មន្ទីរកសិកម្មខេត្តពោធិ៍សាត់ រៀបចំវគ្គបណ្តុះបណ្តាលស្តីពី បរិស្ថាន សង្គម ភាពធន់នឹងអាកាសធាតុ និងយេនឌ័រ ដល់សហគមន៍កសិកម្មអូរសោម

(ពោធិ៍សាត់)៖ នាថ្ងៃពុធ ទី២២ ខែកក្កដា ឆ្នាំ២០២៦ ក្រុមការងារទទួលបន្ទុកកម្មវិធី ASPIRE-AT នៃមន្ទីរកសិកម្ម រុក្ខាប្រមាញ់ និងនេសាទខេត្តពោធិ៍សាត់ បានរៀបចំវគ្គបណ្ដុះបណ្ដាលស្ដីពី «កិច្ចការពារសុវត្ថិភាពបរិស្ថាន សង្គម ភាពធន់នឹងអាកាសធាតុ និងយេនឌ័រ» ជូនដល់សមាជិក និងក្រុមប្រឹក្សាសហគមន៍កសិកម្មអភិវឌ្ឍន៍អូរសោម ស្ថិតនៅភូមិឆាយលូក ឃុំអូរសោម ស្រុកវាលវែង ខេត្តពោធិ៍សាត់។ វគ្គបណ្តុះបណ្តាលនេះមានសមាសភាពចូលរួមសរុបចំនួន ៣០នាក់ (ស្រី ២១នាក់) ដោយបានផ្តោតសំខាន់លើប្រធានបទធំៗចំនួន៤ រួមមាន៖ ភាពធន់នឹងអាកាសធាតុ, កិច្ចការពារសុវត្ថិភាពបរិស្ថាន និងសង្គម, យន្តការដោះស្រាយបណ្ដឹងសារទុក្ខ,សមភាព សមធម៌ និងតួនាទីយេនឌ័រ។ ជាលទ្ធផល បន្ទាប់ពីបញ្ចប់វគ្គបណ្តុះបណ្តាលនេះ សិក្ខាកាមទាំងអស់ទទួលបានចំណេះដឹងយ៉ាងជ្រាលជ្រៅលើវិធានការការពារភាពធន់នឹងអាកាសធាតុសម្រាប់ការដាំដុះ, ការពារសុវត្ថិភាពបរិស្ថាន-សង្គម ដែលប៉ះពាល់ដល់សុខមាលភាព និងសន្តិសុខមនុស្ស, យល់ដឹងពីនីតិវិធីដោះស្រាយបណ្តឹងសារទុក្ខក្នុងសហគមន៍ ព្រមទាំងយល់ច្បាស់ពីសមភាព និងតួនាទីយេនឌ័រ ក្នុងការរួមគ្នាធ្វើ រួមគ្នាសម្រេចចិត្ត និងទទួលផលប្រយោជន៍ស្មើៗគ្នាក្នុងសហគមន៍៕