ព័ត៌មានក្នុងខេត្ត
ទាំងអស់សេចក្តីជូនដំណឹងសេចក្តីប្រកាសព័ត៌មានសកម្មភាពថ្នាក់ដឹកនាំសកម្មភាពអាជ្ញាធរនយោបាយកសិកម្មទេសចរណ៍ពាណិជ្ជកម្មបទយកការណ៍សិល្បៈនិងវប្បធម៌សន្តិសុខសង្គមអប់រំ និងកីឡាសុខាភិបាលបរិស្ថានការអភិវឌ្ឍគ្រោះធម្មជាតិធនធានទឹក និងឧតុនិយម

សកម្មភាពអាជ្ញាធរ
រដ្ឋបាលសង្កាត់ផ្ទះព្រៃ ដឹកនាំកម្លាំងចម្រុះចុះថែទាំ និងតុបតែងដើមក្ងោកតាមដងផ្លូវវាងក្រុងពោធិ៍សាត់
ពោធិ៍សាត់៖ លោក ប៉ិច ស៊ីផាន់ ចៅសង្កាត់ផ្ទះព្រៃ បានដឹកនាំកម្លាំងចម្រុះរួមមាន សមាជិកក្រុមប្រឹក្សាសង្កាត់ ប៉ុស្តិ៍នគរបាលរដ្ឋបាលសង្កាត់ មេភូមិទាំង១៣ ប្រជាការពារភូមិ និងក្រុមទ្រទ្រង់សុខភាពភូមិ ចុះធ្វើសកម្មភាពថែទាំបរិស្ថាន និងសោភណភាពយ៉ាងសកម្ម នាថ្ងៃអាទិត្យ ទី៥ ខែកក្កដា ឆ្នាំ២០២៦ ។
ក្នុងយុទ្ធនាការនេះ ក្រុមការងារបានរួមគ្នាចុះតុបតែង ស្រោចទឹក និងជ្រោយដីជុំវិញគល់ដើមក្ងោកដែលបានដាំរួច ដើម្បីជួយឱ្យរុក្ខជាតិលម្អទាំងនោះលូតលាស់បានល្អ នៅតាមបណ្តោយដងផ្លូវវាងក្រុង ក្នុងគោលបំណងលើកកម្ពស់សោភណភាព និងបង្កើតគម្របបៃតងទាក់ទាញប្រចាំក្រុងពោធិ៍សាត់៕


សកម្មភាពអាជ្ញាធរ
លោក ធាង ឡេង អភិបាលស្រុកវាលវែង អញ្ជើញបើកវិញ្ញាសាប្រឡងឌីប្លូម នៅមណ្ឌលវិទ្យាល័យ ហ៊ុន សែន ប្រម៉ោយ
ពោធិ៍សាត់៖ លោក ធាង ឡេង អភិបាលនៃគណៈអភិបាលស្រុកវាលវែង បានអញ្ជើញជាអធិបតីភាពក្នុងការបើកកាត់វិញ្ញាសាប្រឡងសញ្ញាបត្រមធ្យមសិក្សាបឋមភូមិ (ឌីប្លូម) ជូនដល់បេក្ខជន នៅមណ្ឌលប្រឡងវិទ្យាល័យ ហ៊ុន សែន ប្រម៉ោយ ស្រុកវាលវែង ខេត្តពោធិ៍សាត់ នាព្រឹកថ្ងៃទី០៦ ខែកក្កដា ឆ្នាំ២០២៦ ។
ពិធីនេះក៏មានការអញ្ជើញចូលរួមពីលោកអភិបាលរងស្រុក លោកនាយករងរដ្ឋបាលសាលាស្រុក លោក-លោកស្រីប្រធានការិយាល័យជុំវិញស្រុក រួមទាំងលោកគ្រូ-អ្នកគ្រូផងដែរ ដើម្បីធានាឱ្យដំណើរការប្រឡងប្រព្រឹត្តទៅដោយរលូន ត្រឹមត្រូវ យុត្តិធម៌ និងមានសណ្តាប់ធ្នាប់ល្អ៕


