ព័ត៌មានក្នុងខេត្ត

លេខាធិការដ្ឋានរៀបចំការបោះឆ្នោតខេត្តពោធិ៍សាត់ (លធ.ខប) បានបើកវគ្គបណ្តុះបណ្តាលជូនដល់មន្ត្រី និងភាគីពាក់ព័ន្ធ ដើម្បីពង្រឹងសមត្ថភាព និងធានាឱ្យដំណើរការពិនិត្យបញ្ជីឈ្មោះ និងចុះឈ្មោះបោះឆ្នោតឆ្នាំ២០២៦ ប្រព្រឹត្តទៅដោយរលូន ត្រឹមត្រូវ និងមានតម្លាភាព។

ពោធិ៍សាត់៖ លោក អ៊ន សុផល្លា អភិបាលស្រុកក្រគរ បានដឹកនាំមន្ត្រីរដ្ឋបាល អាជ្ញាធរ និងប្រជាពលរដ្ឋក្នុងមូលដ្ឋាន ឃុំក្បាលត្រាច ស្រុកក្រគរ ខេត្តពោធិ៍សាត់ បានអញ្ជើញចុះសកម្មភាពដាំកូនដើមក្ងោក ថែទាំដើមឈើ និងតុបតែងកាប់ឆ្ការមែកឈើតាមដងផ្លូវសាធារណៈ ប្រកបដោយបរិយាកាសស្និទ្ធស្នាល និងស្មារតីស្រឡាញ់បៃតង នារសៀលថ្ងៃទី២១ ខែកញ្ញា ឆ្នាំ២០២៦។ នៅក្នុងសកម្មភាពនោះ លោកអភិបាលស្រុកបានគូសបញ្ជាក់ថា ការដាំ និងថែទាំដើមឈើ គឺជាកិច្ចការដ៏មានសារៈសំខាន់ក្នុងការរួមចំណែកកែលម្អសោភ័ណភាពបរិស្ថាន ផ្តល់ម្លប់ និងបង្កើតបរិយាកាសខ្យល់អាកាសបរិសុទ្ធនៅក្នុងមូលដ្ឋាន។ ជាងនេះទៅទៀត សកម្មភាពតុបតែងមែកឈើក៏ធ្វើឡើងដើម្បីធានាបាននូវសុវត្ថិភាពក្នុងការធ្វើដំណើរ និងការពារបណ្តាញខ្សែភ្លើងផងដែរ។ ជាមួយគ្នានេះ លោកអភិបាលស្រុក ក៏បានធ្វើការអំពាវនាវយ៉ាងទទូចដល់បងប្អូនប្រជាពលរដ្ឋទាំងអស់ ក្រោមស្មារតីស្រឡាញ់ដើមឈើ សូមចូលរួមថែទាំ និងការពារដើមឈើរបស់យើងទាំងអស់គ្នា ដែលបានដាំរួចរាល់នៅតាមមូលដ្ឋានទូទាំងស្រុកក្រគរ ដើម្បីយើងរួមគ្នាបង្កើតបានជាសហគមន៍បៃតង ស្រស់ស្អាត និងគួរឱ្យចង់រស់នៅ៕​ ឈឹម ម៉ារីយ៉ាន

