ការិយាល័យគ្រឿងយន្តកសិកម្ម សហការជាមួយវិទ្យាស្ថាន CARDI អនុវត្តការដាំដុះពូជស្រូវផ្ការំដួល នៅស្រុកបាកាន

មន្ត្រីជំនាញចុះអន្តរាគមន៍បន្ទាន់ ករណីមាន់ពូជជាង ៣៥០ក្បាលឈឺ-ងាប់ នៅស្រុកវាលវែង ខេត្តពោធិ៍សាត់

ក្រុមការងារជំនាញដឹកនាំដោយ លោក មួន វុឌ្ឍី អនុប្រធានការិយាល័យផលិតកម្ម និងបសុព្យាបាល រួមជាមួយមន្ត្រីជំនាញ និងអាជ្ញាធរស្រុកវាលវែង បានចុះអន្តរាគមន៍បាញ់ថ្នាំរំងាប់មេរោគភ្លាមៗ នៅសហគមន៍កសិកម្មអភិវឌ្ឍន៍កសិកម្មសុវត្ថិភាពដីក្រហម ស្ថិតក្នុងភូមិដីក្រហម ឃុំអន្លង់រាប ស្រុកវាលវែង ខេត្តពោធិ៍សាត់ ក្រោយទទួលព័ត៌មានពីករណីមាន់ឈឺ និងងាប់ជាបន្តបន្ទាប់។

លោក ហៀម ឃួន អភិបាលរងខេត្តពោធិ៍សាត់ ដឹកនាំកិច្ចប្រជុំត្រួតពិនិត្យលើកិច្ចសន្យាជួលដីទៅឲ្យក្រុមហ៊ុនផលិតថាមពលអគ្គីសនី និងចិញ្ចឹមគោយកទឹកដោះនិងសាច់នៅស្រុកវាលវែង

១ សីហា ២០២៦, ០២:៥៨

លោក ហៀម ឃួន អភិបាលរងខេត្តពោធិ៍សាត់ ដឹកនាំកិច្ចប្រជុំត្រួតពិនិត្យលើកិច្ចសន្យាជួលដីទៅឲ្យក្រុមហ៊ុនផលិតថាមពលអគ្គីសនី និងចិញ្ចឹមគោយកទឹកដោះនិងសាច់នៅស្រុកវាលវែង

រសៀលថ្ងៃទី៣១ ខែកក្កដា ឆ្នាំ២០២៦ នៅសាលប្រជុំកោះសំពៅមាសសាលាខេត្តពោធិ៍សាត់ មានរៀបចំកិច្ចប្រជុំត្រួតពិនិត្យលើកិច្ចសន្យាជួលដីរបស់ក្រុមហ៊ុនសូណាវិទ្យ និងក្រុមហ៊ុន ខេភីអេស អេនើជី ក្រោមអធិបតីភាព លោក ហៀម ឃួន អភិបាលរង នៃគណៈអភិបាលខេត្តពោធិ៍សាត់

៣១ កក្កដា ២០២៦, ១០:៤៣

នៅថ្ងៃទី៣១ ខែកក្កដា ឆ្នាំ២០២៦ រដ្ឋបាលខេត្តពោធិ៍សាត់ បានប្រជុំពិនិត្យកិច្ចសន្យាជួលដីរយៈពេល ៤៩ឆ្នាំ នៅស្រុកវាលវែង ជូនក្រុមហ៊ុន ខេភីអេស អេនើជី (៥,០០០ ហិកតា ផលិតថាមពលអគ្គិសនី) និងក្រុមហ៊ុន សូណាវិទ្យ (១,០០០ ហិកតា ចិញ្ចឹមគោ)។

ដាក់ឱ្យប្រើប្រាស់ម៉ាកសមូហភាព «ក្រូចពោធិ៍សាត់» ដើម្បីទប់ស្កាត់ការក្លែងបន្លំ និងលើកកម្ពស់តម្លៃទីផ្សារ

៣០ កក្កដា ២០២៦, ០៣:២៩

ដាក់ឱ្យប្រើប្រាស់ម៉ាកសមូហភាព «ក្រូចពោធិ៍សាត់» ដើម្បីទប់ស្កាត់ការក្លែងបន្លំ និងលើកកម្ពស់តម្លៃទីផ្សារ

