ព័ត៌មានក្នុងខេត្ត

ពោធិ៍សាត់៖ ក្រុមការងារថ្នាក់ខេត្ត សហការជាមួយអាជ្ញាធរមូលដ្ឋាន បានចុះត្រួតពិនិត្យ និងធ្វើពិធីប្រគល់-ទទួលជាផ្លូវការនូវ «ផ្លូវថ្មើរជើងក្រាលថ្មម៉ាប» ដែលបានសាងសង់រួចរាល់ ស្ថិតនៅក្នុងឃុំលាច ទីប្រជុំជនស្រុកភ្នំក្រវាញ ខេត្តពោធិ៍សាត់ នាព្រឹកថ្ងៃទី១៣ ខែសីហា ឆ្នាំ២០២៦។ លក្ខណៈបច្ចេកទេសនៃផ្លូវ៖ ផ្លូវថ្មើរជើងក្រាលថ្មម៉ាប មានប្រវែង ៨៤២ ម៉ែត្រ, ទទឹង ៣ ម៉ែត្រ និងកម្រាស់ ០,២០ ម៉ែត្រ។ សមិទ្ធផលផ្លូវថ្មើរជើងថ្មីនេះ មិនត្រឹមតែចូលរួមលើកកម្ពស់សោភ័ណភាព និងបរិស្ថានទីប្រជុំជនស្រុកភ្នំក្រវាញឱ្យកាន់តែមានរបៀបរៀបរយ និងស្រស់ស្អាតប៉ុណ្ណោះទេ ប៉ុន្តែថែមទាំងជួយសម្រួលដល់ការធ្វើដំណើរ ហាត់ប្រាណ និងកម្សាន្តរបស់បងប្អូនប្រជាពលរដ្ឋក្នុងមូលដ្ឋានប្រកបដោយសុវត្ថិភាព និងភាពងាយស្រួលផងដែរ៕

ពោធិ៍សាត់៖ ក្រុមការងារបច្ចេកទេសខេត្ត-ស្រុក សហការជាមួយក្រុមគណៈកម្មាការត្រួតពិនិត្យគម្រោងឃុំ-ភូមិ បានចុះពិនិត្យគម្រោងជួសជុលផ្លូវក្រាលក្រួសក្រហម ១ខ្សែ ដែលសម្រេចបានការសាងសង់ ១០០% ហើយ ស្ថិតនៅភូមិអូរបាក់ត្រា ឃុំព្រងិល ស្រុកភ្នំក្រវាញ ខេត្តពោធិ៍សាត់ នាព្រឹកថ្ងៃទី១៣ ខែសីហា ឆ្នាំ២០២៦។ ព័ត៌មានលម្អិតអំពីគម្រោង៖ ទំហំសំណង់ មានប្រវែង ១,១០០ម៉ែត្រ និងទទឹង ៥ម៉ែត្រ, មូលនិធិឃុំព្រងិល ឆ្នាំ២០២៦ និងបញ្ចប់ការសាងសង់ ១០០% តាមបទដ្ឋានបច្ចេកទេស។ ការសម្រេចបាននូវខ្សែផ្លូវមួយខ្សែនេះ នឹងជួយសម្រួលយ៉ាងខ្លាំងដល់ការធ្វើដំណើររបស់បងប្អូនប្រជាពលរដ្ឋក្នុងមូលដ្ឋាន ពិសេសសម្រួលដល់ការដឹកជញ្ជូនកសិផលទៅកាន់ទីផ្សារ និងលើកកម្ពស់ជីវភាពរស់នៅរបស់ប្រជាពលរដ្ឋក្នុងភូមិអូរបាក់ត្រា ឱ្យកាន់តែប្រសើរឡើង៕

