ព័ត៌មានក្នុងខេត្ត

ដើម្បីជាការលើកទឹកចិត្ត និងសម្រាលបន្ទុកថ្លៃការសិក្សាបន្ត សិស្សជ័យលាភីនិទ្ទេស A ទាំង ៣រូប ទទួលបានអំណោយឧបត្ថម្ភរួមមាន៖ ព្រះតេជគុណ សៅរ៍ សុជាតិ ព្រះចៅអធិការវត្តកែវឧត្តម (វត្តកណ្តាល) ឧបត្ថម្ភថវិកាចំនួន ៤០ម៉ឺនរៀល ក្នុងម្នាក់ៗ, លោក ធាម សុផាត អភិបាលស្រុកភ្នំក្រវាញ ឧបត្ថម្ភថវិកាចំនួន ៥០ម៉ឺនរៀល ក្នុងម្នាក់ៗ (សរុបសិស្សម្នាក់ៗទទួលបានថវិកាឧបត្ថម្ភចំនួន ៩០ម៉ឺនរៀល)។ សិស្សជ័យលាភី ព្រមទាំងអាណាព្យាបាលដែលបានចូលរួម ៖ បានសម្តែងនូវក្តីរំភើប រីករាយ និងថ្លែងអំណរគុណយ៉ាងជ្រាលជ្រៅចំពោះ ព្រះតេជគុណ ព្រះចៅអធិការវត្តកែវឧត្តម និងលោកអភិបាលស្រុកភ្នំក្រវាញ ដែលតែងតែយកចិត្តទុកដាក់ និងផ្តល់តម្លៃដល់ការសិក្សាអប់រំរបស់យុវជននៅមូលដ្ឋាន។

ពិធីនេះ រៀបចំឡើងក្នុងគោលបំណងបង្កើនចំណេះដឹង បំផុសស្មារតីទទួលខុសត្រូវ និងពង្រឹងសមត្ថភាពបន្ថែមដល់នាយក-នាយិកាសាលា ព្រមទាំងលោកគ្រូ អ្នកគ្រូទទួលបន្ទុក ដើម្បីឱ្យការដឹកនាំ និងការគ្រប់គ្រងចលនាកុមារ និងយុវជននៅតាមគ្រឹះស្ថានសិក្សា កាន់តែមានរចនាសម្ព័ន្ធច្បាស់លាស់ មានប្រសិទ្ធភាព និងឆ្លើយតបទៅនឹងគោលនយោបាយរបស់ក្រសួងអប់រំ យុវជន និងកីឡា។

ឯកឧត្តម ទី ថានី បានអញ្ជើញជាអធិបតីក្នុងពិធីជួបសំណេះសំណាលជាមួយលោកគ្រូ អ្នកគ្រូ និងគ្រូបង្រៀនចូលនិវត្តន៍ ក្នុងឃុំមេទឹក ដែលជាសមាជិកក្លឹបគ្រូបង្រៀនស្រុកបាកាន ព្រមទាំងបាននាំយកអង្ករ និងថវិកា ដែលជាអំណោយដ៏ថ្លៃថ្លារបស់ ឯកឧត្តម កែវ រតនៈ ប្រធានក្រុមការងាររាជរដ្ឋាភិបាលចុះជួយខេត្តពោធិ៍សាត់ ទៅចែកជូនដោយផ្ទាល់ដៃ។

ក្រុមប្រឹក្សាស្រុកបាកាន បានរៀបចំកិច្ចប្រជុំសាមញ្ញលើកទី២៨ អាណត្តិទី៤ របស់ខ្លួន ដើម្បីពិភាក្សា និងអនុម័តលើរបៀបវារៈសំខាន់ៗមួយចំនួន នាព្រឹកថ្ងៃទី៣ ខែកញ្ញា ឆ្នាំ២០២៦ នៅសាលប្រជុំសាលាស្រុកបាកាន ក្រោមអធិបតីភាព លោក ខៀវ ចែ ប្រធានក្រុមប្រឹក្សាស្រុកបាកាន និងមានការអញ្ជើញចូលរួមជាកិត្តិយសពីសំណាក់ ឯកឧត្តម សៅ ដារឿន សមាជិកាក្រុមប្រឹក្សាខេត្តពោធិ៍សាត់ ព្រមទាំងមានការចូលរួមពីសមាជិក សមាជិកាក្រុមប្រឹក្សាស្រុក គណៈអភិបាលស្រុក ថ្នាក់ដឹកនាំការិយាល័យ និងអង្គភាពពាក់ព័ន្ធជុំវិញស្រុកផងដែរ។

