ព័ត៌មានក្នុងខេត្ត

ពោធិ៍សាត់៖ លោក សឿន កឿន ចៅសង្កាត់ស្វាយអាត់ បានអោយដឹងថាពេលនេះ ការសាងសង់កំពុងអនុវត្តគម្រោងមូលនិធិសង្កាត់ប្រចាំឆ្នាំ២០២៦ ដោយប្រែក្លាយផ្លូវក្រួសក្រហម ឱ្យទៅជាផ្លូវបេតុងអាមេដ៏រឹងមាំ ដើម្បីលើកកម្ពស់ហេដ្ឋារចនាសម្ព័ន្ធក្នុងមូលដ្ឋាន ព្រមទាំងលុបបំបាត់បញ្ហាហុយដី និងដក់ទឹកនៅរដូវវស្សា។ ការអភិវឌ្ឍផ្លូវទាំង២ខ្សែនេះ នឹងសម្រួលយ៉ាងខ្លាំងដល់ការធ្វើដំណើរប្រចាំថ្ងៃរបស់ប្រជាពលរដ្ឋ និងសិស្សានុសិស្សក្នុងការធ្វើដំណើរទៅកាន់សាលារៀន ទីប្រជុំជន និងទីកន្លែងផ្សេងៗ។ សូមបញ្ជាក់ថា៖ ផ្លូវទាំង២ខ្សែ រួមមាន៖ ផ្លូវបេតុងអាមេ ប្រវែង ១២៦ ម៉ែត្រ, ទទឹង ៣,៥០ ម៉ែត្រ និងកម្រាស់ ០,១៥ ម៉ែត្រ តភ្ជាប់ពីផ្លូវកៅស៊ូលេខ៥ ចូលទៅកាន់ប៉ុស្តិ៍រដ្ឋបាលសង្កាត់ស្វាយអាត់ សម្រួលដល់ការប្រកបរបរ និងការមកទទួលសេវាសាធារណៈរបស់ប្រជាពលរដ្ឋ និងផ្លូវបេតុងអាមេ ប្រវែង ៦៣៩ ម៉ែត្រ, ទទឹង ៥ ម៉ែត្រ និងកម្រាស់ ០,១៥ ម៉ែត្រ តភ្ជាប់ពីផ្លូវជាតិលេខ២១ (ចាស់) ឆ្ពោះទៅកាន់ផ្លូវកៅស៊ូលេខ៥៥។ គម្រោងស្ថាបនាផ្លូវបេតុងទាំង ២ខ្សែនេះ អនុវត្តកិច្ចសន្យាសាងសង់ដោយក្រុមហ៊ុន លឹម ឈាងឡុង ក្រោមថវិកាសរុបជាង ៣១០ លានរៀល ដែលបានឆ្លងកាត់ការដេញថ្លៃជាសាធារណៈ ប្រកបដោយតម្លាភាព និងត្រឹមត្រូវ៕

ឯកឧត្តម ខូយ រីដា អភិបាលខេត្តពោធិ៍សាត់ សូមថ្លែងអំណរគុណយ៉ាងជ្រាលជ្រៅជូនចំពោះ ឯកឧត្តម ជិត ប៉ុណ្ណារ៉ា និងលោកជំទាវ យូ ស្រីលាភ ដែលបានឧបត្ថម្ភថវិកាចំនួន ២៥.០០០.០០០រៀល (ក្នុង១សពចំនួន ៥.០០០.០០០រៀល) ជូនដល់គ្រួសារសពនាយប៉ុស្តិ៍ មន្ត្រីនគរបាល និងប្រជាការពារ ចំនួន ៥សព ដែលបានបាត់បង់ជីវិតពេលបំពេញភារកិច្ច។

លោក ហេង សុភាណា អភិបាលរងខេត្តពោធិ៍សាត់ ដឹកនាំមន្ត្រីជំនាញសរុប ២៦នាក់ ដែលមកពីការិយាល័យអភិវឌ្ឍន៍សហគមន៍មូលដ្ឋាន និងការិយាល័យដែនជម្រកសត្វព្រៃ បានចុះពិនិត្យទីតាំងគម្រោងចិញ្ចឹមគោយកទឹកដោះរបស់ក្រុមហ៊ុន SONAVITH Co., Ltd ទំហំ ១ពាន់ហិកតា ស្ថិតក្នុងដែនជម្រកសត្វព្រៃភ្នំសំកុស ឃុំប្រម៉ោយ ស្រុកវាលវែង ខេត្តពោធិសាត់។

