ព័ត៌មានក្នុងខេត្ត
ទាំងអស់សេចក្តីជូនដំណឹងសេចក្តីប្រកាសព័ត៌មានសកម្មភាពថ្នាក់ដឹកនាំសកម្មភាពអាជ្ញាធរនយោបាយកសិកម្មទេសចរណ៍ពាណិជ្ជកម្មបទយកការណ៍សិល្បៈនិងវប្បធម៌សន្តិសុខសង្គមអប់រំ និងកីឡាសុខាភិបាលបរិស្ថានការអភិវឌ្ឍគ្រោះធម្មជាតិធនធានទឹក និងឧតុនិយម
សកម្មភាពថ្នាក់ដឹកនាំ
អភិបាលខេត្តពោធិ៍សាត់ ចុះពិនិត្យការរៀបចំ ជួសជុលកែលម្អ អនាម័យ បរិស្ថាន និងសោភ័ណភាព នៅសាលារៀនក្នុងស្រុកវាលវែង និងស្រុកភ្នំក្រវាញ
ពោធិ៍សាត់៖ ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ បានអញ្ជើញចុះពិនិត្យដោយផ្ទាល់នូវសកម្មភាពរៀបចំ ជួសជុលកែលម្អ អនាម័យ បរិស្ថាន និងសោភ័ណភាព នៅសាលាបឋមសិក្សា និងអនុវិទ្យាល័យអូរដេកា ស្ថិតក្នុងភូមិអូរដេកា ឃុំប្រម៉ោយ ស្រុកវាលវែង និងអនុវិទ្យាល័យសម្តេចឪ សម្តេចម៉ែ ស្ថិតក្នុងស្រុកភ្នំក្រវាញ ខេត្តពោធិ៍សាត់ នាព្រឹកថ្ងៃទី២៧ ខែកញ្ញា ឆ្នាំ២០២៦។
ការចុះពិនិត្យនាឱកាសនោះ ធ្វើឡើងក្នុងគោលបំណងជំរុញការរៀបចំបរិវេណសាលារៀនឱ្យមានអនាម័យ បរិស្ថានបៃតង និងសោភ័ណភាពស្រស់ស្អាត ដើម្បីបង្កើតបរិយាកាសសិក្សាប្រកបដោយសុខុមាលភាព សុវត្ថិភាព និងភាពទាក់ទាញដល់សិស្សានុសិស្ស ក៏ដូចជាលោកគ្រូ-អ្នកគ្រូ។
ក្នុងសកម្មភាពនេះ ឯកឧត្តមអភិបាលខេត្ត បានណែនាំដល់អាជ្ញាធរដែនដី និងគណៈគ្រប់គ្រងសាលា ឱ្យបន្តយកចិត្តទុកដាក់លើការគ្រប់គ្រងសំរាម ការដាំដើមឈើ និងផ្កាលម្អ ព្រមទាំងការជួសជុលថែទាំហេដ្ឋារចនាសម្ព័ន្ធសាលារៀនឱ្យបានមាំទាំ និងមានរបៀបរៀបរយជាប្រចាំ៕ សាយយ័ន្ដ វុន្នីយ៉ា
សេចក្តីជូនដំណឹង
សេចក្តីជូនដំណឹង ស្ដីពី ការអញ្ជើញមកទទួល នឹងដាក់ពាក្យសុំចូលបំពេញកាតព្វកិច្ចយោធា
គណៈកម្មាធិការជាតិកាតព្វកិច្ចយោធា សូមជូនដំណឹងដល់ប្រជាពលរដ្ឋខ្មែរដែលមានអាយុ ១៨-២៥ឆ្នាំ ឱ្យបានជ្រាបថា គណៈកម្មាធិការការជាតិកាតព្វកិច្ចយោធា នឹងធ្វើការចែក និងទទួលពាក្យចាប់ពីថ្ងៃ ១ ខែតុលា រហូតដល់ថ្ងៃទី ៩ ខែតុលា ឆ្នាំ២០២៦ និងការដាក់ពាក្យចាប់ពីថ្ងៃទី ១០-១៥ តុលា ឆ្នាំ២០២៦៕
កសិកម្ម
ខណ្ឌរដ្ឋបាលជលផលខេត្តពោធិ៍សាត់ សហការលែងត្រីកម្រ និងជិតផុតពូជចំនួន ៣ក្បាល ចូលទៅក្នុងដែនអភិរក្សជលផលជ្រោយស្តី
