ព័ត៌មានក្នុងខេត្ត

ភូមិបណ្តែតទឹកកំពង់លួង ស្ថិតក្នុងស្រុកក្រគរ ខេត្តពោធិ៍សាត់ ជាសហគមន៍ទេសចរណ៍ និងជាភូមិបណ្តែតទឹកដ៏ធំមួយនៅលើបឹងទន្លេសាប។ ភូមិនេះមានរចនាសម្ព័ន្ធរស់នៅទាំងស្រុងលើផ្ទៃទឹក ដូចជាផ្ទះសម្បែង សាលារៀន វត្តអារាម និងទីកន្លែងអាជីវកម្មផ្សេងៗ ដែលអាចផ្លាស់ប្តូរទីតាំងតាមរដូវទឹកឡើង និងទឹកស្រក។ ប្រជាជនភាគច្រើនប្រកបរបរនេសាទ និងដាំដុះលើក្បូន។ ទីនេះគឺជាគោលដៅទេសចរណ៍ដ៏ពេញនិយមសម្រាប់ភ្ញៀវជាតិ និងអន្តរជាតិ ក្នុងការជិះទូកទស្សនាជីវភាពរស់នៅប្រចាំថ្ងៃ ព្រៃលិចទឹក និងទិដ្ឋភាពថ្ងៃលិចដ៏ស្រស់ស្អាតលើផ្ទៃបឹង។

លោកឧត្តមសេនីយ៍ត្រី ឆាយ សុភ័ក្ត្រ ស្នងការរង តំណាងលោកឧត្តមសេនីយ៍ទោ ស ថេង ស្នងការនគរបាលខេត្តពោធិ៍សាត់ បានបើកផ្តល់ថវិកាសមាគមមិត្តនគរបាលជាតិកម្ពុជា ជូនដល់ គ្រួសារសពមន្ត្រីនគរបាលនិវត្តជនសរុបចំនួន ៩គ្រួសារ។

អភិបាលស្រុកវាលវែង ដឹកនាំកិច្ចប្រជុំស្តីពី ការរៀបចំផែនការ និងនីតិវិធីចុះធ្វើប្លង់ដីគរុភណ្ឌវត្តអារាម និងបូជនីយដ្ឋានផ្សេងៗ ដែលមិនទាន់បានចុះបញ្ជីកម្មសិទ្ធិ ដែលមានការអញ្ជេីញ និងនិមន្តចូលរួមពីព្រះមន្ត្រីសង្ឃ អាជ្ញាធរ និងមន្ត្រីជំនាញពាក់ព័ន្ធចូលរួមសរុបចំនួន ៨៥ អង្គ/នាក់ នៅសាលាស្រុកវាលវែង។

អភិបាលស្រុកវាលវែង បានដឹកនាំមន្ត្រីរាជការចូលរួមប្រជុំ និងចុះសិក្សាទីតាំងសាងសង់ មជ្ឈមណ្ឌលបច្ចេកវិទ្យាសហគមន៍ ក្រោមវត្តមានឯកឧត្តម ប៊ិន សក្ដា អនុរដ្ឋលេខាធិការក្រសួងប្រៃសណីយ៍ និងទូរគមនាគមន៍ និងលោក អ៊ុយ សុធាវី អភិបាលរងខេត្តពោធិ៍សាត់។

ឯកឧត្តម ខូយ រីដា អភិបាលខេត្តពោធិ៍សាត់ បានជួបសំណេះសំណាលជាមួយលោកគ្រូ អ្នកគ្រូ និងគណៈគ្រប់គ្រងសាលានៅស្រុកភ្នំក្រវាញ ដើម្បីសាកសួរសុខទុក្ខ ស្វែងយល់ពីបញ្ហាប្រឈម និងពង្រឹងកិច្ចសហការក្នុងវិស័យអប់រំ។

មន្ទីរផែនការខេត្តពោធិ៍សាត់ បានរៀបចំសិក្ខាសាលាផ្សព្វផ្សាយលទ្ធផលបឋមគណនេយ្យជាតិ ឆ្នាំ២០២៥ ក្នុងគោលបំណងផ្សព្វផ្សាយទិន្នន័យផលិតផលក្នុងស្រុកសរុប (GDP) របស់ខេត្ត សម្រាប់ប្រើប្រាស់ក្នុងការរៀបចំផែនការ និងអភិវឌ្ឍន៍ខេត្ត។