នៅក្នុងដំណើរការពិគ្រោះថ្លៃនេះ មានក្រុមហ៊ុនឯកជនចំនួន ៧ បានដាក់សំណើដេញថ្លៃប្រកួតប្រជែង ដើម្បីទទួលបានសិទ្ធិលើការសាងសង់ទីធ្លាចិញ្ចឹមមាន់សាច់ និងមាន់ពងបែបធម្មជាតិ (ដើរលេង)។ ការសាងសង់ទីធ្លាចិញ្ចឹមមាន់នេះ នឹងជួយឱ្យសហគមន៍កសិកម្មទំនើបម្ទេសដំណាក់ទ្រយឹង មានលទ្ធភាពពង្រីកការចិញ្ចឹមសត្វស្លាបប្រកបដោយអនាម័យ សុវត្ថិភាព និងឆ្លើយតបទៅនឹងតម្រូវការទីផ្សារ បង្កើនប្រាក់ចំណូលបន្ថែមជូនដល់សមាជិកសហគមន៍។

ពិធីនេះបានប្រព្រឹត្តទៅនាថ្ងៃទី៣ ខែកញ្ញា ឆ្នាំ២០២៦ នៅសាលប្រជុំមន្ទីរកសិកម្ម ខេត្តពោធិ៍សាត់ ក្រោមអធិបតីភាព លោក ហៃ ធូរ៉ា ប្រធានមន្ទីរកសិកម្ម រុក្ខាប្រមាញ់ និងនេសាទខេត្ត ដោយមានការសម្របសម្រួលពីការិយាល័យអភិវឌ្ឍន៍សហគមន៍កសិកម្ម និងមានការគាំទ្រថវិកាពីអង្គការកម្មវិធីស្បៀងអាហារពិភពលោក (WFP)។ វគ្គសិក្សានេះ មានការចូលរួមពីមន្ត្រីជំនាញថ្នាក់ក្រសួង មន្ទីរ ការិយាល័យអប់រំ និងមន្ត្រីកសិកម្មឃុំចំនួន ៣៥ ក្នុងស្រុក-ក្រុងគោលដៅ សរុបចំនួន ៦០ នាក់ (ស្រី ១៩ នាក់)។

មន្ទីរធនធានទឹក និងឧតុនិយមខេត្តពោធិ៍សាត់ បានបង្កើនការយកចិត្តទុកដាក់ខ្ពស់លើការគ្រប់គ្រងប្រព័ន្ធធារាសាស្ត្រ និងការតាមដានស្ថានភាពធាតុអាកាស ដើម្បីឆ្លើយតបទៅនឹងបាតុភូតគ្រោះរាំងស្ងួត ដែលកំពុងគំរាមកំហែងដល់ការបង្កបង្កើនផលរបស់ប្រជាពលរដ្ឋនៅក្នុងតំបន់មួយចំនួន។

រដ្ឋបាលស្រុកវាលវែង បានរៀបចំកិច្ចប្រជុំសាមញ្ញលើកទី២៧ អាណត្តិទី៤ របស់ក្រុមប្រឹក្សាស្រុកវាលវែង នៅសាលប្រជុំសាលាស្រុកវាលវែង ក្រោមអធិបតីភាព លោក សូ សាហុង សមាជិកក្រុមប្រឹក្សាស្រុក តំណាង លោកព្រឹទ្ធាចារ្យ អួន យ៉ង់ ប្រធានក្រុមប្រឹក្សាស្រុកវាលវែង នាថ្ងៃទី៣ ខែ​កញ្ញា​ ឆ្នាំ២០២៦។

ក្រុមប្រឹក្សាស្រុកភ្នំក្រវាញ បានរៀបចំកិច្ចប្រជុំសាមញ្ញលើកទី២៨ អាណត្តិទី៤ នៅសាលប្រជុំសាលាស្រុកភ្នំក្រវាញ ក្រោមអធិបតីភាពលោក សោម វិសាល ប្រធានក្រុមប្រឹក្សាស្រុកភ្នំក្រវាញ និងលោក ធាម សុផាត អភិបាលនៃគណៈអភិបាលស្រុកភ្នំក្រវាញ នាថ្ងៃទី៣ ខែកញ្ញា ឆ្នាំ២០២៦។

ឯកឧត្តម ម៉ក់ រ៉ា និងឯកឧត្តម ខូយ រីដា បានទទួលស្វាគមន៍គណៈប្រតិភូគណៈកម្មការទី៩ នៃព្រឹទ្ធសភា ដឹកនាំដោយ ឯកឧត្តម អ៊ុំ សារឹទ្ធ នៅសាលាខេត្តពោធិ៍សាត់។ បេសកកម្មនេះធ្វើឡើងដើម្បីស្វែងយល់ពីវឌ្ឍនភាពមូលដ្ឋាន តាមដានការអនុវត្តច្បាប់ និងដោះស្រាយបញ្ហាប្រឈម ក្នុងគោលបំណងពង្រឹងកិច្ចសហការរវាងស្ថាប័ននីតិប្បញ្ញត្តិ និងនីតិប្រតិបត្តិ ដើម្បីលើកកម្ពស់គុណភាពសេវាសាធារណៈជូនប្រជាពលរដ្ឋ។

