ព័ត៌មានក្នុងខេត្ត

នៅថ្ងៃទី១៧ ខែមិថុនា ឆ្នាំ២០២៦ លោកស្រី ហេង សុធាវី បានដឹកនាំក្រុមការងារក្រុមហ៊ុន Yeo’s ចុះសួរសុខទុក្ខ និងនាំយកអំណោយជាភេសជ្ជៈ និងគ្រឿងឧបភោគបរិភោគទៅឧបត្ថម្ភដល់កងទ័ពដែលកំពុងឈរជើងនៅតំបន់ថ្មដា ស្រុកវាលវែង ខេត្ត ពោធិ៍សាត់។ អំណោយរួមមាន ភេសជ្ជៈ H Two O ចំនួន ២០០ កេស, Yeo’s Coffee ៥ កេសធំ និងផ្លែធុរេន ១៥០ គីឡូក្រាម។ កម្មវិធីនេះមានការចូលរួមពីអាជ្ញាធរមូលដ្ឋាន និងថ្នាក់ដឹកនាំកងទ័ពផងដែរ។

លោក ពៅ ពិសិដ្ឋ អភិបាលរងខេត្ត តំណាងឯកឧត្តមអភិបាលនៃគណៈអភិបាលខេត្តពោធិ៍សាត់ នារសៀលថ្ងៃទី១៦ខែមិថុនាឆ្នាំ២០២៦ បានដឹកនាំកិច្ចប្រជុំផែនការការពារ ធានាសន្តិសុខសណ្ដាប់ធ្នាប់ជាអចិន្ត្រៃយ៍ ជូនសម្ដេចអគ្គមហាសេនាបតីតេជោ ហ៊ុន សែន ប្រមុខរដ្ឋស្ដីទីនិងជាប្រធានព្រឹទ្ធសភា, សម្ដេចកិត្តិព្រឹទ្ធបណ្ឌិត ប៊ុន រ៉ានីហ៊ុន សែន ប្រធានកាកបាទក្រហមកម្ពុជា, សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា, លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ព្រមទាំងក្រុមគ្រួសាររបស់សម្ដេច ដែលនឹងធ្វើដំណើរឆ្លងកាត់ភូមិសាស្ត្រខេត្តពោធិ៍សាត់ ហៅកាត់ថា(ផែនការ P213)។

ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ បានចូលរួមកិច្ចប្រជុំពិភាក្សាតាមដានវឌ្ឍនភាពការងារ ប្រតិបត្តិការបង្ក្រាបករណីឆបោកតាមប្រព័ន្ធបច្ចេកវិទ្យា (Scams Online) ក្នុងភូមិសាស្ត្រខេត្តពោធិ៍សាត់ ជាមួយឯកឧត្តម ឌួង ឧត្តម សមាជិកលេខាធិការដ្ឋាន គ.ប.អ.ប និងជាប្រធានក្រុមការងារចម្រុះទី៣ តាមប្រព័ន្ធវីដេអូនិម្មិត Zoom នារសៀលថ្ងៃទី១៦ ខែមិថុនា ឆ្នាំ២០២៦ នៅសាលប្រជុំថ្មកែវ ជាន់ទី២ ៕

ឯកឧត្តម ខូយ រីដា អភិបាល នៃគណៈអភិបាលខេត្តពោធិ៍សាត់ បានអញ្ជើញចូលរួមកិច្ចប្រជុំប្រចាំខែ ដើម្បីតាមដានវឌ្ឍនភាពការងារបង្ក្រាបបទល្មើសឆបោកតាមប្រព័ន្ធបច្ចេកវិទ្យា (Online Scams) ក្រោមអធិបតីភាពដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ តាមរយៈប្រព័ន្ធវីដេអូហ៊្សូម នៅសាលប្រជុំថ្មកែវ ជាន់ទី២ សាលាខេត្តពោធិ៍សាត់ ព្រឹកថ្ងៃទី១៦ ខែមិថុនា ឆ្នាំ២០២៦នេះ៕

ពិធីខួបលើកទី២៥ ទិវាពិភពលោកប្រឆាំងពលកម្មកុមារ ១២ មិថុនា ក្រោមប្រធានបទ «ប្តេជ្ញាលុបបំបាត់ទម្រង់ធ្ងន់ធ្ងរ នៃពលកម្មកុមារនៅគ្រប់ខ្សែច្រវាក់ផលិតកម្ម ដើម្បីកសាងភាពធន និងការងារសមរម្យ» និងទិវាកុមារកម្ពុជា ឆ្នាំ២០២៦ ក្រោមអធិបតីភាព លោក រុន សារី អភិបាលរងនៃគណៈអភិបាលខេត្ត តំណាងដ៏ខ្ពង់ខ្ពស់ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់។

ក្រុមការងារចម្រុះតំណាងសាលាខេត្តពោធិ៍សាត់ អាជ្ញាធរស្រុក-ឃុំ និងកម្លាំងពាក់ព័ន្ធ បានអញ្ជើញចុះពិនិត្យដោយផ្ទាល់នូវវឌ្ឍនភាពនៃគម្រោងសាងសង់ផ្លូវលំក្រាលក្រួសក្រហម និងប្រព័ន្ធលូភ្លោះរំដោះទឹក ស្ថិតនៅក្នុងភូមិកណ្ដឹងមាស និងភូមិស្រែល្វា ស្រុកបាកាន ខេត្តពោធិ៍សាត់។

