ព័ត៌មានក្នុងខេត្ត

មន្ទីរទេសចរណ៍ខេត្តពោធិ៍សាត់ បានរៀបចំវគ្គបណ្តុះបណ្តាលខ្លីស្តីពី «ជំនាញបញ្ញាសប្បនិម្មិត (AI)» នៅសាលបណ្ឌិត ថោង ខុន ក្រោមការបង្រៀនផ្ទាល់ពីលោកប្រធានមន្ទីរ។ កម្មវិធីនេះធ្វើឡើងសម្រាប់ថ្នាក់ដឹកនាំ និងមន្ត្រីចំណុះឱ្យមន្ទីរ ក្នុងគោលបំណងពង្រឹងសមត្ថភាពប្រើប្រាស់បច្ចេកវិទ្យាថ្មីៗ ដើម្បីពន្លឿន និងលើកកម្ពស់ប្រសិទ្ធភាពការងាររដ្ឋបាលទេសចរណ៍។

ក្រុមប្រឹក្សាស្រុកក្រគរ បានបើកកិច្ចប្រជុំសាមញ្ញលើកទី២៦ អាណត្តិទី៤ ក្រោមអធិបតីភាពលោក ប៊ិន វណ្ណា និងលោក អ៊ន សុផល្លា ដើម្បីពិភាក្សានិងសម្រេចលើការងាររដ្ឋបាលស្រុក ។

លោក ពៅ ពិសិដ្ឋ អភិបាលរងខេត្តពោធិ៍សាត់ បានដឹកនាំកិច្ចប្រជុំគណៈកម្មាធិការសម្របសម្រួលបច្ចេកទេសក្រុមប្រឹក្សាខេត្ត លើកទី៤ ឆ្នាំ២០២៦ ដោយមានរបៀបវារៈសំខាន់ៗស្តីពីការវាយតម្លៃលទ្ធផលការងារ និងការរៀបចំវេទិកាពិគ្រោះយោបល់កម្មវិធីវិនិយោគបីឆ្នាំរំកិល ។

លោក សេង ប៊ុនថុល ប្រធានមន្ទីររ៉ែនិងថាមពលខេត្តពោធិ៍សាត់ ព្រមទាំងមន្ត្រីក្រោមឱវាទ បាននាំយកគ្រឿងឧបភោគបរិភោគ និងថវិកា ២លានរៀល ចុះសួរសុខទុក្ខ លោក ស៊ឹម សារឿន អតីតប្រធានការិយាល័យធនធានរ៉ែ ដែលកំពុងសម្រាកព្យាបាលជំងឺ ។

លោក អ៊ុយ សុធាវី អភិបាលរងខេត្តពោធិ៍សាត់ និងលោក អេង រស្មី ប្រធានមន្ទីរបរិស្ថាន បានដឹកនាំកិច្ចប្រជុំ និងចុះពិនិត្យគ្រោះរាំងស្ងួតនៅឃុំត្រពាំងជង ស្រុកបាកាន នាថ្ងៃទី២៧ ខែកក្កដា ឆ្នាំ២០២៦ ដើម្បីរកវិធានការអន្តរាគមន៍សង្គ្រោះ។

ក្រុមប្រឹក្សាស្រុកភ្នំក្រវាញ បានបើកកិច្ចប្រជុំវិសាមញ្ញ អាណត្តិទី៤ ក្រោមអធិបតីភាព លោក សោម វិសាល ប្រធានក្រុមប្រឹក្សាស្រុក ដើម្បីពិភាក្សា និងសម្រេចលើរបៀបវារៈការងារផ្សេងៗ

លោកឧត្តមសេនីយ៍ទោ ស ថេង ស្នងការនគរបាលខេត្តពោធិ៍សាត់ បានដឹកនាំក្រុមកីឡាករបួងសួងសុំសេចក្ដីសុខនៅបូជនីយដ្ឋាន ឧកញ្ញា ឃ្លាំង មឿង និងបានសំណេះសំណាលអបអរសាទរក្រុមកីឡាករដែលបានដណ្តើមពានជ័យលាភីជូនអង្គភាព។ ក្នុងឱកាសនោះ លោកឧត្តមសេនីយ៍ស្នងការបានប្រគល់ថវិកាឧបត្ថម្ភចំនួន ១០លានរៀល ព្រមទាំងផ្តល់អនុសាសន៍ឱ្យបន្តរក្សាវិន័យ សាមគ្គីភាព និងត្រៀមខ្លួនប្រកួតយកជ័យលាភីថ្មីៗបន្តទៀត។

មូលនិធិ GX ពីប្រទេសចិន បានផ្តល់អំណោយមនុស្សធម៌ដល់ជនភៀសសឹកចំនួន ៥០គ្រួសារ ដើម្បីជួយសម្រាលការលំបាកក្នុងជម្លោះព្រំដែនកម្ពុជា-ថៃ និងលើកកម្ពស់សុខភាពរស់នៅ។

សាលារៀនអន្តរជាតិ វេស្ទឡាញន៍ សាខាក្រុងពោធិ៍សាត់ ចូលរួមចំណែកយ៉ាងសំខាន់ជាមួយរាជរដ្ឋាភិបាល ក្នុងការកសាងធនធានមនុស្ស

ក្រុមការងារស្រុកក្រគរ ក្រោមការដឹកនាំតំណាងលោក អ៊ន សុផល្លា បានចុះពិនិត្យការងារអនាម័យ បរិស្ថាន និងសណ្តាប់ធ្នាប់សាធារណៈ ដើម្បីលើកកម្ពស់សោភ័ណភាព និងរបៀបរៀបរយក្នុងមូលដ្ឋាន។

រដ្ឋបាលខេត្តពោធិ៍សាត់ បានប្រគល់លិខិតថ្លែងអំណរគុណជូនដល់ម្ចាស់ក្រុមហ៊ុន សហគ្រាស និងប្រតិបត្តិករអគ្គិសនីចំនួន ៧ ដែលបានឧបត្ថម្ភ និងចូលរួមជីករណ្ដៅ ដាំបង្គោលភ្លើងសូឡាតាមដងផ្លូវជាតិលេខ៥ ក៏ដូចជាការជួយដំឡើងចរន្តអគ្គិសនីជូនគេហដ្ឋានអតីតយុទ្ធជន ដើម្បីលើកកម្ពស់សោភ័ណភាព សន្តិសុខ និងសុវត្ថិភាពក្នុងការធ្វើដំណើររបស់ប្រជាពលរដ្ឋ។

មន្ទីរអង្គភាព និងអាជ្ញាធរដែនដី បានខិតខំអន្តរាគមន៍បញ្ជូនទឹកតាមប្រឡាយទៅកាន់ភូមិមួយចំនួនក្នុងឃុំមេទឹក ដើម្បីជួយសង្គ្រោះស្រូវរបស់ប្រជាពលរដ្ឋឱ្យបានទាន់ពេលវេលា។