ព័ត៌មានក្នុងខេត្ត

ក្រុមប្រឹក្សាស្រុកភ្នំក្រវាញបានបើក កិច្ចប្រជុំសាមញ្ញលើកទី២៧ អាណត្តិទី៤ ក្រោមអធិបតីភាព លោក សោម វិសាល ប្រធានក្រុមប្រឹក្សាស្រុក។ កិច្ចប្រជុំនេះផ្ដោតលើការពិនិត្យ និងអនុម័តរបៀបវារៈប្រចាំខែ ការតាមដានវឌ្ឍនភាពនៃការអភិវឌ្ឍស្រុក និងការផ្តល់សេវាសាធារណៈ ព្រមទាំងការដោះស្រាយបញ្ហាប្រឈមនានា ដើម្បីធានាការគ្រប់គ្រងរដ្ឋបាលមូលដ្ឋានឱ្យមានប្រសិទ្ធភាព តម្លាភាព និងដំណើរការដោយរលូន។

ពោធិ៍សាត់៖ លោក អ៊ន សុផល្លា អភិបាល នៃគណៈអភិបាលស្រុកក្រគរ បានអញ្ជើញជាអធិបតីភាពដឹកនាំកិច្ចប្រជុំអាណត្តិ ប្រចាំខែកក្កដា និងការផ្សព្វផ្សាយព្រះរាជក្រឹត្យស្តីពីលក្ខន្តិកៈនៃអង្គគ្រូបង្រៀន នាព្រឹកថ្ងៃទី៣ ខែសីហា ឆ្នាំ២០២៦។ កិច្ចប្រជុំនេះបានប្រព្រឹត្តទៅនៅសាលប្រជុំការិយាល័យអប់រំ យុវជន និងកីឡាស្រុកក្រគរ ដោយមានការអញ្ជើញចូលរួមពីថ្នាក់ដឹកនាំ និងមន្ត្រីពាក់ព័ន្ធជាច្រើនរូប ក្នុងគោលបំណងបូកសរុបលទ្ធផលការងារប្រចាំខែ ក៏ដូចជាបង្កើនការយល់ដឹងអំពីក្របខ័ណ្ឌច្បាប់ និងលក្ខន្តិកៈដល់អង្គគ្រូបង្រៀនក្នុងស្រុកទាំងមូល៕

ពោធិ៍សាត់៖ រដ្ឋបាលស្រុកវាលវែង បានរៀបចំកិច្ចប្រជុំសាមញ្ញលើកទី២៦ អាណត្តិទី៤ របស់ក្រុមប្រឹក្សាស្រុកវាលវែង ដែលប្រព្រឹត្តទៅនៅក្នុងសាលប្រជុំសាលាស្រុកវាលវែង នៅព្រឹកថ្ងៃច័ន្ទ ទី៣ ខែសីហា ឆ្នាំ២០២៦ នេះ។ កិច្ចប្រជុំនេះបានធ្វើឡើងក្រោមអធិបតីភាព លោក សូ សាហុង សមាជិកក្រុមប្រឹក្សាស្រុក តំណាង លោកព្រឹទ្ធាចារ្យ អួន យ៉ង់ ប្រធានក្រុមប្រឹក្សាស្រុកវាលវែង ដោយមានការអញ្ជើញចូលរួមពីសំណាក់ ឯកឧត្ដម ឃៀង សុជីវ័ន សមាជិកក្រុមប្រឹក្សាខេត្ត និង លោក ធាង ឡេង អភិបាល នៃគណៈអភិបាលស្រុកវាលវែង៕

លោក ហេង សុភាណា អភិបាលរងខេត្តតំណាងឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ ផ្ដល់ប្រេងម៉ាស៊ូតចំនួន៩០០លីត្រសម្រាប់បូមទឹកសង្គ្រោះស្រូវវស្សាដែលជួបគ្រោះរាំងស្ងួត នៅឃុំស្វាយដូនកែវ

លោក លឹម សុខតូ អភិបាលរងតំណាងឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ ព្រមទាំងមន្ទីរ អង្គភាព និងអាជ្ញាធរពាក់ព័ន្ធ បន្តចុះពិនិត្យស្ថានភាពទឹកទម្លាក់ពីទំនប់ទី៥ និងទំនប់ឈើតោក ព្រមទាំងស្ថានភាពដំណាំស្រូវរបស់ប្រជាកសិករ នៅចុងស្ទឹងមេទឹក ឃុំមេទឹក ស្រុកបាកាន ដើម្បីវាយតម្លៃ និងរកវិធានការអន្តរាគមន៍ជួយសង្គ្រោះស្រូវរដូវវស្សាដែលរងគ្រោះដោយសារគ្រោះរាំងស្ងួត។

