ព័ត៌មានក្នុងខេត្ត

អង្គប្រជុំបានអនុម័តលើកំណត់ហេតុកិច្ចប្រជុំសាមញ្ញលើកទី៥០ និងរបាយការណ៍រដ្ឋបាលឃុំប្រចាំខែកញ្ញា។ ជាមួយគ្នានេះ រដ្ឋបាលឃុំក៏បានពិភាក្សា និងរៀបចំផែនការការពារសន្តិសុខ សណ្តាប់ធ្នាប់សាធារណៈ ដើម្បីធានាសុវត្ថិភាពជូនប្រជាពលរដ្ឋក្នុងឱកាសពិធីបុណ្យភ្ជុំបិណ្ឌ និងបុណ្យកឋិនទាននាពេលខាងមុខផងដែរ

មន្ទីរបរិស្ថានខេត្តពោធិ៍សាត់បានផ្ដល់ធាតុចូលដល់យុវជន STEM វិទ្យាល័យពោធិ៍សាត់ លើគម្រោងប្រព័ន្ធបម្លែងសំណល់ទៅជាអគ្គិសនី ដើម្បីលើកកម្ពស់បរិស្ថានបៃតង និងបណ្តុះគំនិតច្នៃប្រឌិតរបស់យុវជន។

សេចក្ដី​បំភ្លឺ​ពត៌មាន​ រដ្ឋបាល​ស្រុក​វាលវែង​ មាន​កិត្តិយស​ សូម​បំភ្លឺ​ជូន​ដល់​សាធារណៈ​ជន​ និង​បណ្ដាញសង្គម​ផ្សព្វផ្សាយ​ពត៌មាន

រដ្ឋបាលស្រុកក្រគរបានចុះសម្អាតបរិស្ថាន និងរៀបចំផ្លាកសញ្ញាចាស់ៗតាមផ្លូវជាតិលេខ៥ ឃុំក្បាលត្រាច និងអន្សាចំបក់ ព្រមទាំងអំពាវនាវឱ្យប្រជាពលរដ្ឋជួយថែរក្សាអនាម័យមុខផ្ទះនិងទីតាំងអាជីវកម្ម ដើម្បីត្រៀមអបអរសាទរបុណ្យភ្ជុំបិណ្ឌនិងកឋិនទាន។

អំណោយដែលបាននាំយកមកចែកជូននាពេលនេះ គឺជាការយកចិត្តទុកដាក់ខ្ពស់ពីសំណាក់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលជានិច្ចកាលតែងតែគិតគូរពីសុខទុក្ខ និងជីវភាពរស់នៅរបស់បងប្អូនប្រជាពលរដ្ឋជួបការលំបាក និងរងគ្រោះដោយសារគ្រោះមហន្តរាយផ្សេងៗ ដោយមិនទុកឱ្យប្រជាពលរដ្ឋណាម្នាក់រងគ្រោះដោយអត់ស្បៀងអាហារនោះឡើយ។

លោក ចាន់ វិចិត្រ អភិបាលនៃគណៈអភិបាលស្រុកតាលោសែនជ័យ បានដឹកនាំក្រុមការងារលេខាធិការដ្ឋានស្រុក និងឃុំទាំងពីរ ចូលរួមកិច្ចប្រជុំតាមប្រព័ន្ធ ZOOM ជាមួយលេខាធិការដ្ឋានក្រុមការងាររាជរដ្ឋាភិបាលចុះមូលដ្ឋាន ដើម្បីណែនាំ និងពង្រឹងការរៀបចំរបាយការណ៍បូកសរុបលទ្ធផលការងារចុះមូលដ្ឋានប្រចាំឆ្នាំ២០២៦ និងកំណត់ទិសដៅការងារបន្ត។

