ព័ត៌មានក្នុងខេត្ត
ទាំងអស់សេចក្តីជូនដំណឹងសេចក្តីប្រកាសព័ត៌មានសកម្មភាពថ្នាក់ដឹកនាំសកម្មភាពអាជ្ញាធរនយោបាយកសិកម្មទេសចរណ៍ពាណិជ្ជកម្មបទយកការណ៍សិល្បៈនិងវប្បធម៌សន្តិសុខសង្គមអប់រំ និងកីឡាសុខាភិបាលបរិស្ថានការអភិវឌ្ឍគ្រោះធម្មជាតិធនធានទឹក និងឧតុនិយម
សកម្មភាពថ្នាក់ដឹកនាំ
អភិបាលខេត្តពោធិ៍សាត់ អញ្ចើញចុះត្រួតពិនិត្យស្ថានភាពទឹក នៅស្រុកបាកានក្នុងចំណោមស្រុក ក្រុងទាំង៧
ឯកឧត្តម ខូយ រីដា បានដឹកនាំក្រុងការងារចុះត្រួតពិនិត្យស្ថានភាពទឹកផ្ទាល់ នៅតាមភូមិសាស្ត្រស្រុកបាកាន ដែលកំពុងជួបប្រទះបញ្ហាប្រឈមនឹងគ្រោះរាំងស្ងួតយ៉ាងធ្ងន់ធ្ងរ ទៅដល់ស្រូវរបស់ប្រជាពលរដ្ឋអស់ជាច្រើនហិកតា។
នយោបាយ
អភិបាលរងខេត្តពោធិ៍សាត់ អញ្ជើញចូលរូមប្រជុំ នៅស្នាក់ការបក្សសង្កាត់លលកស
លោក ហេង សុភាណា និងជាប្រធានក្រុមការងារចុះជួយសង្កាត់លលកស បានអញ្ជើញជាអធិបតីក្នុងកិច្ចប្រជុំផ្សព្វផ្សាយស្តីពីការជ្រើសរើសសមាសភាពក្រុមប្រឹក្សាសង្កាត់លលកស (អាណត្តិថ្មី)។
សកម្មភាពថ្នាក់ដឹកនាំ
អភិបាលខេត្តពោធិ៍សាត់ចុះអន្តរាគមន៍បញ្ជូនទឹកសង្គ្រោះស្រូវស្រែប្រជាពលរដ្ឋនៅស្រុកបាកាន
ឯកឧត្តម ខូយ រីដា អភិបាលខេត្តពោធិ៍សាត់ បានចុះពិនិត្យ និងបញ្ជាផ្ទាល់លើការងារអន្តរាគមន៍បញ្ជូនទឹកសង្គ្រោះស្រូវស្រែប្រជាពលរដ្ឋដែលខ្វះទឹកស្រោចស្រព ក្នុងស្រុកបាកាន។ ឯកឧត្តមបានដាក់បទបញ្ជាឱ្យអាជ្ញាធរមូលដ្ឋានតាមដានស្ថានភាពទឹក និងបែងចែកទឹកឱ្យបានស្មើភាពគ្នា ដើម្បីជួយសង្គ្រោះស្រែប្រជាពលរដ្ឋឱ្យបានទាន់ពេលវេលា។
សកម្មភាពអាជ្ញាធរ
អភិបាលស្រុកក្រគរ ចុះពិនិត្យផ្លូវគ្រួសក្រហមនិងកៅស៊ូនៅឃុំឈើតុំ ស្រុកក្រគរ ខេត្តពោធិ៍សាត់
លោក អ៊ន សុផល្លា អភិបាលស្រុកក្រគរ បានចុះត្រួតពិនិត្យផ្លូវគ្រួសក្រហម និងផ្លូវកៅស៊ូ ដែលសាងសង់រួចរាល់ ១០០% ក្នុងឃុំឈើតុំ ដើម្បីជួយសម្រួលការធ្វើដំណើរ ជំរុញសេដ្ឋកិច្ច និងលើកកម្ពស់ជីវភាពប្រជាពលរដ្ឋក្នុងមូលដ្ឋាន។