យោងតាមការបញ្ជាក់ពីខណ្ឌរដ្ឋបាលជលផលខេត្តពោធិ៍សាត់ បានឱ្យដឹងថា គិតត្រឹមដើមឆ្នាំ២០២៦ នេះ អាជ្ញាធរមានសមត្ថកិច្ច និងមន្ត្រីជំនាញ បានប្រមូល និងលែងប្រភេទត្រីកម្រចូលទៅក្នុងដែនអភិរក្សបានចំនួន ៦លើក សរុប ១០ក្បាល រួចមកហើយ ក្នុងនោះរួមមាន៖ ត្រីគល់រាំងចំនួន ៤ក្បាល និងត្រីរាជចំនួន ៦ក្បាល ដើម្បីចូលរួមថែរក្សា និងអភិរក្សពូជមច្ឆជាតិកម្រៗឱ្យនៅគង់វង្សតទៅមុខទៀត។
សកម្មភាពថ្នាក់ដឹកនាំ
ជំនន់ទឹកភ្លៀងលិចលង់ផ្ទះសម្បែងជិត ៥០០ខ្នង នៅស្រុកក្រគរ ខណៈអាជ្ញាធរខេត្តពោធិ៍សាត់ ចុះអន្តរាគមន៍សង្គ្រោះបន្ទាន់
ឆ្លើយតបយ៉ាងសកម្មទៅនឹងអនុសាសន៍ណែនាំដ៏ខ្ពង់ខ្ពស់របស់ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ក្នុងការយកចិត្តទុកដាក់លើសុវត្ថិភាព និងអាយុជីវិតប្រជាពលរដ្ឋជាអាទិភាព នាព្រឹកថ្ងៃទី២៦ ខែកញ្ញា ឆ្នាំ២០២៦នេះ ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ បានដឹកនាំក្រុមការងារ និងអាជ្ញាធរមូលដ្ឋាន ចុះពិនិត្យស្ថានភាពផលប៉ះពាល់ដោយសារជំនន់ទឹកភ្លៀង នៅចំណុចខ្សាច់ហាប ស្ថិតក្នុងភូមិទានព្រៃ ឃុំឈើតុំ ស្រុកក្រគរ ខេត្តពោធិ៍សាត់។
សកម្មភាពថ្នាក់ដឹកនាំ
ឯកឧត្តម នាយឧត្តមសេនីយ៍ ម៉ៅ សុផាន់ ដឹកនាំកិច្ចប្រជុំត្រួតពិនិត្យការងារបង្ក្រាបបទល្មើសនេសាទលើផ្ទៃទឹកបឹងទន្លេសាប
កិច្ចប្រជុំត្រួតពិនិត្យវឌ្ឍនភាពការងារបង្ក្រាបបទល្មើសនេសាទលើផ្ទៃទឹកបឹងទន្លេសាប ស្ថិតក្នុងភូមិសាស្ត្រខេត្តពោធិ៍សាត់ ក្រោមអធិបតីភាពដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ម៉ៅ សុផាន់ អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងទ័ពជើងគោក នាថ្ងៃសៅរ៍ ទី២៦ ខែកញ្ញា ឆ្នាំ២០២៦ នៅសាលប្រជុំកោះសំពៅមាស។
សកម្មភាពអាជ្ញាធរ
អភិបាលស្រុកភ្នំក្រវាញ ចុះកាត់កាត់ឆ្ការមែកឈើ និងណែនាំពលរដ្ឋតាមដងផ្លូវឱ្យរៀបចំទុកដាក់សំរាមឱ្យបានត្រឹមត្រូវ
ពោធិ៍សាត់៖ លោក ធាម សុផាត អភិបាល នៃគណៈអភិបាលស្រុកភ្នំក្រវាញ បានដឹកនាំក្រុមការងារអាជ្ញាធរ និងកងកម្លាំងក្នុងមូលដ្ឋាន ចុះផ្ទាល់ក្នុងការកាត់ឆ្ការ និងតុបតែងមែកឈើតាមដងផ្លូវជាតិ ដើម្បីសម្រួលដល់ការធ្វើដំណើរ ធានាសុវត្ថិភាពចរាចរណ៍ និងលើកកម្ពស់សោភ័ណភាពក្នុងស្រុក នៅថ្ងៃទី២៦ ខែកញ្ញា ឆ្នាំ២០២៦។