ពោធិ៍សាត់៖ នៅមន្ទីរកសិកម្ម រុក្ខាប្រមាញ់ និងនេសាទខេត្តពោធិ៍សាត់ បានរៀបចំកិច្ចប្រជុំពិភាក្សាស្តីពី «ការចាត់តាំង និងពង្រឹងលើការងារប្រមូលទិន្នន័យស្ថិតិកសិកម្ម» ក្រោមកាដឹកនាំដោយ លោក ហ៊ន់ សុវណ្ណ អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្ត និងលោក អ៊ុក សុធា ប្រធានការិយាល័យផែនការ-គណនេយ្យ នៅថ្ងៃទី២៨ ខែកញ្ញា ឆ្នាំ២០២៦ នេះ។ កិច្ចប្រជុំនេះ មានការអញ្ជើញចូលរួមពីមន្ត្រីការិយាល័យធនធានធម្មជាតិ និងបរិស្ថាន ព្រមទាំងមន្ត្រីកសិកម្មឃុំ មកពីក្រុង-ស្រុកទាំង៦ នៃខេត្តពោធិ៍សាត់ សរុបចំនួន ៥០នាក់។ កិច្ចប្រជុំនេះ រៀបចំឡើងក្នុងគោលបំណងពង្រឹងសមត្ថភាព និងប្រសិទ្ធភាពការងារដល់មន្ត្រីកសិកម្មនៅថ្នាក់មូលដ្ឋាន ក្នុងការប្រមូលទិន្នន័យស្ថិតិកសិកម្មឱ្យបានគ្រប់ជ្រុងជ្រោយ ត្រឹមត្រូវ និងទាន់ពេលវេលា។ ការប្រមូលទិន្នន័យស្ថិតិកសិកម្មដែលច្បាស់លាស់ គឺជាមូលដ្ឋានគ្រឹះយ៉ាងសំខាន់សម្រាប់រៀបចំផែនការអភិវឌ្ឍន៍វិស័យកសិកម្ម ការព្យាករណ៍ផលដំណាំ និងការដាក់ចេញនូវវិធានការអន្តរាគមន៍ផ្សេងៗ ដើម្បីជួយគាំទ្រដល់បងប្អូនប្រជាកសិករក្នុងខេត្តពោធិ៍សាត់ ឱ្យកាន់តែមានប្រសិទ្ធភាពខ្ពស់៕

ក្នុងឱកាសនោះ លោកអភិបាលស្រុក បានណែនាំដល់ក្រុមហ៊ុនទទួលការ ឱ្យរៀបចំសម្អាតសោភ័ណភាពតាមបណ្តោយប្រឡាយឱ្យមានសណ្តាប់ធ្នាប់ និងចាក់បំពេញក្រួសក្រហមបន្ថែមតាមខ្នងលូឱ្យបានស្មើល្អ ដើម្បីជៀសវាងការដក់ទឹក និងធានាបាននូវគុណភាពសំណង់ប្រកបដោយប្រសិទ្ធភាពប្រើប្រាស់យូរអង្វែង។ ជាមួយគ្នានេះ លោកក៏បានចុះពិនិត្យប្រឡាយមួយចំនួនទៀត ដែលត្រូវដាក់បញ្ចូលក្នុងគម្រោងមូលនិធិឃុំសម្រាប់ឆ្នាំ២០២៧ ដើម្បីរៀបចំផែនការឆ្លើយតបទៅនឹងតម្រូវការជាក់ស្តែងរបស់ប្រជាពលរដ្ឋ។

ពោធិ៍សាត់៖ ក្រោមការដឹកនាំ និងបញ្ជាផ្ទាល់ពី លោក ផាយ ឡេង អភិបាល នៃគណៈអភិបាលក្រុងពោធិ៍សាត់ នៅថ្ងៃទី២៨ ខែកញ្ញា ឆ្នាំ២០២៦ នេះ ក្រុមការងារអនាម័យក្រុង បានចុះអនុវត្តយុទ្ធនាការសម្អាត បោសសំអាតដី និងប្រមូលសំណល់ផ្សេងៗយ៉ាងសកម្ម តាមកំណាត់ស្ពានថ្ម ដែលស្ថិតនៅតាមបណ្តោយខ្សែផ្លូវជាតិលេខ៥ ក្នុងដែនសមត្ថកិច្ចក្រុងពោធិ៍សាត់។ យុទ្ធនាការសម្អាតបរិស្ថាននេះ ធ្វើឡើងក្នុងគោលបំណងលើកកម្ពស់សោភ័ណភាពទីក្រុង ធានាបាននូវអនាម័យបរិស្ថានល្អប្រសើរ និងសម្រួលដល់ការធ្វើដំណើររបស់ប្រជាពលរដ្ឋ ប្រកបដោយសុវត្ថិភាព និងផាសុកភាព។ ជាមួយគ្នានេះ ការបោសសម្អាតដី និងខ្សាច់ដែលកកស្ទះតាមដងផ្លូវ និងស្ពាន ក៏ជួយកាត់បន្ថយគ្រោះថ្នាក់ចរាចរណ៍ដែលកើតឡើងជាយថាហេតុ និងជួយរក្សាសោភ័ណភាពក្រុងឱ្យមានភាពស្រស់ស្អាតជានិច្ច។ ក្នុងឱកាសនោះ អាជ្ញាធរក្រុង ក៏បានអំពាវនាវដល់បងប្អូនប្រជាពលរដ្ឋ អ្នកធ្វើដំណើរ និងអាជីវករទាំងអស់ ឱ្យចូលរួមចំណែកថែរក្សាអនាម័យបរិស្ថាន ដោយមិនត្រូវបោះចោលសំរាម ឬសំណល់ផ្សេងៗពាសវាលពាសកាលនៅលើដងផ្លូវ និងតាមស្ពានសាធារណៈឡើយ៕

