ព័ត៌មានក្នុងខេត្ត

លេខាធិការដ្ឋាន គ.ជ.ប.ខ ខេត្តពោធិ៍សាត់ បានរៀបចំកិច្ចប្រជុំបូកសរុបលទ្ធផលការងារឆមាសទី១ និងកំណត់ទិសដៅសម្រាប់ឆមាសទី២ ក្រោមអធិបតីភាពលោកស្រី ប៉ុក ណាឌី អភិបាលរងខេត្ត និងជាប្រធានលេខាធិការដ្ឋាន។

ពោធិ៍សាត់៖ ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ បានអញ្ជើញជាអធិបតីភាពដ៏ខ្ពង់ខ្ពស់ក្នុង «ពិធីរុក្ខទិវា ៩ កក្កដា» ឆ្នាំ២០២៦ កម្រិតថ្នាក់ខេត្ត នាព្រឹកថ្ងៃទី១២ ខែសីហា ឆ្នាំ២០២៦។ ពិធីដាំដើមឈើជាប្រវត្តិសាស្ត្រនេះ ត្រូវ​បាន​រៀបចំឡើងនៅក្នុងតំបន់ព្រៃសហគមន៍តាព្រះខ្សាច់ល្អិត ស្ថិតក្នុងភូមិខ្សាច់ល្អិត ឃុំអន្សាចំបក់ ស្រុកក្រគរ ខេត្តពោធិ៍សាត់ ដោយមានការអញ្ជើញចូលរួមពីថ្នាក់ដឹកនាំខេត្ត មន្ត្រីរាជការ កងកម្លាំងប្រដាប់អាវុធ និងប្រជាពលរដ្ឋយ៉ាងច្រើនកុះករ ដើម្បីចូលរួមចំណែកថែរក្សា បង្កើនគម្របព្រៃឈើ និងការពារបរិស្ថានក្នុងមូលដ្ឋាន៕

ពោធិ៍សាត់៖ ក្រុមប្រឹក្សាខេត្តពោធិ៍សាត់ បានរៀបចំកិច្ចប្រជុំសាមញ្ញលើកទី២៧ ឆ្នាំទី៣ អាណត្តិទី៤ នៅសាលប្រជុំទេពឧកញ៉ាឃ្លាំងមឿង ក្រោមអធិបតីភាព ឯកឧត្តម ម៉ក់ រ៉ា ប្រធានក្រុមប្រឹក្សាខេត្ត និងឯកឧត្តម ខូយ រីដា អភិបាលខេត្តពោធិ៍សាត់ និងមានការចូលរួមពីសមាជិកក្រុមប្រឹក្សាខេត្ត អភិបាលរងខេត្ត តំណាងសាលាដំបូងខេត្ត អាជ្ញាធរស្រុក-ក្រុង ថ្នាក់ដឹកនាំមន្ទីរ-អង្គភាព កងកម្លាំងប្រដាប់អាវុធ និងមន្ត្រីពាក់ព័ន្ធជាច្រើនរូប នាព្រឹកថ្ងៃទី១១ ខែសីហា ឆ្នាំ២០២៦។ នៅក្នុងអង្គប្រជុំ សមាជិកទាំងអស់បានពិភាក្សា និងអនុម័តលើរបៀបវារៈសំខាន់ៗចំនួន ៥ រួមមាន៖ ១. សេចក្តីព្រាងកំណត់ហេតុកិច្ចប្រជុំសាមញ្ញលើកទី២៦ ឆ្នាំទី២ អាណត្តិទី៤ ២. សេចក្តីព្រាងរបាយការណ៍ប្រចាំខែកក្កដា ឆ្នាំ២០២៦ របស់រដ្ឋបាលខេត្ត ៣. សេចក្តីព្រាងតារាងបែងចែកប្រាក់រង្វាន់លើកទឹកចិត្តជូនថ្នាក់ដឹកនាំ និងមន្ត្រីរាជការសាលាខេត្ត សម្រាប់ខែកក្កដា ឆ្នាំ២០២៦ ៤. របាយការណ៍គណៈកម្មាធិការនានារបស់ក្រុមប្រឹក្សាខេត្ត ៥. ការពិភាក្សាលើបញ្ហាផ្សេងៗ៕

