មន្ត្រីជំនាញចុះផ្សព្វផ្សាយក្បួនខ្នាតក្បាច់ចម្លាក់ខ្មែរ និងធ្វើបច្ចុប្បន្នភាពស្ថិតិសិប្បកម្មនៅស្រុកភ្នំក្រវាញ
ខេត្តពោធិ៍សាត់៖ ក្រុមការងារការិយាល័យសិល្បៈសូនរូប និងសិប្បកម្ម នៃមន្ទីរវប្បធម៌និងវិចិត្រសិល្បៈខេត្តពោធិ៍សាត់ បានចុះបំពេញការងារជំនាញក្នុងភូមិសាស្ត្រស្រុកភ្នំក្រវាញ ដើម្បីពង្រឹងការគ្រប់គ្រង និងលើកកម្ពស់ការយល់ដឹងដល់អ្នកប្រកបរបរសិប្បកម្ម នាថ្ងៃទី៩ ខែកក្កដា ឆ្នាំ២០២៦។ សកម្មភាពសំខាន់ៗក្នុងបេសកកម្មនេះ រួមមាន៖ ចែករំលែកបទដ្ឋានគតិយុត្ត និងក្បួនខ្នាតក្បាច់ចម្លាក់ខ្មែរចំទិសដៅ ដល់សិប្បករ និងអ្នកប្រកបវិជ្ជាជីវៈផ្ទាល់, ប្រមូល និងធ្វើបច្ចុប្បន្នភាពស្ថិតិសិល្បៈសូនរូប និងសិប្បកម្មក្នុងមូលដ្ឋាន, ជំរុញការចុះបញ្ជី៖ ផ្សព្វផ្សាយពីសារៈសំខាន់នៃការចុះបញ្ជីសេដ្ឋកិច្ចក្រៅប្រព័ន្ធ ស្របតាមគោលនយោបាយរបស់រាជរដ្ឋាភិបាល។ ការចុះបំពេញការងារនេះ គឺជាយន្តការដ៏សំខាន់ក្នុងការចូលរួមអភិរក្សតម្លៃសិល្បៈដូនតា ធានាបាននូវក្បួនខ្នាតត្រឹមត្រូវ និងលើកកម្ពស់ការអភិវឌ្ឍវិស័យវប្បធម៌ប្រកបដោយចីរភាព៕