ពោធិ៍សាត់៖ ប្រប្រតិភូក្រសួងផែនការ សហការជាមួយមន្ទីរផែនការខេត្តពោធិ៍សាត់ បានចុះតាមដាន ត្រួតពិនិត្យ និងផ្តល់ការបណ្ដុះបណ្ដាលបន្ថែមស្ដីពី «ការងារអត្តសញ្ញាណកម្មគ្រួសារក្រីក្រ និងគ្រួសារងាយរងហានិភ័យ» ជូនដល់លោកមេឃុំ និងសមាជិកក្រុមប្រឹក្សាឃុំ នៅសាលាឃុំព្រងិល ស្រុកភ្នំក្រវាញ ខេត្តពោធិ៍សាត់ នាព្រឹកថ្ងៃទី១៣ ខែសីហា ឆ្នាំ២០២៦។ វគ្គតាមដាន និងបណ្តុះបណ្តាលនេះ មានគោលបំណង៖ បំប៉នចំណេះដឹង និងបច្ចេកទេសបន្ថែមដល់អាជ្ញាធរមូលដ្ឋាន ក្នុងការកំណត់មុខសញ្ញាគ្រួសារក្រីក្រ និងគ្រួសារងាយរងហានិភ័យឱ្យកាន់តែច្បាស់លាស់, ចុះពិនិត្យការអនុវត្តជាក់ស្តែង ដើម្បីធានាថានីតិវិធីត្រូវបានធ្វើឡើងដោយត្រឹមត្រូវ សុក្រឹត និងចំគោលដៅប្រជាពលរដ្ឋដែលជួបការលំបាកពិតប្រាកដ, ពិភាក្សា និងផ្តល់ដំណោះស្រាយលើបញ្ហាផ្សេងៗដែលកើតមានឡើងក្នុងអំឡុងពេលប្រមូលទិន្នន័យនៅតាមមូលដ្ឋាន៕

ពោធិ៍សាត់៖ មន្ទីរផែនការខេត្តពោធិ៍សាត់ បានរៀបចំកិច្ចប្រជុំស្តីពី ការចុះត្រួតពិនិត្យការអនុវត្តនីតិវិធីកំណត់អត្តសញ្ញាណកម្មគ្រួសារក្រីក្រ ដឹកនាំលោក តាន់ វ៉េងធាង អនុប្រធាននាយកដ្ឋានអត្តសញ្ញាណកម្មគ្រួសារក្រីក្រ នៃក្រសួងផែនការ ស្ថិតនៅក្នុងឃុំបឹងកន្ទួត ស្រុកក្រគរ ខេត្តពោធិ៍សាត់។ កិច្ចប្រជុំនេះ រៀបចំឡើងក្នុងគោលបំណង ៖ ចុះពិនិត្យមើលការអនុវត្តជាក់ស្តែងនៃដំណើរការសម្ភាសន៍ និងវាយតម្លៃអត្តសញ្ញាណកម្មគ្រួសារក្រីក្រនៅថ្នាក់មូលដ្ឋាន, ធានាឱ្យបានថានីតិវិធីកំណត់គ្រួសារក្រីក្រត្រូវបានអនុវត្តយ៉ាងត្រឹមត្រូវ ច្បាស់លាស់ សុក្រឹត និងចំគោលដៅ ដើម្បីកុំឱ្យមានការផ្ទុយពីការណែនាំរបស់ក្រសួង, រកមើលចំណុចខ្វះខាត និងផ្តល់ការណែនាំបន្ថែមដល់អាជ្ញាធរឃុំ-ភូមិ និងក្រុមការងារបច្ចេកទេស ដើម្បីឱ្យការជួយជ្រោមជ្រែងប្រជាពលរដ្ឋក្រីក្រ និងងាយរងគ្រោះកាន់តែមានប្រសិទ្ធភាពខ្ពស់៕

