ព័ត៌មានក្នុងខេត្ត

ឯកឧត្តមបានបញ្ជាក់ថា រាល់ការខូចខាតទាំងស្រុងសូមសហការជាមួយអាជ្ញាធរដើម្បីស្នើសុំស្រូវពូជពីរាជរដ្ឋាភិបាលដើម្បីបង្កបង្កើនស្តាឡើងវិញ ។

ឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្ត្រី និងជាអនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្តរាយ រួមជាមួយឯកឧត្តម ខូយ រីដា អភិបាលខេត្តពោធិ៍សាត់ បានដឹកនាំកិច្ចប្រជុំនៅសាលាស្រុកបាកាន ដើម្បីរៀបចំផែនការអន្តរាគមន៍សង្គ្រោះស្រូវវស្សាដែលរងផលប៉ះពាល់ដោយគ្រោះរាំងស្ងួត។

មន្ទីរទេសចរណ៍ខេត្តពោធិ៍សាត់ សហការជាមួយសុខាភិបាលស្រុកប្រតិបត្តិសំពៅមាស បានបើកវគ្គបណ្តុះបណ្តាលស្តីពី «បដិសណ្ឋារកិច្ចល្អ» ដល់មន្ត្រីសុខាភិបាលចំនួន ៤៧នាក់ ក្រោមអធិបតីភាពលោក អ៊ុយ សុធាវី អភិបាលរងខេត្ត ដើម្បីពង្រឹងគុណភាព និងឥរិយាបថក្នុងការផ្តល់សេវាសាធារណៈឱ្យកាន់តែរាក់ទាក់ និងមានវិជ្ជាជីវៈខ្ពស់។

លោកអ្នកឧកញ៉ា ទ្រី ភាព និងអ្នកឧកញ៉ា គៀន ស្រីនាង បានចាត់តាំងលោក ឃៀង សុជីវ័ន្ត នាំយកទៀនព្រះវស្សា ទេយ្យទាន និងថវិកាសរុបប្រមាណ ៨០លានរៀល ទៅប្រគេនព្រះសង្ឃគង់ចាំព្រះវស្សាចំនួន ១១វត្ត និងថ្វាយបូជនីយដ្ឋានចំនួន ២ ក្នុងខេត្តពោធិ៍សាត់ ដើម្បីចូលរួមទ្រទ្រង់ក្នុងឱកាសបុណ្យចូលព្រះវស្សា និងបានជួយឧបត្ថម្ភដល់គ្រួសារភៀសសឹកចំនួន ៨គ្រួសារផងដែរ។

អភិបាលខេត្តពោធិ៍សាត់ បានដឹកនាំកម្លាំងអាជ្ញាធរចុះអន្តរាគមន៍ចាក់ប៉េតុងស្តារកំណាត់ផ្លូវលេខ១៥៤D នៅស្រុកបាកាន ដែលខូចខាត ដើម្បីសម្រួលការធ្វើដំណើរ និងដឹកជញ្ជូនរបស់ប្រជាពលរដ្ឋ ដោយជំរុញឱ្យអាជ្ញាធរមូលដ្ឋានគ្រប់ក្រុង-ស្រុក ចេះម្ចាស់ការដោះស្រាយបញ្ហាដោយមិនចាំបាច់រង់ចាំថវិកាថ្នាក់ជាតិ។

កម្លាំងនគរបាលចរាចរណ៍ខេត្តសហការជាមួយអធិការដ្ឋានក្រុងពោធិ៍សាត់ បានចុះត្រួតពិនិត្យជាតិអាកុល គ្រឿងញៀន ក្មេងទំនើង និងអាវុធគ្រឿងផ្ទុះ ដើម្បីពង្រឹងសន្តិសុខ សណ្តាប់ធ្នាប់ និងសុវត្ថិភាពជូនប្រជាពលរដ្ឋ ។

លោក ឃៀង សុជីវ័ន្ត អគ្គនាយករង ក្រុមហ៊ុន ទ្រី ភាព គ្រុប នាំយកទៀនព្រះវស្សា និងទេយ្យទានរបស់លោកអ្នកឧកញ៉ា បណ្ឌិត ទ្រី ភាព និងលោកជំទាវ អ្នកឧកញ៉ា គៀន ស្រីនាង ប្រគេនព្រះសង្ឃគង់ចាំព្រះវស្សាចំនួន ១១វត្តអារាម និងបូជនីយដ្ឋានចំនួន ២ នៅក្រុងពោធិ៍សាត់ ស្រុកវាលវែង និងស្រុកភ្នំក្រវាញ ខេត្តពោធិ៍សាត់ ។