កេសរកូលស្បែកជើងទេវតា ជារុក្ខជាតិកេសរកូលដីព្រៃដ៏កម្រ មានផ្កាស្អាតប្លែក រីកនៅចន្លោះខែមីនាដល់ខែឧសភា នៅកម្ពុជាភាគច្រើនដុះតាមតំបន់ភ្នំមានសំណើមខ្ពស់ ដូចជានៅខេត្តកោះកុង ពោធិ៍សាត់ បាត់ដំបង និងមណ្ឌលគិរី ផ្កានេះមានតម្លៃខ្ពស់ និងត្រូវបានគេស្គាល់ផងដែរថា «ផ្កាថាវរី» ដែលជាទីនិយមនិងមានតម្លៃថ្លៃក្នុងទីផ្សារក្រៅប្រទេស។

មន្ទីរទេសចរណ៍ខេត្តពោធិ៍សាត់ សហការជាមួយក្រសួងទេសចរណ៍ បានរៀបចំកម្មវិធី ផ្សព្វផ្សាយអប់រំយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី១១ និងការប្រើប្រាស់ App NoDrug ក្រោមវត្តមាន ឧត្តមសេនីយ៍ឯក លឹម តុងហួត និងលោក សំ សេង ។ បន្ទាប់មក ក្រុមការងារក៏បានចុះផ្ទាល់ដើម្បីផ្សព្វផ្សាយ និងអប់រំដល់ម្ចាស់អាជីវកម្មព្រមទាំងបុគ្គលិកសេវាកម្មទេសចរណ៍ក្នុងខេត្តផងដែរ។

វគ្គ «តស់! ចាប់យកឌីជីថល» ត្រូវបានរៀបចំនៅសណ្ឋាគារ ច័ន្ទមុណ្ណី មុណ្ណីច័ន្ទ ខេត្តពោធិ៍សាត់ ក្រោមអធិបតីភាពលោក គួង វុត្ថា និងលោក ងួន ប៉ោសេង ដោយមានការចូលរួមពីអាជ្ញាធរ ម្ចាស់សហគ្រាស អាជីវករ និងសហគមន៍មូលដ្ឋាន។

លោក ពៅ ពិសិដ្ឋ អភិបាលរងខេត្តពោធិ៍សាត់ បានដឹកនាំកិច្ចប្រជុំត្រួតពិនិត្យវឌ្ឍនភាពការងារកំណែទម្រង់វិមជ្ឈការ និងវិសហមជ្ឈការ ឆ្នាំ២០២៦ ដោយមានការចូលរួមពីថ្នាក់ដឹកនាំ មន្ទីរ អង្គភាពពាក់ព័ន្ធ និងរដ្ឋបាលក្រុង-ស្រុកទាំង៧។

រមណីយដ្ឋានទឹកធ្លាក់ច្រកល្អៀង ជារមណីយដ្ឋានធម្មជាតិបែបផ្សងព្រេង ស្ថិតក្នុងភូមិបំណក់ ឃុំឈើតុំ ស្រុកក្រគរ ខេត្តពោធិ៍សាត់ មានចម្ងាយ ៧៣គីឡូម៉ែត្រពីទីរួមខេត្ត និង ១៩៥គីឡូម៉ែត្រពីរាជធានីភ្នំពេញ។ តំបន់នេះព័ទ្ធជុំវិញដោយព្រៃភ្នំ និងមានដើមឈើមានតម្លៃព្រមទាំងសត្វព្រៃចម្រុះជាច្រើនប្រភេទ។ រមណីយដ្ឋាននេះត្រូវបានបែងចែកជាដំណាក់កម្សាន្តជាច្រើនដូចជា៖ ដំណាក់តាង៉ុកគយ ដំណាក់កោះយាយចាំតា ដំណាក់ទឹកឈូរ ដំណាក់មនោរម្យ ដំណាក់ថ្មសណ្តូក ទឹកជ្រោះដំណាក់ព្រះ ដំណាក់ម្លប់ជ្រៃក្រឹម ដំណាក់កោះសុបិន្ត ដំណាក់ទឹកធ្លាក់ ដំណាក់កោះដាច់ និងដំណាក់កោះភ្ញៀវ។ ទេសចរណ៍ធម្មជាតិមួយនេះមានលក្ខណៈពិសេសបីយ៉ាងគឺ ទឹកថ្លាត្រជាក់ ទេសភាពស្រស់ស្អាត និងទឹកជ្រោះធ្លាក់ច្រើនដំណាក់គួរឱ្យចង់គយគន់ ដែលធ្វើឱ្យភ្ញៀវទេសចរមានចំណាប់អារម្មណ៍យ៉ាងខ្លាំង។