តំបន់សហគមន៍ទេសចរណ៍ «ទំនប់បង្ហៀរភ្នំទំព័រ» ដែលស្ថិតនៅក្នុងស្រុកវាលវែង ខេត្តពោធិ៍សាត់ នាពេលបច្ចុប្បន្ននេះ កំពុងតែដណ្ដប់ទៅដោយសម្រស់ធម្មជាតិបៃតងខ្ចីដ៏ស្រស់ត្រកាល និងបានក្លាយជាផ្ទាំងស៊ីឡូទាក់ទាញចិត្តស្រូបទាញភ្ញៀវទេសចរជាតិ និងអន្តរជាតិឱ្យមកទស្សនាកម្សាន្តយ៉ាងកុះករ។

លោក​ ធាង​ ឡេង​ អភិបាល​នៃគណៈ​អភិបាល​ស្រុក​ និង​មន្ត្រី​សាលា​ស្រុក​ នៅព្រឹក​ថ្ងៃទី​១៦​ ខែមិថុនា​ ឆ្នាំ២០២៦​ បាន​ប្រគេន​ ទេយ្យទាន​ និង​កូន​ក្ងោកចំនួន១០ដេីម ដល់​ព្រះ​ចៅអធិកា​រ វត្ត​ពោធិ៍ការាម ហៅវត្ត​ក្រពេីពីរ។

ចំពោះគណនីហ្វេសប៊ុក (Facebook) ឈ្មោះ Yean Sern Pottika បានរៀបរាប់ចុះផ្សាយថា «សូមប៉ូលីសខាងខេត្តពោធិ៍សាត់ជួយរកយុត្តិធម៌អោយខ្ញុំផង រស់នៅទាំងភាពភ័យខ្លាចមិន ហ៊ានធ្វើអីគេទេ ចង់ប្តឹងក៏គ្មានលុយប្តឹង»។ ក្រោយពីបានទទួលព័ត៌មាននេះភ្លាម លោក ណារ៉ា ចំរើន អភិបាល នៃគណៈអភិបាលស្រុកកណ្តៀង បានដឹកនាំអធិការនគរបាលស្រុក អាជ្ញាធរភូមិឃុំ ប៉ុស្តិ៍រដ្ឋបាលឃុំកណ្តៀង ចុះដល់ផ្ទះឈ្មោះ សុត ពិសី ដែល ត្រូវជាម្តាយទារកឈ្មោះ Yean Sern Pottika និងជាម្ចាស់គណនីខាងលើ ដើម្បីសាកសួរ និងបំភ្លឺជុំវិញ ហេតុការណ៍ដែលបានចុះផ្សាយខាងលើ និងទទួលបានលទ្ធផលដូចខាងក្រោម÷

វិទ្យាស្ថានពហុបច្ចេកទេសខេត្តពោធិ៍សាត់ ប្រារព្ធទិវាជាតិ TVET លើកទី៩ ក្រោមប្រធានបទ «ផ្តល់ជំនាញ ការងារ និងប្រាក់ចំណូល» យុវជនពោធិ៍សាត់កុំខកខាន! ជំនាញ TVET គឺជាសោរទ្វារបើកផ្លូវទៅកាន់ការងារ និងប្រាក់ចំណូលសមរម្យ។

ឯកឧត្តម ខូយ រីដា អភិបាលខេត្តពោធិ៍សាត់ អញ្ជើញជាអធិបតីក្នុងពិធីបិទវគ្គអប់រំនយោបាយ របស់គណបក្សខេត្ត កម្រិត១ ជំនាន់ទី៣៣ សម្រាប់មន្ត្រីគណបក្ស ខ២៦.២ នៅមន្ទីរគណបក្សខេត្ត ស្ថិតនៅសង្កាត់ព្រៃញី ក្រុងពោធិ៍សាត់ ខេត្តពោធិ៍សាត់ រសៀលថ្ងៃទី១៤ ខែមិថុនា ឆ្នាំ២០២៦៕

ឯកឧត្តម ខូយ រីដា អភិបាលខេត្តពោធិ៍សាត់ អញ្ជើញចូលរួមជាវាគ្មិនក្នុង"សិក្ខាសាលាចែករំលែកបទពិសោធន៍នៃការចូលរួមរបស់អាជ្ញាធរមូលដ្ឋាន ក្នុងការកសាងអង្គភាពផ្ដល់សេវាសាធារណៈគំរូក្នុងវិស័យអប់រំ និងវិស័យសុខាភិបាល" ស្ថិតក្រោមអធិបតីភាព ឯកឧត្តម យក់ ប៊ុនណា រដ្ឋលេខាធិការប្រចាំការក្រសួងមុខងារសាធារណៈ តាមរយៈប្រព័ន្ធអនឡាញ នៅសាលប្រជុំថ្មកែវ សាលាខេត្តពោធិ៍សាត់ ព្រឹកថ្ងៃទី១៥ ខែមិថុនា ឆ្នាំ២០២៦។