ឯកឧត្តម ឡុង ណារ៉ូ និងលោកជំទាវ រៀបចំពិធីបុណ្យបំបួសកុលបុត្រជាសាមណេរ នៅទីអារាមវត្តហ្លួង ក្រុងពោធិ៍សាត់

ក្រុមការងារចុះមូលដ្ឋានសង្កាត់រលាប វេរប្រគេនទៀនចំណាំព្រះវស្សា នៅតាមវត្តអារាមចំនួន៩វត្ត

លោក ហៀម ឃួន អភិបាលរងខេត្តពោធិ៍សាត់ នាំយកទៀនព្រះវស្សា ទេយ្យទាន និងបច្ច័យ វេរប្រគេនព្រះសង្ឃចាំព្រះវស្សាទាំង ៩វត្ត ក្នុងសង្កាត់រលាប ដើម្បីទ្រទ្រង់ជីវភាពព្រះសង្ឃ និងរួមចំណែកលើកស្ទួយវិស័យព្រះពុទ្ធសាសនា ។

លោកអ្នកឧកញ៉ា ទ្រី ភាព និងអ្នកឧកញ៉ា គៀន ស្រីនាង ប្រគេនទៀនព្រះវស្សា និងទេយ្យទានដល់ចំនួន១១ និងបូជនីយដ្ឋានចំនួន២ នៅខេត្តពោធិ៍សាត់

២៩ កក្កដា ២០២៦, ០៣:៥០

លោកអ្នកឧកញ៉ា ទ្រី ភាព និងអ្នកឧកញ៉ា គៀន ស្រីនាង ប្រគេនទៀនព្រះវស្សា និងទេយ្យទានដល់ចំនួន១១ និងបូជនីយដ្ឋានចំនួន២ នៅខេត្តពោធិ៍សាត់

លោកអ្នកឧកញ៉ា ទ្រី ភាព និងអ្នកឧកញ៉ា គៀន ស្រីនាង បានចាត់តាំងលោក ឃៀង សុជីវ័ន្ត នាំយកទៀនព្រះវស្សា ទេយ្យទាន និងថវិកាសរុបប្រមាណ ៨០លានរៀល ទៅប្រគេនព្រះសង្ឃគង់ចាំព្រះវស្សាចំនួន ១១វត្ត និងថ្វាយបូជនីយដ្ឋានចំនួន ២ ក្នុងខេត្តពោធិ៍សាត់ ដើម្បីចូលរួមទ្រទ្រង់ក្នុងឱកាសបុណ្យចូលព្រះវស្សា និងបានជួយឧបត្ថម្ភដល់គ្រួសារភៀសសឹកចំនួន ៨គ្រួសារផងដែរ។

មន្ទីរវប្បធម៌ខេត្តពោធិ៍សាត់ ប្រជុំបូកសរុបការងារខែកក្កដា និងកំណត់ទិសដៅអនុវត្តបន្តសម្រាប់ខែសីហា

២៣ កក្កដា ២០២៦, ០៤:៤៧

មន្ទីរវប្បធម៌ខេត្តពោធិ៍សាត់ ប្រជុំបូកសរុបការងារខែកក្កដា និងកំណត់ទិសដៅអនុវត្តបន្តសម្រាប់ខែសីហា

ខេត្តពោធិ៍សាត់៖ មន្ទីរវប្បធម៌ និងវិចិត្រសិល្បៈខេត្តពោធិ៍សាត់ បានរៀបចំកិច្ចប្រជុំបូកសរុបលទ្ធផលការងារប្រចាំខែកក្កដា ឆ្នាំ២០២៦ ដោយលោក អ៊ុក រក្សា ប្រធានមន្ទីរវប្បធម៌ និងវិចិត្រសិល្បៈខេត្ត។ កិច្ចប្រជុំនេះក៏មានការចូលរួមពី លោក រស់ សំណាង ជំនួយការក្រសួង ព្រមទាំងថ្នាក់ដឹកនាំ និងមន្ត្រីរាជការនៃការិយាល័យជំនាញទូទាំងមន្ទីរ នៅថ្ងៃទី២២ ខែកក្កដា ឆ្នាំ២០២៦។ អង្គប្រជុំបានពិនិត្យ និងវាយតម្លៃលើសមិទ្ធផលការងារសម្រេចបានក្នុងខែកក្កដា ព្រមទាំងលើកយកបញ្ហាប្រឈមនានាមកពិភាក្សា ដើម្បីស្វែងរកដំណោះស្រាយប្រកបដោយប្រសិទ្ធភាព។ ទន្ទឹមនឹងនេះ អង្គប្រជុំបានកំណត់ទិសដៅ និងផែនការសកម្មភាពសម្រាប់ខែសីហា ឆ្នាំ២០២៦ ខាងមុខ សំដៅបង្កើនប្រសិទ្ធភាពការងារ និងជំរុញការលើកកម្ពស់វិស័យវប្បធម៌ និងវិចិត្រសិល្បៈក្នុងខេត្តឱ្យកាន់តែមានចរន្តរីកចម្រើនខ្លាំងក្លាថែមទៀត៕