លោក អ៊ុយ សុធាវី បានអញ្ជើញបើកកម្មវិធី សម្ពោធជាផ្លូវការសាលារៀនអន្តរជាតិ វ៉េស្ទឡាញន៍ សាខាក្រុងពោធិ៍សាត់

ក្នុងឱកាសនោះ ឯកឧត្តមអភិបាលខេត្ត បានពាំនាំនូវសារសួរសុខទុក្ខ និងការសោកស្តាយយ៉ាងជ្រាលជ្រៅពីសំណាក់ សម្ដេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងលោកជំទាវបណ្ឌិត ពេជ ចន្ទមុន្នី ជូនចំពោះគ្រួសារនៃសព ដោយសម្តេចទាំងទ្វេបានចាត់ទុកការពលីរបស់វីរជនទាំង ៥រូប គឺជាការបាត់បង់នូវធនធានមនុស្ស និងជាគំរូនៃទឹកចិត្តស្នេហាជាតិយ៉ាងខ្ពង់ខ្ពស់។

ពោធិ៍សាត់៖ លោក ងួន ប៉ោសេង អភិបាលរងខេត្ត (តំណាងឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់) បានដឹកនាំក្រុមការងារបច្ចេកទេស ប្រធានមន្ទីរពាក់ព័ន្ធ និងអាជ្ញាធរមូលដ្ឋាន ចុះពិនិត្យស្ថានភាពជាក់ស្ដែង ព្រមទាំងដឹកនាំការងារអន្តរាគមន៍នាំទឹកស្រោចស្រពដំណាំស្រូវ ដើម្បីជួយសង្គ្រោះស្រូវស្រែរបស់ប្រជាកសិករដែលកំពុងប្រឈមនឹងការខ្វះខាតទឹក ស្ថិតនៅក្នុងឃុំអូរតាប៉ោង ស្រុកបាកាន ខេត្តពោធិ៍សាត់ កាលពីរសៀលថ្ងៃទី៥ ខែសីហា ឆ្នាំ២០២៦៕

ពោធិ៍សាត់៖ ក្រុមការងារបច្ចេកទេសកសិកម្មចម្រុះ រួមមានការិយាល័យក្សេត្រសាស្ត្រ ការិយាល័យកសិកម្មធនធានធម្មជាតិ និងបរិស្ថាន ការិយាល័យសេដ្ឋកិច្ចអភិវឌ្ឍន៍សហគមន៍ និងមន្ត្រីកសិកម្មឃុំ-សង្កាត់ បានចុះពិនិត្យ និងវាយតម្លៃផលប៉ះពាល់ដំណាំស្រូវវស្សា នៅសង្កាត់ផ្ទះព្រៃ (ភូមិគក អូរស្តៅ ត្នោតទ្រេត) និងឃុំបឹងបត់កណ្ដោល (ភូមិស្វាយ បត់កណ្ដោល សំរោង អូរ និងបត់ត្រាច)។ តាមការពិនិត្យជាក់ស្ដែង មកទល់ពេលនេះ ផ្ទៃដីស្រូវក្នុងឃុំ-សង្កាត់ទាំងពីរ ទទួលបានទឹកភ្លៀងឡើងវិញ ដែលធ្វើឱ្យដំណាំស្រូវចាប់ផ្ដើមលូតលាស់ជាថ្មី។ ទោះជាយ៉ាងណា មានផ្ទៃដីស្រូវមួយផ្នែកបានរងការខូចខាត ហើយអាជ្ញាធរ និងប្រជាកសិករកំពុងជួយសង្គ្រោះ និងស្តារឡើងវិញជាបណ្តើរៗ៕