ព័ត៌មានក្នុងខេត្ត

អភិបាលខេត្តពោធិ៍សាត់ បានដឹកនាំកម្លាំងអាជ្ញាធរចុះអន្តរាគមន៍ចាក់ប៉េតុងស្តារកំណាត់ផ្លូវលេខ១៥៤D នៅស្រុកបាកាន ដែលខូចខាត ដើម្បីសម្រួលការធ្វើដំណើរ និងដឹកជញ្ជូនរបស់ប្រជាពលរដ្ឋ ដោយជំរុញឱ្យអាជ្ញាធរមូលដ្ឋានគ្រប់ក្រុង-ស្រុក ចេះម្ចាស់ការដោះស្រាយបញ្ហាដោយមិនចាំបាច់រង់ចាំថវិកាថ្នាក់ជាតិ។

ឯកឧត្តម ខូយ រីដា អភិបាលខេត្តពោធិ៍សាត់ និងលោកជំទាវ រួមជាមួយ ឯកឧត្តម ម៉ក់ រ៉ា ប្រធានក្រុមប្រឹក្សាខេត្ត បានដឹកនាំមន្ត្រីរាជការ កងកម្លាំងប្រដាប់អាវុធ និងសមាជិកាសមាគមនារី ប្រគេនទៀនព្រះវស្សា អង្ករ បច្ច័យ និងទេយ្យទានដល់ព្រះសង្ឃគង់ចាំព្រះវស្សាចំនួន ២៣វត្ត ក្នុងក្រុងពោធិ៍សាត់។ ពិធីនេះប្រារព្ធឡើងនៅសាលាខេត្ត ដើម្បីទ្រទ្រង់ព្រះពុទ្ធសាសនា ឧទ្ទិសកុសលជូនបុព្វការីជន និងវីរយុទ្ធជនការពារជាតិ ព្រមទាំងបួងសួងសេចក្តីសុខសុវត្ថិភាពជូនកងកម្លាំងឈរជើងតាមបន្ទាត់ព្រំដែន។

អភិបាលខេត្តពោធិ៍សាត់ បានចុះពិនិត្យ និងដឹកនាំកិច្ចអន្តរាគមន៍បូមទឹកសង្គ្រោះស្រូវរដូវវស្សាជាបន្ទាន់ ជូនប្រជាពលរដ្ឋប៉ែកខាងក្រោមចំនួន ៥ឃុំ ក្នុងស្រុកបាកាន។ ការចុះផ្ទាល់នេះ គឺដើម្បីធានាប្រើប្រាស់មធ្យោបាយសរុបជួយសង្គ្រោះដំណាំស្រូវរបស់ប្រជាកសិករឱ្យបានទាន់ពេលវេលា និងការពារកុំឱ្យមានការខូចខាត។

លោក ពៅ ពិសិដ្ឋ អភិបាលរង តំណាងឯកឧត្តម ខូយ រីដា អភិបាលខេត្ត បានអញ្ជើញជាអធិបតីក្នុងកម្មវិធីប្រឡងទន្ទេញគម្ពីរអាល់គួរអាន និងចំណេះដឹងឥស្លាម ប្រចាំឆ្នាំ២០២៦ នៅវិហារឥស្លាមណូរូស្សាឡាម ស្រុកភ្នំក្រវាញ។

ឯកឧត្តម ខូយ រីដា បានដឹកនាំក្រុងការងារចុះត្រួតពិនិត្យស្ថានភាពទឹកផ្ទាល់ នៅតាមភូមិសាស្ត្រស្រុកបាកាន ដែលកំពុងជួបប្រទះបញ្ហាប្រឈមនឹងគ្រោះរាំងស្ងួតយ៉ាងធ្ងន់ធ្ងរ ទៅដល់ស្រូវរបស់ប្រជាពលរដ្ឋអស់ជាច្រើនហិកតា។

ឯកឧត្តម ខូយ រីដា អភិបាលខេត្តពោធិ៍សាត់ បានចុះពិនិត្យ និងបញ្ជាផ្ទាល់លើការងារអន្តរាគមន៍បញ្ជូនទឹកសង្គ្រោះស្រូវស្រែប្រជាពលរដ្ឋដែលខ្វះទឹកស្រោចស្រព ក្នុងស្រុកបាកាន។ ឯកឧត្តមបានដាក់បទបញ្ជាឱ្យអាជ្ញាធរមូលដ្ឋានតាមដានស្ថានភាពទឹក និងបែងចែកទឹកឱ្យបានស្មើភាពគ្នា ដើម្បីជួយសង្គ្រោះស្រែប្រជាពលរដ្ឋឱ្យបានទាន់ពេលវេលា។

IAEA បានផ្តល់ឧបករណ៍វេជ្ជសាស្ត្រ និងឧបករណ៍រាវរកសារធាតុវិទ្យុសកម្ម តម្លៃប្រហែល ៣៥ម៉ឺនដុល្លារអាមេរិក ជូនមន្ទីរសុខាភិបាលខេត្តពោធិ៍សាត់ ដើម្បីលើកកម្ពស់សេវាសុខាភិបាល និងសុវត្ថិភាពវិទ្យុសកម្ម។

