រដ្ឋបាលខេត្តពោធិ៍សាត់ បើកកិច្ចប្រជុំសាមញ្ញលើកទី២៩ ដើម្បីពិនិត្យ និងអនុម័តលើរបាយការណ៍ការងារប្រចាំខែកញ្ញា

ថ្នាក់ដឹកនាំខេត្តពោធិ៍សាត់ អញ្ជើញកាន់បិណ្ឌទី១១ នៅវត្តលលកសចាស់ និងវត្តហង្សាបីតិ ព្រមទាំងអំពាវនាវឱ្យប្រជាពលរដ្ឋចូលរួមថែរក្សាសុខភាព និងសាមគ្គីភាពជាតិ

ឯកឧត្តម ខូយ រីដា អភិបាលខេត្តពោធិ៍សាត់ និងលោកជំទាវ បានដឹកនាំមន្ត្រីរាជការ និងប្រជាពលរដ្ឋ ចូលរួមបុណ្យកាន់បិណ្ឌទី១១ នៅវត្តលលកសចាស់ និងវត្តហង្សាបីតិ ហៅវត្តព្រែកស្តី ក្រុងពោធិ៍សាត់ ដោយបានប្រគេនចង្ហាន់ ទេយ្យវត្ថុ និងចែកអំណោយជូនប្រជាពលរដ្ឋ។

លោក ហៀម ឃួន ដឹកនាំកិច្ចប្រជុំកៀងគរថវិកាសម្រាប់ចុះសួរសុខទុក្ខកងកម្លាំងជួរមុខក្នុងភូមិសាស្ត្រខេត្តពោធិ៍សាត់នាឱកាសបុណ្យភ្ជុំបិណ្ឌ

៧ តុលា ២០២៦, ០១:៥៦

លោក ហៀម ឃួន ដឹកនាំកិច្ចប្រជុំកៀងគរថវិកាសម្រាប់ចុះសួរសុខទុក្ខកងកម្លាំងជួរមុខក្នុងភូមិសាស្ត្រខេត្តពោធិ៍សាត់នាឱកាសបុណ្យភ្ជុំបិណ្ឌ

លោក ហៀម ឃួន អភិបាលរងខេត្តពោធិ៍សាត់ បានដឹកនាំរៀបចំកិច្ចប្រជុំស្វែងរកមូលនិធិសម្រាប់ទ្រទ្រង់សម្ព័ន្ធភាពរវាងរដ្ឋបាលខេត្ត ស្រុក ក្រុង និងមន្ទីរ អង្គភាពជុំវិញខេត្ត ជាមួយកងកម្លាំងដែលឈរជើងនៅជួរមុខស្ថិតក្នុងភូមិសាស្ត្រខេត្ត នាឱកាសពិធីបុណ្យកាន់បិណ្ឌនិងភ្ជុំបិណ្ឌប្រពៃណីជាតិខ្មែរ នៅសាលប្រជុំកោះសំពៅមាស ជាន់ទី១សាលាខេត្តពោធិ៍សាត់។

ឯកឧត្តម ខូយ រីដា អញ្ជើញពិនិត្យសោភ័ណភាព សាលាបឋមសិក្សាព្រងិល

៦ តុលា ២០២៦, ០៩:២៦

ឯកឧត្តម ខូយ រីដា អញ្ជើញពិនិត្យសោភ័ណភាព សាលាបឋមសិក្សាព្រងិល

ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ បានអញ្ជើញចុះពិនិត្យដោយផ្ទាល់លើការរៀបចំអនាម័យ បរិស្ថាន និងសោភណភាព នៅសាលាបឋមសិក្សាព្រងិល ដែលស្ថិតនៅក្នុងភូមិព្រងិល ឃុំព្រងិល ស្រុកភ្នំក្រវាញ ខេត្តពោធិ៍សាត់ នៅថ្ងៃទី០៦ ខែតុលា ឆ្នាំ២០២៦។

រដ្ឋបាលខេត្តពោធិ៍សាត់ ពង្រឹងការយល់ដឹងផ្នែកច្បាប់លើវិស័យអចលនវត្ថុ និងបញ្ចាំ ដើម្បីជៀសវាងបញ្ហាប្រឈម និងការពិន័យផ្សេងៗ

៦ តុលា ២០២៦, ០៩:២៥

រដ្ឋបាលខេត្តពោធិ៍សាត់ ពង្រឹងការយល់ដឹងផ្នែកច្បាប់លើវិស័យអចលនវត្ថុ និងបញ្ចាំ ដើម្បីជៀសវាងបញ្ហាប្រឈម និងការពិន័យផ្សេងៗ

