ព័ត៌មានក្នុងខេត្ត

អង្គសិក្ខាសាលានេះបានប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ ឯកឧត្តមបណ្ឌិត អ៊ុម រម្យណី រដ្ឋលេខាធិការក្រសួងអប់រំ យុវជន និងកីឡា ដោយមានការគាំទ្រថវិកា និងបច្ចេកទេសពីគម្រោងកែលម្អការអប់រំចំណេះទូទៅ (GEIP-AF)។ កម្មវិធីនេះក៏មានការអញ្ជើញចូលរួមពីថ្នាក់ដឹកនាំមន្ទីរអប់រំ យុវជន និងកីឡា ប្រធាន-អនុប្រធានការិយាល័យមធ្យមសិក្សា និងមន្ត្រីទទួលបន្ទុកទិន្នន័យមកពីរាជធានី-ខេត្តទាំង២៥ ទូទាំងប្រទេស។

ពោធិ៍សាត់៖ លោក លឹម វុទ្ធី ប្រធានមន្ទីរអប់រំ យុវជន និងកីឡា ខេត្តពោធិ៍សាត់ បានអញ្ជើញចុះពិនិត្យមើលដំណើរការនៃការធ្វើតេស្តប្រឡងជ្រើសរើសសិស្សានុសិស្សឱ្យចូលរៀនថ្នាក់ទី១០ នៃកម្មវិធី «សាលារៀនជំនាន់ថ្មី» ដោយផ្ទាល់ នៅក្នុងបរិវេណវិទ្យាល័យពោធិ៍សាត់ នាថ្ងៃទី៤ ខែកញ្ញា ឆ្នាំ២០២៦។ នៅក្នុងសកម្មភាពចុះពិនិត្យនេះ ក៏មានការអញ្ជើញចូលរួមសង្កេតការណ៍យ៉ាងស្និទ្ធស្នាលពីសំណាក់ក្រុមការងារអង្គការ ខេប (KAPE) ដែលជាតំណាងកម្មវិធីសាលារៀនជំនាន់ថ្មី ព្រមទាំងមានការចូលរួមពីសំណាក់អាណាព្យាបាលសិស្ស និងតំណាងសហគមន៍ផងដែរ ដើម្បីធានាបាននូវភាពត្រឹមត្រូវ តម្លាភាព និងយុត្តិធម៌ក្នុងការប្រឡង។ ការចុះពិនិត្យ និងតាមដានយ៉ាងយកចិត្តទុកដាក់នេះ បានបង្ហាញពីការប្តេជ្ញាចិត្តយ៉ាងមុតមាំរបស់មន្ទីរអប់រំ យុវជន និងកីឡា ខេត្តពោធិ៍សាត់ ក្នុងការលើកកម្ពស់គុណភាពអប់រំ និងជំរុញការអនុវត្តកម្មវិធីសិក្សាបែបទំនើប ដើម្បីបណ្តុះបណ្តាលធនធានមនុស្សក្នុងខេត្តឱ្យមានសមត្ថភាពខ្ពស់ ឆ្លើយតបទៅនឹងតម្រូវការអភិវឌ្ឍន៍នាពេលបច្ចុប្បន្ន និងអនាគត៕

ពិធីនេះ រៀបចំឡើងក្នុងគោលបំណងបង្កើនចំណេះដឹង បំផុសស្មារតីទទួលខុសត្រូវ និងពង្រឹងសមត្ថភាពបន្ថែមដល់នាយក-នាយិកាសាលា ព្រមទាំងលោកគ្រូ អ្នកគ្រូទទួលបន្ទុក ដើម្បីឱ្យការដឹកនាំ និងការគ្រប់គ្រងចលនាកុមារ និងយុវជននៅតាមគ្រឹះស្ថានសិក្សា កាន់តែមានរចនាសម្ព័ន្ធច្បាស់លាស់ មានប្រសិទ្ធភាព និងឆ្លើយតបទៅនឹងគោលនយោបាយរបស់ក្រសួងអប់រំ យុវជន និងកីឡា។