អភិបាលស្រុកបាកាន (ស្តីទី) បានដឹកនាំការបោះឆ្នោតស្ទាបស្ទង់មតិជ្រើសរើសនាយកកម្រង និងនាយកសាលាបឋមសិក្សាបឹងខ្នារ ដោយប្រព្រឹត្តទៅតាមគោលការណ៍ប្រជាធិបតេយ្យ និងតម្លាភាព ដើម្បីស្វែងរកថ្នាក់ដឹកនាំដែលមានសមត្ថភាពក្នុងការអភិវឌ្ឍវិស័យអប់រំនៅមូលដ្ឋាន។

រដ្ឋបាលស្រុកភ្នំក្រវាញបានបើកកិច្ចប្រជុំថ្នាក់ស្រុកជាមួយតំណាងអង្គការសហគមន៍មូលដ្ឋាន ដើម្បីលើកកម្ពស់កិច្ចសហការ និងធានាការចូលរួមរបស់ប្រជាពលរដ្ឋក្នុងការរៀបចំផែនការ និងថវិកាអភិវឌ្ឍន៍មូលដ្ឋានប្រកបដោយតម្លាភាព និងគណនេយ្យភាព។

អភិបាលស្រុកវាលវែង បានដឹកនាំកិច្ចប្រជុំគណៈបញ្ជាការឯកភាពស្រុកប្រចាំខែកក្កដា ដោយមានការចូលរួមពីមន្ត្រីរាជបាល កងកម្លាំងប្រដាប់អាវុធ អាជ្ញាធរមូលដ្ឋាន និងអ្នកពាក់ព័ន្ធ ដើម្បីពិនិត្យ និងពង្រឹងការងារសន្តិសុខ សណ្ដាប់ធ្នាប់ និងការអភិវឌ្ឍក្នុងមូលដ្ឋាន។

លោក ណារ៉ា ចំរើន អភិបាលស្រុកកណ្ដៀង បានដឹកនាំកិច្ចប្រជុំជាមួយមន្ត្រីជំនាញ និងអ្នកពាក់ព័ន្ធ ដើម្បីផ្ទៀងផ្ទាត់ទិន្នន័យផ្ទៃដីស្រូវរងផលប៉ះពាល់ដោយសារគ្រោះរាំងស្ងួត ក្នុងគោលបំណងកំណត់ទំហំខូចខាតឱ្យបានច្បាស់លាស់ និងធានាតម្លាភាពសម្រាប់ការស្នើសុំអន្តរាគមន៍សង្គ្រោះទាន់ពេលវេលា។

លោក ឃៀង សុជីវ័ន្ត អគ្គនាយករង ក្រុមហ៊ុន ទ្រី ភាព គ្រុប នាំយកទៀនព្រះវស្សា និងទេយ្យទានរបស់លោកអ្នកឧកញ៉ា បណ្ឌិត ទ្រី ភាព និងលោកជំទាវ អ្នកឧកញ៉ា គៀន ស្រីនាង ប្រគេនព្រះសង្ឃគង់ចាំព្រះវស្សាចំនួន ១១វត្តអារាម និងបូជនីយដ្ឋានចំនួន ២ នៅក្រុងពោធិ៍សាត់ ស្រុកវាលវែង និងស្រុកភ្នំក្រវាញ ខេត្តពោធិ៍សាត់ ។

កិច្ចប្រជុំនេះ រៀបចំឡើងក្នុងគោលបំណងរកដំណោះស្រាយ និងដាក់ចេញនូវវិធានការបន្ទាន់ ដើម្បីជួយសង្គ្រោះផលដំណាំស្រូវរបស់ប្រជាពលរដ្ឋដែលកំពុងជួបប្រទះបញ្ហាខ្វះខាតទឹក ដោយសារស្ថានភាពអាកាសធាតុប្រែប្រួល និងគ្រោះរាំងស្ងួតក្នុងមូលដ្ឋាន។

អភិបាលស្រុកតាលោសែនជ័យ បានដឹកនាំក្រុមការងារចុះពិនិត្យការបែងចែកទឹកនៅភូមិចំនួន ៤ នៃឃុំតាលោ រួមមាន៖ ភូមិសិរីគន្ធា, ភូមិទួលទទឹង, ភូមិបួរជ្រេស និងភូមិតាលោ។ ការចុះផ្ទាល់នេះ គឺដើម្បីធានាភាពស្មើភាព តម្លាភាព និងប្រសិទ្ធភាពក្នុងការប្រើប្រាស់ទឹក ព្រមទាំងជួយសម្របសម្រួលដោះស្រាយការខ្វះខាតទឹកជូនប្រជាពលរដ្ឋសម្រាប់បំពេញតម្រូវការក្នុងជីវភាពប្រចាំថ្ងៃ។