ពោធិ៍សាត់៖ គណៈកម្មាធិការដឹកនាំគម្រោងបានរៀបចំ «កិច្ចប្រជុំផ្សព្វផ្សាយគម្រោងប្រព័ន្ធធារាសាស្ត្របន្ស៊ាំអាកាសធាតុ និងកសិកម្មប្រកបដោយនិរន្តរភាព និងភាពធន់ (CAISAR)» ជូនដល់ក្រុមការងារខេត្ត នាព្រឹកថ្ងៃទី២៤ ខែកក្កដា ឆ្នាំ២០២៦ ក្រោមអធិបតីភាព ឯកឧត្តម ពៅ ពិសិដ្ឋ អភិបាលរង នៃគណៈអភិបាលខេត្ត និងជាប្រធានក្រុមការងារគម្រោង។ ជំនួបផ្សព្វផ្សាយនេះធ្វើឡើងក្នុងគោលបំណងបង្កើនការយល់ដឹងពីផែនការសកម្មភាពគម្រោង ពង្រឹងកិច្ចសហការ និងរៀបចំយន្តការអនុវត្តការងារឱ្យមានប្រសិទ្ធភាព សំដៅឆ្លើយតបទៅនឹងការប្រែប្រួលអាកាសធាតុ និងលើកកម្ពស់ជីវភាពប្រជាកសិករក្នុងខេត្តឱ្យកាន់តែប្រសើរឡើង៕

ពោធិ៍សាត់៖ ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ បានដឹកនាំមន្ត្រីជំនាញ និងអាជ្ញាធរពាក់ព័ន្ធ ចុះពិនិត្យផ្ទាល់ និងបញ្ជាការងារអន្តរាគមន៍បូមទឹកសង្គ្រោះស្រូវស្រែរបស់ប្រជាពលរដ្ឋ ដែលកំពុងជួបប្រទះបញ្ហាប្រឈមខ្វះខាតទឹកស្រោចស្រព ស្ថិតក្នុងឃុំមេទឹក និងឃុំមួយចំនួនទៀត ក្នុងស្រុកបាកាន ខេត្តពោធិ៍សាត់ នៅថ្ងៃទី២៤ ខែកក្កដា ឆ្នាំ២០២៦។ ក្នុងឱកាសចុះពិនិត្យនោះ ឯកឧត្តមអភិបាលខេត្ត បានណែនាំឱ្យអាជ្ញាធរមូលដ្ឋាន សហការជាមួយមន្ទីរធនធានទឹក និងឧតុនិយមខេត្ត ញាប់ដៃញាប់ជើងប្រើប្រាស់គ្រប់មធ្យោបាយ និងគ្រឿងចក្រ ដើម្បីបូម និងបង្វែរប្រភពទឹកសង្គ្រោះស្រូវស្រែប្រជាពលរដ្ឋឱ្យបានទាន់ពេលវេលា ជៀសវាងការខូចខាតផលដំណាំ។ ជាមួយគ្នានេះដែរ ឯកឧត្តមបានអំពាវនាវ និងប្រគល់ភារកិច្ចជូនអាជ្ញាធរភូមិ-ឃុំ ឱ្យបន្តតាមដានស្ថានភាពទឹកជាប្រចាំ និងជួយសម្របសម្រួលការបែងចែកទឹកប្រើប្រាស់ឱ្យបានស្មើភាពគ្នា ដើម្បីធានាថាស្រែដែលកំពុងប្រឈមខ្វះទឹកទាំងអស់ ទទួលបានទឹកស្រោចស្រពគ្រប់គ្រាន់៕

ក្រសួងមហាផ្ទៃបានរៀបចំសិក្ខាសាលាចែករំលែកបទពិសោធន៍លើ «ការកសាងអង្គភាពផ្តល់សេវាសាធារណៈគំរូ ក្នុងវិស័យអប់រំ និងសុខាភិបាល» ក្រោមអធិបតីភាព ឯកឧត្តម ហ៊ុន ម៉ានី និង ឯកឧត្តមអភិសន្តិបណ្ឌិត ស សុខា ដោយមានអ្នកចូលរួមជាង ៦០០នាក់។

ក្រសួងមហាផ្ទៃបានរៀបចំសិក្ខាសាលាចែករំលែកបទពិសោធន៍លើ «ការកសាងអង្គភាពផ្តល់សេវាសាធារណៈគំរូ ក្នុងវិស័យអប់រំ និងសុខាភិបាល» ក្រោមអធិបតីភាព ឯកឧត្តម ហ៊ុន ម៉ានី និង ឯកឧត្តមអភិសន្តិបណ្ឌិត ស សុខា ដោយមានអ្នកចូលរួមជាង ៦០០នាក់។

ឯកឧត្តម បណ្ឌិត ប្រាំង ជលសា បានជួបសំណេះសំណាលជាមួយអ្នកចូលរួមប្រមាណ ៣៥០នាក់ នៅវត្តកោះរំដួល ស្រុកក្រគរ ខេត្តពោធិ៍សាត់ ដើម្បីត្រៀមការងារសម្រាប់ការបោះឆ្នោតក្រុមប្រឹក្សាឃុំ-សង្កាត់ ឆ្នាំ២០២៧។