ឯកឧត្តម ខូយ រីដា អភិបាលខេត្តពោធិ៍សាត់ និងលោកជំទាវ រួមជាមួយ ឯកឧត្តម ម៉ក់ រ៉ា ប្រធានក្រុមប្រឹក្សាខេត្ត បានដឹកនាំមន្ត្រីរាជការ កងកម្លាំងប្រដាប់អាវុធ និងសមាជិកាសមាគមនារី ប្រគេនទៀនព្រះវស្សា អង្ករ បច្ច័យ និងទេយ្យទានដល់ព្រះសង្ឃគង់ចាំព្រះវស្សាចំនួន ២៣វត្ត ក្នុងក្រុងពោធិ៍សាត់។ ពិធីនេះប្រារព្ធឡើងនៅសាលាខេត្ត ដើម្បីទ្រទ្រង់ព្រះពុទ្ធសាសនា ឧទ្ទិសកុសលជូនបុព្វការីជន និងវីរយុទ្ធជនការពារជាតិ ព្រមទាំងបួងសួងសេចក្តីសុខសុវត្ថិភាពជូនកងកម្លាំងឈរជើងតាមបន្ទាត់ព្រំដែន។

កិច្ចប្រជុំនេះ រៀបចំឡើងក្នុងគោលបំណងរកដំណោះស្រាយ និងដាក់ចេញនូវវិធានការបន្ទាន់ ដើម្បីជួយសង្គ្រោះផលដំណាំស្រូវរបស់ប្រជាពលរដ្ឋដែលកំពុងជួបប្រទះបញ្ហាខ្វះខាតទឹក ដោយសារស្ថានភាពអាកាសធាតុប្រែប្រួល និងគ្រោះរាំងស្ងួតក្នុងមូលដ្ឋាន។

ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានដឹកនាំមន្ត្រីជំនាញ និងអន្តរាគមន៍សហការជាមួយស្ថាប័នពាក់ព័ន្ធ ចុះពិនិត្យស្ថានភាពស្រូវរងផលប៉ះពាល់ផ្ទាល់។ ការចុះនេះគឺដើម្បីជំរុញ និងពន្លឿនវិធានការសង្គ្រោះ ក៏ដូចជាស្តារការបង្កបង្កើនផលជូនប្រជាកសិករឱ្យបានទាន់ពេលវេលា។

អភិបាលខេត្តពោធិ៍សាត់ បានចុះពិនិត្យ និងដឹកនាំកិច្ចអន្តរាគមន៍បូមទឹកសង្គ្រោះស្រូវរដូវវស្សាជាបន្ទាន់ ជូនប្រជាពលរដ្ឋប៉ែកខាងក្រោមចំនួន ៥ឃុំ ក្នុងស្រុកបាកាន។ ការចុះផ្ទាល់នេះ គឺដើម្បីធានាប្រើប្រាស់មធ្យោបាយសរុបជួយសង្គ្រោះដំណាំស្រូវរបស់ប្រជាកសិករឱ្យបានទាន់ពេលវេលា និងការពារកុំឱ្យមានការខូចខាត។

អភិបាលស្រុកតាលោសែនជ័យ បានដឹកនាំក្រុមការងារចុះពិនិត្យការបែងចែកទឹកនៅភូមិចំនួន ៤ នៃឃុំតាលោ រួមមាន៖ ភូមិសិរីគន្ធា, ភូមិទួលទទឹង, ភូមិបួរជ្រេស និងភូមិតាលោ។ ការចុះផ្ទាល់នេះ គឺដើម្បីធានាភាពស្មើភាព តម្លាភាព និងប្រសិទ្ធភាពក្នុងការប្រើប្រាស់ទឹក ព្រមទាំងជួយសម្របសម្រួលដោះស្រាយការខ្វះខាតទឹកជូនប្រជាពលរដ្ឋសម្រាប់បំពេញតម្រូវការក្នុងជីវភាពប្រចាំថ្ងៃ។