លោក សេក ញន អនុប្រធានមន្ទីរព័ត៌មានខេត្តពោធិ៍សាត់ បានដឹកនាំក្រុមការងារចុះពិនិត្យស្ថានភាពអត្តសញ្ញាណប័ណ្ណសញ្ជាតិខ្មែររបស់ប្រជាពលរដ្ឋនៅភូមិជំរុំសៀមក្នុងគោលបំណង ស្រង់ទិន្នន័យ និងជំរុញឱ្យប្រជាពលរដ្ឋដែលមិនទាន់មាន អត្តសញ្ញាណប័ណ្ណផុតសុពលភាព ឬបាត់បង់ បានរៀបចំធ្វើឯកសារឡើងវិញទាន់ពេលវេលា។

ស្នងការដ្ឋាននគរបាលខេត្តពោធិ៍សាត់ បាននាំយកថវិកាសមាគមមិត្តនគរបាលជាតិកម្ពុជាសរុប ១២លានរៀល ទៅប្រគល់ជូនគ្រួសារសពមន្ត្រីនគរបាលនិវត្តជនចំនួន ២គ្រួសារ (ក្នុងមួយគ្រួសារទទួលបាន ៦លានរៀល) ដើម្បីចូលរួមរំលែកទុក្ខ និងជួយសម្រាលបន្ទុកគ្រួសារ។

ឯកឧត្តម ខូយ រីដា អភិបាលខេត្តពោធិ៍សាត់ បានចុះសំណេះសំណាលជាមួយលោកគ្រូ អ្នកគ្រូ និងគណៈគ្រប់គ្រងសាលាប្រមាណ ៧០នាក់ ក្នុងស្រុកភ្នំក្រវាញ នារសៀលថ្ងៃទី០៤ ខែសីហា ឆ្នាំ២០២៦ ដើម្បីសាកសួរសុខទុក្ខ ស្វែងយល់ពីបញ្ហាប្រឈម និងពង្រឹងកិច្ចសហការអភិវឌ្ឍវិស័យអប់រំថ្នាក់មូលដ្ឋានឱ្យកាន់តែមានប្រសិទ្ធភាពខ្ពស់។

កិច្ចប្រជុំបូកសរុបលទ្ធផលការងារសុវត្ថិភាពចរាចរណ៍ផ្លូវគោក ប្រចាំឆមាសទី១ និងលើកទិសដៅឆមាសទី២ ក្រោមអធិបតីភាព លោក លឹម សុខតូ អភិបាលរងខេត្ត ដោយមានការចូលរួមពីមន្ត្រីពាក់ព័ន្ធ និងអាជ្ញាធរប្រមាណជាង ១០០នាក់។

បុរីវប្បធម៌កោះសំពៅមាស គឺជាតំបន់ទេសចរណ៍ និងជាសួនលំហែកាយដ៏ពេញនិយមមួយ ស្ថិតនៅចំកណ្តាលដងស្ទឹងពោធិ៍សាត់ ក្នុងខេត្តពោធិ៍សាត់។ កោះនេះត្រូវបានចាប់ផ្តើមសាងសង់ឡើងនៅឆ្នាំ២០០៧ និងសម្ពោធដាក់ឱ្យប្រើប្រាស់នៅថ្ងៃទី១០ ខែមករា ឆ្នាំ២០០៩ ក្រោមការផ្តួចផ្តើម និងយកចិត្តទុកដាក់រៀបចំពីសំណាក់ឯកឧត្តម ស៊ុយ សែម រួមជាមួយអាជ្ញាធរខេត្ត។ បច្ចុប្បន្ន ទីកន្លែងនេះត្រូវបានកែលម្អឱ្យមានសួនច្បារស្អាត ភ្លើងពណ៌ចម្រុះ និងទីធ្លាធំទូលាយសម្រាប់ប្រជាពលរដ្ឋហាត់ប្រាណ សម្រាកលំហែកាយ បន់ស្រន់បារមីព្រះអង្គចៅសែន និងជាទីតាំងប្រារព្ធពិធីបុណ្យជាតិសំខាន់ៗ ដែលទាក់ទាញភ្ញៀវទេសចរជាតិ និងអន្តរជាតិមិនឱ្យខកខានក្នុងការចូលទស្សនាឡើយ។

សេចក្តីជូនដំណឹង ស្តីពីការរក្សាតម្លៃ និងគុណភាពសេវាកម្ម របស់សណ្ឋាគារ ផ្ទះសំណាក់ ភោជនីយដ្ឋាន និងអាហារដ្ឋានគ្រប់ប្រភេទ នាឱកាសប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ១០ សីហា ២០២៦