ព័ត៌មានក្នុងខេត្ត

លោកស្រី ប៉ុក ណាឌី អភិបាលរងខេត្តពោធិ៍សាត់ បានអញ្ជើញជាអធិបតីក្នុងពិធីចែកកង់, អង្ករ និងសម្ភារសិក្សា ជូនសិស្សក្រីក្រ ១០០នាក់ មកពីអនុវិទ្យាល័យចំនួន៤ ក្នុងខេត្ត ដែលជាជំនួយឧបត្ថម្ភពីសមាគមរ៉ូតារីពោធិ៍សាត់ និងសមាគមរ៉ូតារីសេនតូសា (សិង្ហបុរី)។ ក្នុងពិធីនេះ លោកស្រីបានថ្លែងអំណរគុណដល់សមាគមដៃគូ និងបានផ្តាំផ្ញើឱ្យសិស្សានុសិស្សទាំងអស់ខិតខំរៀនសូត្រ មិនត្រូវបោះបង់ការសិក្សា ព្រមទាំងចេះថែរក្សាកង់ និងគោរពច្បាប់ចរាចរណ៍ឲ្យបានល្អ។

ពោធិ៍សាត់៖ នៅសាលបណ្ឌិត ថោង ខុន នៃមន្ទីរទេសចរណ៍ខេត្តពោធិ៍សាត់ បានរៀបចំពិធីបើកវគ្គបណ្តុះបណ្តាលហូកា (HoKa) លើជំនាញ «ការិយាល័យជួរមុខ» ក្រោមអធិបតីភាព លោកប្រធានមន្ទីរទេសចរណ៍ខេត្តពោធិ៍សាត់ កាលពីថ្ងៃទី២៨ ខែកញ្ញា ឆ្នាំ២០២៦។ ពិធីនេះក៏មានការអញ្ជើញចូលរួមពីសំណាក់មន្ត្រីរាជការនៃមន្ទីរទេសចរណ៍ខេត្ត ព្រមទាំងសិក្ខាកាមជាប្រតិបត្តិករ និងសេវាករទេសចរណ៍ក្នុងខេត្តសរុបចំនួន ១៧នាក់ (ក្នុងនោះមានស្ត្រីចំនួន ១០នាក់)។ វគ្គបណ្តុះបណ្តាលដ៏មានសារៈសំខាន់នេះ រៀបចំឡើងក្រោមការគាំទ្រឧបត្ថម្ភពីអង្គការស្វីសខន់ថាក់ (Swisscontact) ក្នុងគោលបំណងពង្រឹងសមត្ថភាព ជំនាញបច្ចេកទេស និងការផ្តល់សេវាកម្មប្រកបដោយគុណភាព និងវាយ៉ាងរ៉ាប់រងដល់ភ្ញៀវទេសចរជាតិ និងអន្តរជាតិដែលមកកម្សាន្តក្នុងខេត្តពោធិ៍សាត់។ តាមរយៈវគ្គបណ្តុះបណ្តាលជំនាញ «ការិយាល័យជួរមុខ» នេះ សិក្ខាកាមទាំងអស់នឹងទទួលបាននូវចំណេះដឹង បទពិសោធន៍ និងបច្ចេកទេសថ្មីៗក្នុងការទទួលបដិសណ្ឋារកិច្ច ការសម្របសម្រួល និងការដោះស្រាយបញ្ហាផ្សេងៗនៅកន្លែងធ្វើការ ដើម្បីរួមចំណែកលើកកម្ពស់វិស័យទេសចរណ៍ក្នុងខេត្តឱ្យកាន់តែមានភាពទាក់ទាញ និងរីកចម្រើនបន្ថែមទៀត៕

ក្រសួងការពារជាតិ ជម្រាបជូនសាធារណជនពីការទទួល និងដាក់ពាក្យសុំចូលបំពេញកាតព្វកិច្ចយោធា ដែលនឹងប្រព្រឹត្តទៅតាមកាលបរិច្ឆេទដូចខាងក្រោម៖ ទទួលពាក្យ៖ ថ្ងៃទី១ ដល់ថ្ងៃទី៩ ខែតុលា ឆ្នាំ២០២៦ ដាក់ពាក្យ៖ ថ្ងៃទី១០ ដល់ថ្ងៃទី១៥ ខែតុលា ឆ្នាំ២០២៦