អភិបាលខេត្តពោធិ៍សាត់ បានអញ្ជើញប្រកាសបិទផ្សាយជាសាធារណៈនូវឯកសារវិនិច្ឆ័យទិន្នន័យក្បាលដីសម្រាប់ ៣ភូមិ (ភូមិកប៉ាស់ ភូមិកប៉ាស់លើ និងភូមិទួលត្បែង) ក្នុងឃុំឈើតុំ ស្រុកក្រគរ។ ការប្រកាសនេះធ្វើឡើងដើម្បីឱ្យប្រជាពលរដ្ឋផ្ទៀងផ្ទាត់ទិន្នន័យកម្មសិទ្ធិ មុននឹងឈានដល់ការចេញប័ណ្ណកម្មសិទ្ធិ (ប្លង់រឹង) ជូនពួកគាត់។

ពោធិ៍សាត់៖ សមាជិក និងសមាជិកាក្រុមប្រឹក្សាខេត្តពោធិ៍សាត់ ចំនួន ២រូប បានអញ្ជើញចូលរួមកិច្ចប្រជុំសាមញ្ញលើកទី២៧ ឆ្នាំទី៣ អាណត្តិទី៤ របស់ក្រុមប្រឹក្សាស្រុកកណ្ដៀង នាព្រឹកថ្ងៃទី៧ ខែសីហា ឆ្នាំ២០២៦។ កិច្ចប្រជុំនេះ រៀបចំឡើងក្នុងគោលបំណងតាមដាន និងពិនិត្យមើលសកម្មភាពការងារ ព្រមទាំងជំរុញការអនុវត្តកិច្ចការអភិវឌ្ឍន៍ និងការផ្តល់សេវាសាធារណៈជូនប្រជាពលរដ្ឋក្នុងស្រុកកណ្ដៀង ឱ្យកាន់តែមានប្រសិទ្ធភាព និងឆ្លើយតបបានទាន់ពេលវេលា៕

ពោធិ៍សាត់៖ លោក ឈុន បូណារិទ្ធ ប្រធានមន្ទីរផែនការខេត្តពោធិ៍សាត់ បានដឹកនាំកិច្ចប្រជុំសំខាន់មួយ ដើម្បីពិនិត្យ និងផ្ទៀងផ្ទាត់ទិន្នន័យស្ថិតិមធ្យោបាយដឹកជញ្ជូន ប្រភេទកង់បី និងរ៉ឺម៉ក នៅតាមបណ្តាឃុំ សង្កាត់ ក្រុង និងស្រុកទូទាំងខេត្ត នាថ្ងៃទី៧ ខែសីហា ឆ្នាំ២០២៦។ កិច្ចប្រជុំនេះ រៀបចំឡើងក្នុងគោលបំណងប្រមូល និងផ្ទៀងផ្ទាត់ទិន្នន័យឱ្យបានច្បាស់លាស់ ត្រឹមត្រូវ និងមានបច្ចុប្បន្នភាព ដើម្បីជាមូលដ្ឋានគ្រឹះក្នុងការគ្រប់គ្រង កែលម្អប្រព័ន្ធដឹកជញ្ជូន និងសម្រួលដល់ការរៀបចំផែនការអភិវឌ្ឍន៍សេដ្ឋកិច្ច-សង្គម ក្នុងខេត្តពោធិ៍សាត់ ឱ្យកាន់តែមានប្រសិទ្ធភាព៕

ពោធិ៍សាត់៖ ឯកឧត្តមសន្តិបណ្ឌិត ម៉ៅ ច័ន្ទតារា រដ្ឋលេខាធិការប្រចាំការ ក្រសួងមហាផ្ទៃ តំណាងដ៏ខ្ពង់ខ្ពស់ ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញនាំយកបច្ច័យ និងទេយ្យទាន ដើម្បីចូលរួមរំលែកទុក្ខយ៉ាងក្រៀមក្រំជាទីបំផុត ជាមួយក្រុមគ្រួសារសពលោកនាយប៉ុស្តិ៍ មន្ត្រីនគរបាលរដ្ឋបាលឃុំអូរសោម និងប្រជាការពារឃុំចំនួន ៥នាក់ ដែលបានពលីជីវិតក្នុងកិច្ចប្រតិបត្តិការបង្ក្រាប និងទប់ស្កាត់អំពើហិង្សាក្នុងគ្រួសារពាក់ព័ន្ធករណីប្រើប្រាស់គ្រឿងញៀន នៅភូមិឆាយលូក ឃុំអូរសោម ស្រុកវាលវែង ខេត្តពោធិ៍សាត់ នៅថ្ងៃទី៧ ខែសីហា ឆ្នាំ២០២៦។ ពិធីនេះក៏មានការអញ្ជើញចូលរួមពី ឯកឧត្តម ញឹក បានខេង អភិបាលរងនៃគណៈអភិបាលខេត្តពោធិ៍សាត់ (តំណាង ឯកឧត្តម ខូយ រីដា អភិបាលខេត្ត) ឧត្តមសេនីយ៍ទោ ស ថេង ស្នងការនគរបាលខេត្តពោធិ៍សាត់ ព្រមទាំងប្រតិភូអមដំណើរជាច្រើនរូបទៀត៕