ក្នុងឱកាសនោះដែរ លោកអភិបាលស្រុកបានចុះណែនាំ និងអប់រំផ្សព្វផ្សាយផ្ទាល់ដល់បងប្អូនប្រជាពលរដ្ឋដែលរស់នៅតាមដងផ្លូវជាតិ ត្រូវចូលរួមថែរក្សាអនាម័យបរិស្ថាន ដោយត្រូវចេះបែងចែក និងទុកដាក់សំរាមឱ្យបានត្រឹមត្រូវក្នុងធុង ឬទីតាំងកំណត់ ចៀសវាងការបោះចោលពាសវាលពាសកាលដែលនាំឱ្យប៉ះពាល់ដល់សុខភាព និងសោភ័ណភាពសាធារណៈ៕
សកម្មភាពអាជ្ញាធរ
អភិបាលស្រុកភ្នំក្រវាញ ចុះពិនិត្យស្ថានភាពទឹកនៅភូមិសាយ ឃុំព្រងិល
ពោធិ៍សាត់៖ លោក ធាម សុផាត អភិបាលស្រុកភ្នំក្រវាញ បានដឹកនាំក្រុមការងារអាជ្ញាធរមូលដ្ឋាន ចុះពិនិត្យស្ថានភាពទឹក និងកម្រិតជំនន់ទឹកភ្លៀងដោយផ្ទាល់ នៅភូមិសាយ ឃុំព្រងិល ស្រុកភ្នំក្រវាញ ខេត្តពោធិ៍សាត់ នៅព្រឹកថ្ងៃទី២៦ ខែកញ្ញា ឆ្នាំ២០២៦ ។
ក្នុងសកម្មភាពចុះពិនិត្យនេះ លោកអភិបាលស្រុកបានណែនាំដល់អាជ្ញាធរឃុំ-ភូមិ និងកងកម្លាំងពាក់ព័ន្ធ ត្រូវបន្តតាមដានការវិវត្តនៃកម្ពស់ទឹកឱ្យបានជាប់ជាប្រចាំ ព្រមទាំងត្រៀមលក្ខណៈសម្ភារ និងកម្លាំងអន្តរាគមន៍ ដើម្បីចុះជួយសង្គ្រោះប្រជាពលរដ្ឋឱ្យបានទាន់ពេលវេលា ប្រសិនបើមានករណីទឹកហក់ឡើងខ្លាំង។
ជាមួយគ្នានេះ លោកក៏បានអំពាវនាវដល់បងប្អូនប្រជាពលរដ្ឋរស់នៅក្នុងតំបន់នោះ ឱ្យបង្កើនការប្រុងប្រយ័ត្នខ្ពស់ និងថែរក្សាសុខភាព ជាពិសេសកុមារតូចៗ និងមនុស្សចាស់ ដើម្បីចៀសវាងគ្រោះថ្នាក់ផ្សេងៗដែលកើតឡើងដោយយថាហេតុ៕
សេចក្តីជូនដំណឹង
សេចក្ដីបំភ្លឺពត៌មាន
រដ្ឋបាលស្រុកវាលវែង មានកិត្តិយសសូមជំរាបជូនដំណឹងដល់សាធារណៈជន និងបណ្ដាញផ្សព្វផ្សាយជាតិ និងអន្តរជាតិទាំងអស់មេត្តាជ្រាបថា ករណីអនុគណៈកម្មាធិការបង្ក្រាបបទល្មើសធនធានធម្មជាតិ ក្រុមទី៣ ទទួលបន្ទុកឃុំប្រម៉ោយ បានចាប់ឃាត់ខ្លួនជនសង្ស័យ ចំនួន៣នាក់ ដោយមានឈ្មោះ អោម សុភា ឈ្មោះ ទឹង ស្លូញ និងឈ្មោះ ថៃ ណាក់ ជាករណីកប់រុករានដីព្រៃខុសច្បាប់ ក្នុងតំបន់ការពារធនធានធម្មជាតិ ស្ថិតនៅចំណុចដូននាគ ក្នុងភូមិស្ទឹងថ្មី ឃុំប្រម៉ោយ ស្រុកវាលវែង ខេត្តពោធិ៍សាត់៕
សកម្មភាពថ្នាក់ដឹកនាំ
ឯកឧត្តម ខូយ រីដា អញ្ជើញចូលរួមរំលែកទុក្ខ និងឧទ្ទិសកុសលជូនវិញ្ញាណក្ខន្ធ ឧបាសិកា ប៉ែន ថៃ នៅស្រុកកណ្តៀង