អប់រំ និងកីឡា
សាលាបឋមសិក្សាពោធិ៍សាត់ ជាប់ជាអង្គភាពផ្តល់សេវាសាធារណៈគំរូថ្នាក់ជាតិលេខ៦ ឆ្នាំ២០២៥
លោក ងួន ប៉ោសេង អភិបាលរងខេត្ត តំណាងឯកឧត្តម ខូយ រីដា បានអញ្ជើញជាអធិបតីក្នុងពិធីអបអរសាទរ និងប្រគល់បណ្ណសរសើរជូនបុគ្គលិកអប់រំ នៃសាលាបឋមសិក្សាពោធិ៍សាត់ ក្រោយទទួលបានជ័យលាភីអង្គភាពផ្តល់សេវាសាធារណៈគំរូឆ្នាំ២០២៥ ចំណាត់ថ្នាក់លេខ៦។
បរិស្ថាន
កិច្ចប្រជុំពិគ្រោះយោបល់ និងការបោះឆ្នោតជ្រើសរើសសមាជិកគណៈកម្មការសហគមន៍ទឹកធ្លាក់ថ្មចាំង
ដែនជម្រកសត្វព្រៃភ្នំសំកុស និងស្ថាប័នពាក់ព័ន្ធ បានរៀបចំកិច្ចប្រជុំពិគ្រោះយោបល់ និងបោះឆ្នោតជ្រើសរើសសមាជិកគណៈកម្មការសហគមន៍ទឹកធ្លាក់ថ្មចាំងឡើងវិញ ដោយមានអ្នកចូលរួមសរុប ៣៧នាក់ (ស្រី ១៧នាក់)។
សកម្មភាពថ្នាក់ដឹកនាំ
ពិធីប្រគល់ និងទទួលឧបករណ៍វេជ្ជសាស្ត្រ ជូនមន្ទីរសុខាភិបាលនៃរដ្ឋបាលខេត្តពោធិ៍សាត់
IAEA បានផ្តល់ឧបករណ៍វេជ្ជសាស្ត្រ និងឧបករណ៍រាវរកសារធាតុវិទ្យុសកម្ម តម្លៃប្រហែល ៣៥ម៉ឺនដុល្លារអាមេរិក ជូនមន្ទីរសុខាភិបាលខេត្តពោធិ៍សាត់ ដើម្បីលើកកម្ពស់សេវាសុខាភិបាល និងសុវត្ថិភាពវិទ្យុសកម្ម។
បរិស្ថាន
ការិយាល័យគាំពារបរិស្ថានពិនិត្យនិងវាយតម្លៃហេតុប៉ះពាល់បរិស្ថានសម្រាប់គម្រោងអាជីវកម្មខ្សាច់បក
ការិយាល័យគាំពារបរិស្ថាន បានចុះត្រួតពិនិត្យ និងវាយតម្លៃផលប៉ះពាល់បរិស្ថានសម្រាប់គម្រោងអាជីវកម្មខ្សាច់បកចំនួន ០១ទីតាំង ស្ថិតក្នុងឃុំត្រពាំងជង ស្រុកបាកាន ខេត្តពោធិ៍សាត់។
សកម្មភាពអាជ្ញាធរ
ពលរដ្ឋភូមិជ្រៃក្រឹម យល់ព្រមបរិច្ចាគដី ដើម្បីពង្រីកផ្លូវថ្មីឱ្យធំទូលាយ
អភិបាលស្រុកតាលោសែនជ័យ បានដឹកនាំក្រុមការងារចុះសម្របសម្រួលករណីពលរដ្ឋធ្វើរបងចូលចំណីផ្លូវថ្មីនៅភូមិជ្រៃក្រឹម ដោយពលរដ្ឋបានយល់ព្រមបរិច្ចាគដី ដើម្បីឱ្យផ្លូវមានទទឹងធំទូលាយ។
សកម្មភាពថ្នាក់ដឹកនាំ