មន្ត្រីជំនាញការិយាល័យផលិតកម្ម និងបសុព្យាបាល ការិយាល័យនីតិកម្មកសិកម្ម ព្រមទាំងមន្ត្រីច្រកចេញចូលតែមួយនៃរដ្ឋបាលខេត្ត បានអញ្ជើញចូលរួមកិច្ចប្រជុំពិនិត្យវឌ្ឍនភាពការងារកំណែទម្រង់វិមជ្ឈការ និងវិសហមជ្ឈការ របស់ក្រសួងកសិកម្ម រុក្ខាប្រមាញ់ និងនេសាទ ប្រចាំឆមាសទី១ នៅថ្ងៃទី៧ ខែសីហា ឆ្នាំ២០២៦។ កិច្ចប្រជុំនេះបានប្រព្រឹត្តទៅតាមប្រព័ន្ធអនឡាញ (Zoom) នៅសាលប្រជុំថ្មកែវ នៃអគាររដ្ឋបាលខេត្តពោធិ៍សាត់ ក្រោមការដឹកនាំរបស់ លោក ហៀម ឃួន អភិបាលរង នៃគណៈអភិបាលខេត្តពោធិ៍សាត់៕

ឯកឧត្តម ខូយ រីដា អភិបាលខេត្តពោធិ៍សាត់ សូមថ្លែងអំណរគុណយ៉ាងជ្រាលជ្រៅជូនចំពោះ ឯកឧត្តម ជិត ប៉ុណ្ណារ៉ា និងលោកជំទាវ យូ ស្រីលាភ ដែលបានឧបត្ថម្ភថវិកាចំនួន ២៥.០០០.០០០រៀល (ក្នុង១សពចំនួន ៥.០០០.០០០រៀល) ជូនដល់គ្រួសារសពនាយប៉ុស្តិ៍ មន្ត្រីនគរបាល និងប្រជាការពារ ចំនួន ៥សព ដែលបានបាត់បង់ជីវិតពេលបំពេញភារកិច្ច។

វគ្គ «តស់! ចាប់យកឌីជីថល» ត្រូវបានរៀបចំនៅសណ្ឋាគារ ច័ន្ទមុណ្ណី មុណ្ណីច័ន្ទ ខេត្តពោធិ៍សាត់ ក្រោមអធិបតីភាពលោក គួង វុត្ថា និងលោក ងួន ប៉ោសេង ដោយមានការចូលរួមពីអាជ្ញាធរ ម្ចាស់សហគ្រាស អាជីវករ និងសហគមន៍មូលដ្ឋាន។

លោក ពៅ ពិសិដ្ឋ អភិបាលរងខេត្តពោធិ៍សាត់ បានដឹកនាំកិច្ចប្រជុំត្រួតពិនិត្យវឌ្ឍនភាពការងារកំណែទម្រង់វិមជ្ឈការ និងវិសហមជ្ឈការ ឆ្នាំ២០២៦ ដោយមានការចូលរួមពីថ្នាក់ដឹកនាំ មន្ទីរ អង្គភាពពាក់ព័ន្ធ និងរដ្ឋបាលក្រុង-ស្រុកទាំង៧។

ក្នុងឱកាសនោះ ឯកឧត្តមអភិបាលខេត្ត បានពាំនាំនូវសារសួរសុខទុក្ខ និងការសោកស្តាយយ៉ាងជ្រាលជ្រៅពីសំណាក់ សម្ដេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងលោកជំទាវបណ្ឌិត ពេជ ចន្ទមុន្នី ជូនចំពោះគ្រួសារនៃសព ដោយសម្តេចទាំងទ្វេបានចាត់ទុកការពលីរបស់វីរជនទាំង ៥រូប គឺជាការបាត់បង់នូវធនធានមនុស្ស និងជាគំរូនៃទឹកចិត្តស្នេហាជាតិយ៉ាងខ្ពង់ខ្ពស់។