ពោធិ៍សាត់៖ លោក សុង សុធា អភិបាលរងស្រុកវាលវែង បានដឹកនាំកិច្ចប្រជុំអនុគណៈកម្មការរៀបចំ និងទទួលបដិសណ្ឋារកិច្ច ជូន សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា កាលពីថ្ងៃ ទី ២៨ ខែកញ្ញា ឆ្នាំ២០២៦។ កិច្ចប្រជុំនេះធ្វើឡើងដើម្បីត្រៀមលក្ខណៈឱ្យបានល្អប្រសើរ ក្នុងពិធីសម្ពោធដាក់ឱ្យប្រើប្រាស់ជាផ្លូវការ ផ្លូវជាតិលេខ១០ ដែលជាគម្រោងសាងសង់ក្រោមក្របខ័ណ្ឌហិរញ្ញប្បទានសហប្រតិបត្តិការពីរដ្ឋាភិបាលនៃសាធារណរដ្ឋប្រជាមានិតចិន និងក្របខ័ណ្ឌថវិកាជាតិ ដែលគ្រោងនឹងប្រារព្ធធ្វើឡើងក្នុងពេលឆាប់ៗខាងមុខនេះ។ ការត្រៀមរៀបចំនេះ គឺដើម្បីធានាថា កិច្ចដំណើរការនៃពិធីសម្ពោធផ្លូវជាតិដ៏មានសារៈសំខាន់មួយនេះ ប្រព្រឹត្តទៅដោយរលូន រក្សាបាននូវសន្តិសុខ សុវត្ថិភាព និងរបៀបរៀបរយយ៉ាងល្អប្រសើរជូនដល់គណៈអធិបតី និងអ្នកចូលរួមទាំងអស់៕

សេចក្ដី​បំភ្លឺ​ពត៌មាន​ រដ្ឋបាល​ស្រុក​វាលវែង​ មាន​កិត្តិយស​ សូម​បំភ្លឺ​ជូន​ដល់​សាធារណៈ​ជន​ និង​បណ្ដាញសង្គម​ផ្សព្វផ្សាយ​ពត៌មាន​ទាំង​អស់​អោយ​បាន​ជ្រាបថា​ ៖

រដ្ឋបាលខេត្តពោធិ៍សាត់ បានរៀបចំកិច្ចប្រជុំផ្សព្វផ្សាយស្តីពី «សារៈសំខាន់នៃតួនាទី និងភារកិច្ចរបស់ក្រុមប្រឹក្សាឃុំ សង្កាត់ ក្នុងដំណើរការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២៦» ក្រោមអធិបតីភាព លោក ងួន ប៉ោសេង អភិបាលរងខេត្តពោធិ៍សាត់ ដោយមានការចូលរួមពីតំណាងលេខាធិការដ្ឋានរៀបចំការបោះឆ្នោតខេត្តពោធិ៍សាត់ អាជ្ញាធរក្រុង-ស្រុក កងកម្លាំងប្រដាប់អាវុធ និងក្រុមប្រឹក្សាឃុំ សង្កាត់ទូទាំងខេត្ត នាថ្ងៃទី២៨ ខែកញ្ញា ឆ្នាំ២០២៦ ។

ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ បានអញ្ជើញជាអធិបតីភាពក្នុងពិធីប្រគល់ផ្ទះលេខ២៣ ព្រមទាំងដីឡូតិ៍ជាប់ផ្ទះ ដែលជាអំណោយដ៏ថ្លៃថ្លារបស់ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ប្រគល់ជូនអ្នកគ្រូ ប៊ុន ចាន់ធាវី នៅភូមិបឹងយារ ឃុំវាល ស្រុកកណ្តៀង នាថ្ងៃទី២៨ ខែកញ្ញា ឆ្នាំ២០២៦។

លោកស្រី សំ ដានី ប្រធានការិយាល័យវិទ្យុជាតិខេត្តពោធិ៍សាត់ តំណាងលោក លាង ទិតដ្ឋាន ប្រធានមន្ទីរព័ត៌មានខេត្ត បានដឹកនាំក្រុមការងារនាំយកគ្រឿងឧបភោគ បរិភោគ (មី ទឹកសុទ្ធ ទឹកក្រូច) និងបច្ច័យ ២០ម៉ឺនរៀល ទៅប្រគេនព្រះសង្ឃក្នុងពិធីបុណ្យកាន់បិណ្ឌនៅ វត្តហ្លួង ស្ថិតក្នុងសង្កាត់លលកស ក្រុងពោធិ៍សាត់ ដើម្បីចូលរួមទ្រទ្រង់ព្រះសង្ឃ និងរួមចំណែកលើកស្ទួយប្រពៃណីព្រះពុទ្ធសាសនា។