ការចុះពិនិត្យនេះ ធ្វើឡើងបន្ទាប់ពីអគារសិក្សានៃសាលាបឋមសិក្សាធួនមុនី បានជួបប្រទះនូវស្ថានភាពទ្រុឌទ្រោម រប្រេះស្រាំជញ្ជាំង និងស្រុតគ្រឹះ ក្នុងរយៈពេលកន្លងមក ដែលទាមទារឱ្យមានការអន្តរាគមន៍ជួសជុលជាបន្ទាន់ ដើម្បីការពារគ្រោះថ្នាក់ផ្សេងៗ។

តបតាមអនុសាសន៍ណែនាំរបស់ លោកអភិបាលនៃគណៈអភិបាលក្រុងពោធិ៍សាត់ នាព្រឹកថ្ងៃទី២៨ ខែកញ្ញា ឆ្នាំ២០២៦ នេះ លោក កេង ចាន់ធឿន អភិបាលរងក្រុងពោធិ៍សាត់ បានដឹកនាំកិច្ចប្រជុំ និងចុះណែនាំការងាររៀបចំសោភ័ណភាព អនាម័យ និងសណ្តាប់ធ្នាប់សាធារណៈ ដោយបានតម្រង់ទិសដល់អាជ្ញាធរភូមិ-សង្កាត់ ព្រមទាំងប្រជាពលរដ្ឋរស់នៅក្នុងសង្កាត់ទាំង៧ ទូទាំងក្រុង។

ពោធិ៍សាត់៖ លោក គឹម តារា អភិបាលរងក្រុង តំណាងឱ្យលោក ផាយ ឡេង អភិបាលនៃគណៈអភិបាលក្រុង រួមដំណើរដោយក្រុមការងារបច្ចេកទេស បានចុះពិនិត្យផ្ទាល់លើការបញ្ចប់ការងារ ១០០% នៃគម្រោងសាងសង់ផ្លូវក្រាលក្រួសក្រហមចំនួន ២ខ្សែ និងលូទោលចំនួន ២កន្លែង ដែលស្ថិតនៅក្នុងភូមិទួលក្រួស និងភូមិបរវង្ស សង្កាត់ចំរើនផល ក្រុងពោធិ៍សាត់ ខេត្តពោធិ៍សាត់ កាលពីរសៀលថ្ងៃទី២៨ ខែកញ្ញា ឆ្នាំ២០២៦ ។ ការចុះពិនិត្យនាពេលនេះ ធ្វើឡើងដើម្បីធានាថាការសាងសង់ត្រូវបានអនុវត្តយ៉ាងត្រឹមត្រូវតាមបទដ្ឋានបច្ចេកទេស និងមានគុណភាពរឹងមាំ មុននឹងប្រគល់ជូនប្រជាពលរដ្ឋប្រើប្រាស់ជាផ្លូវការ។ គម្រោងហេដ្ឋារចនាសម្ព័ន្ធថ្មីនេះ នឹងជួយសម្រួលយ៉ាងខ្លាំងដល់ការធ្វើដំណើរ ដឹកជញ្ជូនកសិផល និងលើកកម្ពស់ជីវភាពរស់នៅរបស់ប្រជាពលរដ្ឋក្នុងភូមិទាំងពីរ ព្រមទាំងជួយរំដោះទឹក និងកាត់បន្ថយការលិចលង់ក្នុងរដូវវស្សាផងដែរ៕