ព័ត៌មានក្នុងខេត្ត

លោក ឆាយ គឹមម៉ុង អភិបាលស្រុកបាកាន បានដឹកនាំកិច្ចប្រជុំគណៈបញ្ជាការឯកភាពរដ្ឋបាលស្រុក នៅសាលប្រជុំសាលាស្រុកបាកាន ដោយមានការចូលរួមពីអាជ្ញាធរមូលដ្ឋាន និងកងកម្លាំងប្រដាប់អាវុធ។ កិច្ចប្រជុំនេះបានផ្តោតលើការប្រគល់ភារកិច្ចសំខាន់ៗដូចជា ការពង្រឹងសន្តិសុខ សណ្ដាប់ធ្នាប់សាធារណៈ តាមរយៈគោលនយោបាយ ភូមិ ឃុំ សង្កាត់ មានសុវត្ថិភាព ការបង្កើនប្រសិទ្ធភាពនៃការផ្តល់សេវាសាធារណៈជូនប្រជាពលរដ្ឋ និងការដោះស្រាយបញ្ហប្រឈមនានានៅតាមមូលដ្ឋានឲ្យបានទាន់ពេលវេលា។

ចំពោះសំណួរ និងសំណូមពរ ព្រមទាំងក្តីកង្វល់ ទាំងផ្ទាល់មាត់ និងលិខិត ដែលប្រជាពលរដ្ឋបានលើកឡើង មានសរុបចំនួន៣១ករណី ពាក់ព័ន្ធនឹងវិស័យសុខាភិបាល, វិស័យអភិវឌ្ឍន៍ជនបទ, វិស័យផែនការ, រដ្ឋបាលស្រុកក្រគរ, វិស័យកសិកម្ម រុក្ខាប្រមាញ់ និងនេសាទ, វិស័យសង្គមកិច្ច អតីតយុទ្ធជន និងយុវនីតិសម្បទា, វិស័យសាធារណការ, វិស័យរៀបចំដែនដី នគរូបនីយកម្ម និងសំណង់, វិស័យអប់រំ, វិស័យធនធានទឹក, វិស័យស្នងការដ្ឋាននគរបាលខេត្ត។ ក្នុងនោះអាជ្ញាធរ និងមន្ទីរជំនាញ ដោះស្រាយបាន១៣ករណី និង១៨ករណីទៀត ត្រូវដាក់បញ្ចូលក្នុងគម្រោងផែនការ ដើម្បីផ្ញើជូនទៅក្រសួងមហាផ្ទៃ និងស្ថាប័នពាក់ព័ន្ធ ក្នុងពេលឆាប់ៗខាងមុខនេះ។

ស្ពានថ្មីដ៏មានសារៈសំខាន់នេះ ស្ថិតនៅលើកំណាត់ផ្លូវជាតិលេខ ១៤៦ ដែលជាភូមិសាស្ត្រ តភ្ជាប់ពីទីរួមខេត្តពោធិ៍សាត់ ឆ្ពោះទៅកាន់តំបន់ភ្នំក្រវាញ ព្រមទាំងបើកទ្វារស្វាគមន៍អ្នកដំណើរឆ្ពោះទៅកាន់តំបន់ទេសចរណ៍ធម្មជាតិល្បីៗជាច្រើនកន្លែង ដូចជា តំបន់ប្រម៉ោយ ភ្នំ ១៥០០ អូរសោម និងស្រុកវាលវែង។

លោកស្រី សេង ហួយ អភិបាលរងក្រុងពោធិ៍សាត់ បានដឹកនាំសម្របសម្រួលលើករណីស្នើសុំបើកផ្លូវគ្រោងលេខ ២១១ ស្ថិតនៅភូមិចំការចេក សង្កាត់ផ្ទះព្រៃ ខេត្តពោធិ៍សាត់ ដើម្បីស្វែងរកដំណោះស្រាយ និងសម្រួលដល់ការធ្វើដំណើររបស់ប្រជាពលរដ្ឋ។

ឯកឧត្តម ប៉ែន បូណា, ឯកឧត្តម ខូយ រីដា និងឯកឧត្តម ម៉ក់ រ៉ា បានអញ្ជើញជាគណៈអធិបតីក្នុង «វគ្គបណ្តុះបណ្តាលតម្រង់ទិសស្តីពីការពង្រឹងប្រសិទ្ធភាពការងារនាំពាក្យ និងព័ត៌មាន»។ វគ្គនេះរៀបចំឡើងក្នុងគោលបំណងពង្រឹងសមត្ថភាព និងប្រសិទ្ធភាពការងារដល់មន្ត្រីអ្នកនាំពាក្យថ្នាក់មូលដ្ឋាន ឱ្យកាន់តែសកម្ម និងឆ្លើយតបបានទាន់ពេលវេលា។