កិច្ចប្រជុំនេះបានប្រព្រឹត្តទៅក្រោមអធិបតីភាព ឯកឧត្តម អ៊ុន មាត្រា អគ្គនាយករងនៃនិយ័តករអាជីវកម្មអចលនវត្ថុ និងបញ្ចាំ តំណាង ឯកឧត្តម ជូ វណ្ណៈ អគ្គនាយកនិយ័តករអាជីវកម្មអចលនវត្ថុ និងបញ្ចាំ នៃអាជ្ញាធរសេវាហិរញ្ញវត្ថុមិនមែនធនាគារ ព្រមទាំងមានការអញ្ជើញចូលរួមពី លោក ហៀម ឃួន អភិបាលរងនៃគណៈអភិបាលខេត្តពោធិ៍សាត់, លោក ឆាយ ឈាងសុពល អនុប្រធានមន្ទីរសេដ្ឋកិច្ច និងហិរញ្ញវត្ថុខេត្ត ព្រមទាំងមន្ត្រីរាជការពាក់ព័ន្ធ និងអាជីវករក្នុងវិស័យអចលនវត្ថុ និងបញ្ចាំជាច្រើនរូបទៀត។

វិញ្ញាបនបត្រសម្គាល់ម្ចាស់អចលវត្ថុចំនួន៣.២៩៦បណ្ណ ត្រូវបានចែកជូនប្រជាពលរដ្ឋចំនួន ៣ភូមិ

៦ តុលា ២០២៦, ០៩:១៣

វិញ្ញាបនបត្រសម្គាល់ម្ចាស់អចលវត្ថុចំនួន៣.២៩៦បណ្ណ ត្រូវបានចែកជូនប្រជាពលរដ្ឋចំនួន ៣ភូមិ

ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ បានអញ្ជើញជាអធិបតីភាពក្នុងពិធីប្រគល់វិញ្ញាបនបត្រសម្គាល់ម្ចាស់អចលនវត្ថុ (បណ្ណកម្មសិទ្ធិដីធ្លី) សរុបចំនួន ៣,២៩៦បណ្ណ ជូនដល់ប្រជាពលរដ្ឋរស់នៅក្នុងភូមិចំនួន៣ នៃឃុំសន្ទ្រែ ស្រុកភ្នំក្រវាញ នាថ្ងៃទី៦ ខែតុលា ឆ្នាំ២០២៦។

រាជរដ្ឋាភិបាលសម្រេចរក្សាទុកតំបន់ «អន្ទង់អាំង» នៅភ្នំ១៥០០ ជាតំបន់សាធារណៈរបស់រដ្ឋ ដើម្បីអភិវឌ្ឍជាតំបន់ទេសចរណ៍ធម្មជាតិ

៦ តុលា ២០២៦, ០៨:៤១

រាជរដ្ឋាភិបាលសម្រេចរក្សាទុកតំបន់ «អន្ទង់អាំង» នៅភ្នំ១៥០០ ជាតំបន់សាធារណៈរបស់រដ្ឋ ដើម្បីអភិវឌ្ឍជាតំបន់ទេសចរណ៍ធម្មជាតិ

យោងតាមការចុះផ្សាយលើទំព័រហ្វេសប៊ុកផ្លូវការរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នាថ្ងៃអង្គារ ទី៦ ខែតុលា ឆ្នាំ២០២៦ នេះ សម្តេចធិបតីបានសម្តែងនូវការអរគុណយ៉ាងជ្រាលជ្រៅចំពោះប្អូនស្រី សែម សុខគា ដែលបានឆ្លើយតបយ៉ាងសកម្មទៅនឹងការអំពាវនាវរបស់សម្តេចកាលពីថ្ងៃទី១ ខែតុលា កន្លងទៅ ដោយបានយល់ព្រមចូលជួបប្រស្រ័យទាក់ទងជាមួយក្រុមការងារអាជ្ញាធរខេត្តពោធិ៍សាត់ ដើម្បីរួមគ្នាស្វែងរកដំណោះស្រាយសមស្របជុំវិញបញ្ហាដីធ្លីនៅតំបន់អន្ទង់អាំង (ឬហៅថា បុប្ផាលាក់ខ្លួន) លើខ្នងភ្នំ១៥០០។

ព័ត៌មានថ្មីៗ

រដ្ឋបាលក្រុងពោធិ៍សាត់ អំពាវនាវដល់ប្រជាពលរដ្ឋ និងអាជីវករ ចូលរួមថែរក្សាអនាម័យ និងសោភ័ណភាពក្រុង

