ្នានេះ អាជ្ញាធរបានអំពាវនាវឱ្យប្រជាពលរដ្ឋចូលរួមជួយថែរក្សាសមិទ្ធផលនេះឱ្យបានគង់វង្សយូរអង្វែង។

ឯកឧត្តម កែវ រតនៈ អញ្ជើញជួបសំណេះសំណាល និងប្រគល់អំណោយជូនកងកម្លាំងប្រដាប់អាវុធ ក្នុងឱកាសបុណ្យភ្ជុំបិណ្ឌ

២ តុលា ២០២៦

សកម្មភាពថ្នាក់ដឹកនាំ

ឯកឧត្តម កែវ រតនៈ អញ្ជើញជួបសំណេះសំណាល និងប្រគល់អំណោយជូនកងកម្លាំងប្រដាប់អាវុធ ក្នុងឱកាសបុណ្យភ្ជុំបិណ្ឌ

ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល និងជាប្រធានក្រុមការងាររាជរដ្ឋាភិបាលចុះជួយមូលដ្ឋានខេត្តពោធិ៍សាត់ រួមជាមួយ ឯកឧត្តម ខូយ រីដា អភិបាលខេត្តពោធិ៍សាត់ បានអញ្ជើញជួបសំណេះសំណាល សួរសុខទុក្ខ និងប្រគល់អំណោយជូនដល់កងកម្លាំងប្រដាប់អាវុធទាំង៣ប្រភេទ ដែលជាអង្គភាពសម្ព័ន្ធមេត្រីភាពជាមួយក្រសួង ក្នុងឱកាសពិធីបុណ្យកាន់បិណ្ឌ និងភ្ជុំបិណ្ឌ ឆ្នាំ២០២៦។

រដ្ឋបាលស្រុកភ្នំក្រវាញ រៀបចំកិច្ចប្រជុំសាមញ្ញលើកទី២៩ អាណត្តិទី៤ របស់ក្រុមប្រឹក្សា

២ តុលា ២០២៦

សកម្មភាពអាជ្ញាធរ

រដ្ឋបាលស្រុកភ្នំក្រវាញ រៀបចំកិច្ចប្រជុំសាមញ្ញលើកទី២៩ អាណត្តិទី៤ របស់ក្រុមប្រឹក្សា

នៅសាលាស្រុកភ្នំក្រវាញ រដ្ឋបាលស្រុកភ្នំក្រវាញបានរៀបចំ កិច្ចប្រជុំសាមញ្ញលើកទី២៩ អាណត្តិទី៤ របស់ក្រុមប្រឹក្សាស្រុក ក្រោមអធិបតីភាព លោក សោម វិសាល ប្រធានក្រុមប្រឹក្សាស្រុក និងមានការអញ្ជើញចូលរួមពី លោកស្រី ថោ សុធា សមាជិកក្រុមប្រឹក្សាខេត្តពោធិ៍សាត់ ព្រមទាំងអាជ្ញាធរ និងមន្ត្រីពាក់ព័ន្ធជាច្រើនរូប។ កិច្ចប្រជុំបានពិនិត្យ អនុម័តកំណត់ហេតុ និងរបាយការណ៍ការងារប្រចាំខែ ព្រមទាំងដាក់ចេញទិសដៅបន្ត ដើម្បីពង្រឹងការផ្តល់សេវាសាធារណៈ ការរក្សាសន្តិសុខ សណ្តាប់ធ្នាប់ និងការអភិវឌ្ឍមូលដ្ឋានឱ្យកាន់តែមានប្រសិទ្ធភាព។

ឯកឧត្តម ខូយ រីដា អភិបាលខេត្តពោធិ៍សាត់ ផ្តល់បទសម្ភាសន៍អំពីសមិទ្ធិផលនានាក្នុងខេត្តពោធិ៍សាត់

១ តុលា ២០២៦

សកម្មភាពថ្នាក់ដឹកនាំ

ឯកឧត្តម ខូយ រីដា អភិបាលខេត្តពោធិ៍សាត់ ផ្តល់បទសម្ភាសន៍អំពីសមិទ្ធិផលនានាក្នុងខេត្តពោធិ៍សាត់

ឯកឧត្តម ខូយ រីដា អភិបាលខេត្តពោធិ៍សាត់ ផ្តល់បទសម្ភាសន៍អំពីសមិទ្ធិផលនានាក្នុងខេត្តពោធិ៍សាត់