មន្ទីរវប្បធម៌ និងវិចិត្រសិល្បៈខេត្តពោធិ៍សាត់ ចុះពង្រឹងសមត្ថភាព និងឧបត្ថម្ភគាំទ្រដល់សិល្បករក្នុងស្រុកបាកាន និងតាលោសែនជ័យ

២១ កក្កដា ២០២៦, ០២:០០

មន្ទីរវប្បធម៌ និងវិចិត្រសិល្បៈខេត្តពោធិ៍សាត់ ចុះពង្រឹងសមត្ថភាព និងឧបត្ថម្ភគាំទ្រដល់សិល្បករក្នុងស្រុកបាកាន និងតាលោសែនជ័យ

ពោធិ៍សាត់៖ លោក អ៊ុក រក្សា ប្រធានមន្ទីរវប្បធម៌ និងវិចិត្រសិល្បៈខេត្តពោធិ៍សាត់ ព្រមទាំងសហការី នាថ្ងៃទី២០ ខែកក្កដា ឆ្នាំ២០២៦ បានចុះសួរសុខទុក្ខ និងនាំយកអំណោយជាគ្រឿងឧបភោគបរិភោគរបស់ ឯកឧត្តមអភិបាល នៃគណៈអភិបាលខេត្តពោធិ៍សាត់ ទៅប្រគល់ជូនដល់សិល្បករក្នុងមូលដ្ឋាន រួមមាន៖ ក្រុមសិល្បៈល្ខោនបាសាក់ ចំនួន ១ក្រុម ស្ថិតនៅស្រុកបាកាន និងលោកតាព្រឹទ្ធាចារ្យចាប៉ីដងវែង ចំនួន ២រូប ស្ថិតនៅស្រុកតាលោសែនជ័យ។ នៅក្នុងឱកាសនោះផងដែរ ក្រុមការងារជំនាញរបស់មន្ទីរបានជួយសម្រួល កែលម្អ និងចែករំលែកបច្ចេកទេសសម្តែងបន្ថែមដល់ក្រុមសិល្បៈល្ខោនបាសាក់ ដើម្បីលើកស្ទួយគុណភាពទស្សនីយភាពឱ្យកាន់តែមានភាពរស់រវើក ព្រមទាំងរួមចំណែកថែរក្សា និងអភិរក្សទម្រង់សិល្បៈប្រពៃណីជាតិឱ្យបានគង់វង្សតទៅ៕

មន្ត្រីជំនាញចុះផ្សព្វផ្សាយក្បួនខ្នាតក្បាច់ចម្លាក់ខ្មែរ និងធ្វើបច្ចុប្បន្នភាពស្ថិតិសិប្បកម្មនៅស្រុកភ្នំក្រវាញ

៩ កក្កដា ២០២៦, ១១:០៨

មន្ត្រីជំនាញចុះផ្សព្វផ្សាយក្បួនខ្នាតក្បាច់ចម្លាក់ខ្មែរ និងធ្វើបច្ចុប្បន្នភាពស្ថិតិសិប្បកម្មនៅស្រុកភ្នំក្រវាញ