មហាសន្និបាតកំណើតដំបូងរបស់សហគមន៍ផលិតករ និងអាជីវរក្រូចពោធិ៍សាត់ ត្រូវបានរៀបចំឡើងនៅស្រុកភ្នំក្រវាញ ខេត្តពោធិ៍សាត់ ក្រោមអធិបតីភាព ឯកឧត្តម កឹម សុខុន និងលោក ញឹក បានខេង ដើម្បីអនុម័តលក្ខន្តិកៈសហគមន៍ បទបញ្ជាគ្រប់គ្រងការប្រើប្រាស់ម៉ាកសមូហភាព «ក្រូចពោធិ៍សាត់» និងបោះឆ្នោតជ្រើសរើសប្រធានសហគមន៍។

ឯកឧត្តម រដ្ឋមន្ត្រី ឌិត ទីណា ចុះពិនិត្យស្ថានភាពស្រូវខូចខាត និងជំរុញវិធានការអន្តរាគមន៍សង្គ្រោះ និងស្តារការបង្កបង្កើនផលជូនកសិករ

២៨ កក្កដា ២០២៦, ០៣:០៣

ឯកឧត្តម រដ្ឋមន្ត្រី ឌិត ទីណា ចុះពិនិត្យស្ថានភាពស្រូវខូចខាត និងជំរុញវិធានការអន្តរាគមន៍សង្គ្រោះ និងស្តារការបង្កបង្កើនផលជូនកសិករ

ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានដឹកនាំមន្ត្រីជំនាញ និងអន្តរាគមន៍សហការជាមួយស្ថាប័នពាក់ព័ន្ធ ចុះពិនិត្យស្ថានភាពស្រូវរងផលប៉ះពាល់ផ្ទាល់។ ការចុះនេះគឺដើម្បីជំរុញ និងពន្លឿនវិធានការសង្គ្រោះ ក៏ដូចជាស្តារការបង្កបង្កើនផលជូនប្រជាកសិករឱ្យបានទាន់ពេលវេលា។

២៥ កក្កដា ២០២៦, ០១:១៩

គម្រោង CASDP ប្រគល់សម្ភារ-ហេដ្ឋារចនាសម្ព័ន្ធដល់សហគមន៍កសិកម្ម និងចុះជួយដោះស្រាយបញ្ហាមាន់ឈឺនៅស្រុកវាលវែង

ក្នុងឱកាសនោះដែរ ក្រុមការងារជំនាញផលិតកម្មសត្វ និងបសុព្យាបាល បានចុះពិនិត្យទីតាំងចិញ្ចឹមមាន់មេបារបស់កសិករចំនួន ៣គ្រួសារ ដែលកំពុងជួបបញ្ហាមាន់ងាប់។ តាមការសន្និដ្ឋានរបស់មន្ត្រីជំនាញ ករណីនេះបណ្តាលមកពីមេរោគផ្លូវដង្ហើម ដែលបង្កឡើងដោយសារការប្រើប្រាស់អង្កាមទ្រុងគ្មានគុណភាព និងការដឹកជញ្ជូនមាន់មេបាចង្អៀតណែនពេក ធ្វើឱ្យមាន់ចុះខ្សោយ។

ព័ត៌មានថ្មីៗ

អធិការដ្ឋាននគរបាលស្រុកក្រគរ ចាត់កម្លាំងប៉ុស្តិ៍ទាំង ១១ ចុះល្បាតជាប្រចាំ ដើម្បីពង្រឹងសន្តិសុខ និងសុវត្ថិភាពជូនប្រជាពលរដ្ឋ

សន្តិសុខសង្គម

អធិការដ្ឋាននគរបាលស្រុកក្រគរ ចាត់កម្លាំងប៉ុស្តិ៍ទាំង ១១ ចុះល្បាតជាប្រចាំ ដើម្បីពង្រឹងសន្តិសុខ និងសុវត្ថិភាពជូនប្រជាពលរដ្ឋ