ឯកឧត្តម ខូយ រីដា អភិបាល នៃគណៈអភិបាលខេត្តពោធិ៍សាត់ បានអញ្ជើញចូលរួមក្នុងពិធីបុណ្យសព និងឧទ្ទិសកុសលជូនវិញ្ញាណក្ខន្ធ ឧបាសិកា ប៉ែន ថៃ ដែលត្រូវជាម្តាយក្មេករបស់លោកស្រី មិត្ត សុភាព អភិបាលរងស្រុកក្រគរ នាថ្ងៃទី២៦ ខែកញ្ញា ឆ្នាំ២០២៦ ។
គ្រោះធម្មជាតិ
ឯកឧត្តម ខូយ រីដា អញ្ជើញចុះពិនិត្យស្ថានភាពជំនន់ទឹកភ្លៀងរហ័ស និងជួយដោះស្រាយផលប៉ះពាល់ជូនប្រជាពលរដ្ឋនៅស្រុកក្រគរ
ឯកឧត្តម ខូយ រីដា អភិបាល នៃគណៈអភិបាលខេត្តពោធិ៍សាត់ បានដឹកនាំក្រុមការងារបច្ចេកទេស និងអាជ្ញាធរមូលដ្ឋាន ចុះពិនិត្យស្ថានភាពជំនន់ទឹកភ្លៀងរហ័ស (Flash Flood) ដែលកំពុងហូរជន់លិចផ្លូវក្រួសក្រហមមួយខ្សែ ប្រវែងជាង ២០០ម៉ែត្រ នៅចំណុចខ្សាច់ហាប ស្ថិតក្នុងភូមិទានព្រៃ ឃុំឈើតុំ ស្រុកក្រគរ ខេត្តពោធិ៍សាត់ ដើម្បីវាយតម្លៃផលប៉ះពាល់ជាក់ស្តែង និងឆ្លើយតបចំពោះបញ្ហាប្រឈមរបស់ប្រជាពលរដ្ឋឱ្យបានទាន់ពេលវេលា នាថ្ងៃទី២៦ ខែកញ្ញា ឆ្នាំ២០២៦។
សិល្បៈនិងវប្បធម៌
សកម្មភាពក្រុមការងារមន្ទីរវប្បធម៌និងវិចិត្រសិល្បៈ ខេត្តពោធិ៍សាត់ ចុះប្រមូលវត្ថុសិល្បៈពីទីតាំងបេតិកភណ្ឌ
សកម្មភាពក្រុមការងារមន្ទីរវប្បធម៌និងវិចិត្រសិល្បៈ ខេត្តពោធិ៍សាត់ ចុះប្រមូលវត្ថុសិល្បៈពីទីតាំងបេតិកភណ្ឌក្នុងឃុំបឹងបត់កណ្តោល ស្រុកបាកាន។
សកម្មភាពថ្នាក់ដឹកនាំ
ថ្នាក់ដឹកនាំខេត្តពោធិ៍សាត់ អញ្ជើញចូលរួមកិច្ចប្រជុំពេញអង្គគណៈរដ្ឋមន្ត្រី ក្រោមអធិបតីភាពដ៏ខ្ពង់ខ្ពស់ សម្តេចធិបតី ហ៊ុន ម៉ាណែត តាមប្រព័ន្ធ Zoom
ឯកឧត្តម ខូយ រីដា អភិបាល នៃគណៈអភិបាលខេត្តពោធិ៍សាត់ និងឯកឧត្ដម ម៉ក់ រ៉ា ប្រធានក្រុមប្រឹក្សាខេត្តពោធិ៍សាត់ បានអញ្ជើញចូលរួមកិច្ចប្រជុំពេញអង្គគណៈរដ្ឋមន្រ្តី តាមរយៈប្រព័ន្ធបញ្ជូនរូបភាព និងសំឡេង (Zoom) ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នាថ្ងៃទី២៥ ខែកញ្ញា ឆ្នាំ២០២៦ នៅសាលប្រជុំថ្មកែវ ជាន់ទី២ សាលាខេត្តពោធិ៍សាត់។
សកម្មភាពអាជ្ញាធរ
រដ្ឋបាលស្រុកវាលវែង រៀបចំកិច្ចប្រជុំសម្ភាសន៍អ្នកស្ម័គ្រចិត្តឃុំទាំង៥ ដើម្បីអនុវត្តមូលនិធិជាតិជួយសង្គម
លោក ធាង ឡេង អភិបាលនៃគណៈអភិបាលស្រុកវាលវែង បានអញ្ជើញជាអធិបតីភាពក្នុងកិច្ចប្រជុំសម្ភាសន៍អ្នកស្ម័គ្រចិត្តឃុំទាំង៥ ដើម្បីត្រៀមអនុវត្តកម្មវិធីមូលនិធិជាតិជួយសង្គម នៅក្នុងមូលដ្ឋានស្រុកវាលវែង នាថ្ងៃទី២៦ ខែកញ្ញា ឆ្នាំ២០២៦ ។