ខេត្តពោធិ៍សាត់៖ ក្រុមការងារការិយាល័យសិល្បៈសូនរូប និងសិប្បកម្ម នៃមន្ទីរវប្បធម៌និងវិចិត្រសិល្បៈខេត្តពោធិ៍សាត់ បានចុះបំពេញការងារជំនាញក្នុងភូមិសាស្ត្រស្រុកភ្នំក្រវាញ ដើម្បីពង្រឹងការគ្រប់គ្រង និងលើកកម្ពស់ការយល់ដឹងដល់អ្នកប្រកបរបរសិប្បកម្ម នាថ្ងៃទី៩ ខែកក្កដា ឆ្នាំ២០២៦។ សកម្មភាពសំខាន់ៗក្នុងបេសកកម្មនេះ រួមមាន៖ ចែករំលែកបទដ្ឋានគតិយុត្ត និងក្បួនខ្នាតក្បាច់ចម្លាក់ខ្មែរចំទិសដៅ ដល់សិប្បករ និងអ្នកប្រកបវិជ្ជាជីវៈផ្ទាល់, ប្រមូល និងធ្វើបច្ចុប្បន្នភាពស្ថិតិសិល្បៈសូនរូប និងសិប្បកម្មក្នុងមូលដ្ឋាន, ជំរុញការចុះបញ្ជី៖ ផ្សព្វផ្សាយពីសារៈសំខាន់នៃការចុះបញ្ជីសេដ្ឋកិច្ចក្រៅប្រព័ន្ធ ស្របតាមគោលនយោបាយរបស់រាជរដ្ឋាភិបាល។ ការចុះបំពេញការងារនេះ គឺជាយន្តការដ៏សំខាន់ក្នុងការចូលរួមអភិរក្សតម្លៃសិល្បៈដូនតា ធានាបាននូវក្បួនខ្នាតត្រឹមត្រូវ និងលើកកម្ពស់ការអភិវឌ្ឍវិស័យវប្បធម៌ប្រកបដោយចីរភាព៕

មន្ទីរវប្បធម៌ខេត្តពោធិ៍សាត់ រៀបចំផែនការពិនិត្យវាយតម្លៃបញ្ចប់វគ្គសិក្សាជំនាញគំនូរ និងតន្ត្រី (វគ្គទី១)

៨ កក្កដា ២០២៦, ១១:៣៤

មន្ទីរវប្បធម៌ខេត្តពោធិ៍សាត់ រៀបចំផែនការពិនិត្យវាយតម្លៃបញ្ចប់វគ្គសិក្សាជំនាញគំនូរ និងតន្ត្រី (វគ្គទី១)

[ពោធិ៍សាត់]៖ លោក អ៊ុក រក្សា ប្រធានមន្ទីរវប្បធម៌ និងវិចិត្រសិល្បៈខេត្តពោធិ៍សាត់ បានដឹកនាំកិច្ចប្រជុំពិភាក្សាលើការរៀបចំនីតិវិធី និងផែនការពិនិត្យវាយតម្លៃ បញ្ចប់វគ្គសិក្សាទី១ (រយៈពេល ៣ ខែ) សម្រាប់សិស្សផ្នែកជំនាញសិល្បៈគំនូរ និងតន្ត្រី នារសៀលថ្ងៃពុធ ទី៨ ខែកក្កដា ឆ្នាំ២០២៦ ។ កិច្ចប្រជុំនេះរៀបចំឡើងក្នុងគោលបំណង៖ ការកំណត់ស្តង់ដារ បង្កើតនីតិវិធី និងលក្ខខណ្ឌវាយតម្លៃឱ្យមានតម្លាភាព និងប្រសិទ្ធភាពខ្ពស់, ពិនិត្យឱ្យបានច្បាស់លាស់នូវកម្រិតចំណេះដឹង និងជំនាញពិតប្រាកដរបស់សិស្សម្នាក់ៗ មុននឹងប្រកាសលទ្ធផលជាផ្លូវការ និងអនុញ្ញាតឱ្យបន្តទៅកាន់វគ្គសិក្សាបន្ទាប់។ នេះជាការយកចិត្តទុកដាក់របស់មន្ទីរជំនាញ ក្នុងការធានាឱ្យបាននូវគុណភាពនៃការបណ្តុះបណ្តាលធនធានមនុស្ស លើវិស័យវប្បធម៌និងវិចិត្រសិល្បៈនៅក្នុងខេត្តពោធិ៍សាត់ឱ្យកាន់តែរីកចម្រើន៕

ព័ត៌មានថ្មីៗ

អធិការដ្ឋាននគរបាលស្រុកក្រគរ ចាត់កម្លាំងប៉ុស្តិ៍ទាំង ១១ ចុះល្បាតជាប្រចាំ ដើម្បីពង្រឹងសន្តិសុខ និងសុវត្ថិភាពជូនប្រជាពលរដ្ឋ