ខេត្តពោធិ៍សាត់ត្រៀមរៀបចំពិធីប្រណាំងទូក «ង» ថ្នាក់ខេត្ត លើកទី៦ នៅថ្ងៃទី៧-៨ ខែវិច្ឆិកា ឆ្នាំ២០២៦ តាមដងស្ទឹងពោធិ៍សាត់ ក្រោមអធិបតីភាពឯកឧត្តម ខូយ រីដា អភិបាលខេត្ត បន្ទាប់ពីខកខានកាលពីឆ្នាំមុន។ ព្រឹត្តិការណ៍នេះរៀបចំឡើងដើម្បីបង្កភាពសប្បាយរីករាយជូនប្រជាពលរដ្ឋ និងភ្ញៀវទេសចរ ក្រោមម្លប់សន្តិភាព។ឱ្យបានល្អប្រសើរ និងធានាឱ្យព្រឹត្តិការណ៍ប្រណាំងទូកឆ្នាំនេះប្រព្រឹត្តទៅដោយរលូន ភាពអធិកអធម និងសន្តិសុខសុវត្ថិភាពខ្ពស់៕

ពោធិ៍សាត់៖ លោក អ៊ន សុផល្លា អភិបាលនៃគណៈអភិបាលស្រុក និងជាប្រធានគណៈបញ្ជាការឯកភាពរដ្ឋបាលស្រុកក្រគរ បានដឹកនាំកិច្ចប្រជុំគណៈបញ្ជាការឯកភាពរដ្ឋបាលស្រុកប្រចាំខែតុលា ឆ្នាំ២០២៦ នៅសាលប្រជុំរដ្ឋបាលស្រុក ។ កិច្ចប្រជុំដ៏មានសារៈសំខាន់នេះ ក៏មានការអញ្ជើញចូលរួមពីសំណាក់ លោក លោកស្រី អភិបាលរងស្រុក, កងកម្លាំងប្រដាប់អាវុធទាំងបី, ប្រធានការិយាល័យសុខាភិបាលស្រុកប្រតិបត្តិក្រគរ, ប្រធានការិយាល័យប្រជាពលរដ្ឋ, លោក លោកស្រី ប្រធានការិយាល័យទាំង១៣, លោក លោកស្រី មេឃុំទាំង១១ឃុំ, ប្រធានប៉ុស្តិ៍រដ្ឋបាលទាំង១១ឃុំ ព្រមទាំងតំណាងអង្គភាពចំណុះរដ្ឋបាលស្រុកជាច្រើនរូប កាលពីរសៀលថ្ងៃទី២៦ ខែតុលា ឆ្នាំ២០២៦ ។ កិច្ចប្រជុំប្រចាំខែនេះ រៀបចំឡើងក្នុងគោលបំណង ពិនិត្យនិងវាយតម្លៃលើកិច្ចការងារថែរក្សាសន្តិសុខ សណ្តាប់ធ្នាប់សាធារណៈ សុវត្ថិភាពសង្គម ការអនុវត្តគោលនយោបាយ ភូមិ ឃុំ សង្កាត់មានសុវត្ថិភាព ក៏ដូចជាការពិភាក្សាលើវឌ្ឍនភាពការងារអភិវឌ្ឍន៍មូលដ្ឋាន និងការដោះស្រាយបញ្ហាប្រឈមនានា ដើម្បីធានាឱ្យការដឹកនាំ និងការផ្តល់សេវាជូនប្រជាពលរដ្ឋក្នុងស្រុកក្រគរ ប្រព្រឹត្តទៅដោយរលូន និងមានប្រសិទ្ធភាពខ្ពស់៕ សាយយ័ន្ដ វុន្នីយ៉ា