ឯកឧត្តម ពៅ ពិសិដ្ឋ ដឹកនាំកិច្ចប្រជុំផ្សព្វផ្សាយគម្រោងប្រព័ន្ធធារាសាស្ត្របន្ស៊ាំអាកាសធាតុ និងកសិកម្មប្រកបដោយនិរន្តរភាព (CAISAR)
ពោធិ៍សាត់៖ គណៈកម្មាធិការដឹកនាំគម្រោងបានរៀបចំ «កិច្ចប្រជុំផ្សព្វផ្សាយគម្រោងប្រព័ន្ធធារាសាស្ត្របន្ស៊ាំអាកាសធាតុ និងកសិកម្មប្រកបដោយនិរន្តរភាព និងភាពធន់ (CAISAR)» ជូនដល់ក្រុមការងារខេត្ត នាព្រឹកថ្ងៃទី២៤ ខែកក្កដា ឆ្នាំ២០២៦ ក្រោមអធិបតីភាព ឯកឧត្តម ពៅ ពិសិដ្ឋ អភិបាលរង នៃគណៈអភិបាលខេត្ត និងជាប្រធានក្រុមការងារគម្រោង។
ជំនួបផ្សព្វផ្សាយនេះធ្វើឡើងក្នុងគោលបំណងបង្កើនការយល់ដឹងពីផែនការសកម្មភាពគម្រោង ពង្រឹងកិច្ចសហការ និងរៀបចំយន្តការអនុវត្តការងារឱ្យមានប្រសិទ្ធភាព សំដៅឆ្លើយតបទៅនឹងការប្រែប្រួលអាកាសធាតុ និងលើកកម្ពស់ជីវភាពប្រជាកសិករក្នុងខេត្តឱ្យកាន់តែប្រសើរឡើង៕
ពាណិជ្ជកម្ម
មន្ទីរពាណិជ្ជកម្មខេត្តពោធិ៍សាត់ ប្រជុំបូកសរុបលទ្ធផលការងារប្រចាំខែកក្កដា ឆ្នាំ២០២៦
ពោធិ៍សាត់៖ មន្ទីរពាណិជ្ជកម្មខេត្តពោធិ៍សាត់ បានរៀបចំកិច្ចប្រជុំបូកសរុបលទ្ធផលការងារប្រចាំខែកក្កដា ឆ្នាំ២០២៦ ក្រោមការដឹកនាំដោយលោកស្រី ឈុន សេរីរ័ត្ន ប្រធានមន្ទីរពាណិជ្ជកម្មខេត្ត នៅព្រឹកថ្ងៃសុក្រ ទី២៤ ខែកក្កដា ឆ្នាំ២០២៦។
កិច្ចប្រជុំនេះ ត្រូវបានរៀបចំឡើងនៅសាលប្រជុំមន្ទីរពាណិជ្ជកម្មខេត្តពោធិ៍សាត់ ដោយមានការចូលរួមពីមន្ត្រីរាជការ និងថ្នាក់ដឹកនាំការិយាល័យចំណុះមន្ទីរ ដើម្បីពិនិត្យ និងវាយតម្លៃលើសមិទ្ធផលការងារដែលសម្រេចបាននាពេលកន្លងមក ព្រមទាំងពិភាក្សាលើបញ្ហាប្រឈម និងទិសដៅការងារដែលត្រូវអនុវត្តបន្ត ក្នុងគោលបំណងលើកកម្ពស់ប្រសិទ្ធភាពសេវាពាណិជ្ជកម្ម និងគាំទ្រដល់វិស័យពាណិជ្ជកម្មក្នុងខេត្តឱ្យកាន់តែមានភាពរីកចម្រើន៕
សកម្មភាពអាជ្ញាធរ
ឯកឧត្តម លៀង ពេជ្រ ចាត់ក្រុមការងារចុះសម្របសម្រួលដោះស្រាយបញ្ហាធ្វើដំណើរជូនប្រជាពលរដ្ឋនៅសង្កាត់ស្វាយអាត់