ពោធិ៍សាត់៖ គណៈកម្មាធិការគណបក្សស្រុកវាលវែង បានរៀបចំ «វគ្គរំលឹកអំពីជំនាញការងារចាត់តាំង និងជំនាញព័ត៌មានវិទ្យា (IT) ក្នុងការគ្រប់គ្រងទិន្នន័យបញ្ជីសមាជិកបក្ស និងមន្ត្រីគណបក្ស» ក្រោមអធិបតីភាព ឯកឧត្តម ញ៉ឹក សារ៉េត ប្រធានស្តីទីគណៈចាត់តាំងនៃគណៈកម្មាធិការគណបក្សខេត្តពោធិ៍សាត់, លោក អួន យ៉ង់ ប្រធានគណបក្សស្រុក និង លោក ធាង ឡេង អភិបាលស្រុកវាលវែង។ ពិធីនេះមានការអញ្ជើញចូលរួមពីថ្នាក់ដឹកនាំគណបក្សស្រុក មន្ត្រី IT និងតំណាងគណបក្សឃុំ សរុបចំនួន ៣៥នាក់ (ស្រី ៤នាក់) ក្នុងគោលបំណងពង្រឹងសមត្ថភាពមន្ត្រីមូលដ្ឋានលើការងារចាត់តាំង និងការប្រើប្រាស់ប្រព័ន្ធព័ត៌មានវិទ្យា ដើម្បីគ្រប់គ្រងទិន្នន័យសមាជិកបក្សឱ្យមានភាពច្បាស់លាស់ និងទាន់សម័យ។ នាថ្ងៃទី១៣ ខែសីហា ឆ្នាំ២០២៦។

ពោធិ៍សាត់៖ មន្ទីរសាធារណការ និងដឹកជញ្ជូនខេត្តពោធិ៍សាត់ បានបង្ហាញរបាយការណ៍ស្តីពីសកម្មភាពការងារយ៉ាងសកម្មប្រចាំថ្ងៃទី១២ ខែសីហា ឆ្នាំ២០២៦ ក្នុងការស្ថាបនា ថែទាំ ជួសជុលផ្លូវ-លូ និងការងារបច្ចេកទេសដឹកជញ្ជូន ដូចខាងក្រោម៖ ១. ការងារសាធារណការ៖ -ផ្លូវជាតិលេខ៥៥៖ អនុវត្តការងារកាត់ជួសជុល និងស្រោចកៅស៊ូ DBST ប្រវែង ៣,៤០០ម៉ែត្រ ចន្លោះគីឡូម៉ែត្រលេខ ៥០+០០០ ដល់គីឡូម៉ែត្រលេខ ៥៣+៤០០។ -ក្រុងពោធិ៍សាត់ (កំណាត់ផ្លូវជាតិលេខ៥)៖ កំពុងដំណើរការស្ថាបនាលូបេតុង ប្រវែង ១,៩៧៩ម៉ែត្រ ចន្លោះគីឡូម៉ែត្រលេខ ១៨២+៩៩២ ដល់គីឡូម៉ែត្រលេខ ១៨៤+៤៤៥។ -ផ្លូវខេត្តលេខ១៥៥៖ អនុវត្តការងារថែទាំប្រចាំ និងស្រោចកៅស៊ូ DBST ចន្លោះគីឡូម៉ែត្រលេខ ២១+០០០ ដល់គីឡូម៉ែត្រលេខ ២២+០០០។ -ផ្លូវខេត្តលេខ១៥៥A១៖ ជម្រះ និងសម្អាតស្មៅតាមដងផ្លូវ ចន្លោះគីឡូម៉ែត្រលេខ ៥+០០០ ដល់គីឡូម៉ែត្រលេខ ៦+០០០។ -ស្ថានីយចម្រោះទឹកកខ្វក់៖ សម្របសម្រួលការងារថែទាំប្រចាំ និងធ្វើតេស្តត្រួតពិនិត្យគុណភាពទឹកកខ្វក់ជាប្រចាំថ្ងៃ។ ២. ការងារដឹកជញ្ជូន៖ -បន្តសកម្មភាពត្រួតពិនិត្យលក្ខណៈបច្ចេកទេសយានយន្ត (ឆែកឆេរលក្ខណៈបច្ចេកទេស) ដើម្បីធានាសុវត្ថិភាពចរាចរណ៍តាមផ្លូវគោក៕