ពោធិ៍សាត់៖ លោក ងួន ប៉ាសេង អភិបាលរង នៃគណៈអភិបាលខេត្តពោធិ៍សាត់ បានអញ្ជើញជាអធិបតីភាពក្នុងពិធីបើកស្រោមលទ្ធផលប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) សម័យប្រឡង ២០២៥-២០២៦ ជាផ្លូវការ ដែលពិធីនេះត្រូវបានរៀបចំឡើងនៅមណ្ឌលប្រឡងអនុវិទ្យាល័យពោធិ៍សាត់ នាព្រឹកថ្ងៃទី២ ខែកញ្ញា ឆ្នាំ២០២៦ ។ ពិធីនេះក៏មានការអញ្ជើញចូលរួមពីសំណាក់ លោក បេង ឆវីរៈ អនុប្រធានមន្ទីរអប់រំ យុវជន និងកីឡាខេត្ត, លោក តាន់ សំបូរ ប្រធានការិយាល័យអប់រំ យុវជន និងកីឡាក្រុងពោធិ៍សាត់, លោក ម៉ក់ ពេញ ប្រធានការិយាល័យប្រឡង នៃមន្ទីរអប់រំ យុវជន និងកីឡាខេត្ត ព្រមទាំងលោកនាយកសាលាដែលជាប្រធានមណ្ឌលប្រឡងទាំង ៦ ក្នុងខេត្តពោធិ៍សាត់ យ៉ាងច្រើនកុះករ។ ដំណើរការបើកស្រោមលទ្ធផលប្រឡងបានប្រព្រឹត្តទៅដោយរលូន ផ្អែកលើគោលការណ៍ច្បាប់ ភាពត្រឹមត្រូវ និងតម្លាភាព ដើម្បីផ្ទៀងផ្ទាត់ និងប្រកាសជូនបេក្ខជនប្រឡងទាំងអស់បានជ្រាបជាសាធារណៈ។ ថ្នាក់ដឹកនាំខេត្ត និងមន្ត្រីអប់រំគ្រប់លំដាប់ថ្នាក់ ក៏បានសម្តែងនូវការកោតសរសើរដល់គណៈកម្មការប្រឡងទាំងអស់ដែលបានខិតខំបំពេញភារកិច្ច និងបានជូនពរដល់បេក្ខជនទាំងអស់ឱ្យទទួលបានលទ្ធផលល្អប្រសើរដូចការបំណង៕

ពោធិ៍សាត់៖ លោក ជា ឡេងឃួន នាយកវិទ្យាល័យពោធិ៍សាត់ នាព្រឹកថ្ងៃពុធ ទី២ ខែកញ្ញា ឆ្នាំ២០២៦ បានអញ្ជើញជួបសំណេះសំណាល និងផ្ដល់រង្វាន់លើកទឹកចិត្តដល់សិស្សានុសិស្ស ដែលបានប្រឡងជាប់សញ្ញាបត្រមធ្យមសិក្សាទុតិយភូមិ (បាក់ឌុប) ទទួលបានជ័យលាភី និទ្ទេស A សម្រាប់សម័យប្រឡងថ្ងៃទី១០ ខែសីហា ឆ្នាំ២០២៦ កន្លងទៅនេះ។ នៅក្នុងឱកាសនោះ លោកនាយកវិទ្យាល័យ បានឧបត្ថម្ភថវិកាលើកទឹកចិត្តចំនួន ១០០ដុល្លារអាមេរិក (100$) ជូនដល់សិស្សជ័យលាភី និទ្ទេស A ក្នុងម្នាក់ៗ ដើម្បីជាការអបអរសាទរ និងលើកទឹកចិត្តចំពោះខិតខំប្រឹងប្រែងសិក្សារៀនសូត្រ រហូតទទួលបានលទ្ធផលយ៉ាងត្រចះត្រចង់ នាំមកនូវកិត្តិយសជូនខ្លួនឯង គ្រួសារ និងសាលារៀន។ លោក ជា ឡេងឃួន ក៏បានថ្លែងអំណរគុណ និងកោតសរសើរដល់លោកគ្រូ អ្នកគ្រូ ដែលបានខិតខំប្រឹងប្រែងបង្ហាត់បង្រៀនសិស្សានុសិស្សនាពេលកន្លងមក ព្រមទាំងបានផ្តាំផ្ញើដល់សិស្សជ័យលាភីទាំងអស់ ឱ្យបន្តខិតខំរៀនសូត្របន្ថែមទៀតនៅថ្នាក់ឧត្តមសិក្សា ដើម្បីក្លាយជាធនធានមនុស្សដ៏មានសក្តានុពលសម្រាប់ចូលរួមអភិវឌ្ឍប្រទេសជាតិនាពេលអនាគត៕