សន្តិសុខសង្គម

អធិការដ្ឋាននគរបាលស្រុកក្រគរ ចាត់កម្លាំងប៉ុស្តិ៍ទាំង ១១ ចុះល្បាតជាប្រចាំ ដើម្បីពង្រឹងសន្តិសុខ និងសុវត្ថិភាពជូនប្រជាពលរដ្ឋ

ពោធិ៍សាត់៖ ដោយអនុវត្តតាមមតិចង្អុលការដ៏ខ្ពង់ខ្ពស់របស់ លោកឧត្តមសេនីយ៍ទោ ស ថេង ស្នងការនគរបាលខេត្តពោធិ៍សាត់ និងមានការដឹកនាំបញ្ជាផ្ទាល់ពី លោកវរសេនីយ៍ឯក មោក ភារម្យ អធិការនគរបាលស្រុកក្រគរ កម្លាំងប៉ុស្តិ៍នគរបាលរដ្ឋបាលទាំង ១១ ចំណុះអធិការដ្ឋាន បាន និងកំពុងបន្តសកម្មភាពចុះល្បាតជាប្រចាំនៅតាមភូមិសាស្ត្រសំខាន់ៗក្នុងមូលដ្ឋាន។ ការចុះល្បាតនេះ មានគោលបំណង៖ បង្ការ និងបង្ក្រាបបទល្មើសគ្រប់ប្រភេទ ដើម្បីរក្សាសន្តិសុខ និងសណ្តាប់ធ្នាប់សាធារណៈ និងធានាសុវត្ថិភាពជូនប្រជាពលរដ្ឋ ព្រមទាំងបង្កើនទំនុកចិត្តលើការអនុវត្តភារកិច្ចរបស់កងកម្លាំងសមត្ថកិច្ច។ ជាមួយគ្នានេះ អធិការដ្ឋាននគរបាលស្រុកក្រគរ ក៏បានអំពាវនាវដល់បងប្អូនប្រជាពលរដ្ឋទាំងអស់ ចូលរួមសហការជាមួយសមត្ថកិច្ច ដោយរាយការណ៍ជាបន្ទាន់នូវរាល់សកម្មភាព ឬករណីសង្ស័យផ្សេងៗ ដើម្បីរួមគ្នាកសាងភូមិ-ឃុំឱ្យមានសុវត្ថិភាព និងសុខសាន្ត៕

បេក្ខជនប្រឡងបាក់ឌុបឆ្នាំ២០២៦ ក្នុងខេត្តពោធិ៍សាត់ ស្រុះគ្នាទៅពិនិត្យមើលឈ្មោះ និងលេខតុតាមមណ្ឌលប្រឡង

អប់រំ និងកីឡា

បេក្ខជនប្រឡងបាក់ឌុបឆ្នាំ២០២៦ ក្នុងខេត្តពោធិ៍សាត់ ស្រុះគ្នាទៅពិនិត្យមើលឈ្មោះ និងលេខតុតាមមណ្ឌលប្រឡង

ពោធិ៍សាត់៖ សិស្សានុសិស្សដែលជាបេក្ខជនត្រូវប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ឆ្នាំ២០២៦ បានអញ្ជើញទៅពិនិត្យមើលបញ្ជីឈ្មោះ លេខបន្ទប់ និងលេខតុ តាមមណ្ឌលប្រឡងនានាក្នុងខេត្តពោធិ៍សាត់ យ៉ាងច្រើនកុះករ នាថ្ងៃទី៣ ខែសីហា ឆ្នាំ២០២៦ នេះ។ ការចុះពិនិត្យឈ្មោះនេះ ធ្វើឡើងដើម្បីឱ្យបេក្ខជនបានផ្ទៀងផ្ទាត់ទិន្នន័យផ្ទាល់ខ្លួនឡើងវិញ ព្រមទាំងស្គាល់មណ្ឌល និងបន្ទប់ប្រឡងច្បាស់លាស់ សំដៅត្រៀមលក្ខណៈសម្បត្តិឱ្យបានរួចរាល់ មុនថ្ងៃប្រឡងផ្លូវការចូលមកដល់៕

កិច្ចប្រជុំប្រចាំខែកក្កដា ផ្តោតលើការផ្សព្វផ្សាយព្រះរាជក្រឹត្យស្តីពីលក្ខន្តិកៈនៃអង្គគ្រូបង្រៀន

សកម្មភាពអាជ្ញាធរ

កិច្ចប្រជុំប្រចាំខែកក្កដា ផ្តោតលើការផ្សព្វផ្សាយព្រះរាជក្រឹត្យស្តីពីលក្ខន្តិកៈនៃអង្គគ្រូបង្រៀន