សកម្មភាពអាជ្ញាធរ
លោក ចាន់ វិចិត្រ អភិបាលស្រុកតាលោសែនជ័យ អញ្ជើញបើកវិញ្ញាសាប្រឡងឌីប្លូម នៅមណ្ឌលអនុវិទ្យាល័យតាលោ
ពោធិ៍សាត់៖ លោក ចាន់ វិចិត្រ អភិបាលនៃគណៈអភិបាលស្រុកតាលោសែនជ័យ បានអញ្ជើញជាអធិបតីក្នុងការបើកកាត់វិញ្ញាសាប្រឡងសញ្ញាបត្រមធ្យមសិក្សាបឋមភូមិ (ឌីប្លូម) ជូនដល់បេក្ខជន នៅមណ្ឌលប្រឡងអនុវិទ្យាល័យតាលោ ស្ថិតក្នុងឃុំតាលោ ស្រុកតាលោសែនជ័យ ខេត្តពោធិ៍សាត់ នាព្រឹកថ្ងៃទី៦ ខែកក្កដា ឆ្នាំ២០២៦។
ការអញ្ជើញចុះពិនិត្យ និងបើកវិញ្ញាសាផ្ទាល់ពីសំណាក់លោកអភិបាលស្រុក គឺដើម្បីធានាឱ្យដំណើរការប្រឡងប្រព្រឹត្តទៅដោយរលូន ស្របតាមគោលការណ៍ច្បាប់ យុត្តិធម៌ តម្លាភាព និងដើម្បីផ្ដល់កម្លាំងចិត្តដល់បេក្ខជនទាំងអស់ឱ្យខិតខំប្រឹងប្រែងប្រឡងឱ្យបានជោគជ័យ៕


សកម្មភាពអាជ្ញាធរ
លោក អ៊ន សុផល្លា ត្រូវបានផ្លាស់ប្តូរពីអភិបាលរងស្រុកកណ្តៀង ទៅជាអភិបាលនៃគណៈអភិបាលស្រុកក្រគរ
លោក អ៊ន សុផល្លា ត្រូវបានផ្លាស់ប្តូរពីអភិបាលរងស្រុកកណ្តៀង ទៅជាអភិបាលនៃគណៈអភិបាលស្រុកក្រគរ។


សកម្មភាពអាជ្ញាធរ
មន្ទីរសាធារណការខេត្តពោធិ៍សាត់ បើកកិច្ចប្រជុំបូកសរុបលទ្ធផលការងារឆមាសទី១ និងលើកទិសដៅបន្តសម្រាប់ឆមាសទី២
ពោធិ៍សាត់៖ មន្ទីរសាធារណការ និងដឹកជញ្ជូនខេត្តពោធិ៍សាត់ បានរៀបចំកិច្ចប្រជុំបូកសរុបលទ្ធផលការងារប្រចាំឆមាសទី១ និងលើកទិសដៅការងារបន្តឆមាសទី២ ឆ្នាំ២០២៦ ក្រោមអធិបតីភាព លោក ស៊ឹម សង្វាពិសិដ្ឋ ប្រធានមន្ទីរសាធារណការ និងដឹកជញ្ជូនខេត្ត នារសៀលថ្ងៃទី០៣ ខែកក្កដា ឆ្នាំ២០២៦ ។
កិច្ចប្រជុំនេះមានការអញ្ជើញចូលរួមពី លោកអនុប្រធានមន្ទីរ លោក-លោកស្រីប្រធានការិយាល័យ ព្រមទាំងមន្ត្រីរាជការទូទាំងមន្ទីរ ដើម្បីរួមគ្នាពិនិត្យ វាយតម្លៃលើសមិទ្ធផលការងារដែលសម្រេចបានកន្លងមក ពិភាក្សាលើបញ្ហាប្រឈម និងដាក់ចេញនូវទិសដៅយុទ្ធសាស្ត្រថ្មីៗ សំដៅពង្រឹងគុណភាពហេដ្ឋារចនាសម្ព័ន្ធផ្លូវថ្នល់ និងសេវាសាធារណៈក្នុងខេត្តឱ្យកាន់តែប្រសើរឡើង៕