ពោធិ៍សាត់៖ ដោយអនុវត្តតាមមតិចង្អុលការដ៏ខ្ពង់ខ្ពស់របស់ លោកឧត្តមសេនីយ៍ទោ ស ថេង ស្នងការនគរបាលខេត្តពោធិ៍សាត់ និងមានការដឹកនាំបញ្ជាផ្ទាល់ពី លោកវរសេនីយ៍ឯក មោក ភារម្យ អធិការនគរបាលស្រុកក្រគរ កម្លាំងប៉ុស្តិ៍នគរបាលរដ្ឋបាលទាំង ១១ ចំណុះអធិការដ្ឋាន បាន និងកំពុងបន្តសកម្មភាពចុះល្បាតជាប្រចាំនៅតាមភូមិសាស្ត្រសំខាន់ៗក្នុងមូលដ្ឋាន។ ការចុះល្បាតនេះ មានគោលបំណង៖ បង្ការ និងបង្ក្រាបបទល្មើសគ្រប់ប្រភេទ ដើម្បីរក្សាសន្តិសុខ និងសណ្តាប់ធ្នាប់សាធារណៈ និងធានាសុវត្ថិភាពជូនប្រជាពលរដ្ឋ ព្រមទាំងបង្កើនទំនុកចិត្តលើការអនុវត្តភារកិច្ចរបស់កងកម្លាំងសមត្ថកិច្ច។ ជាមួយគ្នានេះ អធិការដ្ឋាននគរបាលស្រុកក្រគរ ក៏បានអំពាវនាវដល់បងប្អូនប្រជាពលរដ្ឋទាំងអស់ ចូលរួមសហការជាមួយសមត្ថកិច្ច ដោយរាយការណ៍ជាបន្ទាន់នូវរាល់សកម្មភាព ឬករណីសង្ស័យផ្សេងៗ ដើម្បីរួមគ្នាកសាងភូមិ-ឃុំឱ្យមានសុវត្ថិភាព និងសុខសាន្ត៕

បេក្ខជនប្រឡងបាក់ឌុបឆ្នាំ២០២៦ ក្នុងខេត្តពោធិ៍សាត់ ស្រុះគ្នាទៅពិនិត្យមើលឈ្មោះ និងលេខតុតាមមណ្ឌលប្រឡង

អប់រំ និងកីឡា

បេក្ខជនប្រឡងបាក់ឌុបឆ្នាំ២០២៦ ក្នុងខេត្តពោធិ៍សាត់ ស្រុះគ្នាទៅពិនិត្យមើលឈ្មោះ និងលេខតុតាមមណ្ឌលប្រឡង

ពោធិ៍សាត់៖ សិស្សានុសិស្សដែលជាបេក្ខជនត្រូវប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ឆ្នាំ២០២៦ បានអញ្ជើញទៅពិនិត្យមើលបញ្ជីឈ្មោះ លេខបន្ទប់ និងលេខតុ តាមមណ្ឌលប្រឡងនានាក្នុងខេត្តពោធិ៍សាត់ យ៉ាងច្រើនកុះករ នាថ្ងៃទី៣ ខែសីហា ឆ្នាំ២០២៦ នេះ។ ការចុះពិនិត្យឈ្មោះនេះ ធ្វើឡើងដើម្បីឱ្យបេក្ខជនបានផ្ទៀងផ្ទាត់ទិន្នន័យផ្ទាល់ខ្លួនឡើងវិញ ព្រមទាំងស្គាល់មណ្ឌល និងបន្ទប់ប្រឡងច្បាស់លាស់ សំដៅត្រៀមលក្ខណៈសម្បត្តិឱ្យបានរួចរាល់ មុនថ្ងៃប្រឡងផ្លូវការចូលមកដល់៕

កិច្ចប្រជុំប្រចាំខែកក្កដា ផ្តោតលើការផ្សព្វផ្សាយព្រះរាជក្រឹត្យស្តីពីលក្ខន្តិកៈនៃអង្គគ្រូបង្រៀន

សកម្មភាពអាជ្ញាធរ

កិច្ចប្រជុំប្រចាំខែកក្កដា ផ្តោតលើការផ្សព្វផ្សាយព្រះរាជក្រឹត្យស្តីពីលក្ខន្តិកៈនៃអង្គគ្រូបង្រៀន