ពោធិ៍សាត់៖ លោក ធាម សុផាត អភិបាលស្រុកភ្នំក្រវាញ បានអញ្ជើញចុះពិនិត្យការងារអនាម័យ បរិស្ថាន និងសួរសុខទុក្ខដោយផ្ទាល់ដល់បងប្អូនអាជីវករ និងប្រជាពលរដ្ឋដែលកំពុងលក់ដូរ ស្ថិតនៅផ្សារបាក់ចិញ្ចៀន ក្នុងឃុំបាក់ចិញ្ចៀន ស្រុកភ្នំក្រវាញ ខេត្តពោធិ៍សាត់ កាលពីថ្ងៃទី២១ ខែកញ្ញា ឆ្នាំ២០២៦។ នៅក្នុងឱកាសចុះពិនិត្យនោះ លោកអភិបាលស្រុក បានដើរពិនិត្យមើលសភាពការណ៍ទូទៅ និងការរៀបចំសណ្តាប់ធ្នាប់នៅតាមកន្លែងលក់ដូរនីមួយៗ ព្រមទាំងបានយកចិត្តទុកដាក់សាកសួរពីសុខទុក្ខ ជីវភាពរស់នៅ និងមុខរបររកស៊ីរបស់បងប្អូនអាជីវករ។ លោក ធាម សុផាត បានក្រើនរំលឹក និងណែនាំដល់គណៈគ្រប់គ្រងផ្សារ អាជីវករ និងប្រជាពលរដ្ឋទាំងអស់ ឱ្យជួយថែរក្សាអនាម័យ បរិស្ថាន សោភ័ណភាព និងការទុកដាក់សំរាមឱ្យបានត្រឹមត្រូវ ដើម្បីធានាបាននូវសុខភាពអនាម័យល្អ ព្រមទាំងបង្កើតបរិយាកាសបរិសុទ្ធ និងមានសុវត្ថិភាពសម្រាប់អ្នកទិញ និងអ្នកលក់។ ជាមួយគ្នានេះ លោកក៏បានជំរុញឱ្យអាជ្ញាធរឃុំ និងគណៈគ្រប់គ្រងផ្សារ បន្តពង្រឹងការថែរក្សាសន្តិសុខ សណ្តាប់ធ្នាប់ និងរបៀបរៀបរយក្នុងផ្សារឱ្យបានល្អប្រសើរថែមទៀត៕ សាយយ័ន្ដ វុន្នីយ៉ា

ពោធិ៍សាត់៖ លោក ធាម សុផាត អភិបាលស្រុកភ្នំក្រវាញ បានដឹកនាំក្រុមការងារចុះពិនិត្យការងាររដ្ឋបាលទូទៅ ព្រមទាំងសកម្មភាពចុះតុបតែង និងកាប់ឆ្កៀលមែកឈើតាមដងផ្លូវសាធារណៈ ក្នុងភូមិសាស្ត្រឃុំបាក់ចិញ្ចៀន ស្រុកភ្នំក្រវាញ ខេត្តពោធិ៍សាត់ កាលពីថ្ងៃទី២១ ខែកញ្ញា ឆ្នាំ២០២៦។ នៅក្នុងឱកាសចុះពិនិត្យផ្ទាល់នោះ លោកអភិបាលស្រុក បានលើកឡើងថា ការចុះតុបតែងមែកឈើនេះ គឺធ្វើឡើងដើម្បីលើកកម្ពស់សោភ័ណភាពបរិស្ថាន អនាម័យ និងជាពិសេសធានាដល់សុវត្ថិភាពក្នុងការធ្វើដំណើររបស់ប្រជាពលរដ្ឋ ព្រមទាំងការពារកុំឱ្យមានការប៉ះពាល់ដល់បណ្តាញខ្សែភ្លើង ឬបង្កហានិភ័យផ្សេងៗក្នុងរដូវភ្លៀងធ្លាក់និងខ្យល់កន្ត្រាក់។ ជាមួយគ្នានេះ លោក ធាម សុផាត ក៏បានថ្លែងអំណរគុណ និងកោតសរសើរដល់អាជ្ញាធរឃុំបាក់ចិញ្ចៀន កងកម្លាំងមានសមត្ថកិច្ច និងក្រុមការងារពាក់ព័ន្ធទាំងអស់ ដែលបានខិតខំប្រឹងប្រែងបំពេញតួនាទីយ៉ាងសកម្មក្នុងការបម្រើផលប្រយោជន៍ និងឆ្លើយតបចំពោះសំណូមពររបស់ប្រជាពលរដ្ឋក្នុងមូលដ្ឋាន។ លោកក៏បានជំរុញឱ្យអាជ្ញាធរមូលដ្ឋានបន្តយកចិត្តទុកដាក់លើការពង្រឹងសេវាសាធារណៈ ការរក្សាសន្តិសុខ សណ្តាប់ធ្នាប់ និងការអនុវត្តឱ្យបានល្អប្រសើរនូវគោលនយោបាយ ភូមិ-ឃុំ-សង្កត់មានសុវត្ថិភាព ផងដែរ៕សាយយ័ន្ដ​ វុន្នីយ៉ា