បរិស្ថាន

រដ្ឋបាលក្រុងពោធិ៍សាត់ អំពាវនាវដល់ប្រជាពលរដ្ឋ និងអាជីវករ ចូលរួមថែរក្សាអនាម័យ និងសោភ័ណភាពក្រុង

ពោធិ៍សាត់៖ រដ្ឋបាលក្រុងពោធិ៍សាត់ សូមអំពាវនាវ និងក្រើនរំលឹកដល់បងប្អូនប្រជាពលរដ្ឋ អាជីវករ ព្រមទាំងភ្ញៀវទេសចរទាំងអស់ក្នុងក្រុងពោធិ៍សាត់ ចូលរួមលើកកម្ពស់សោភ័ណភាព បរិស្ថាន និងអនាម័យសាធារណៈ តាមរយៈការអនុវត្តចំណុចសំខាន់ៗដូចខាងក្រោម៖ ១. ទុកដាក់សំរាមឲ្យបានត្រឹមត្រូវ៖ សូមច្រកសំរាមក្នុងថង់ ឬធុងសំរាមឲ្យបានជិតល្អ រួចយកទៅដាក់តាមទីតាំង និងពេលវេលាដែលបានកំណត់។ ២. បញ្ឈប់ការបោះចោលពាសវាលពាសកាល៖ ជៀសវាងដាច់ខាតការបោះចោលសំរាម ឬសំណល់ផ្សេងៗលើដងផ្លូវ ទីសាធារណៈ ឬចាក់ចូលក្នុងប្រឡាយទឹកស្អុយ។ ៣. អនាម័យផ្ទាល់ខ្លួន និងទីតាំង៖ ចូលរួមសសម្អាតអនាម័យនៅមុខផ្ទះ និងតូបលក់ដូររបស់ខ្លួនជាប្រចាំ។ រដ្ឋបាលក្រុងពោធិ៍សាត់ សង្ឃឹមយ៉ាងមុតមាំថា បងប្អូនប្រជាពលរដ្ឋ និងអាជីវករទាំងអស់ នឹងចូលរួមអនុវត្តប្រកបដោយស្មារតីទទួលខុសត្រូវខ្ពស់ ព្រោះ «ទីក្រុងស្អាត ផ្តើមចេញពីស្មារតីទទួលខុសត្រូវរបស់យើងទាំងអស់គ្នា»៕

មន្ត្រីជំនាញខេត្តពោធិ៍សាត់ ចូលរួមសិក្ខាសាលាស្តីពី «ផែនការអាជីវកម្មរបស់មជ្ឈមណ្ឌលជាតិផលិតវ៉ាក់សាំងសត្វ» នៅខេត្តកំពត

កសិកម្ម

មន្ត្រីជំនាញខេត្តពោធិ៍សាត់ ចូលរួមសិក្ខាសាលាស្តីពី «ផែនការអាជីវកម្មរបស់មជ្ឈមណ្ឌលជាតិផលិតវ៉ាក់សាំងសត្វ» នៅខេត្តកំពត

កំពត៖ លោក ប៊ិន ស៊ិនណារ៉ា ប្រធានការិយាល័យផលិតកម្ម និងបសុព្យាបាលស្តីទី និងកញ្ញា ឡាយ ដាវីន មន្ត្រីការិយាល័យ បានអញ្ជើញចូលរួមសិក្ខាសាលាស្តីពី «ផែនការអាជីវកម្មរបស់មជ្ឈមណ្ឌលជាតិផលិតវ៉ាក់សាំងសត្វ» ដែលបានប្រព្រឹត្តទៅនៅសណ្ឋាគារ សាន់នី ខេត្តកំពត នៅថ្ងៃទី៧ ខែតុលា ឆ្នាំ២០២៦។ សិក្ខាសាលានេះមានរយៈពេល ៣ថ្ងៃ ចាប់ពីថ្ងៃទី៦ ដល់ថ្ងៃទី៨ ខែតុលា ឆ្នាំ២០២៦ ដោយមានការអញ្ជើញចូលរួមពីទីប្រឹក្សាគម្រោងសុខភាពសត្វឆ្លងកាត់ព្រំដែន និងការជំរុញខ្សែច្រវាក់តម្លៃសត្វ ព្រមទាំងតំណាងការិយាល័យផលិតកម្ម និងបសុព្យាបាលមកពី ៩ ខេត្ត រួមមាន៖ កំពង់ឆ្នាំង ពោធិ៍សាត់ តាកែវ កណ្តាល កំពង់ចាម សៀមរាប ឧត្តរមានជ័យ ព្រៃវែង និងខេត្តកំពត សរុបអ្នកចូលរួមចំនួន ៣៥ នាក់ (ស្រី ៥ នាក់)។ សិក្ខាសាលានេះរៀបចំឡើងក្នុងគោលបំណងសំខាន់ៗដូចខាងក្រោម៖ រៀបចំផែនការពាណិជ្ជកម្មនៃការផលិតវ៉ាក់សាំងសត្វឱ្យបានត្រឹមត្រូវ និងមានប្រសិទ្ធភាព, កាត់បន្ថយការពឹងផ្អែកលើការនាំចូលវ៉ាក់សាំងសត្វពីបរទេស, លើកកម្ពស់សមត្ថភាពប្រកួតប្រជែងផលិតកម្មក្នុងស្រុក និងធានាការផ្គត់ផ្គង់វ៉ាក់សាំងដែលមានគុណភាពខ្ពស់ និងសុវត្ថិភាពជូនប្រជាកសិករ៕