ពោធិ៍សាត់៖ លោក អ៊ន សុផល្លា អភិបាល នៃគណៈអភិបាលស្រុកក្រគរ បានអញ្ជើញជាអធិបតីភាពដឹកនាំកិច្ចប្រជុំអាណត្តិ ប្រចាំខែកក្កដា និងការផ្សព្វផ្សាយព្រះរាជក្រឹត្យស្តីពីលក្ខន្តិកៈនៃអង្គគ្រូបង្រៀន នាព្រឹកថ្ងៃទី៣ ខែសីហា ឆ្នាំ២០២៦។ កិច្ចប្រជុំនេះបានប្រព្រឹត្តទៅនៅសាលប្រជុំការិយាល័យអប់រំ យុវជន និងកីឡាស្រុកក្រគរ ដោយមានការអញ្ជើញចូលរួមពីថ្នាក់ដឹកនាំ និងមន្ត្រីពាក់ព័ន្ធជាច្រើនរូប ក្នុងគោលបំណងបូកសរុបលទ្ធផលការងារប្រចាំខែ ក៏ដូចជាបង្កើនការយល់ដឹងអំពីក្របខ័ណ្ឌច្បាប់ និងលក្ខន្តិកៈដល់អង្គគ្រូបង្រៀនក្នុងស្រុកទាំងមូល៕

មន្ទីរធនធានទឹកខេត្តពោធិ៍សាត់ បន្តសកម្មភាពថែទាំប្រព័ន្ធធារាសាស្ត្រ "ក្រូចសើច" ដើម្បីពង្រឹងការផ្គត់ផ្គង់ទឹកស្រោចស្រព

ធនធានទឹក និងឧតុនិយម

មន្ទីរធនធានទឹកខេត្តពោធិ៍សាត់ បន្តសកម្មភាពថែទាំប្រព័ន្ធធារាសាស្ត្រ "ក្រូចសើច" ដើម្បីពង្រឹងការផ្គត់ផ្គង់ទឹកស្រោចស្រព

ពោធិ៍សាត់៖ មន្ទីរធនធានទឹក និងឧតុនិយមខេត្តពោធិ៍សាត់ បានបន្តសកម្មភាពចុះថែទាំជាប្រចាំនូវប្រព័ន្ធធារាសាស្ត្រ ក្រូចសើច ដែលស្ថិតនៅក្នុងឃុំត្រពាំងជង ស្រុកបាកាន ដើម្បីធានាបាននូវប្រសិទ្ធភាពខ្ពស់ក្នុងការគ្រប់គ្រង និងបែងចែកទឹកជូនប្រជាកសិករ នៅថ្ងៃទី៣ ខែសីហា ឆ្នាំ២០២៦។ ប្រព័ន្ធធារាសាស្ត្រក្រូចសើចនេះ មានសមត្ថភាពស្រោចស្រពលើផ្ទៃដីស្រូវវស្សាចំនួន ១,០០០ ហិកតា ស្រូវប្រាំង ៣០០ ហិកតា និងដំណាំរួមផ្សំចំនួន ២០ ហិកតា។ នៅក្នុងសកម្មភាពថែទាំនេះ ក្រុមការងារបាននិងកំពុងបន្ត៖ កាយស្តារប្រឡាយមេ និងសម្អាតជើងទេរប្រឡាយបានប្រវែង ៥០០ ម៉ែត្រ និងការងារបច្ចេកទេស បង្ហាប់គ្រលុកដី និងសម្អាតតាមជើងទេរប្រឡាយផ្នែកខាងក្រៅ។ គួរបញ្ជាក់ថា ប្រព័ន្ធធារាសាស្ត្រនេះមានហេដ្ឋារចនាសម្ព័ន្ធសំខាន់ៗរួមមាន ទំនប់ប្រវែង ២,៥២០ ម៉ែត្រ, ប្រឡាយមេ ១ ខ្សែ (២,៨៩០ ម៉ែត្រ), ប្រឡាយរង ៣ ខ្សែ (៦,៣១០ ម៉ែត្រ), ប្រឡាយដោះទឹក ១ ខ្សែ (៤,៥០០ ម៉ែត្រ) ព្រមទាំងសំណង់ទ្វារទឹក និងលូចែកចាយទឹកជាច្រើនកន្លែងទៀតផងដែរ៕