សិស្សទទួលបាននិទ្ទេសA វិទ្យាល័យពោធិ៍សាត់

ពោធិ៍សាត់៖ លោក អ៊ន សុផល្លា អភិបាលស្រុកក្រគរ បានចូលរួមកិច្ចប្រជុំបូកសរុបលទ្ធផលការងារអប់រំប្រចាំឆ្នាំសិក្សា២០២៥-២០២៦ នៅអនុវិទ្យាល័យព្រះសីហនុក្រគរ កាលពីថ្ងៃទី៣១ ខែសីហា ឆ្នាំ២០២៦។ កិច្ចប្រជុំដ៏មានសារៈសំខាន់នេះ ក៏មានការអញ្ជើញចូលរួមពីសំណាក់លោកប្រធានការិយាល័យអប់រំ យុវជន និងកីឡាស្ដីទី ប្រធានគណៈកម្មការគ្រប់គ្រងសាលារៀន តំណាងរដ្ឋបាលឃុំក្បាលត្រាច លោក លោកស្រីមេភូមិទាំងអស់ក្នុងឃុំក្បាលត្រាច លោកនាយក នាយករង លោកគ្រូ អ្នកគ្រូ គណៈកម្មការថ្នាក់រៀន និងមាតាបិតាសិស្សទាំងអស់ ដើម្បីរួមគ្នាពិនិត្យមើលវឌ្ឍនភាព និងកំណត់ទិសដៅអភិវឌ្ឍន៍វិស័យអប់រំក្នុងមូលដ្ឋាន។ សមិទ្ធផល និងលទ្ធផលការងារសម្រេចបាននាពេលកន្លងមក គឺជាកម្លាំងចិត្តដ៏ធំធេង និងជាសក្ខីភាពនៃការខិតខំប្រឹងប្រែងរួមគ្នាយ៉ាងសកម្មរវាងអាជ្ញាធរដែនដី អាណាព្យាបាលសិស្ស និងលោកគ្រូអ្នកគ្រូទាំងអស់ក្នុងសាលារៀន ក្នុងការលើកកម្ពស់គុណភាពអប់រំជូនដល់កូនចៅប្រជាពលរដ្ឋក្នុងមូលដ្ឋាន៕

សាលាអន្តរជាតិសំពៅមាស បានរៀបចំពិធីប្រគល់សញ្ញាបត្រ លិខិតសរសើរ មេដាយ និងអាហារូបករណ៍ ជូនដល់សិស្សសរុប ២៥៩នាក់ ដែលបានបញ្ចប់ការសិក្សាឆ្នាំ២០២៥-២០២៦ ព្រមទាំងសិស្សពូកែ និងឆ្នើមចំនួន ៧៨នាក់ផ្សេងទៀត នៅសកលវិទ្យាល័យអង្គរខេមរា ក្រោមអធិបតីភាពលោក ចាន់ នី អនុប្រធានមន្ទីរអប់រំ យុវជន និងកីឡាខេត្តពោធិ៍សាត់ នាថ្ងៃទី៣០ ខែសីហា ឆ្នាំ២០២៦។

ពោធិ៍សាត់៖ លោកស្រី លឹម សុផល្លី អនុប្រធានមន្ទីរអប់រំ យុវជន និងកីឡា បានអញ្ជើញចូលរួមជាគណៈកម្មការចុះពិនិត្យ និងវាយតម្លៃប្រគល់-ទទួលដំណាក់កាលទី៣ លើការងារសាងសង់អគារសិក្សា ទីចាត់ការ បណ្ណាល័យ និងហេដ្ឋារចនាសម្ព័ន្ធគាំទ្រនានាក្នុងសាលារៀន ស្ថិតនៅបរិវេណវិទ្យាល័យប្រម៉ោយ និងអនុវិទ្យាល័យអន្លង់រាប នាថ្ងៃសុក្រ ទី២៨ ខែសីហា ឆ្នាំ២០២៦ ។ សមិទ្ធផលស្ដុកស្ដម្ភទាំងនេះ គឺជាអំណោយដ៏ថ្លៃថ្លារបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ក្នុងគោលបំណងលើកកម្ពស់វិស័យអប់រំ និងផ្តល់នូវបរិស្ថានសិក្សាដ៏សមរម្យសម្រាប់សិស្សានុសិស្សក្នុងមូលដ្ឋាន៕

