ក្រុមការងារបេតិកភណ្ឌ នៃមន្ទីរវប្បធម៌ បានចុះសិក្សាស្រាវជ្រាវទីទួលបុរាណ ដែលស្ថិតនៅក្នុងស្រុកក្រគរ
កាលពីខែឧសភា ឆ្នាំ២០២៦នេះ ក្រុមការងារបេតិកភណ្ឌ នៃមន្ទីរវប្បធម៌ និងវិចិត្រសិល្បៈខេត្តពោធិ៍សាត់ បានចុះសិក្សាស្រាវជ្រាវទីទួលបុរាណ ដែលស្ថិតនៅក្នុងស្រុកក្រគរ ខេត្តពោធិ៍សាត់ ដើម្បីប្រមូលទិន្នន័យ និងឯកសារពាក់ព័ន្ធ សម្រាប់ត្រៀមរៀបចំសរសេរជាសៀវភៅស្តីពីបេតិកភណ្ឌវប្បធម៌ក្នុងមូលដ្ឋាន។ ការចុះសិក្សាស្រាវជ្រាវនេះ មានគោលបំណងស្វែងយល់ពីប្រវត្តិសាស្ត្រ ទីតាំងភូមិសាស្ត្រ សំណល់បុរាណវត្ថុ និងតម្លៃវប្បធម៌នៃទីទួលបុរាណនីមួយៗ ដើម្បីរក្សាទុកជាឯកសារសម្រាប់ការអភិរក្ស និងផ្សព្វផ្សាយដល់សាធារណជន និងយុវជនជំនាន់ក្រោយ។ ក្នុងការចុះសិក្សានេះ ក្រុមការងារបានសិក្សាស្រាវជ្រាវចំនួន ៩ទីតាំង រួមមាន៖ ១. ទួលវត្តចាស់ ឬព្រៃយ៍វត្ត ២. ប្រាសាទសុវណ្ណស្លាកែត ៣. ខ្ទមជាយឬស្សី ៤. ខ្ទមតានង ៥. ខ្ទមវត្តចាស់ ៦. ខ្ទមសាលាខេត្ត ៧. ខ្ទមអ្នកតាឃ្លាំងមឿង ៨. ខ្ទមវិហាហ្លួង ៩. ទួលវត្តចាស់ខាងត្បូង