ពោធិ៍សាត់៖ ឯកឧត្តម លៀង ពេជ្រ បានចាត់តាំងក្រុមការងារ រួមសហការជាមួយអាជ្ញាធរក្រុង សង្កាត់ស្វាយអាត់ និងភូមិ ចុះពិនិត្យ និងសម្របសម្រួលដោះស្រាយបញ្ហាប្រឈមជាក់ស្តែង ដែលកំពុងបង្កការលំបាកដល់ការធ្វើដំណើររបស់ប្រជាពលរដ្ឋក្នុងមូលដ្ឋាន នៅថ្ងៃទី២៤ ខែកក្កដា ឆ្នាំ២០២៦។
តាមរយៈការចុះអន្តរាគមន៍ និងសម្របសម្រួលភ្លាមៗពីសំណាក់ក្រុមការងារ និងអាជ្ញាធរមូលដ្ឋាន បញ្ហាប្រឈមក្នុងការធ្វើដំណើររបស់ប្រជាពលរដ្ឋ ត្រូវបានដោះស្រាយបានជាស្ថាពរនៅថ្ងៃដដែលនោះ ដោយបានសម្រួលឱ្យការធ្វើដំណើរឡើងវិញប្រកបដោយភាពងាយស្រួល និងសុវត្ថិភាព។
ក្នុងឱកាសនោះដែរ ក្រុមការងារក៏បានសម្តែងនូវការថ្លែងអំណរគុណយ៉ាងជ្រាលជ្រៅចំពោះបងប្អូនប្រជាពលរដ្ឋទាំងអស់ ដែលបានផ្តល់កិច្ចសហការយ៉ាងល្អប្រសើរជាមួយអាជ្ញាធរ ដើម្បីឱ្យដំណើរការដោះស្រាយបញ្ហានេះទទួលបានលទ្ធផលជោគជ័យ និងទាន់ពេលវេលា៕
សកម្មភាពអាជ្ញាធរ
អាជ្ញាធរស្រុកក្រគរ ចុះរៀបចំសណ្តាប់ធ្នាប់ អនាម័យ និងសោភណភាព នៅផ្សារសាមគ្គីក្រគរ
ពោធិ៍សាត់៖ លោកស្រី មិត្ត សុភាព អភិបាលរង តំណាងលោកអភិបាលស្រុកក្រគរ បានដឹកនាំកម្លាំងចម្រះ ចុះពិនិត្យ និងរៀបចំសណ្តាប់ធ្នាប់ សោភណភាព អនាម័យ និងបរិស្ថាន នៅបរិវេណផ្សារសាមគ្គីក្រគរ និងការិយាល័យអប់រំ យុវជន និងកីឡាស្រុក នៅថ្ងៃទី២៤ ខែកក្កដា ឆ្នាំ២០២៦។
សកម្មភាពនេះ ធ្វើឡើងក្នុងគោលបំណងលើកកម្ពស់សោភណភាពទីប្រជុំជន សម្រួលដល់ការធ្វើដំណើរ និងការលក់ដូររបស់អាជីវករ ព្រមទាំងកាត់បន្ថយការចោលសំរាមគ្មានសណ្តាប់ធ្នាប់ ដើម្បីធានាបាននូវបរិស្ថានស្អាត និងសុខមាលភាពជូនប្រជាពលរដ្ឋក្នុងមូលដ្ឋាន។
ក្នុងឱកាសនោះដែរ ក្រុមការងារក៏បានធ្វើការអប់រំណែនាំ និងអំពាវនាវដល់អាជីវករ និងប្រជាពលរដ្ឋ ឱ្យចូលរួមវេចខ្ចប់ និងទុកដាក់សំរាមឱ្យបានត្រឹមត្រូវ ព្រមទាំងមិនត្រូវលក់ដូររំលោភលើចិញ្ចើមផ្លូវ ឬទ្រូងផ្លូវសាធារណៈឡើយ៕