សកម្មភាពអាជ្ញាធរ
រដ្ឋបាលស្រុកតាលោសែនជ័យ បើកកិច្ចប្រជុំត្រួតពិនិត្យលទ្ធផលការងារ ដើម្បីពង្រឹងប្រសិទ្ធភាពការងារបម្រើប្រជាពលរដ្ឋ
ពោធិ៍សាត់៖ លោក ចាន់ វិចិត្រ អភិបាលនៃគណៈអភិបាលស្រុកតាលោសែនជ័យ បានអញ្ជើញដឹកនាំកិច្ចប្រជុំត្រួតពិនិត្យ និងវាយតម្លៃលើវឌ្ឍនភាពការងារកន្លងមក ព្រមទាំងដាក់ចេញនូវទិសដៅការងារបន្ត នៅសាលប្រជុំសាលាស្រុកតាលោសែនជ័យ នាព្រឹកថ្ងៃសុក្រ ទី៣ ខែកក្កដា ឆ្នាំ២០២៦ នេះ ។
កិច្ចប្រជុំនេះរៀបចំឡើងក្នុងគោលបំណងតាមដានរាល់លទ្ធផលការងារដែលរដ្ឋបាលស្រុកសម្រេចបាន ពិភាក្សាលើបញ្ហាប្រឈមនានាដែលបានជួបប្រទះ និងស្វែងរកដំណោះស្រាយឱ្យបានទាន់ពេលវេលា។ ជាមួយគ្នានោះដែរ លោកអភិបាលស្រុកបានណែនាំ និងជំរុញឱ្យមន្ត្រីរាជការ កងកម្លាំងប្រដាប់អាវុធ និងអាជ្ញាធរមូលដ្ឋានទាំងអស់ បន្តខិតខំប្រឹងប្រែងយកចិត្តទុកដាក់បំពេញតួនាទីភារកិច្ច និងផ្តល់សេវាសាធារណៈជូនបងប្អូនប្រជាពលរដ្ឋឱ្យកាន់តែមានប្រសិទ្ធភាព តម្លាភាព និងលឿនរហ័ស៕


សកម្មភាពអាជ្ញាធរ
ពិធីប្រកាសតែងតាំងសមាសភាពសាខាសមាគមអតីតយុទ្ធជន និងនិវត្តជន តាមឃុំនានាក្នុងស្រុកបាកាន
ពោធិ៍សាត់៖ លោក ឆាយ គឹមម៉ុង អភិបាលនៃគណៈអភិបាលស្រុកបាកាន និងជាប្រធានគណៈកម្មាធិការសមាគមអតីតយុទ្ធជន និងនិវត្តជនស្រុក បានអញ្ជើញជាអធិបតីក្នុងពិធីប្រកាសតែងតាំងសមាសភាពសាខាសមាគមអតីតយុទ្ធជន និងនិវត្តជនកម្ពុជា តាមបណ្តាឃុំនានាទូទាំងស្រុកបាកាន ខេត្តពោធិ៍សាត់ នារសៀលថ្ងៃទី៣ ខែកក្កដា ឆ្នាំ២០២៦ ។
ពិធីនេះធ្វើឡើងក្នុងគោលបំណងពង្រឹងរចនាសម្ព័ន្ធដឹកនាំរបស់សមាគមនៅតាមមូលដ្ឋាន ឃុំ ភូមិ ដើម្បីបង្កើនប្រសិទ្ធភាពក្នុងការផ្សារភ្ជាប់ទំនាក់ទំនង ព្រមទាំងការយកចិត្តទុកដាក់មើលថែទាំ សុខទុក្ខ និងផ្តល់សេវាគាំពារផ្សេងៗ ជូនដល់បងប្អូនអតីតយុទ្ធជន និងនិវត្តជន ដែលជាអ្នកមានគុណបំណាច់ចំពោះជាតិមាតុភូមិ ឱ្យបានកាន់តែល្អប្រសើរ និងទាន់ពេលវេលា៕


សកម្មភាពអាជ្ញាធរ
ប្រកាសបិទផ្សាយជាសាធារណៈនូវឯកសារវិនិច្ឆ័យទិន្នន័យក្បាលដី ៤ភូមិ ដើម្បីធានាសុវត្ថិភាពដីធ្លីជូនប្រជាពលរដ្ឋ
លោក ហេង សុភាណា អភិបាលរងខេត្តពោធិ៍សាត់ ចូលរួមពិធីបិទប្រកាសផ្សាយជាសាធារណៈនូវឯកសារវិនិច្ឆ័យទិន្នន័យក្បាលដីចំនួន ៤.៤៨៥ ក្បាលដី ក្នុងស្រុកភ្នំក្រវាញ នៅវត្តព្រៃខ្លុង ដោយមានប្រជាពលរដ្ឋជាម្ចាស់ដីប្រមាណ ៦០០ នាក់។ ការចុះបញ្ជីដីធ្លីលក្ខណៈជាប្រព័ន្ធក្នុងភូមិទាំង៤ (ព្រៃស្មាច់ ព្រៃខ្លុង មល់ និងវាលវង់) មានប្រជាពលរដ្ឋពាក់ព័ន្ធចំនួន ១.៩៩០ គ្រួសារ។