វត្តហ្លួង ក្រុងពោធិ៍សាត់ រៀបចំពិធីបុណ្យបោះបាយបិណ្ឌ (បិណ្ឌ១២) យ៉ាងកុះករ ដើម្បីឧទ្ទិសកុសលជូនញាតិកា និងវីរកងទ័ពជួរមុខ

សិល្បៈនិងវប្បធម៌

វត្តហ្លួង ក្រុងពោធិ៍សាត់ រៀបចំពិធីបុណ្យបោះបាយបិណ្ឌ (បិណ្ឌ១២) យ៉ាងកុះករ ដើម្បីឧទ្ទិសកុសលជូនញាតិកា និងវីរកងទ័ពជួរមុខ

នាព្រឹកព្រលឹមស្រាងៗ វត្តហ្លួង សង្កាត់លលកស ក្រុងពោធិ៍សាត់ បានរៀបចំពិធីបោះបាយបិណ្ឌ (បិណ្ឌ១២) ក្រោមការដឹកនាំរបស់ព្រះគ្រូ ខាត់ ខេមរា ព្រះចៅអធិការវត្ត និងមានការពុទ្ធបរិស័ទចូលរួមយ៉ាងកុះករ។ ពិធីនេះធ្វើឡើងដើម្បីឧទ្ទិសកុសលជូនញាតិកាប្រាំពីរសណ្តាន ប្រេតពាលី ព្រមទាំងវិញ្ញាណក្ខន្ធវីរកងទ័ពជួរមុខដែលបានពលីជីវិតការពារជាតិ។ ជាមួយគ្នានោះ ព្រះគ្រូអធិការវត្តបានអំពាវនាវឱ្យយុវជន និងពុទ្ធបរិស័ទជួយថែរក្សាមរតកវប្បធម៌ប្រពៃណីជាតិ និងស្វែងយល់ពី បរាភវសូត្រ ដើម្បីចៀសវាងអំពើអបាយមុខ និងការធ្លាក់ចុះថោកទាបក្នុងជីវិត។

ក្រុមការងារចុះជួយសង្កាត់ព្រៃញី ចែកអំណោយជូនពលរដ្ឋខ្វះខាត ចំនួន៣៥០គ្រួសារ ក្នុងឱកាសបុណ្យភ្ជុំបិណ្ឌ នៅវត្តស្រះស្រង់

នយោបាយ

ក្រុមការងារចុះជួយសង្កាត់ព្រៃញី ចែកអំណោយជូនពលរដ្ឋខ្វះខាត ចំនួន៣៥០គ្រួសារ ក្នុងឱកាសបុណ្យភ្ជុំបិណ្ឌ នៅវត្តស្រះស្រង់

លោក ងួន ប៉ោសេង អភិបាលរងនៃគណៈអភិបាលខេត្តពោធិ៍សាត់ និងជាប្រធានក្រុមការងារថ្នាក់ខេត្ត ចុះមូលដ្ឋានសង្កាត់ព្រៃញី រួមជាមួយលោកអនុប្រធាន និងសមាជិក សមាជិកា ក្រុមការងារបានអញ្ជើញចូលរួមក្នុងពិធីសូត្រមន្ត បិណ្ឌទី១២ និងជួបសំណេះសំណាល នាំយកអំណោយមនុស្សធម៌ មកចែកជូនដល់បងប្អូនប្រជាពលរដ្ឋ ក្នុងសង្កាត់ព្រៃញី ក្រុងពោធិ៍សាត់ចំនួន៣៥០គ្រួសារ ដែលបានប្រារព្ធធ្វើនៅ វត្តស្រះស្រង់។