សមិទ្ធផលដ៏ធំធេងនេះ ត្រូវបានសម្ពោធដាក់ឱ្យប្រើប្រាស់ជាផ្លូវការកាលពីថ្ងៃទី៩ ខែមិថុនា ឆ្នាំ២០២៦ កន្លងទៅ ក្រោមអធិបតីភាព ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល, ឯកឧត្តម Kim Changyong ឯកអគ្គរដ្ឋទូតសាធារណរដ្ឋកូរ៉េ ប្រចាំកម្ពុជា, ឯកឧត្តម ខូយ រីដា អភិបាលខេត្តពោធិ៍សាត់ ព្រមទាំងថ្នាក់ដឹកនាំនៃអង្គការ KOFIH។

ពោធិ៍សាត់៖ លោកជំទាវ អាំង សុជាតា ខូយ រីដា ប្រធានសាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ខេត្តពោធិ៍សាត់ ព្រមទាំងសហការី បានអញ្ជើញចុះសួរសុខទុក្ខដោយផ្ទាល់ និងនាំយកសម្ភារប្រើប្រាស់ ព្រមទាំងគ្រឿងបរិភោគជាច្រើនមុខ ទៅផ្តល់ជូនស្ត្រីមេម៉ាយក្រីក្រ១រូប ស្ថិតនៅក្នុងភូមិក្រសាំងគ្រូ ឃុំបឹងខ្នារ ស្រុកបាកាន ខេត្តពោធិ៍សាត់ នាថ្ងៃទី១២ ខែសីហា ឆ្នាំ២០២៦។ ស្ត្រីមេម៉ាយរូបនោះមានឈ្មោះ សុខ ឃឿន អាយុ ៤៧ឆ្នាំ មានកូនសរុបចំនួន ១៧នាក់ (ស្លាប់ ៥នាក់) និងមានកូននៅក្នុងបន្ទុកបច្ចុប្បន្នចំនួន ១២នាក់ ដែលកំពុងជួបការលំបាកក្នុងជីវភាពរស់នៅយ៉ាងខ្លាំង។ ស្តែងចេញពីចិត្តមនុស្សធម៌ និងការយកចិត្តទុកដាក់ខ្ពស់ចំពោះសុខទុក្ខរបស់ប្រជាពលរដ្ឋ ជាពិសេសស្ត្រី និងកុមារងាយរងគ្រោះ លោកជំទាវប្រធានសាខាសមាគមនារីខេត្ត និងក្រុមការងារ បាននាំយកអំណោយជាសម្ភារ និងគ្រឿងឧបភោគបរិភោគចាំបាច់ជាច្រើន ដើម្បីជួយសម្រាលទុក្ខលំបាក និងជីវភាពប្រចាំថ្ងៃរបស់គ្រួសារស្ត្រីមេម៉ាយរូបនេះ៕