សកម្មភាពអាជ្ញាធរ
ថ្នាក់ដឹកនាំស្រុកកណ្ដៀង អញ្ជើញជាអធិបតីក្នុងពិធីប្រកាសតែងតាំងសមាសភាពសាខាសមាគមអតីតយុទ្ធជន និងនិវត្តជនកម្ពុជា
ពោធិ៍សាត់៖ ស្រុកកណ្ដៀងបានរៀបចំពិធីប្រកាសតែងតាំងសមាសភាពសាខាសមាគមអតីតយុទ្ធជន និងនិវត្តជនកម្ពុជា គ្រប់ឃុំទូទាំងស្រុក នាថ្ងៃទី៣ ខែកក្កដា ឆ្នាំ២០២៦ ក្រោមអធិបតីភាព លោក សុខ លីមុត ប្រធានក្រុមប្រឹក្សាស្រុកកណ្ដៀង និងលោក ណារ៉ា ចំរើន អភិបាលនៃគណៈអភិបាលស្រុកកណ្ដៀង។
ពិធីនេះត្រូវបានរៀបចំឡើងដើម្បីពង្រឹងរចនាសម្ព័ន្ធដឹកនាំ និងយន្តការការងាររបស់សមាគមនៅតាមមូលដ្ឋាន ក្នុងគោលបំណងលើកកម្ពស់ការយកចិត្តទុកដាក់ មើលថែទាំសុខទុក្ខ និងផ្តល់សេវាគាំពារនានាជូនដល់បងប្អូនអតីតយុទ្ធជន និងនិវត្តជន ដែលជាអ្នកមានគុណបំណាច់ចំពោះជាតិមាតុភូមិ ឱ្យកាន់តែមានប្រសិទ្ធភាព និងទាន់ពេលវេលា។
ថ្នាក់ដឹកនាំស្រុកបានសម្តែងនូវការកោតសរសើរ និងវាយតម្លៃខ្ពស់ចំពោះសមាសភាពថ្មី និងបានជំរុញឱ្យសមាជិកទាំងអស់ជួយជ្រោមជ្រែង ដោះស្រាយរាល់ការលំបាករបស់បងប្អូនអតីតយុទ្ធជននៅតាមឃុំនីមួយៗដោយស្មារតីទទួលខុសត្រូវខ្ពស់៕


សកម្មភាពអាជ្ញាធរ
រដ្ឋបាលសង្កាត់ផ្ទះព្រៃ បើកកិច្ចប្រជុំសាមញ្ញក្រុមប្រឹក្សាសង្កាត់ លើកទី៤៥ អាណត្តិទី៥
កិច្ចប្រជុំនេះមានសមាសភាពចូលរួមសរុបរួមមាន៖ សមាជិកក្រុមប្រឹក្សាសង្កាត់ចំនួន ០៩រូប, សមាជិកក្រុមប្រឹក្សាក្រុង ០២រូប, តំណាងប៉ុស្តិ៍នគរបាលរដ្ឋបាលសង្កាត់, ស្មៀន, ជំនួយការ, មេភូមិ-អនុភូមិ និងសមាជិកភូមិទាំង១៣, មន្ត្រីកសិកម្មសង្កាត់ ព្រមទាំងអ្នកគ្រូមតេ្តយ្យសហគមន៍ភូមិដង្គារ។