រដ្ឋបាលក្រុងពោធិ៍សាត់ សហការជាមួយសាលាអនុគណក្រុង បានរៀបចំ «កិច្ចប្រជុំគណៈបញ្ជាការឯកភាពរដ្ឋបាលក្រុង» ស្តីពីការរៀបចំវត្តអារាមក្នុងឱកាសពិធីបុណ្យកាន់បិណ្ឌ និងភ្ជុំបិណ្ឌ ដើម្បីត្រៀមលក្ខណៈសម្បត្តិ និងដោះស្រាយបញ្ហាប្រឈមផ្សេងៗ នាថ្ងៃទី២១ ខែកញ្ញា ឆ្នាំ២០២៦។

ពោធិ៍សាត់៖ ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ បានអញ្ជើញជាអធិបតីក្នុងជំនួបសំណេះសំណាល សួរសុខទុក្ខ និងលើកទឹកចិត្តដល់លោកគ្រូ អ្នកគ្រូ ប្រមាណ ៩០នាក់ នៃវិទ្យាល័យបាកាន នាព្រឹកថ្ងៃទី២១ ខែកញ្ញា ឆ្នាំ២០២៦ នៅសាលប្រជុំវិទ្យាល័យបាកាន ។ ជំនួបនេះធ្វើឡើងក្នុងគោលបំណងផ្លាស់ប្តូរមតិយោបល់ ស្តាប់នូវស្ថានភាពការងារជាក់ស្តែង ព្រមទាំងបញ្ហាប្រឈមនានាដែលលោកគ្រូ អ្នកគ្រូកំពុងជួបប្រទះ ក្នុងន័យរួមគ្នាសហការស្វែងរកដំណោះស្រាយ ដើម្បីលើកកម្ពស់គុណភាព និងប្រសិទ្ធភាពនៃវិស័យអប់រំក្នុងស្រុកឱ្យកាន់តែប្រសើរឡើង។ ក្នុងឱកាសនោះ ឯកឧត្តមអភិបាលខេត្ត បានសម្តែងនូវការកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែង និងលះបង់របស់លោកគ្រូ អ្នកគ្រូទាំងអស់ក្នុងការផ្ទេរចំណេះដឹង និងអប់រំពត់ពត់សិស្សានុសិស្ស។ ឯកឧត្តមក៏បានគូសបញ្ជាក់ អំពីសារៈសំខាន់នៃកិច្ចសហការគ្នាយ៉ាងជិតស្និទ្ធ រវាងអាជ្ញាធរដែនដី និងស្ថាប័នអប់រំ ក្រោមស្មារតី «រួមគ្នា ដើម្បីគុណភាពអប់រំ និងអនាគតកុមារកម្ពុជា»៕

ពោធិ៍សាត់៖ លោក ឆាយ គឹមម៉ុង អភិបាលស្រុកបាកាន នារសៀលថ្ងៃទី២១ ខែកញ្ញា ឆ្នាំ២០២៦ បានអញ្ជើញចុះពិនិត្យទីតាំងផ្សារស្វាយដូនកែវ ស្ថិតក្នុងឃុំស្វាយដូនកែវ ស្រុកបាកាន ខេត្តពោធិ៍សាត់ ដែលត្រូវត្រៀមរៀបចំជួសជុលនាពេលឆាប់ៗខាងមុខនេះ។ ការចុះពិនិត្យផ្ទាល់នេះ ធ្វើឡើងក្នុងគោលបំណងរៀបចំសណ្តាប់ធ្នាប់សាធារណៈ លើកកម្ពស់បរិស្ថាន និងអនាម័យជុំវិញផ្សារ ព្រមទាំងសម្រួលដល់ការលក់ដូររបស់បងប្អូនអាជីវករ និងការធ្វើដំណើរទិញទំនិញរបស់ប្រជាពលរដ្ឋឱ្យកាន់តែមានរបៀបរៀបរយ ងាយស្រួល និងមានសុវត្ថិភាពជាងមុន។ ក្នុងឱកាសនោះ អាជ្ញាធរស្រុកបានគូសបញ្ជាក់ពីការយកចិត្តទុកដាក់ចំពោះសុខទុក្ខ និងជីវភាពរស់នៅរបស់ប្រជាពលរដ្ឋ ជាពិសេសការបង្កើតបរិស្ថានលក់ដូរមួយដែលមានអនាម័យ និងសណ្តាប់ធ្នាប់ល្អប្រសើរសម្រាប់ទាំងអស់គ្នា៕