ពោធិ៍សាត់៖ ទោះបីជារដ្ឋបាលស្រុកក្រគរបានខិតខំរៀបចំសណ្តាប់ធ្នាប់ ដោយបានដាក់ស្លាកសញ្ញាផ្សព្វផ្សាយ និងដាក់លូសម្រាប់ចោលសំរាមរួចរាល់ហើយក្តី ក៏សង្កេតឃើញថាមានបងប្អូនប្រជាពលរដ្ឋមួយចំនួនតូច នៅតែបន្តបោះសំរាមចោលពាសកាលតាមដងផ្លូវសាធារណៈ ដែលធ្វើឱ្យប៉ះពាល់យ៉ាងធ្ងន់ធ្ងរដល់សោភ័ណភាព និងអនាម័យបរិស្ថាន។ ចំពោះករណីនេះ អាជ្ញាធរបានសម្តែងការសោកស្តាយ និងបានធ្វើការអំពាវនាវយ៉ាងទទូចដល់ប្រជាពលរដ្ឋទាំងអស់ មេត្តាបញ្ឈប់ការចោលសំរាមតាមដងផ្លូវ ហើយវេចខ្ចប់ និងទុកដាក់សំរាមឱ្យបានត្រឹមត្រូវតាមកន្លែងដែលបានកំណត់។ រដ្ឋបាលស្រុក សូមសហការ និងយោគយល់ដល់ក្រុមការងារអនាម័យ ដែលត្រូវខិតខំប្រឹងប្រែងដើរប្រមូល និងរើសសំរាមជារៀងរាល់ថ្ងៃ។ រដ្ឋបាលស្រុកសង្ឃឹមយ៉ាងមុតមាំថា បងប្អូនប្រជាពលរដ្ឋទាំងអស់នឹងចូលរួមសហការទាំងអស់គ្នា ដើម្បីប្រែក្លាយស្រុកក្រគរឱ្យមានបរិស្ថានស្អាត គ្មានសំរាម និងមានសោភ័ណភាពគួរឱ្យរស់នៅ៕

គម្រោងសំណង់ស្ទាក់ទឹកនេះ រួមមាន៖ សំណង់ហុងស្ទាក់ទឹក មានបណ្តោយ ៣០ម៉ែត្រ ទទឹង ២១ម៉ែត្រ កម្ពស់ ៦ម៉ែត្រ និងមានម៉ារេវេនចំនួន៤ និងទំនប់សណ្តរ មានប្រវែង ៩០ម៉ែត្រ ខ្នងលើ ៣ម៉ែត្រ និងបាតក្រោម ៨ម៉ែត្រ។ សំណង់នេះ មានសារៈសំខាន់យ៉ាងខ្លាំងក្នុងការគ្រប់គ្រង និងរក្សាស្ទាក់ទឹក សម្រាប់ផ្គត់ផ្គង់ដល់វិស័យកសិកម្ម ជួយកាត់បន្ថយបញ្ហាខ្វះខាតទឹកស្រោចស្រព និងចូលរួមលើកកម្ពស់ជីវភាពរស់នៅរបស់ប្រជាពលរដ្ឋក្នុងមូលដ្ឋានឱ្យកាន់តែប្រសើរឡើង។

ពោធិ៍សាត់៖ ថ្នាក់ដឹកនាំ ព្រមទាំងមន្ត្រីរាជការនៃរដ្ឋបាលស្រុកក្រគរ នៅថ្ងៃទី១២ ខែសីហា ឆ្នាំ២០២៦ បានចូលរួមទទួលការបង្ហាត់បង្ហាញផ្ទាល់ពី ឯកឧត្តម អភិបាលនៃគណៈអភិបាលខេត្តពោធិ៍សាត់ អំពីបច្ចេកទេស និងវិធីសាស្ត្រក្នុងការកាត់តែងដើមក្ងោក នៅបរិវេណខាងមុខមន្ទីរពេទ្យបង្អែកក្រគរ ដើម្បីលើកកម្ពស់សោភ័ណភាព និងរក្សាបរិស្ថានបៃតងក្នុងមូលដ្ឋានឱ្យកាន់តែមានរបៀបរៀបរយ និងស្រស់ស្អាត៕

ពោធិ៍សាត់៖ រដ្ឋបាលស្រុកកណ្តៀង នៅថ្ងៃទី១៣ ខែសីហា ឆ្នាំ២០២៦ នេះ បានចេញសេចក្តីបំភ្លឺព័ត៌មានជាសាធារណៈ ដោយបដិសេធទាំងស្រុងចំពោះការសរសេរបញ្ចេញមតិ (comment) របស់គណនីហ្វេសប៊ុកឈ្មោះ «កាកា កាកា» ដែលបានចោទប្រកាន់ថ្នាក់ដឹកនាំខេត្តថា បានដកហូតមុខតំណែងលោក រុណ ទិត្យា ហើយដាក់បក្ខពួកជំនួសវិញ។