សកម្មភាពអាជ្ញាធរ
កិច្ចប្រជុំសាមញ្ញលើកទី២៦ របស់ក្រុមប្រឹក្សាស្រុក អាណត្តិទី៤
(ពោធិ៍សាត់)៖ កិច្ចប្រជុំសាមញ្ញលើកទី២៦ អាណត្តិទី៤ របស់ក្រុមប្រឹក្សាស្រុកភ្នំក្រវាញ ក្រោមអធិបតីភាព លោក សោម វិសាល ប្រធានក្រុមប្រឹក្សាស្រុក នាព្រឹកថ្ងៃទី៣ ខែកក្កដា ឆ្នាំ២០២៦ នេះ នៅសាលប្រជុំសាលាស្រុកភ្នំក្រវាញ ។
កិច្ចប្រជុំនេះ ក៏មានការអញ្ជើញចូលរួមជាកិត្តិយសពីសំណាក់ លោកជំទាវ ថោ សុធា សមាជិកាក្រុមប្រឹក្សាខេត្តពោធិ៍សាត់ ព្រមទាំងមានការចូលរួមពីថ្នាក់ដឹកនាំស្រុក និងមន្ត្រីពាក់ព័ន្ធជាច្រើនរូបទៀត ដើម្បីពិនិត្យ និងពិភាក្សាលើរបៀបវារៈសំខាន់ៗ ក្នុងការជំរុញការងារអភិវឌ្ឍន៍ និងបម្រើសេវាជូនប្រជាពលរដ្ឋក្នុងមូលដ្ឋាន៕


សកម្មភាពអាជ្ញាធរ
រដ្ឋបាលស្រុកវាលវែង ឧបត្ថម្ភគ្រឿងឧបភោគបរិភោគ និងថវិកា ដល់ស្ត្រីទុរគត
វាលវែង៖ លោក ធាង ឡេង អភិបាលនៃគណៈអភិបាលស្រុកវាលវែង រួមជាមួយមន្ត្រីរាជការសាលាស្រុក បាននាំយកគ្រឿងឧបភោគបរិភោគ និងថវិកាមួយចំនួន ទៅឧបត្ថម្ភជូនប្រជាពលរដ្ឋខ្វះខាតម្នាក់ ឈ្មោះ ឆេង ពេញ ភេទស្រី អាយុ ៤២ឆ្នាំ ដែលបច្ចុប្បន្នកំពុងពរពោះកូនទី៧ និងមានស្ថានភាពគ្រួសារជួបការលំបាកយ៉ាងខ្លាំង នាព្រឹកថ្ងៃទី០២ ខែកក្កដា ឆ្នាំ២០២៦ ។
គ្រួសារខាងលើនេះ បច្ចុប្បន្នរស់នៅភូមិឧបសម្ព័ន្ធទួលគ្រួស ក្នុងភូមិស្ទឹងថ្មី ឃុំប្រម៉ោយ ស្រុកវាលវែង ខេត្តពោធិ៍សាត់។ ការចុះជួយអន្តរាគមន៍ឧបត្ថម្ភជាស្បៀង និងថវិកានេះ គឺដើម្បីជួយសម្រាលការលំបាក និងទំនុកបម្រុងដល់សុខុមាលភាពរបស់មាតា និងទារកក្នុងផ្ទៃ ស្របតាមការយកចិត្តទុកដាក់ខ្ពស់របស់ថ្នាក់ដឹកនាំស្រុក លើការរស់នៅរបស់ប្រជាពលរដ្ឋទុរគតក្នុងមូលដ្ឋាន៕


សកម្មភាពអាជ្ញាធរ
ក្រសួងបរិស្ថានអំពាវនាវឱ្យកសិករត្រៀមខ្លួនទប់ទល់នឹងភាពរាំងស្ងួត និងកង្វះទឹកដោយសារបាតុភូតអែលនីញ៉ូ
គម្រោងស្តារប្រឡាយមួយរបស់ក្រសួងធនធានទឹក និងឧតុនិយម សម្រាប់ស្តុកទឹកក្នុងការបង្កបង្កើនផលរបស់ប្រជាកសិករក្នុងខេត្តបន្ទាយមានជ័យ ជាពិសេសក្នុងរដូវខ្វះខាតទឹក។ រូបភាព ក្រសួងធនធានទឹក
គម្រោងស្តារប្រឡាយមួយរបស់ក្រសួងធនធានទឹក និងឧតុនិយម សម្រាប់ស្តុកទឹកក្នុងការបង្កបង្កើនផលរបស់ប្រជាកសិករក្នុងខេត្តបន្ទាយមានជ័យ ជាពិសេសក្នុងរដូវខ្វះខាតទឹក។