នាព្រឹកថ្ងៃទី២១ ខែកញ្ញា ឆ្នាំ២០២៦ នៅទីស្តីការក្រសួងប្រៃសណីយ៍ និងទូរគមនាគមន៍ ពិធីប្រកាសដាក់ឱ្យប្រើប្រាស់ជាផ្លូវការនូវ «គេហទំព័រមន្ទីរព័ត៌មានរាជធានី-ខេត្ត» ត្រូវបានរៀបចំឡើងយ៉ាងមហោឡារិក ក្រោមអធិបតីភាពដ៏ខ្ពង់ខ្ពស់របស់ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន និង ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍។

ពោធិ៍សាត់៖ លោក ឆាយ គឹមម៉ុង អភិបាលនៃគណៈអភិបាលស្រុកបាកាន បានអញ្ជើញចុះពិនិត្យទីតាំងផ្សារស្វាយដូនកែវ ស្ថិតក្នុងឃុំស្វាយដូនកែវ ស្រុកបាកាន ខេត្តពោធិ៍សាត់ ដែលត្រូវរៀបចំដំណើរការជួសជុលកែលម្អនាពេលឆាប់ៗខាងមុខនេះ នារសៀលថ្ងៃទី២១ ខែកញ្ញា ឆ្នាំ២០២៦។ សកម្មភាពចុះពិនិត្យនេះ ធ្វើឡើងក្នុងគោលបំណងរៀបចំសណ្តាប់ធ្នាប់សាធារណៈ លើកកម្ពស់អនាម័យ បរិស្ថានក្នុងផ្សារ និងសម្រួលដល់ការលក់ដូររបស់បងប្អូនអាជីវករ ក៏ដូចជាប្រជាពលរដ្ឋដែលមកជាវទំនិញ ឱ្យកាន់តែមានរបៀបរៀបរយ ភាពងាយស្រួល និងសុវត្ថិភាពជាងមុន៕ឃឹម ស្រីនាវ

លោក អ៊ន សុផល្លា អភិបាលស្រុកក្រគរ ដឹកនាំកិច្ចប្រជុំប្រចាំខែកញ្ញា ដោយណែនាំឱ្យអាជ្ញាធរមូលដ្ឋានពង្រឹងការងារអាទិភាពចំនួន ៨ សន្តិសុខ និងច្បាប់, ពង្រឹង ភូមិ-ឃុំ មានសុវត្ថិភាព និងចាត់វិធានការលើការលែងសត្វពាហនៈពាសវាលពាសកាល។ បរិស្ថាន និងសភ័ណភាព, លុបបំបាត់សំរាម, បន្តដាំដើមឈើ, កាត់ស្មៅតាក់តែងដើមឈើតាមផ្លូវជាតិលេខ ៥ និងថែរក្សាអនាម័យ-បន្ទប់ទឹកតាមសាលារៀន។ គ្រប់គ្រង និងអភិរក្ស ពង្រឹងការគ្រប់គ្រងមូលនិធិឃុំ-សង្កាត់ និងបង្កើនការការពារធនធានធម្មជាតិ។

ពិធីប្រកាសដាក់ឱ្យប្រើប្រាស់ជាផ្លូវការនូវ «គេហទំព័រមន្ទីរព័ត៌មានរាជធានី-ខេត្ត» ត្រូវបានរៀបចំឡើងយ៉ាងអធិកអធម ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ និង ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន នៅទីស្តីការក្រសួងប្រៃសណីយ៍ និងទូរគមនាគមន៍ នាថ្ងៃទី២១ ខែកញ្ញា ឆ្នាំ២០២៦។

អភិបាលក្រុងពោធិ៍សាត់ និងជាប្រធានសមាគមអតីតយុទ្ធជន និងនិវត្តជនកម្ពុជា ក្រុងពោធិ៍សាត់ បានដឹកនាំកិច្ចប្រជុំបូកសរុបលទ្ធផលការងារចែកបណ្ណមូលនិធិសមធម៌សុខាភិបាល (ម.ស.ស) ជូនគ្រួសារអតីតយុទ្ធជន និងនិវត្តជនចំនួន ៨១ គ្រួសារ ដើម្បីជួយសម្រួលដល់ការថែទាំសុខភាព និងលើកកម្ពស់ជីវភាពរស់នៅរបស់ពួកគាត់។