ពោធិ៍សាត់៖ លោក អ៊ន សុផល្លា អភិបាល នៃគណៈអភិបាលស្រុកក្រគរ បានអញ្ជើញជាអធិបតីភាពដឹកនាំកិច្ចប្រជុំអាណត្តិ ប្រចាំខែកក្កដា និងការផ្សព្វផ្សាយព្រះរាជក្រឹត្យស្តីពីលក្ខន្តិកៈនៃអង្គគ្រូបង្រៀន នាព្រឹកថ្ងៃទី៣ ខែសីហា ឆ្នាំ២០២៦។ កិច្ចប្រជុំនេះបានប្រព្រឹត្តទៅនៅសាលប្រជុំការិយាល័យអប់រំ យុវជន និងកីឡាស្រុកក្រគរ ដោយមានការអញ្ជើញចូលរួមពីថ្នាក់ដឹកនាំ និងមន្ត្រីពាក់ព័ន្ធជាច្រើនរូប ក្នុងគោលបំណងបូកសរុបលទ្ធផលការងារប្រចាំខែ ក៏ដូចជាបង្កើនការយល់ដឹងអំពីក្របខ័ណ្ឌច្បាប់ និងលក្ខន្តិកៈដល់អង្គគ្រូបង្រៀនក្នុងស្រុកទាំងមូល៕

មន្ទីរធនធានទឹកខេត្តពោធិ៍សាត់ បន្តសកម្មភាពថែទាំប្រព័ន្ធធារាសាស្ត្រ "ក្រូចសើច" ដើម្បីពង្រឹងការផ្គត់ផ្គង់ទឹកស្រោចស្រព

ធនធានទឹក និងឧតុនិយម

មន្ទីរធនធានទឹកខេត្តពោធិ៍សាត់ បន្តសកម្មភាពថែទាំប្រព័ន្ធធារាសាស្ត្រ "ក្រូចសើច" ដើម្បីពង្រឹងការផ្គត់ផ្គង់ទឹកស្រោចស្រព

ពោធិ៍សាត់៖ មន្ទីរធនធានទឹក និងឧតុនិយមខេត្តពោធិ៍សាត់ បានបន្តសកម្មភាពចុះថែទាំជាប្រចាំនូវប្រព័ន្ធធារាសាស្ត្រ ក្រូចសើច ដែលស្ថិតនៅក្នុងឃុំត្រពាំងជង ស្រុកបាកាន ដើម្បីធានាបាននូវប្រសិទ្ធភាពខ្ពស់ក្នុងការគ្រប់គ្រង និងបែងចែកទឹកជូនប្រជាកសិករ នៅថ្ងៃទី៣ ខែសីហា ឆ្នាំ២០២៦។ ប្រព័ន្ធធារាសាស្ត្រក្រូចសើចនេះ មានសមត្ថភាពស្រោចស្រពលើផ្ទៃដីស្រូវវស្សាចំនួន ១,០០០ ហិកតា ស្រូវប្រាំង ៣០០ ហិកតា និងដំណាំរួមផ្សំចំនួន ២០ ហិកតា។ នៅក្នុងសកម្មភាពថែទាំនេះ ក្រុមការងារបាននិងកំពុងបន្ត៖ កាយស្តារប្រឡាយមេ និងសម្អាតជើងទេរប្រឡាយបានប្រវែង ៥០០ ម៉ែត្រ និងការងារបច្ចេកទេស បង្ហាប់គ្រលុកដី និងសម្អាតតាមជើងទេរប្រឡាយផ្នែកខាងក្រៅ។ គួរបញ្ជាក់ថា ប្រព័ន្ធធារាសាស្ត្រនេះមានហេដ្ឋារចនាសម្ព័ន្ធសំខាន់ៗរួមមាន ទំនប់ប្រវែង ២,៥២០ ម៉ែត្រ, ប្រឡាយមេ ១ ខ្សែ (២,៨៩០ ម៉ែត្រ), ប្រឡាយរង ៣ ខ្សែ (៦,៣១០ ម៉ែត្រ), ប្រឡាយដោះទឹក ១ ខ្សែ (៤,៥០០ ម៉ែត្រ) ព្រមទាំងសំណង់ទ្វារទឹក និងលូចែកចាយទឹកជាច្រើនកន្លែងទៀតផងដែរ៕