លោក អ៊ន សុផល្លា អភិបាលស្រុកក្រគរ ខេត្តពោធិ៍សាត់ រួមជាមួយក្រុមការងារ បានចុះពិនិត្យគម្រោងហេដ្ឋារចនាសម្ព័ន្ធចំនួន ៣ កាលពីព្រឹកថ្ងៃទី១០ ខែវិច្ឆិកា ឆ្នាំ២០២៦ រួមមាន៖ ផ្លូវក្រួសក្រហមនៅឃុំឈើតុំរួចរាល់ ១០០% ផ្លូវកៅស៊ូនៅឃុំស្វាយសសម្រេចបាន ៧០% និងស្ពានចំនួន ៣ កន្លែងនៅឃុំស្វាយសសម្រេចបាន ៦៥% ដើម្បីធានាគុណភាព និងការប្រើប្រាស់បានយូរអង្វែង។

រាជរដ្ឋាភិបាលកម្ពុជា បាននាំយកស្បៀងអាហារចែកជូនប្រជាពលរដ្ឋរងគ្រោះដោយទឹកជំនន់ចំនួន ១.០០៥គ្រួសារ មកពីឃុំឈើតុំ និងឃុំស្វាយស នាព្រឹកថ្ងៃទី១០ ខែវិច្ឆិកា ឆ្នាំ២០២៦ នៅវត្តទួលត្បែង ស្រុកក្រគរ ដើម្បីជួយសម្រាលទុក្ខលំបាក និងតម្រូវការចាំបាច់របស់ប្រជាពលរដ្ឋបានទាន់ពេលវេលា។

លោក ផាយ ឡេង អភិបាលក្រុងពោធិ៍សាត់ បានអញ្ជើញជាអធិបតីក្នុងពិធីសម្ពោធអគារសិក្សា ១ខ្នង (៣បន្ទប់) និងបង្គន់អនាម័យ ១ខ្នង (៥បន្ទប់) នៅវិទ្យាល័យទាចំរ៉ាត់។ សមិទ្ធផលទាំងនេះជាជំនួយពីសប្បុរសជនជប៉ុន (ក្រុមហ៊ុន នីស៊ីកាវ៉ា កីសូគុ និងអង្គការ EDF) ដើម្បីលើកកម្ពស់គុណភាពអប់រំ អនាម័យសិស្ស និងពង្រឹងមិត្តភាពកម្ពុជា-ជប៉ុន។

ពោធិ៍សាត់៖ នៅថ្ងៃទី៥ ខែវិច្ឆិកា ឆ្នាំ២០២៦ ស្អែកនេះ អាជ្ញាធរខេត្តពោធិ៍សាត់ សហការជាមួយមន្ទីរ-អង្គភាពពាក់ព័ន្ធ និងកងកម្លាំងប្រដាប់អាវុធ បាននិងកំពុងមមាញឹកយ៉ាងខ្លាំង ក្នុងការរៀបចំ និងស្រោចស្រង់ស្បៀងអាហារ កញ្ចប់អំណោយផ្សេងៗ នៅឯ ពហុកីឡាដ្ឋានបាល់ទាត់ខេត្តពោធិ៍សាត់ ដើម្បីត្រៀមខ្លួនរួចជាស្រេចក្នុងការចែកជូនដល់ប្រជាពលរដ្ឋដែលជួបការលំបាក។

លោក ធាង ឡេង អភិបាលស្រុកវាលវែង បានអញ្ជើញជួបសំណេះសំណាល និងប្រគល់អំណោយជូនបងប្អូនអ្នកអនាម័យចំនួន ៤៨នាក់ មកពី ៣ឃុំ ឃុំប្រម៉ោយ ឃុំអន្លង់រាប និងឃុំក្រពើពីរ ដោយមានការចូលរួមពីថ្នាក់ដឹកនាំស្រុក និងអាជ្ញាធរមូលដ្ឋាន។ ក្នុងឱកាសនោះ លោកអភិបាលស្រុកបានកោតសរសើរពីការខិតខំប្រឹងប្រែងរបស់ពួកគាត់ក្នុងការថែរក្សាបរិស្ថាន និងបានឧបត្ថម្ភ អង្ករ ព្រមទាំងសម្ភារៈប្រើប្រាស់ ជូនដល់បងប្អូនទាំងអស់គ្នាផងដែរ។

លោកអភិបាលស្រុកក្រគរ ខេត្តពោធិ៍សាត់ រួមជាមួយលោកប្រធានក្រុមការងារចុះជួយឃុំឈើតុំ បានអញ្ជើញចែកអំណោយជា សៀវភៅសរសេរ ជូនដល់ប្អូនៗសិស្សានុសិស្សនៅ សាលាបឋមសិក្សាក្បាលទាហ៊ាន ដើម្បីជួយលើកទឹកចិត្ត និងសម្រាលបន្ទុកក្នុងការសិក្សារបស់ពួកគាត់។