ពោធិ៍សាត់៖ ឯកឧត្តម ខូយ រីដា អភិបាលខេត្តពោធិ៍សាត់ បានអញ្ជើញជាអធិបតីក្នុងពិធីជួបសំណេះសំណាល និងប្រកាសបិទផ្សាយជាសាធារណៈនូវឯកសារនៃការវិនិច្ឆ័យទិន្នន័យក្បាលដី សម្រាប់៥ភូមិ គឺភូមិឈើទែប ភូមិក្រាំងខឿន ភូមិចាមចាស់ ភូមិចាមថ្មី និងភូមិដង្កៀបក្តាម ស្ថិតក្នុងឃុំឈើតុំ ស្រុកក្រគរ ខេត្តពោធិ៍សាត់ ពិធីនេះប្រារព្ធធ្វើឡើងនៅបរិវេណវត្តទួលត្បែង ដោយមានការចូលរួមពីមន្ទីរជំនាញពាក់ព័ន្ធ អាជ្ញាធរមូលដ្ឋាន និងប្រជាពលរដ្ឋយ៉ាងច្រើនកុះករ នាថ្ងៃទី២៨ ខែកញ្ញា ឆ្នាំ២០២៦។ ពិធីនេះធ្វើឡើងដើម្បីផ្តល់ឱកាសឱ្យប្រជាពលរដ្ឋបានពិនិត្យផ្ទៀងផ្ទាត់ទិន្នន័យក្បាលដី និងទ្រព្យសម្បត្តិរបស់ខ្លួនឱ្យបានត្រឹមត្រូវ មុននឹងឆ្ពោះទៅរកការបែងចែកប័ណ្ណកម្មសិទ្ធិដីធ្លីស្របច្បាប់ជូនពួកគាត់នាពេលខាងមុខ៕​ សាយយ័ន្ដ វុន្នីយ៉ា​

ពោធិ៍សាត់៖ នៅសាលាស្រុកភ្នំក្រវាញ បានរៀបចំកិច្ចប្រជុំគណៈបញ្ជាការឯកភាពរដ្ឋបាលស្រុក ក្រោមអធិបតីភាពរបស់ លោក ធាម សុផាត អភិបាលស្រុកភ្នំក្រវាញ នៅព្រឹកថ្ងៃទី២៨ ខែកញ្ញា ឆ្នាំ២០២៦នេះ។ កិច្ចប្រជុំនេះប្រារព្ធឡើងដើម្បីពិនិត្យ និងវាយតម្លៃលើកិច្ចការងារថែរក្សាសន្តិសុខ សណ្តាប់ធ្នាប់សាធារណៈ ការអនុវត្តគោលនយោបាយ «ភូមិ-ឃុំ-សង្កាត់មានសុវត្ថិភាព» ការទប់ស្កាត់បទល្មើសផ្សេងៗ ក៏ដូចជាការពង្រឹងកិច្ចសហការរវាងអាជ្ញាធរមូលដ្ឋាន និងកងកម្លាំងប្រដាប់អាវុធទាំងបីប្រភេទ ដើម្បីលើកកម្ពស់ប្រសិទ្ធភាពនៃការបម្រើសេវាសាធារណៈ និងការអភិវឌ្ឍមូលដ្ឋានជូនប្រជាពលរដ្ឋក្នុងស្រុកភ្នំក្រវាញឱ្យកាន់តែល្អប្រសើរឡើងថែមទៀត៕ សាយយ័ន្ដ វុន្នីយ៉ា

ឯកឧត្តម ខូយ រីដា បានអញ្ជើញជាអធិបតីក្នុងពិធីបិទវគ្គអប់រំនយោបាយរបស់គណបក្ស កម្រិត១ ជំនាន់ទី៣៦ នៅខេត្តពោធិ៍សាត់ ដែលមានសិក្ខាកាមចំនួន៦៥រូប ក្នុងនោះស្រី២០រូប។វគ្គបណ្តុះបណ្តាលមានរយៈពេល៣ថ្ងៃកន្លះ និងមានគោលបំណងពង្រឹងចំណេះដឹងនយោបាយ។

ក្នុងឱកាសនោះ ឯកឧត្តម លៀង ពេជ្រ ក៏បានពាំនាំនូវប្រសាសន៍សួរសុខទុក្ខ និងការយកចិត្តទុកដាក់ខ្ពស់ពីសំណាក់ ឯកឧត្តម ខូយ រីដា ជូនចំពោះបងប្អូនប្រជាពលរដ្ឋទាំងអស់។ ឯកឧត្តមបានបញ្ជាក់ថា ទោះបីជាអំណោយទាំងនេះមានចំនួនមិនច្រើនលើសលប់ ប៉ុន្តែវាជាទឹកចិត្ត និងជាការចែករំលែកដើម្បីជួយសម្រាលទុក្ខលំបាក និងការខ្វះខាតក្នុងជីវភាពរស់នៅរបស់បងប្អូនបានមួយកម្រិត។