ពោធិ៍សាត់៖ លោក លឹម វុទ្ធី ប្រធានមន្ទីរអប់រំ យុវជន និងកីឡាខេត្ត បានអញ្ជើញជាអធិបតីដឹកនាំកិច្ចប្រជុំអាណត្តិប្រចាំខែសីហា នៅសាលប្រជុំមន្ទីរអប់រំ យុវជន និងកីឡាខេត្តពោធិ៍សាត់ នាព្រឹកថ្ងៃទី២៥ ខែសីហា ឆ្នាំ២០២៦ ។ កិច្ចប្រជុំនេះ មានការចូលរួមពីសំណាក់លោកអនុប្រធានមន្ទីរ តំណាងសាលាគរុកោសល្យ និងវិក្រឹតការខេត្ត ប្រធាន-អនុប្រធានការិយាល័យជំនាញជុំវិញមន្ទីរ ព្រមទាំងប្រធាន-អនុប្រធានការិយាល័យអប់រំក្រុង-ស្រុក និងមន្ត្រីពាក់ព័ន្ធជាច្រើនរូប។ នៅក្នុងកិច្ចប្រជុំនេះ អង្គពិធីបានផ្តោតលើរបៀបវារៈសំខាន់ៗចំនួន ៤ រួមមាន៖ ការស្ដាប់របាយការណ៍ប្រចាំខែរបស់ការិយាល័យអប់រំ នៃរដ្ឋបាលក្រុង-ស្រុក, ការពង្រឹងការអនុវត្តតួនាទីភារកិច្ចរបស់គ្រឹះស្ថានសិក្សាសាធារណៈ និងការថែរក្សាបរិស្ថានសាលារៀន ក្នុងអំឡុងពេលមហាវិស្សមកាល, ការពង្រឹងការអនុវត្តស្តង់ដាសាលារៀនគំរូ នៅកម្រិតមត្តេយ្យសិក្សា បឋមសិក្សា និងមធ្យមសិក្សា និងការពិភាក្សាលើបញ្ហាផ្សេងៗ៕

ពោធិ៍សាត់៖ ពិធីចែករង្វាន់ និងប្រគល់លិខិតសរសើរជូនដល់សិស្សពូកែប្រចាំឆ្នាំ ដើម្បីលើកទឹកចិត្តដល់ជ័យលាភីដែលមានស្នាដៃឆ្នើមក្នុងការសិក្សា នាព្រឹកថ្ងៃទី២៤ ខែសីហា ឆ្នាំ២០២៦ នៅអនុវិទ្យាល័យពោធិ៍សាត់។ ពិធីនេះបានប្រព្រឹត្តទៅក្រោមអធិបតីភាព លោក គឹម តារា អភិបាលរងនៃគណៈអភិបាលក្រុងពោធិ៍សាត់, លោក ចាន់ នី អនុប្រធានមន្ទីរអប់រំ យុវជន និងកីឡាខេត្ត ព្រមទាំង ឯកឧត្តម លឹម ចន្ទថៃ ប្រធានគណៈកម្មការគ្រប់គ្រងអនុវិទ្យាល័យពោធិ៍សាត់ ដោយមានការចូលរួមយ៉ាងច្រើនកុះករពីសំណាក់លោកគ្រូ អ្នកគ្រូ សិស្សានុសិស្ស និងមាតាបិតាអាណាព្យាបាល៕

ពោធិ៍សាត់៖ វិទ្យាស្ថានពហុបច្ចេកទេសខេត្តពោធិ៍សាត់ បានរៀបចំកិច្ចប្រជុំលើកដំបូងរបស់ក្រុមប្រឹក្សាផ្តល់យោបល់ ក្រោមអធិបតីភាព អ្នកឧកញ៉ា ទុយ គី ប្រធានក្រុមប្រឹក្សា ដោយមានការចូលរួមពីអនុប្រធាន សមាជិក និងលេខាធិការដ្ឋាន នាព្រឹកថ្ងៃសុក្រ ទី២១ ខែសីហា ឆ្នាំ២០២៦។ កិច្ចប្រជុំនេះរៀបចំឡើងក្នុងគោលបំណងពិនិត្យការងារបណ្តុះបណ្តាលបច្ចេកទេស និងវិជ្ជាជីវៈ រៀបចំផែនការសកម្មភាពឆ្លើយតបតម្រូវការទីផ្សារការងារ ព្រមទាំងដោះស្រាយបញ្ហាប្រឈមផ្សេងៗ។ ទន្ទឹមគ្នានេះ ក្រុមប្រឹក្សាក៏បានគ្រោងរៀបចំពិធីផ្សព្វផ្សាយជាមួយអភិបាលខេត្ត និងមន្ទីរពាក់ព័ន្ធ មុនឈានដល់កិច្ចប្រជុំលើកទី២។ ជាលទ្ធផល កិច្ចប្រជុំបានដាក់ចេញនូវអនុសាសន៍គន្លឹះចំនួន២ គឺការប្រមូលផ្តុំ ឬពង្រឹងសមត្ថភាពគ្រូជំនាញឱ្យបានគ្រប់គ្រាន់ និងការផ្តោតលើគុណភាពនៃការបណ្តុះបណ្តាលសិស្ស-និស្សិតជាកត្តាចម្បង៕