ខេត្តពោធិ៍សាត់៖ លោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានក្រុមការងារអភិវឌ្ឍន៍ និងគ្រប់គ្រងការអនុវត្តក្របខណ្ឌជំរុញបង្កើនការងារថែទាំសុខភាពបឋម បានអញ្ជើញដឹកនាំកម្មវិធីចុះពិនិត្យផ្ទាល់លើការផ្តល់សេវាសុខាភិបាល និងជំរុញការអនុវត្តការថែទាំសុខភាពបឋមជូនដល់ប្រជាពលរដ្ឋក្នុងខេត្តពោធិ៍សាត់ កាលពីរសៀលថ្ងៃទី២៦ ខែតុលា ឆ្នាំ២០២៦។ ពិធីនេះក៏មានការអញ្ជើញចូលរួមពី លោកស្រី ប៉ុក ឌីណា អភិបាលរងនៃគណៈអភិបាលខេត្តពោធិ៍សាត់ តំណាងដ៏ខ្ពង់ខ្ពស់ ឯកឧត្តម ខូយ រីដា អភិបាលខេត្តពោធិ៍សាត់ ព្រមទាំងមន្ត្រីសុខាភិបាល និងអាជ្ញាធរពាក់ព័ន្ធជាច្រើនរូបទៀត។ ការចុះបេសកកម្មនាពេលនេះ ធ្វើឡើងក្នុងគោលបំណងតាមដាន វាយតម្លៃ និងតម្រង់ទិសបន្ថែមលើការផ្តល់សេវាសុខាភិបាលនៅមូលដ្ឋាន ឱ្យកាន់តែមានប្រសិទ្ធភាព និងឆ្លើយតបបានទាន់ពេលវេលាចំពោះតម្រូវការរបស់ប្រជាពលរដ្ឋ។ ជាមួយគ្នានេះ ក្រុមការងារបានផ្តោតសំខាន់លើការជំរុញ និងពង្រឹងក្របខណ្ឌការងារថែទាំសុខភាពបឋម (Primary Health Care) ដែលជាគ្រឹះយ៉ាងសំខាន់ក្នុងការលើកកម្ពស់សុខុមាលភាព គាំពារសុខភាព និងបង្ការជំងឺផ្សេងៗជូនសហគមន៍ឱ្យកាន់តែជិតស្និទ្ធ និងមានគុណភាពខ្ពស់៕ សាយយ័ន្ដ វុន្នីយ៉ា

លោក ផាយ ឡេង អភិបាលក្រុងពោធិ៍សាត់ បានដឹកនាំមន្ត្រីពាក់ព័ន្ធចុះត្រួតពិនិត្យទីតាំងជ្រាបទឹកនៅខ្នងទំនប់ចម្ការក្រុមហ៊ុន សេវ ឌឹ ឡាហ្វ៍ ក្រោយមានការព្រួយបារម្ភពីប្រជាពលរដ្ឋ។ តំណាងក្រុមហ៊ុនបានបញ្ជាក់ថា ទឹកនោះត្រូវបានចម្រោះ និងបន្សុទ្ធរួច មិនប៉ះពាល់ដល់បរិស្ថានទេ ហើយក្រុមហ៊ុនក៏បានយកគ្រឿងចក្រ និងកម្លាំងមកដាក់ដីលុបចង្អូរជ្រាបទឹកនោះរួចរាល់ក្នុងថ្ងៃដដែល ដើម្បីឆ្លើយតបនឹងកង្វល់របស់ប្រជាពលរដ្ឋផងដែរ។

លោក ពៅ ពិសិដ្ឋ ប្រធានក្រុមការងារគណបក្សចុះមូលដ្ឋានសង្កាត់ផ្ទះព្រៃ ព្រមទាំងក្រុមការងារ បានចុះសំណេះសំណាលសួរសុខទុក្ខ និងនាំយកថវិកា ព្រមទាំងគ្រឿងឧបភោគបរិភោគ ចែកជូនដល់សមាជិកបក្សនៅភូមិរ៉ា សង្កាត់ផ្ទះព្រៃ ដើម្បីជួយសម្រាលការខ្វះខាត។

លោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល បានអញ្ជើញដឹកនាំក្រុមការងារចុះពិនិត្យការផ្តល់សេវាសុខាភិបាល និងជំរុញការអនុវត្តការថែទាំសុខភាពបឋម នៅមណ្ឌលសុខភាពបឹងបត់កណ្ដោល ខេត្តពោធិ៍សាត់ ដោយមានការចូលរួមពី លោកជំទាវ ប៉ុក ឌីណា អភិបាលរងខេត្ត និងអាជ្ញាធរពាក់ព័ន្ធ ដើម្បីពង្រឹងគុណភាពសេវាសុខភាពជូនប្រជាពលរដ្ឋនៅមូលដ្ឋាន។

ក្រុមការងារឃុំស្វាយលួង ស្រុកកណ្តៀង ខេត្តពោធិ៍សាត់ បានបើកប្រជុំពិភាក្សាការងារជាមួយអាជ្ញាធរឃុំ ភូមិ និងយុវជន ដើម្បីអភិវឌ្ឍន៍មូលដ្ឋាន។ ជាមួយគ្នានេះ ក្រុមការងារបានចុះសួរសុខទុក្ខ និងនាំយកអង្ករចែកជូនគ្រួសារក្រីក្រជួបការលំបាក ព្រមទាំងបានចែកសៀវភៅសិក្សាជូនដល់សិស្សានុសិស្សតាមភូមិនានាក្នុងឃុំ សម្រាប់ប្រៀបចំឆ្នាំសិក្សា ២០២៦-២០២៧ ខាងមុខនេះ។