ពោធិ៍សាត់៖ រដ្ឋបាលស្រុកក្រគរសូមថ្លែងអំណរគុណយ៉ាងជ្រាលជ្រៅ និងសូមកោតសរសើរចំពោះការចូលរួមចំណែកយ៉ាងសកម្មពីសំណាក់បងប្អូនប្រជាពលរដ្ឋនិងភាគីពាក់ព័ន្ធទាំងអស់ក្នុងការថែរក្សានិងកែលម្អសោភ័ណភាពបរិស្ថាននៅតាមបណ្តោយផ្លូវជាតិលេខ ៥៤ ស្ថិតក្នុងភូមិទី៤ ឃុំកំពង់លួង។ សកម្មភាពដ៏មានតម្លៃនេះ មិនត្រឹមតែបង្ហាញពីស្មារតីម្ចាស់ការ និងការស្រលាញ់បរិស្ថានមូលដ្ឋានប៉ុណ្ណោះទេ ប៉ុន្តែថែមទាំងផ្តល់នូវផលប្រយោជន៍ដ៏សំខាន់ រួមមាន៖ ការលើកកម្ពស់សោភ័ណភាពជួយឱ្យបរិវេណតាមដងផ្លូវមានភាពបៃតង ស្អាត និងមានរបៀបរៀបរយគួរឱ្យចង់គយគន់, ការបង្កើតបរិស្ថានរស់នៅល្អប្រសើរកាត់បន្ថយការបំពុល និងសំណល់ផ្សេងៗ ដែលនាំឱ្យសុខភាពសាធារណៈរបស់ប្រជាពលរដ្ឋកាន់តែល្អប្រសើរ, ធានាសុវត្ថិភាពចរាចរណ៍ការសម្អាត និងរៀបចំសណ្ដាប់ធ្នាប់តាមដងផ្លូវ ជួយឱ្យការធ្វើដំណើររបស់បងប្អូនប្រជាពលរដ្ឋគ្រប់រូបកាន់តែមានភាពងាយស្រួល និងមានសុវត្ថិភាពខ្ពស់។ រដ្ឋបាលស្រុកក្រគរ សង្ឃឹមនិងជឿជាក់យ៉ាងមុតមាំថា ស្មារតីសហការ និងការស្រលាញ់បរិស្ថានមួយនេះ នឹងបន្តរក្សា ក៏ដូចជាផុសផុល រីករាលដាលកាន់តែខ្លាំងក្លាថែមទៀត ដើម្បីសហគមន៍យើងទាំងអស់គ្នា៕

ពោធិ៍សាត់៖ នារសៀលថ្ងៃទី២ ខែកញ្ញា ឆ្នាំ២០២៦ សមាជិក គណបក្សប្រជាជនកម្ពុជា មកពីភូមិទាំង ១៣ ស្ថិតក្នុងសង្កាត់ផ្ទះព្រៃ ក្រុងពោធិ៍សាត់ ខេត្តពោធិ៍សាត់ ត្រូវបានប្រគល់ជូនប័ណ្ណសមាជិកគណបក្សថ្មី តាមរយៈការគ្រប់គ្រង និងទាញយកទិន្នន័យតាមប្រព័ន្ធបច្ចេកវិទ្យា (IT)។ ការផ្តល់ប័ណ្ណសមាជិកបក្សថ្មីតាមប្រព័ន្ធ IT នាពេលនេះ គឺជាជំហានថ្មីមួយទៀតនៃការធ្វើទំនើបកម្មប្រព័ន្ធគ្រប់គ្រងទិន្នន័យសមាជិកគណបក្សឱ្យមានភាពច្បាស់លាស់ លឿនរហ័ស ទាន់សម័យ និងមានប្រសិទ្ធភាពខ្ពស់ ស្របតាមការវិវត្តនៃឌីជីថល។ សកម្មភាពនេះ ក៏បានបង្ហាញពីការយកចិត្តទុកដាក់ និងការរៀបចំរចនាសម្ព័ន្ធគ្រប់គ្រងសមាជិកនៅថ្នាក់មូលដ្ឋានឱ្យកាន់តែរឹងមាំ ដើម្បីធានានូវភាពត្រឹមត្រូវនៃទិន្នន័យ និងសម្រួលដល់ការងារទំនាក់ទំនង ព្រមទាំងការផ្តល់សេវាផ្សេងៗជូនសមាជិកបក្សទាំង ១៣ភូមិ ក្នុងសង្កាត់ផ្ទះព្រៃ ឱ្យកាន់តែមានប្រសិទ្ធភាពបន្ថែមទៀត៕